Мазмұнға өту

Жаңа

Казак елінен Қазақ Еліне сәлем

Сәуірдің бірінші жұлдызында "Эйр Астана" компаниясының Астана-Киев бағытындағы жаңа әуе рейсінің ашылуына орай мен үшін Украинаға сапар шегіп қайтудың керемет мүмкіндігі туды. 17 ғасырдың ортасында француз инженер-картографы Гийом Ле Васер Де Топлан қазіргі Украина аумағын "Terra Cosaccorum" (Казак Елі) деп атаған. Егер Украинада жүріп, майда-шүйдесіне дейін үңіле зерттесеңіз, онда қазақтар мен казактар тек ұқсас атаулар ғана болып шықпай, екеуінің кейбір тарихи және мәдени тұстарының ұқсастығын да байқайсыз. Айтпақшы, Украинада қазір 80 мыңнан аса қазақтар тұрады және украиндар халықтар достығын аса құрметтейді. Мысалы, 2005 жылы Ұлы Отан соғысында қайтыс болған Алғадай Жамбылұлына (Жамбыл Жабайұлының ұлы) Днепропетровск облысында ескерткіш орнатылды.

Өте қызықты факт: Украинаның кейбір аудандарындағы молаларда көп балбалтастар (украин тілінде каменная баба) табылды. Осы дәстур бұл жерлерде 9-13 ғасырлар аралығында өмір сүрген қыпшақтардан қалған. Ал украин тіліндегі "баба" сөзі түркі сөзі "балбалдан" шыққан.

Мамай слобода этнографиялық мұражайында украиндардың дәстүрлі архитектурасы, тұрмыс пен табиғатының бұрышы жасалған.

Дәстүр бойынша ірi казак ауылдарында ауқатты шаруалар шағын мейрамхананың («шиноктың») иелері болған.

Шиноктың иесі әйел кіреберісте тіл-көзге қарсы пияз, сарымсақ пен басқа көкөністерді іліп қояды.

Украин пеші.

Украинада асты ерекше қастерлеп, оны өнер сияқты қабылдайды. Егер Киевте болсаңыз, бірінші кезекте шие қосылған варениктерді татып көруіңізді ұсынамын. Мен Қазақстанда варениктерді сан рет жесем де, олар украин варениктерімен бір қатарда көріне қалмайды.

Казак пен оның оқушысы. Казактардың терминдері қазақ тіліне өте жақын. Мысалы, казактардың жасағы "кош" деп аталады. Ал қазақ әскерінде сайланған немесе сайлаусыз тағайындалған басшысы - "атаман" аталады. Бұл сөздің этимологиясына қатысты ең таралған екі пікір бар. Біріншісі - "атаман" сөзі "атамын" сөзінен, ал екіншісі - "ата" және "мың", яғни "мың басшысы" сөздерінің сыңарласуынан шыққан деседі.

Ежелгi украин сигнализациясы. Казактар дұшпанды байқап қалғанда жанармай жағып, күбілерді өртеу арқылы ауылға мобилизациялау туралы белгі берген.

Казактардың ағаштан салынған шіркеуі.

Қазiргi Киев - ескі ғимараттары көп әсем қала. Бүкіл қаланың орталығы БҰҰ Білім, Ғылым және Мәдениет Ұйымының Әлемдік мұра нысандары тізіміне кіреді.

1905 жылы құрылған киевтік фуникулер.

Осы фуникулер Ресей империясында екінші болды (алғашқы көтергіш 19 ғасырда Одесса қаласында жобаланған). Фуникулер әлі болмаған кезде қала тұргындары Подол ауданынан Жоғарғы Киевке ағаштан істелген баспалдақпен жоғары көтерілген.

"Укрпошта" мен "Нова Поштаның" (Жаңа Пошта) жәшіктері. Атауына қарамастан "Жаңа Поштаның" жәшіктері ескірек көрінеді.

Украинаның ең басты дариясы - Днепр өзені.

Атақты украин ақыны Тарас Шевченко Манғыстауға 7 жылға жер аудырылғанда Днепр туралы белгілі өлең жазды:

І виріс я на чужині,

І сивію в чужому краї:

То одинокому мені

Здається — кращого немає

Нічого в Бога, як Дніпро

Та наша славная країна...

1659 жылы ашылған Киев-Могилян академиясы - Украина мен Шығыс Еуропаның ең ескі жоғары оқу орындарының бірі.

Қаланың орталық алаңы - Майдан Незалежності (Тәуелсіздік алаңы) мен "Украина" қонақ үйі.

Самсонға 1748 жылда салынған ескерткіш. Ескерткiштің тарихы қызықты - қаланың әкімі Санкт-Петербордағы Самсон су бұрқақ сияқты ескерткiшті Киевте де салуды қалады. Мүсiншi Санкт-Петербордағы ескерткіштің өңсіз ұқсынын салды - бұл статуяда арыстан мысыққа, ал палуан Самсон - цирк айуандарын жаттықтырушыға ұқсайды. Бiрақ әкім бұл ескерткішті өте ұнатқан, сол себебі осы кезге дейін киевтік Самсон талғамсыздықтың үлгісі бола алады.

"Первак" мейрамхананың терезелері.

Киев архитектурасының ерекшелігі - үлкен әдемі балкондар.

Украина ұлттық банкінің ғимараты. Мен осы балконда мәлімдеме жасап тұрған ұлттық банкіміздің төрағасы Григорий Марченконы көз алдыма елестеттім.

Киевтiң ең танымал ғимараттарының бірі - химералары бар үй. Алғашқыда тұрғын үй ретінде салынғанымен, қазіргі уақытта осы ғимаратта Украина президентінің резиденциясы орналасқан.

 

Мүйізтұмсық.

Үйдің төбесі.

Андрей түсеберісіндегі (Андреевский спуск) орналасқан қазіргі заманғы ескерткіш.

Назарларыңызға рахмет! Саяхатымыздың жалғасы бар: [1] [2]

Мені Твиттерде оқи аласыздар: @YakovFedorov

17
7
4307

Көз тимесін!


Павлодар облыстық «Сарыарқа самалы» газетінің тілшілері осыдан бір жыл бұрын қалың жұртшылықтан «Дүниеге үшем келді!» деп сүйінші сұрап, қазаққа ортақ қуанышпен бөліскен еді. Бұл - облыстық перзентханада соңғы сегіз жылда қуанышты оқиға еді.  Батырхан және Ольга Нұрғазиндердің отбасында шекесі торсықтай үш ұл бала дүниеге келді.

Ольга Нұрғазинаны батыр ана деп атауға әбден құқылымыз. Себебі, үшемді дүниеге аман-есен әкелу нағыз ерлікке пара-пар дүние емес пе? «Алғашқы рет ауруханаға қабылдауға келіп, дәрігердің «Сізде үшем болады» деген сөзін естігенде, әрине, біраз қобалжыдым. Құдайдың жазғаны ғой. Қуанышымда шек болмады», - деп алғашқы әсерімен бөлісті анасы. Бір ана құрсағынан туған үш ұлға Аңсар, Әнуар және Арлан деген есімдер берілген. Ольга мен Батырханның шаңырағында үшемнің үш жасар ағасы Санжар болса, анасына қолқанат, бауырларын ойнатуға жарап қалған.

Ана болу бақытына ие болған 23 жасар Ольга болса, құрсақ көтеріп, қазақтың санын көбейтуге әзір екенін жасырмайды. «Бір қолымен әлемді, бір қолымен бесікті тербеткен ана атты құрметті атқа ие болып отырғаныма қуаныштымын. Мен үшін ана болудан артық бақыт жоқ. Болашақта, қыз сүйсем деген арманым да жоқ емес», - дейді О.Нұрғазина.

Баспана демекші, қазіргі кезде Батырхан мен Ольга жалдамалы екі бөлмелі пәтерде тұрып жатыр. «Көп тілегі – көл» деген сөз бар. Осыған орай, еліміздің демографиялық ахуалына қомақты үлес қосқан Нұрғазиндер отбасы баспанала болса деген тілек қана бар

 
4
3
2860

Алматыда Microsoft корпорациясы өткізген ең ірі студенттік жарыс — Imagine Cup 2013-тің финалы өтті

Microsoft корпорациясының қолдауымен 2003 жылдан бері өткізіліп келе жатқан, студенттер арасындағы ең ірі технологиялық жарыстарының бірі, Imagine Cup атты конкурстың Алматы қаласындағы кезекті финалы өтті. Ал Қазақстан командалары бұл конкурста 2009-жылдан бері қатысып келе жатыр.

Әлемдік деңгейде өзін көрсету мүмкіндігіне ие болу үшін, бұл жарысқа Қазақ-Британдық Техникалық университетінің, Халықаралық Ақпараттық Технологиялар университінің және Халықаралық Бизнес университетінің атынан 9 команда конкурсқа қатысты.

Оларды атап өтетін болсақ: Merado, RedHawks, UniSoft, Estimatix, NLax, NaVi, Samrat, MedsHelper және Frienbioz.

Ал командалардың басты мақсаты - өздерінің білімін қолдану арқылы, Ақпараттық Технологияларды қолданып әлемдегі мәселелерді қалай шешуге болатынын көрсету.

Студент жобалары, адам денсаулығы (ГМО-ны анықтау), балалар аутизмі және көлік апаттары мәселесін шешуге бағытталды. Сондай-ақ кітап оқу процесін өзгертумен және ойындар арқылы білім алумен айналысты.

 

Команда жобалары 3 түрлі бөлімде сынға түсті:

1) World Citizenship (Әлеуметтік жобалар)

2) Innovations (Инновация)

3) Games (Ойындар)

 

"Ойындар" бөлімінің жеңімпазы "SmartRun" ойынын жасаған UniSoft командасы атанды. "Инновация" бөлімінде Windows Phone 8 платформасына арналған "TwinBooks" атты бағдарламаны ұсынған RedHawks командасы жеңіске ие болды. "Әлеуметтік жобалар" бөліміне келетін болсақ, бұл бөлімнің бас жүлдесі Merado командасына берілді. Merado командасының "Edible" атты бағдарламасы азық-түлік өнімдерінің сапасын басқарып отыруға өз көмегін тигізе алады. Яғни бұл бағдарламаның көмегімен, қолданушы өнімде ГМО бар немесе жоқтығын анықтай алады.

 

UniSoft командасының өз жобасын көрсетуде:

 

RedHawks командасы:

 

Merado командасы

 

Басқа команда жобаларын көру үшін төмендегі сілтемелер арқылы өтсеңіз болады:

•       Estimatix: http://youtu.be/3JPF0LVDi0Q

•       NLax: http://youtu.be/HEnXqrpH64M

•       NaVi: http://youtu.be/WTmVI2lL9Fc

•       Samrat: http://youtu.be/JvA9H-MHlCA

•       MedsHelper: http://youtu.be/GoAmJUx4QZE

•       Frienbioz: http://youtu.be/AdamzZ5wato

 

Жеңімпаздарды марапаттау

 

Конкурстың нәтижесі бойынша, Санкт-Петербург қаласында, шілде айында өтетін әлемдік финалда Қазақстанды Merado командасы ұсынатын болды. Бұл жылы Санкт-Петербург қаласында өтетін әлемдік финалда, 340 мың АҚШ доллары болатын басты жүлдеге 109 мемлекеттен 100-ден астам команда күресетін болады. Сонымен қоса, Microsoft корпорациясы үздік командаларға, ортақ сомасы 3 млн. доллар болатын гранттар ұсынатын болады.

(с) Alisher Toiguliyev

4
3
713

Жауынгерлік парадқа дайындық жалғасуда

Жамбыл облысындағы «Отар» 40-ыншы әскери базасы ауданына Отан қорғаушылары күніне арналған Жауынгерлік парадқа қатысушы әскерлердің шоғырлануы аяқталды. Келген бөлімшелердің жеке құрамы далалық лагерьдегі шатырларға орналасып Жауынгерлік парадты өткізу жоспары бойынша дайындыққа кірісіп кетті.

Бүгін полигонда командалық-штабтық дайындық барысында  парадты өткізу кезіндегі барлық іс-қимылдар егжей-тегжейлі пысықталды. Әскерлердің жауынгерлік парадқа дайындығын практикалық тұрғыда Қазақстан Қарулы Күштері Құрлық әскерлерінің бас қолбасшысы генерал-лейтенант Мұрат Майкеев жетекшілік етуде.

– Әскерилер үшін тұңғыш рет өткізілгелі тұрған Жауынгерлік парад кең көлемді жаттығуға қатысумен бірдей болып тұр. Бөлімшелер практикалық дайындықтар барысында өзара іс-қимыл сұрақтарын түбегейлі  пысықтайтын болса, офицерлер парадтың кезеңдерін жоспарлауда және бөлімшелерді басқаруда әскери өнерді жоғары деңгейде пайдалана білуге ұмтылмақ,- дейді  Мұрат Майкеев.

Қазіргі кезде «Отар» 40-ыншы әскери базасында қару-жарақ пен әскери техниканы және полигон  нысандарын дайындау қызу жүргізілуде. 7 мамыр Отан қорғаушылар күні Жауынгерлік парад тікелей эфир арқылы таратылады. Онда көрсетілетін жауынгерлеріміздің іс-қимылын бүкіл еліміз тамашалайтын болады.

Мұндай Жауынгерлік парад Қазақстан Қарулы Күштері тарихында тұңғыш рет өткізіліп отыр. Онда Құрлық әскерлерінің барлық  қару-жарақ түрлерінен жауынгерлік атыстар жүзеге асырылады. Әуе қорғаныс ы күштері аспан кеңістігінде өз шеберліктерін танытады. Жауынгерлік парадқа барлығы 7 мың әскери қызметшілер, 400-ден астам бронды машиналар, автотехникалар, 80-нен астам ұшақтар мен тікұшақтар қатысады.

 

ҚР ҚМ Баспасөз қызметі

0
0
433