Футболдан Қазақстан чемпионатының бірінші лигасында бұрынғыша Көкшетаудың «Оқжетпесі» көш бастап келеді. Сенбі күні өткен кезекті турда «Оқжетпес» ЦСКА-ны 5:2 есебімен ойсырата ұтып, ұпай санын 55-ке жеткізді. Көкшеліктердің премьер-лига жолдамасы үшін негізгі қарсыластары да жеңіске жетті. Екінші орындағы Шымкенттің «Қыраны» Екібастұзды 3:1, үшінші сатыдағы Ақтаудың «Каспийі» Қаратауда жергілікті «Лашынды» 1:0 есебімен жеңді, бұларда 54 және 51 ұпайдан бар. Біріншіліктен шығып қалған Қарағандының «Гефест» командасымен ойнауы тиіс «Ақжайықтың» еншісіне де үш ұпай қосылды. Батысқазақстандықтардың «Каспиймен» ұпайы тең. Бесінші орындағы «Астана-1964» командасы да үмітін үзе қойған жоқ. Мергендер көшін «Жетісу-Сұңқардан» Константин Задорожный мен «Қыраннан» Санат Жұмаханов 19 доппен көш баст…

Қазақстандық балуан Максим Раков (100 келіге дейін) Астанада өтіп жатқан дзюдо додасының гран-приін ұтып алды.

Ақтық сында жерлесіміз германиялық балуан Дмитрий Петерспен белдесті. Қарсыласынан басым түскен Максим байрақты бәсекенің жеңімпазы атанды.

Раковтың бұл жүлдесі Қазақстан үшін өз елімізде өткізген Гран-придің алтыншы жүлдесі болып отыр. Бұған дейін Елдос Сметов (60 кг дейін) алтыннан алқа тақса,  Жансай Смағұлов (66 кг дейін) күміс медальді еншілеген. Сондай-ақ, Асхат Телманов (60 кг дейін), Әзиз Қалқаманұлы (81 кг дейін) және Зарина Абрасуловалар (78 кг-ден жоғары) «қоламен» марапатталған.

АСТАНА. ҚазАқпарат

Алматы қаласының әкімі Ахметжан Есімов Халықаралық олимпиада комитетінің (ХОК) президенті Томас Бахпен кездесу өткізді, деп хабарлайды әкімдіктің баспасөз қызметі. Кездесу барысында оңтүстік астананың әкімі Алматыда 1077 спорт нысаны барын, оның 14-і заманауи халықаралық стандарттарға толықтай сай келетінін атап өтті. 2017 жылғы Бүкіләлемдік студенттер ойыны басталғанға дейін тағы қосымша 2 мұз айдыны және 5000 орындық көп қызметті жүзеге асыратын атлетика ауылы салынатындығын айтты. «2011 жылы өткен Азия ойынынан мол тәжірибе жинадық, соны 2017 жылғы Бүкіләлемдік қысқы универсиада кезінде пайдаланбақпыз. Оның ішіне логистика және қауіпсіздік жүйесімен жұмыс, спорт нысандарын басқару және қызметкерлерге арналған танымдық бағдарламаларды ұйымдастыру жатады», — деді А. Есімов. Алматыда алда…

18 қазанда АҚШ-тың Калифорния штатының Карсон қаласында WBA (Super) нұсқасы бойынша орта салмақтағы әлем чемпионы, 32 жастағы қазақстандық боксшы Геннадий Головкин мексикалық Марко Антонио Рубиомен кездеседі, деп жазады sports.kz. Головкин бірнеше жылдан бері Абель Санчестің жетекшілігімен жаттығып келеді және Калифорния штатында бірінші рет жұдырықтасқалы тұр. «Мен басқа боксшылардың StubHub Center-да өткен кездесулерінде көп болдым. Және әр кездесу сайын жанкүйерлердің маған деген қолдаулары арта түсті. Лос-Анджелесте де солай. Сондықтан да Марко Антонио Рубиомен өтетін кездесу бұл — Оңтүстік Калифорниядағы менің барлық жанкүйерлеріме деген сыйым. Мен 18 қазанда StubHub Center-де жұдырықтасатыныма өте қуаныштымын. Оны келіп көретіндер мен теледидардан тамашалайтындарға үлкен шоу болады…

Жапонияның Осака қаласында өтіп жатқан халықаралық турнирде әлемнің 37-інші, осы турнирдің бесінші ракеткасы, қазақстандық Зарина Дияс испандық Лара Арруабарренаны 6:0, 6:1 есебімен ойсырата ұтты. Зарина ширек финалда хорват қызы Ана Конюхпен күш сынасады. Ол екінші айналымда аталмыш жарыстың төртінші ракеткасы, американдық Коко Вандевегені үш партияда жеңіп, жолдан тайдырды. Ширек финалда тағы бір қазақстандық Юлия Путинцева австралиялық, осы турнирдің бірінші ракеткасы әрі өткен жылғы жеңімпазы Саманта Стосурмен кездеседі. Айта кетейік, Осака турнирінде ширек финалға шыққандардың ішінде 21 жастан үлкені С.Стосур ғана, ол 30-да. З.Дияс пен украиналық Элина Свитолина 20-да, Ю.Путинцева мен америкалық Мэдисон Кис 19-да, тағы бір америкалық Лорен Дэвис пен тайландтық Луксика Кумкхум 21-де,…

Халықаралық әуесқой бокс қауымдастығы (АИБА) APB (АИБА Кәсіпқой Боксы) жобасының 60 келі салмақ дәрежесіндегі сайыстары Астана қаласында өтетін болды. Бұл туралы бүгін Қазақстан бокс федерациясының баспасөз қызметінен хабарлады. Бокс сайыстары «Дәулет» спорт кешенінде үстіміздегі жылдың 24-ші қазанында, 21 қарашасында және 20-шы желтоқсанында өтеді. Ал финалдық кездесулер өтетін күн 2015 жылдың 30-шы қаңтары деп белгіленді. Бұл салмақ категориясында Ақтау қаласының тумасы Берік Әбдірахманов, бразилиялық боксшы Робсон Консейсао (2013 жылғы ӘЧ күміс жүлдегері), италиялық Доменико Валентино (2013 жылғы ӘЧ қола жүлдегері), ресейлік Дмитрий Полянский (РФ екі дүркін чемпионы), германиялық Артур Бриль (жастар арасындағы бұрынғы әлем чемпионы), өзбек Хұршид Тәжібаев, филиппиндік Чарли Суарес және…

Футболдан Қазақстанның Премьер-Лигасында өнер көрсететін Алматының «Қайрат» командасының бір емес, үш белді ойыншысы жарақаттарына байланысты уақытша негізгі құрамнан шығып қалды, деп хабарлады команданың баспасөз қызметінен. Белгілі болғанындай, 27-ші турда «Ақтөбе» командасымен болатын ойын алдындағы жаттығуда команда капитаны, 36 жастағы Самат Смақов пен ойын барысында шабуылшы Жерар Гоу бұлшық етін зақымдаған. Ал жартылай қорғаушы Йосип Кнежевич белін емдету үшін отаны Хорватияға ұшып кетті. Айта кетелік, «Қайрат» — биыл чемпиондық атаққа басты үміткер команда. Алматылықтар 34 ұпаймен турнир кестесінде әзірге алда келеді. Ал «Астана» командасы 30 ұпаймен екінші орынға тұрақтады. Өткен жылғы ел чемпионы «Ақтөбе» командасы болса, 24 ұпаймен үшінші орында. Биылғы маусымның соңы өте шиеле…

Петропавлда салынып жатқан жаңа заманауи спорт сарайының құрылысына 2 млрд. теңгеден астам қаржы жұмсалады. Онда мұз айдыны, жеңіл атлетика манежі және спорт залдары орналасады. Қазіргі кезде құрылысшылар металл құрастырмаларын орнатуда. Нысанда 60 адам — басқа өңірлерде мұз айдыны құрылысымен айналысқан елордалық «Вилена» компаниясының қызметкерлері еңбек етуде. Нысанды толық күйінде тапсыру жоспарлануда, құрылысшылар ғимаратты салумен қатар, оның ішін де жайластырады, мұз жасау үшін қажетті техниканы сатып алады. «Биылғы жыл 1 млрд. теңгеден астам қаржыны игермекпіз. Біздермен Мәскеуден жеткізуші жұмыс жасауда. Қарашаның ортасына дейін біз барлық металл құрастырмаларын орнатамыз және оны панельдермен және витраждармен жабуды бастаймыз». — деді «Вилена» ЖШС учаскесінің бастығы Азамат Ана…

Американың Нью-Джерси қаласында қарулы күштер арасында еркін күрестен Әлем чемпионаты аяқталды. Аталмыш бәсекеде жерлесіміз Ғалымжан Өсербаев 74 келі салмақ дәрежесінде алтын жүлдені иеленді. Бұл туралы облыстық дене шынықтыру және спорт басқармасының баспасөз қызметі хабарласты.

Айта кетейік, былтырғы жылы Иранда қарулы күштер арасында өткен Әлем чемпионатында Ғалымжан екінші орынды иеленген болатын.

Сондай-ақ, 65 келі салмақта Азамат Шағапұлы қола жүлдеге ие болды.

Облыстық жоғары спорт шеберлігі мектебінде тәлім алатын қос спортшыны жарысқа ҚР еңбек сіңірген жаттықтырушысы Әбутәліп Аманов пен Серік Әбдімәуленов дайындады.

Енді спортшылар қараша айында Астана қаласында болатын ҚР кубогына қатысады.

Автор: Елубай Әуезов
Басты сөздер: Қызылорда облысы , Спорт

ҚЫЗЫЛОРДА. ҚазАқпарат