Алматыда жаттығу ретінде дабыл қағылып, сосын шынымен жер сілкінді

Бүгін Алматыда сағат 10:00-де дабыл қағылған еді. Мұны төтенше жағдай қызметінің өкілдері жер сілкінісіне қарсы жаттығу деп кеше ескертті.

Коллаж: Ulysmedia

Қызық болғанда, содан кейін 8 миут өткенде Алматыда шынымен жер сілкінісі тіркелді ғой.

"ҚР ТЖМ "Сейсмологиялық бақылаулар және зерттеулер ұлттық ғылыми орталығы" ЖШС сейсмикалық станциялар желісімен 23 ақпанда 10 сағ. 08 мин. 33 сек. жер сілкінісі тіркелді, эпицентрі Алматы қаласынан оңтүстік-шығысқа қарай 259 шақырым жерде орналасқан Қытай аумағында - афтершок.

Сезгіштігі туралы мәліметтер: Алматы қаласында 2 балл. Зардап шеккендер мен қиратулар туралы ақпарат болған жоқ.
Жағдай тұрақты.
ТЖМ азаматтарға сабыр сақтап, дүрбелеңге берілмеуге кеңес береді", - деп жазды @press_TJM.