Коммуналдық қызметтер неге қымбаттай береді?

Елімізде жыл басынан бері коммуналдық қызметтердің тарифі орташа 20-25 пайыз өскен. Бүгін Ұлттық экномика министрінің бірінші орынбасары Тимур Жақсылықов бұл салада неге қымбатшылық болып жатқанын түсіндірді.

Оның айтуынша, негізі, баға қызмет саласына, аймақтарға қарай әртүрлі болып тұр.

«Кей тариф көбірек, кей тариф азырақ өседі. Кей өңірде көбірек, кей өңірде азырақ өседі. Егер бізге дені дұрыс сумен қамту жүйесі, дені дұрыс жылу жүйесі, сенімді энергетика жүйесі қажет болса, біз оған ақша салуымыз керек. Әрине, тариф өсе береді. Бірақ оның қаншалықты қарқында болатынын мен айта алмаймын», – деді Тимур Жақсылықов.