«NurOtan» партиясының аудандық филиалының ғимаратында ұйымдастырылған зиялы қауым өкілдері мен облыстық мәслихат депутаттығына кандидаттардың кездесу шарасы жоғары деңгейде өтті. Жиынға аудандық филиал жанындағы сайлауалды штабы төрағасының орынбасары Бауыржан Шомпиев, кандидаттар – «Хамит» ауыл шаруашылық өндірістік кооперативінің төрағасы Бақытжан Серманизов пен аудандық орталық аурухана бас дәрігерінің орынбасары Нұрғали Молдахановтар қатысты. Емін-еркін форматта өткен шара барысында кандидаттар аудандық филиалдың сайлауалды бағдарламасын жан-жақты түсіндірді.
–Тұрғындарды мазалайтын мәселелерді саралай келе «Nur Otan» партиясының аудандық филиалы сайлауалды бағдарламасында ауданды дамытудың 7 басым бағыттарын белгілеген.
1. Экономикалық тұрақты аудан;
2. Ыңғайлы аудан;
3. Әлеуметтік қызметке бағдарланған аудан;
4. Жастарға арналған аудан;
5. Мәдениеті мен тарихы бай аудан;
6. Ашық және есеп беретін жергілікті органдар;
7. Қауіпсіз аудан.
Мұндағы басты мақсат – халықтың өмір сүру сапасы мен әл-ауқатын үнемі жақсарту үшін жағдай жасау,-деген кандидаттар 7 басымдықтың маңызын жеке-жеке талдап өтті.
Шара соңында сөз алған зиялы қауым өкілдері «Nur Otan» партиясы тарапынан атқарылып жатқан жұмыстарға қанық екендерін айтып, ризашылық білдірді.
«Nur Otan» партиясы Шардара аудандық филиалының баспасөз қызметі.