Мазмұнға өту
Қылмыс пен жаза
127 жазбалар3 тіркелуші

Сотталушы қаза тапқандардың туыстары мен зардап шеккендерден жылап тұрып кешірім сұрады

Алматыда 3 адамды автобус қағып өлтіруіне себепкер болған Дархан Ахметжановқа қатысты бүгінгі сот отырысында айыпталушы соңғы сөзін айтты.

undefined

«Қаза болған адамдардың отбасыларынан кешірім сұрағым келеді. Арты қайырлы болсын. Түсінемін, сіздерге өте ауыр. Сіздермен бірге менің де жүрегім ауырып тұр. Қайғыларыңызға ортақпын. Мені кінәлі деп танып жатсаңыздар, шын жүректен кешірулеріңізді сұраймын. Жарақат алған адамдардан да кешірім сұраймын. Алла дендеріңізге саулық берсін, шипасын берсін. Жазылып кетіңіздер. Және де өзімнің отбасымнан, ата-анамнан кешірім сұраймын. Оларды осындай қиын жағдайға қалдырғаным үшін, уайымға салдырғаным үшін кешірім сұраймын», – деді Ахметжанов.

Айта кетейік, прокурор оны 8 жылға бас бостандығынан айыруды және қаза тапқандардың отбасылары мен зардап шеккендерге өтемақы төлетуді сұраған болатын.

Ал айыпталушының адвокаты өз қорғауындағы адамды бас бостандығынан айырмай жазалауды және өтемақы төлеуді «ДуманТрансКом» автопаркі басшылығының мойнына артуды сұрады.

Бұл іске қатысты сот үкімі бүгін сағат 16:30-да шығарылуы тиіс.

0
0
485

Атырау облысында от қойылған пәтерден балалардың өлі денелері табылды

Пәтердегі өрттен екі бала қаза тапты. Полиция күдіктіні қамауға алды.

undefined

AtyrauPress-тің Атырау облысы Полиция департаментінің баспасөз қызметіне сүйеніп хабарлауынша, 25 сәуірде сағат таңғы 05:40 шамасында Индер ауданындағы Индербор кентінде тұрғын үйдің пәтерлерінің бірінде түтін шығып жатқаны туралы хабарлама түскен. Өрт сөндірушілер оқиға орнына жеткен кезде пәтер толықтай жанып кеткен.

Пәтердің жатын бөлмесінен 7 және 10 жастағы балалардың өлі денелері табылды. Сондай-ақ , олардың 28 жастағы анасы мен 30 жастағы ер адам  ес-түссіз күйде табылып, аудандық аурухананың жансақтау бөліміне жеткізілген. 

Аудандық полиция бөлімінің жедел тергеу тобы оқиға орнынан жанар май иісі бар құты қалдықтарын анықтаған. Және де жақын жердегі жанар май бекетінен бензин сатып алған 31 жастағы жәбірленушінің танысы бейнекамералар арқылы анықталды. Жедел-іздестіру шаралары барысында күдікті тез арада ізін суытпай Орал қаласына бағыт алған жерінен ұсталды. Сөйтіп, ол уақытша ұстау қапасына қамалды.

Қазіргі таңда күдіктіге қатысты бөгде адамды құқыққа қарсы қасақана қазаға ұшырату, екі немесе одан да көп адамды өлтіру, аса қатыгездiкпен, басқа адамдардың өмiрiне қауiптi тәсiлмен, төтенше жағдай кезінде жасалған және жасөспірімдерді өлтіруге жаза қарастыратын баптар бойынша қылмыстық іс қозғалып, тергеу жүргізілуде. Мұндай қылмыс үшін бас бостандығынан өмір бойына жазасы көзделген.

0
0
328

Шымкентте бірнеше жалған полицей ұсталды

Шымкентте ұйымдасқан қылмысқа қарсы күрес бөлімшесінің қызметкерлері қала тұрғындарына күш қолдану арқылы үлкен көлемдегі қаражатты ашық түрде иемденген үш ер адамды ұстады.

undefined

Ішкі істер министрлігінің ресми өкілі Шыңғыс Әлекешевтің айтуынша, күдіктілер полиция қызметкерлерінің атын жамылып, тұрақты түрде ақша бопсалаумен айналысқан. Яғни “қорғауға” аламыз деп, ай сайын төлем талап етіпті. Ұсталғандардың бірінен полиция қызметкерінің жалған қызметтік куәлігі тәркіленді. Ал екіншісі алаяқтық үшін бұрын сотталған болып шыққан.

"Мұндай әрекеттер өз міндеттерін адал атқаратын ішкі істер органдары қызметкерлерінің беделіне нұқсан келтіреді. Сондықтан оларға қатаң түрде тосқауыл қойылатын болады. Күдіктілердің барлығы ұсталып, уақытша ұстау изоляторына қамалды. Бопсалау, тонау және билік өкілі атағын өз бетінше иемденіп алу фактілері бойынша қылмыстық іс қозғалды. Қазір олардың осыған ұқсас басқа қылмыстарға қатысы бар-жоғы тексеріліп жатыр. Қаскөйлер 10 жылға дейін бас бостандығынан айырылуы мүмкінй, – дейді Шыңғыс Әлекешев.

Polisia.kz

0
0
498

Алматыдағы барда арнайы операция жүргізілді

Алматы прокуратурасының бастамасы бойынша ҰҚКБ қызметкерлері қаланың түнгі ойын-сауық орындарының бірінде есірткі заттарын тарату жөніндегі қызметтің жолын кесті.

undefined

Арнайы операция нәтижесінде жұмыс орнында синтетикалық «мефедрон» есірткісін сатқан 21 жастағы лаундж-бардың қызметкері (кальяншы) ұсталды.

Қазіргі уақытта тергеу жүргізілуде.

 

Алматы қаласының прокуратурасы

0
0
351

Павлодар облысында заңсыз күзет қызметі әшкере болды

Кереку өңірінде полиция қызметкерлері заңсыз күзет қызметін анықтады.

undefined

Павлодар облысында ПД ұйымдасқан қылмысқа қарсы күрес жөніндегі жедел уәкілдері қаланың ойын-сауық мекемелерінде рұқсат құжаттарынсыз қауіпсіздікті қамтамасыз ету және фейс-бақылау бойынша заңсыз күзет қызметін жүзеге асырған Павлодар қаласының тұрғындарын анықтап, ұстады.

"Тергеу барысында қатысушылардың қаланың 12 ойын-сауық орындарында заңсыз күзет қызметін ұйымдастырғаны анықталды. Онда олар маргиналдық жастар қатарынан, спорттық дайындықтан өткен, біліктілік талаптары жоқ, күзет ретінде жұмысты жүзеге асыру үшін жас жігіттерді жинаған, еңбек шарттары жасалмаған. Заңсыз күзет қызметі фактісі бойынша сотқа дейінгі тергеу басталды", – деді Павлодар облысы ПД Ұйымдасқан қалмысқа қарсы күрес басқармасының бастығы Ғабит Қабдрахманов.

Өңірде ең көп баратын 12 ойын-сауық мекемесіне тексеру жүргізу барысында күзет қызметін жүзеге асыратын 30-ға жуық адам, оның ішінде заңсыз күзет агенттігінің ұйымдастырушылары полицияға жеткізілді.

Полицияның пайымдауынша, заңсыз күзет қызметін ұйымдастырушылар 200 млн теңгеден астам табыс тапқан.


Polisia.kz

0
0
330

Тағы бір іске қатысты сот отырысы тікелей эфирде беріле бастады

Бұл - Алматыда автобус жүргізушісін ұрып, соның салдарынан үш адамның өліміне себепкер болған тұрғынға қатысты сот.

"ҚР Жоғарғы соты және сот әкімшілігі республика соттарының сот отырыстарын тікелей эфирде өткізу практикасын жалғастыруда.

Алматы қаласында бұзақылық жасап, көлікті қауіпсіз пайдалануды қамтамасыз ету ережелерін бұзып, абайсызда үш адамның өліміне әкеп соқтырғаны үшін айыпталған сотталушыға қатысты қылмыстық іс бойынша кезекті сот отырысы өтеді (ҚР ҚК-нің 293-бабының 1-бөлігі, 351-бабының 3-бөлігі).
Сот отырысына қоғамның қызығушылығын ескеріп, сот отырыстарының онлайн-трансляциясын ұйымдастыру туралы шешім қабылданды", - делінген Жоғарғы сот хабарламасында.

Естеріңізге салсақ, сотталушы А. 47-ші бағыттағы автобустың әйел жүргізушісін соққылаған еді. Соның салдарынан жүргізуші әйел есінен танып қалып, аялдамада тұрған адамдарды автобуспен басып өтті. Сөйтіп, осы оқиғадан үш адам қаза тапқан болатын.



0
0
412

Бишімбаев көріпкелден Салтанаттың жағдайы жақсы деп жазуды сұраған

Бүгін Қуандық Бишімбаевтың ісі бойынша сот отырысына Салтанат қайтыс болатын күні экс-шенеунік хабарласқан көріпкел әйел онлайн түрде қатысты.

undefined

Көріпкел қазір өзіне қоқаң-лоққы жасалып жатқанын алға тартып, жабық түрде жауап алуды сұрады. Прокурор Айжан Аймағанова да сондай өтініш берді.

Судья бұл өтінішті қанағаттандырмады. Бірақ ол көріпкелден оның жеке мәліметтерін жарияламай және түрін көрсетпей жауап алынсын деді.

Сонымен, жұмбақ көріпкелдің айтуынша, Бишімбаев телефонмен хабарласқанда оның ішіп алғаны байқалған. Әйел бірден «Салтанатқа жедел жәрдем шақыр» депті.

«Ол 9 қараша күні телефон соғып: «Салтанат екеуміз қатты мас болып, қырғын төбелестік» деді. Мен бұны шын қабылдаған жоқпын. Сағат 15:00 мен 16:00-де бірінші қоңырау соғылды. Мен оған жедел жәрдем шақыру керектігін айттым. Аспалы укол салсын дедім. Ол маған: «Қайдағы жедел жәрдем? Есін жисын да» деді. Қозғалмай ұйықтап жатқанын айтты.

Маған қайта-қайта телефон соға берді. Ол адам төзгісіз болып кетті. «Оның (Салтанат Нүкенованың – ред.) өзін жақсы сезінетінін, бәрі жақсы екенін жазыңызшы» деп өтінді. Ол мас еді. Мен телефонды баса салдым. Ол сөзін мұқият ойланып айтты», – дейді көріпкел әйел.

Айта кетейік, Қуандық Бишімбаев бұрын бұл көріпкелден жұмыс бойынша кеңес алып жүрген.

0
0
330