Мазмұнға өту
Қылмыс пен жаза
127 жазбалар3 тіркелуші

10 жыл бұрын кәсіпкерді өлтіргені үшін сотталған Тоғаевтың кассациялық шағымы қаралды

Осыдан он жыл бұрын батысқазақстандық белгілі кәсіпкер Виталий Каркуланы өлтіргені үшін өмір бойына бас бостандығынан айырылған Азамат Тоғаевтың кассациялық шағымын Жоғарғы сот қарады.

undefined

Фото: t.me/Jogargy_sot

Тоғаев осы жылдың ақпан айында өзіне қатысты сот актілерін қайта қарау, өзінің іс-әрекеттерін саралаудың дұрыстығына, сондай-ақ жазалау шарасына дау айтып өтінішхат берген.

Оны қараған Жоғарғы Соттың сот алқасы бұрынғы сот актілерін өзгеріссіз қалдыру туралы шешім шығарды, яғни жазасын өтеушінің өтінішхаты қанағаттандырылған жоқ.

1Өмір бойына бас бостандығынан айыру түріндегі тағайындалған жаза жасалған іс-әрекеттердің қоғамға қауіптілігін, әрекетінде қылмыстың қауіпті қайталануын құрайтын бұрын сотталған Тоғаевтың жеке басын және соңғысының аса белсенді қылмысты рөлін ескере отырып, заңды, негізді және әділ болып саналады", - делінген Жоғарғы сот хабарламасында.
Айта кетейік, Батыс Қазақстан облысында белгілі кәсіпкердің өліміне қатысты 2014 жылы маусым айында үш адам сотталған еді. Ол кезде БҚО қылмыстық істер жөніндегі мамандандырылған ауданаралық соты Азамат Тоғаевты өмір бойына, Мерген Иманқұлов пен Кенже Біржановты 22 жылға бас бостандықтарынан айырды.

Олар 2014 жылы қаңтар айында кәсіпкердің үйіне қарақшылық шабуыл жасаған. Соның салдарынан Виталий Каркула оқ тиіп қаза тапса, әйелі, облыстық мәслихаттың депутаты Валентина Каркула ауыр жарақат алды. Қылмыскерлер кәсіпкердің үйінен құны 3 млн теңгеден асатын асыл бұйымдар мен шамамен 1 млн теңге ақшаны алып кеткен.

0
0
333

Ақмола облысында лаңкестіккке қатысты іс бойынша сегіз адам сотталды

Ұлттық қауіпсіздік комитетінің қызметкерлері 7 Қазақстан азаматы және 1 шетелдікті діни-экстремистік ұйымының қызметін ұйымдастырды және оған қатысып, лаңкестікті насихаттады деген күдікпен ұстап, кейін оларға қатысты қылмыстық істі тергеуді аяқтаған еді.

undefined

ҰҚК баспасөз қызметінің хабарлауынша, сотталушылар жанындағыларға идеологияны таратып, зайырлы өмір салтына және конституциялық құрылымға жек көрініштілік тудырған.

Тұрғылықты жерлері бойынша тінтулер барысында мол көлемде діни-экстремистік әдебиеттер мен басқа да заттай дәлелдемелер алынды.

Сотталушы адамдардың үшеуі бұған дейін осындай қылмыс жасағаны үшін сотты болған.

Ақмола гарнизондық әскери соты оларды 1 жылдан 8 жылға дейін бас бостандығынан айырды.

2024 жылғы 2 сәуірде үкім заңды күшіне енді.

0
0
402

Ерлан Тұрғымбаев ұсталды деген ақпаратқа қатысты Бас прокуратура түсініктеме берді

Еліміздің Бас прокуратурасы 2022 жылғы Қаңтардағы оқиғаларына байланысты қылмыстық істерді тергеу жалғастырылып жатқанын хабарлады.
undefined

Коллаж: Orda.kz

"Осы жылдың 29 сәуірінде ауыр зардаптарға әкеп соққан билік пен лауазымдық өкілеттіктерді асыра пайдаланғаны үшін (ҚК-нің 362-бабы 4-бөлігі) Қазақстан Республикасының Қылмыстық іс жүргізу кодексінің 128-бабы тәртібінде ішкі істер экс-министрі Е.З.Тұрғымбаев ұсталды.
Қылмыстық істе мемлекеттік құпияларды құрайтын мәліметтердің болуына байланысты сотқа дейінгі тергеп-тексерудің басқа деректері жария етуге жатпайды", - делінген қадағалаушы органның хабарламасында.
Біз бұрынырақ Ерлан Тұрғымбаевтың ұсталғаны туралы ақпарат тарағанын жазғанбыз.

Ерлан Тұрғымбаев 2019-2022 жылдары Ішкі істер министрі болды. Ол 2022 жылдың ақпанында қызметінен кетіп, тамызда Президенттің кеңесшісі болып тағайындалды. Ал қыркүйекте Қазақстанның ШЫҰ Аймақтық лаңкестікке қарсы құрылымы Атқару комитетінің жанындағы тұрақты өкілі қызметіне кірісті.

0
0
410

Үш елдің полициясы интернет-алаяқтыққа қатысы бар екі трансұлттық қылмыстық топтың әрекетіне тосқауыл қойды

Қазақстан, Украина және Чехия полициясы интернет-алаяқтардың екі трансұлттық қылмыстық тобын жойды.

undefined

Ішкі істер министрлігінің ресми өкілі Шыңғыс Әлекешевтің айтуынша, ІІМ қызметкерлері киберқылмысқа қарсы іс-қимыл шеңберінде жедел-іздестіру іс-шараларын жүргізіп, интернет-алаяқтыққа шетелдік азаматтардың қатысы бар екенін анықтаған.

"Министрлік қызметкерлері қызметтік іссапар барысында Украина Ұлттық полициясымен және Чехия полициясымен бірлесіп, интернет-алаяқтардың екі трансұлттық қылмыстық тобының әрекетіне тосқауыл қойды, – дейді Әлекешев.

Запорожье қаласында алаяқтардың екі call-орталығы жойылған. Қаскүнемдер өздерін банктер мен құқық қорғау органдарының қызметкерлері ретінде таныстырып, қазақстандықтарға қоңырау шалып, олардың шоттарының деректерін алуға тырысыпты. Мұнда 9 адам ұсталды. 17 компьютер, 62 мобильді құрылғы, сондай-ақ 35 грамм “метадон” препараты тәркіленді.
"Одесса қаласында үш алаяқтық call-орталық таратылды. Қаскөйлер жалған инвестициялық компанияларға қаржы салу сылтауымен интернет-алаяқтық жасаған. Мұнда 23 адам ұсталды. 9 күдікті уақытша ұстау изоляторына қамалды. 8 автокөлік, 58 ноутбук, 52 смартфон, 100-ден астам sim-карта, сондай-ақ 200 мың АҚШ долларынан астам сомаға цифрлық активтер тәркіленді. Қазіргі уақытта тергеу және жедел іздестіру амалдары жалғасуда, – дейді ІІМ ресми өкілі.

undefined

Polisia.kz

0
0
440

Қазақстандық келіншектің шабаданға салынған денесі Дубайдың шөл даласынан табылған 

Алматының қылмыстық істер жөніндегі мамандандырылған ауданаралық сотында Диана (Яна) Бейсембаеваны асқан қатігездікпен өлтіру ісі бойынша жабық сот отырысы өтіп жатыр.

undefined

Фото: Experience.tripster.ru 


CMN.kz тілшісінің хабарлауынша, келіншектің чемоданға бөлшектеп салынған денесі Біріккен Араб Әмірліктерінің шөл даласынан табылған.

Сотталушы – 38 жастағы Қазақстан азаматы, марқұм Бейсембаеваның бұрынғы жігіті. Оған ҚР Қылмыстық кодексі 99-бабы 2-бөлігінің 5-тармағы (Аса қатыгездікпен кісі өлтіру) және 120-бабының 1-бөлігі (Зорлау) бойынша екі бірдей айып тағылған.

Сот жабық түрде өтіп жатыр. Сондай-ақ қылмыстық іс материалдарындағы кейбір детальдарды ашып айтуға тыйым салынған.

Бір айта кетерлігі, бұл қылмыс 5 жыл бұрын, яғни 2019 жылдың сәуір айында жасалыпты. Бірақ сот тергеуі енді басталды. Жәбірленуші тараптың адвокаты Ғалым Нұрпейісов бұл тергеуді толық көлемде БАЭ құқық қорғау органдары жүргізгенінен және Қазақстанның тергеушілеріне іс материалдарын содан кейін барып бергенінен деп түсіндірді.     

Адвокат істің мән-жайын айтып берді.

Келіншек елімізде университет бітіріп, кейін Қытайда білім алған. Шанхайда бес жыл жұмыс істеген Бейсембаева қыз туған соң Алматыға келеді. Қазіргі айыпталушымен сол 2017 жылы танысқан. Екеуі алты ай бірге жүріп, сосын марқұмның айтуымен айырылысыпты. Өйткені жігіті оны ұрып-соққан, қорқытқан және зорлаған.

«2019 жылы жігіті оны тауға алдап апарып, зорлаған. Яна құқық қорғау органдарына арыз жазды. Бірақ қылмыскер құтылып кетті. Соған төзе алмаған келіншек атын Диана деп өзгертіп, Дубайға барып жұмысқа тұрып, жаңа өмір бастауға тырысады. Сөйтіп, әлгі адамнан құтылғысы келген. Бірақ ол Бейсембаеваны Дубайдан да тауып алды», – дейді Ғалым Нұрпейісов.

Сөйтіп, әлгі ер адам Диананың Дубайдағы пәтеріне бос шабаданмен барады.    

«Ол қыздың пәтеріндегі ас пышағын алып, оның денесіне төрт рет, қол-аяғына тоғыз рет пышақ сұғады. Сосын ол өлі денені чемоданға салып, жалдамалы көлікпен Дубайдан 50 шақырым жердегі шөл далаға барған. Ер адам қылмыс жасағаннан кейін Қазақстанға қайтып келген», – дейді адвокат.

Оның айтуынша, қазір айыпталушы кінәсін мойындамай отыр екен. Тіпті ол сол күні өзіне Бейсембаевның алгоголь мен есірткіге мас күйінде шабуыл жасағанын, ал пышаққа өзі келіп құлағанын айтыпты.

0
0
1947

КСРО ыдырап жатқан жылы Қырғызстанда қылмыс жасаған адам Павлодарда енді ұсталды

30 жылдан астам уақыт бойы сот төрелігінен жасырынып келген ер адам Павлодарда ұсталды.
undefined
Павлодар облысы ПД криминалдық полиция басқармасының бастығы Балғабай Қапаровтың хабарлауынша, өңірдің жедел уәкілдері жалпы іздеуде жүрген 11 адамның орналасқан жерін анықтаған.

"1991 жылы Қырғызстанның Ыстықкөл облысының аумағында зорлық жасаған ер адам облыс орталығында ұсталды", – дейді Балғабай Қапаров.

33 жыл бойы ұстатпай келген күдікті жасаған қылмыстың басқа мән-жайы айтылмай отыр.


Polisia.kz

0
0
490

Үш адамның өліміне себепкер болған автобус жолаушысына қатысты сот үкімі шықты

Алматыда үш адамның өліміне әкеп соққан жол апатына кінәлі № 47-бағыттағы автобустың жолаушысы Дархан Ахметжановқа қатысты сот үкімі шықты.

undefined

Алматы қаласының қылмыстық істер жөніндегі мамандандырылған ауданаралық сотында ҚР Қылмыстық кодексінің 351-бабының 3-бөлігі және 293-бабының 1-бөлігі бойынша Ахметжановқа қатысты қылмыстық іс қаралды.

Сот Дархан Ахметжановты 8 жылға бас бостандығынан айырды. Ол жазасын ең төменгі қауіпсіздік мекемесінде өтейді.

Сондай-ақ, Ахметжанов марқұм Айдос Құсайыновтың әйелі Айнұр Құсайыноваға 6 393 250 теңге материалдық өтемақы, 5 млн теңге моральдық өтемақы, адвокаттың қызметі үшін 250 мың теңге, ал әке-шешесінен айырылған Ерасыл Байдуәлиевке 10 млн теңге моральдық өтемақы, адвокаттың қызметі үшін 200 мың теңге төлеуге міндеттелді.

undefined

Жантүршігерлік оқиға өткен жылы желтоқсан айында болған еді. Алматыдағы № 47 бағыттағы автобуста Дархан Ахметжанов жанжал шығарып, жүргізуші әйелді ұрған. Соның салдарынан әйел есінен танып, көлікті тізгіндей алмай, аялдамада тұрған бір топ адамды қағып өтеді. Жол апатынан 3 адам қаза тауып, 7 адам зардап шекті. Көз жұмғандардың екеуі ерлі-зайыпты мұғалімдер еді.

0
0
470

9 кәсіпкерді жүздеген миллионға сан соқтырған азамат Ресейден экстрадицияланды

Ресейден бірнеше мәрте алаяқтық жасаған күдікті экстрадицияланды.
undefined
Қазақстанның Бас прокуратурасы тұрақты негізде адал кәсіпкерлердің құқықтарын қорғауды жүзеге асырады.

Осыған байланысты Ресейден бірнеше мәрте алаяқтық жасаған күдіктіні қылмыстық жауапкершілікке тарту үшін Ресей тарапы экстрадициялауға қатысты шаруаны аяқтады.

Аталған тұлға 2022-2023 жылдар аралығында шет елдерден азық-түліктің көтермепартияларын жеткізу сылтауымен алаяқтық жолмен 9 кәсіпкердің жалпы сомасы 470 млн теңгеден астам ақшалай қаражатын иемденген.

Қылмыс жасағаннан кейін күдікті жасырынып, осыған байланысты халықаралық iздестiру жарияланды. Өткен жылдың желтоқсан айында Мәскеу аумағында ұсталды.

Қазіргі уақытта күдікті тергеу изоляторына қамалды.

Аталған қылмыс жасағаны үшін мүлкі тәркіленіп, 5 жылдан 10 жылға дейінгі мерзімге бас бостандығынан айыру жазасы қарастырылған.


https://t.me/GenPr

0
0
541