Мазмұнға өту

Жаңа

Әскери-спорттық ойындар жалауын көтерді

 
Биыл Қазақстан Қарулы Күштері 7 мамыр Отан қорғаушылар күнін мемлекеттік мереке ретінде тұңғыш рет атап өтпек. Мерекеге орай 7 мамыр күні «Отар» 40-шы әскери базасында Қарулы Күштер тарихында тұңғыш рет Жауынгерлік парад өткізілмек. Аталған мереке аясында Қорғаныс ведомствосында бірқатар игі істер атқарылып жатқандығы жұртшылыққа аян. Сондай шараның бірі Астана қаласындағы «Жас ұлан» метебінде бүгін тұсауын кесті.

«Жас ұлан» республикалық мектебі мен республикалық әскери мектеп интернаттарының тәрбиеленушілері арасында Қорғаныс министрінің бірінші орынбасары – Қарулы Күштер Бас штабы бастығының жүлдесі үшін әскери-спорттық ойындар алғаш рет жалауын көтерді.

Салтанатты сап түзеген түлектерді Қорғаныс министрінің бірінші орынбасары – Қарулы Күштер Бас штабы бастығы генерал-полковник С. Жасұзақов турнирдің басталуымен құттықтады.
Мектеп оқушылары алдында сөз сөйлеген «Қарулы Күштер ардагерлері» Республикалық қоғамдық бірлестігінің өкілі запастағы генерал-майор М.Нағұманов, Қазақстан Республикасы Қорғаныс министрлігі Білім және ғылым департаментінің бастығы генерал-майор Е.Оразов түлектерге жылы лебіздерін білдірді.
Салтанатты рәсімнен кейін армия генералы С.Қ.Нұрмағамбетов атындағы «Жас ұлан» мектебінің, Т.Бигелдінов атындағы әскери мектеп-интернаттың (Қарағанды қаласы), Б.Момышұлы атындағы әскери мектеп-интернаттың (Алматы қаласы), С.Рахимов атындағы әскери мектеп-интернаттың (Шымкент қаласы) 15-17 жастағы 300-ден астам оқушылары салтанатты сап түзеп өтті.
«Жас ұлан» республикалық мектебі мен республикалық әскери мектеп интернаттарының тәрбиеленушілері арасында өтетін жарыстың ауқымы кең. Оқушылар жүгіруден, кіші калибрлі винтовкадан нысана көздеуден, автоматты бөлшектеп жинаудан, граната лақтырудан, кір тасын көтеруден және тағы басқа әскери спорт түрлерінен күш сынасады.
Жарыстың мақсаты тәрбиеленушілердің бойында әскери-техникалық білім, білік пен дағдыны қалыптастыру, батылдыққа, ұйымдастырушылыққа тәрбиелеу, тәртіп пен жолдастық сезімді қалыптастыру болып табылады.
Болашақ жауынгерлер төрт күн бойы өзара сайысқа түседі. Өздеріне Отан қорғаушылар мамандығын таңдай отырып, әрқайсысы жауынгерлік бауырластық заңы – тек ойын емес екенін, ал осы уақытқа дейінгі және қазіргі кездегі ең мықты ер азаматтарымыздың ар-намыс кодексі екенін есте сақтауы тиіс. Түлектердің бүгінгі турнирде жеңіске жетіп, спорттық шеберліктерін шыңдауына тілектеспіз.
Бүгін басталған сайыстар 26 сәуір күні аяқталып, жеңімпаз команда Кубокпен және грамоталармен марапатталатын болады.
ҚР ҚМ Баспасөз қызметі
   
0
0
747

«Астана жастары, әскер — біртұтас» атты әскери-патриоттық көрме

Бүгін Астана қаласы, Отан қорғаушылар алаңында "Астана жастары, әскер - біртұтас" атты әскери-патриоттық көрме өтті. Алаңда халық көп. Отан қорғаушылар мерекесін тойлау басталып кетті!

Әскер қатарындағы жауынгерлер дайындық үстінде.

Әскери-патриоттық көрме және мерекелік жиныға жиналған саптағы отан қорғаушылар сақадай сай.

Бәрі жүрегіне қолын қойып, хормен әнұран айтуда. Салтанатты жиын ашық деп жарияланады.

Ортаға тұғыры биік Туымызды ардақтап алып шықты.

Оқтай тізілген Отан қорғаушылар. Бірдей киім, бірдей қимыл. Темірдей тәртіп. Иә, бұлар - біздің мақтанышымыз!

Жауынгерлер түрлі жаттығулар көрсетті.

Отан - Ана монументі. Қолына тостаған ұстаған ана айналасына мейірім төге қарап тұрғандай. Монументтің жоғарғы жағында бидай бар. Ол - тоқшылық белгісі.

Көк Тудың желбірегені

Жаныма қуат береді. (с)

0
0
2176

Қазақстанның Бас Прокуроры Асхат Дауылбаев Австрия Республикасына сапары аясында Австрия Сыртқы істер министрлігінің Бас хатшысы Йоганнес Кирлемен кездесу өткізді.

Сұхбат барысында тараптар құқық саласындағы ынтымақтастықтың белсенділігін одан әрі арттыру болашағын талқылады. Қазақстан делегациясы сапарының орнатылған жемісті өзара қарым-қатынастарды әрі қарай нығайту мен құқықтық жүйелердің даму тәжірибесімен алмасу үшін маңызды қадам болып табылатыны атап өтілді.

Осы бағытта Қазақстанның Еуропа Кеңесінің қылмыстық іс жүргізу саласындағы төрт конвенциясына қосылуы жөніндегі мәселелерге ерекше көңіл бөлінді. А.Дауылбаев Қазақстанның заңнамасы азаматтардың құқықтары мен бостандығын қорғау саласындағы барлық халықаралық стандарттарға  сәйкес келу үшін серпінді дамып және жетілдіріліп жатқанын атап өтті. Осыған орай,  еуропалық конвенцияларға қосылу аталған мақсаттарды жүзеге асыруға толығымен себепші болады.

Й.Кирле қонағына сапары үшін алғысын білдіріп, Австрия тарапы а.ж. қарашасынан бастап Еуропалық Кеңеске төрағалық ететінін және осы тұрғыда Қазақстанның аталмыш конвенцияларға қосылуына көмек көрсететіні туралы хабарлады. Сонымен қатар, ол екіжақты үлгідегі ынтымақтастықты Қылмыстық істер бойынша өзара құқықтық көмек көрсету туралы шарт жасасу жолымен тереңдету мүмкіндігін қарастыруды ұсынды. Австрия Сыртқы істер министрлігінің Бас хатшысы өзара сенім принциптері негізінде екіжақты ынтымақтастықтың одан әрі артатынына үміт білдірді.

0
0
387

Воннегуттан дәріс алыңыздар

23 сәуір — Кітап күні


Курт Воннегут «Көркем әдебиет пішіні» курсында білім алып жатқан студенттерге семестрлік тапсырма ретінде жіберген хаты:

30 қараша 1965 жыл.

Қымбаттыларым!

Біздің курс «Көркем әдебиет пішіні мен теориясы» ретінде басталған еді, кейін ол «Көркем әдебиет пішініне» айналды, одан кейін «Көркем әдебиеттің пішіні мен құрылымына», одан «Үстірт сын немесе мықты маман секілді сөзді сүзіп алу» деп аталды. Мүмкін «қара ақпанға» дейін ол «мал шаруашылығына» да айналып үлгерер. Осыдан көптеген жылдар бұрын менің сүйікті достарымның бірі айтпақшы: «Бөркіңді шешпе — біз әлі жеткен жоқпыз».

Сендердің курс жұмыстарыңа келетін болсақ, мен сендерден цинизммен қатар әділдікті талап етемін. Әлемнің жаратылысына тағзым етулеріңді, еш қиналмастан таң қалуларыңды қалаймын, алайда сендердің терең орныққан көзқарастарыңды немесе дүние жайлы танымдарыңды қорлаған суреткерлерге ұялмай қарсы шығуларыңды сұраймын. Бұл «бәрінен маңызды»...

Сендерден «Заманауи әңгіме шеберлері» («Masters of the Modern Short Story») (У. Хэвигхерст редакторлығымен, 1955, Harcourt, Brace, 14,95 доллар, жұмсақ мұқабада) атты топтамадан 15 әңгіме оқып шығуларыңды сұраймын. Әр әңгімеден ләззат алып, осыдан 7 минут бұрын ең жақсы ішімдіктен бірнеше рет сіміріп алғандай оқи отырыңдар. «Кішкентай бала сияқты болмасаңыздар...»

Содан соң таза ақ парақ алып, оған кітап мазмұнын жазып қойыңыз, парақтардың нөмірін қалдырып, олардың орнына бестен нөлге дейінгі бағаңызды жазып шығыңыздар. Бұл бағалау өзімшіл, ұятсыз баланың қанағаттану немесе қанағаттанбау көрсеткіштері секілді болуы тиіс. Маған сендердің нені, қалай бағалап жатқандарың маңызды емес. Бар болғаны, сендерге бір әңгіме екіншісіне қарағанда көбірек ұнауы тиіс.

Осыдан кейін өзіңізді университетке еш қатысы жоқ сапалы әдеби журналдың кіші, бірақ ақылды редакторы ретінде елестетіңіз. Енді сізге ең ұнаған үш әңгіме мен ең ұнамаған үш әңгімені, жалпы саны алты әңгімені, таңдап алыңыз да, оларды журналға жариялау керек деп ойлаңыз. Сөйтіп ақылды, құрметті, тапқыр, бірақ өмірден шаршап-шалдыққан редакция басшысына әр әңгіме туралы өз пікіріңізді жазыңыз.

Осыны академиялық сыншы, өнерге берілген адам, не әдебиет нарығындағы хайуан секілді жазбаңыз. Қарапайым саналы адам ретінде әңгімені сәтті ететін не, және оның сәтсіздігіне кінәлі нәрселерді практикалық тұрғыдан тізіп шығыңыз. Оны қалағаныңызша мақтаңыз немесе даттаңыз, бірақ сабырлы, салмақты болыңыз және сізді толғандыратын, әрі ұнайтын жерлеріне аса мән бере отырып жазыңыз. Шынайы болыңыз. Өзгеге еліктеуге тырыспаңыз. Оған қоса, жақсы редактор болыңыз. Құдай көріп тұр, әлемге жақсы редакторлар көбірек қажет.

Сендер бұл жерде 80 адамсыңдар, ал мен соқыр болып қалуымды немесе сендердің біреулеріңді өлтіріп қоюды қаламаймын, сондықтан әрқайсыңнан 20 беттен жеткілікті. Ызаланбаңыз. Бір жерде тұрып қалмаңыз. Және маған түсінікті сөздерді ғана қолданыңыздар.

Аударма: ИноСМИ,

Түпнұсқа: Slate

Қазақшалаған: Айнұр Ракишева

 

Курт Воннегут — американдық жазушы, сатирик және суретші. 1922 жылдың 11 қарашасында Индианаполисте қарапайым архитектордың отбасында дүниеге келіп, 2007 жылдың 11 сәуірінде Нью-Йорк қаласында өмірден озған. Курт Воннегут Американың ХХ ғасырдағы ең танымал жазушылар қатарында. «The Sirens of Titan» (1959), «Mother Night» (1961), «Slaughterhouse-Five» (1969), «Breakfast of Champions» (1973) сынды сатира, тұрпайы юмор және ғылыми фантастика элементтерін жинақтаған туындылардың авторы.

7
1
767

Бюджеттік Awei құлаққаптарына шолу

Қазір сапалы дауыстың артынан қуып келе жатқандар көп. Бірі қымбат, бірі құлаққа өте зиян деп жатады. Мен өзім бір емес, бірнеше құлаққап ауыстырып шықтым. Біреуін аласың, ертесінде бұзылып қалады, немесе бір сағат тыңдағаннан кейін басың ауыра бастайды, ал кейбіреуі тіптім ыңғайсыз. Біраз іздеуден соң қымбат емес құлаққаптарға жолықтым. Бүгін Awei өндірушісі ұсынған бір емес 3 құлаққапты сынға қойып, "бағасы сапасына лайық па, әлде өте үнемді алынған құлаққап па?" - деген сұраққа жауап беруге тырысамын.

Айтпақшы, құлаққаптардың қорабынан ашылуы жайлы бейнені осыған дейін редакторымыз Рустам көрсетіп кеткен болатын. Оны көру үшін мына сілтеме арқылы өтсеңіз болады: Распаковка наушников Awei.

 

Бұл шолуды әдеттегідей емес, сәл басқалай жасап көрейін деп шештім. Осыған орай шолу процесінде, әуен меломаны, Бақдәудеттің үйіне баруға бел будым. Себебі Бақдәулет күні-түні әуендер тыңдауды өте жақсы көреді, және де меломан. Шолу жүзінде құлаққаптардың барлық түрін бір бірімен салыстырып шықтық. Сонымен қоса 2 түрлі әуен көзімен тексеріп шықтық:

1) iPod nano 6

2) Samsung Galaxy Note II

 

Бақдәулет Бекжанов

 

Awei компаниясының үш құлаққаптарының атап өтетін болсақ, олар мынадай:

1) ES300M  - бағасы 990 теңгеден бастап

2) ES400I - бағасы 1530 теңгеден бастап

3) S90vi - бағасы 1990 теңгеден бастап

 

1) Алғашқы болып, арасындағы ең арзаны - Awei ES300M атты моделі сынауға алдық.

Қорабы және сыртқы келбеті

Қорабында, құлаққаптан бөлек, 2 жұп қосымша жастықшалары, кішігірім құжат және киім немесе басқа да жерлерге қыстырып қойуға арналған қыстырғыш бар. Қорабының дизайны өте әдемі жасалынған, бірақ бізге маңыздысы дизайн емес, дауыс жағы. Құлақшын материалы пластик. Құлаққап бауы жалпақ қылып жасалынған, бұл құлаққаптың оралып шатасып қалуына жол бермейді.

 

Дауысы

Бақдаулеттің айтуы бойынша: "Ең бірінші көзге түскені - түсі. Түсі өте әдемі және салмағы жеп жеңіл. Басқа құлақшындар арасында құлақта өте ыңғйлы тұрады және ауыртпайды. Мысалға, Samsung смартфондарының құлаққаптарымен 1 сағаттан артық тыңдау мүмкін емес, басты және құлақты ауыртады. Дауысы жағынан айту қиын, айырмашылық оңайлықпен байқалмайды. Меніңше дауыс өте жақсы деңгейде шығып тұр. Және екі өнімде де дауыс бірдей."

Өзімнің пікірімді айтатын болсам, Бақдәулетпен толық келісемін. Салмақтың жеңілдігі спортпен айналысатын адамдарға және көп қозғалыста болатындарға өте ыңғайлы. Ал құлақ ішінде ыңғайлы тұрғанына байланысты ұзақ уақытқа дейін тағып жүре бере аласыз. Салмағының жеңілдігіне материалын пластик қылу арқылы жетіп отыр.

Кемшіліктері

Жоғарғы жиілікті ойнату кезінде әлсіздігін танытты. Алайда өз бағасына әлдеқайда жоғары деңгейде жауап беріп тұр.

 

2) Келесі кезекте Awei ES400I моделі

Сыртқы келбеті және жинақтамасы

Қорабының дизайнына қарап арзан құлаққап деп айта алмайсың. Қорабының дизайны жақсы жасалған.

Көзді қызықтыратын дизайны және қызыл түсі.

Құрамында бірнеше қызықты қосымшалар бар. Біріншісі - құлаққапты салып жүргенге арналған қорап, екіншісі - қыстырғыш (Awei құлаққаптарының барлығында бар болуы керек), ал үшіншісі телефонмен сөйлесуге арналған микрофон. Жинақтамада  қосымша жастықшалар бар. Бауы алдыңғы өнімдікіндей жалпақ болып жасалынған. Құлаққап түптері металлдан жасалынып біраз салмақ қосып тұр. Бұл бірден артықшылығы және кемшілігі. Артықшылығы - сапасы жақсы болады, ал кемшілігі - салмағының ауырлығы.

 

Бақдәулеттің пікіріне тоқталатын болсақ: "Бірінші орында дизайны көзге түсті, әсіресе қызыл түсі және құлаққаптың өрнектері. Металл құлаққапқа біраз салмақ қосып тұрған секілді. Және де бір ұнаған қосымшасы - микрофоны. Микрофон тексеру кезінле өзінің сапасын өте жоғарыда тұрғанын көрсетті. Ал дауыс сапасында айырмашылық байқалмайды."

Кемшіліктері

Мен үшін кемшіліктерінің бірі - салмағы. Себебі мен құлақта жеңіл тұрғанды ұнататын адаммын. Көп қозғалыста және жаттығу кезінде ыңғайсыздау. Алайда бұл тек менің пікірім бойынша. Басқа жағынан тек қана "өте жақсы" деген баға берер едім!

 

3) Үшінші және соңғы құлаққап - Awei S90vi моделі

Сыртқы келбеті және жинақтамасы

Қорабы, Awei құлаққаптарының барлығы секілді, өте кермет жасалынған! Жинақтамасы алдыңғы нұсқаға ұқсас: Жасанды былғарыдан жасалынған қорапша, қосымша жастықшалар, жастықшалар бұл жерде 2 жұп емес, 4 жұп, түрлі түсті жастықшалардан бөлек, ішінде тағы стандартты, қара түсті тағы 2 жұп бар.

 

Басты айырмашылығы - басқару пультінде және бауының жарты бетінің қара түсінде. Пульт, біраз жұмысты оңайлатады. Мысалға, әуен дауысын басқару, әуенді тоқтату немесе басқа әуенге ауыстыру деген секілділер.

 

Бақдаулеттің ойынша, құлаққап өте керемет! Дауысы деген алдыңғылармен салыстырғанда жақсырақ, тұнығырақ және жоғарғы жиіліктегі әндерді жақсы ойнатады. "Ал дизайны жағынана Monster Beats өнімдеріне қатты ұқсатқысы келген. Қызыл түс және ұқсас дизайн дәл осы ойға алып келіп тұр" - дейді Бақдаулет.

 

Үкім

Бүгін студиямыздың қонағы болған Awei компаниясының 3 құлаққаптарына шолу міне осылай. Біз тек өз ойымызды айтып шықтық, таңдау өздеріңізден. Таңдау тізімі өте үлкен, осыдан басқа Awei құлаққаптарының тағыда бірнеше түрі бар, сапалары жағынан бір-бірінен алыс емес, тек қана сыртқы келбеті өзгеше болып келеді.

 

"Қытай өнімдері нашар деген дай ғана стереотип. Аспан асты елі өнімдерді бәсекелестерден мүлде кем жасамайды. Спалары, дауысы жағынан еш қалып тұрған жоқ. Өзіме қатты ұнады, алуға болады деген кеңес беремін" - деп Бақдаулет өзінің үкімін шығарды.

Осы өнімдердің ішінен өзіме ES300M моделін таңдап алдым. Себебі, бағасы арзан, сапасы жаман емес және салмағы өте жеңіл. Салмақ мен үшін өте маңызды, себебі спортпен айналысқан уақытта кедергі жасамай, керісінше өзінен ләззәт алуға көмегін тигізеді.

 

- Алуға болады ма?

- Әрине! Бағасы сапасымен салыстырғанда өте жақсы қатынаста!

 

Құлаққаптар Awei өнімдерінің ресми дистрибьюторы, Mac'di Distribution компаниясымен ұсынылған.

(c) Alisher Toiguliyev, @toiguliyev

4
2
2265

Первые финалисты «Қазақстан Барысы»

 

Понадобилось всего лишь 5 секунд, чтобы определить лучшего в третьем отборочном этапе самого масштабного проекта страны в Мангистауской области, сообщает пресс-служба Фонда.

18-летний Жанабай Мейрамбек (85 кг) — студент факультета физической культуры и спорта политехнического колледжа, в финальной схватке одолел не только соперника старше себя, но и намного тяжелее.

Впервые принявший участие в проекте, Мейрамбек стремительно шел вперед, побеждая в очередной схватке, которая сокращала путь к титулу. Сегодня, он уже победитель областного этапа.

— Я был уверен в своих силах, уверен в победе! — прокомментировал Мейрамбек свой 5 секундный финальный выход на ковер.

Одним броском талантливый парень поставил точку в схватке с титулованным Болатбеком Тотеновым (120 кг). 30-летнемуработнику местной исполнительной власти Болатбеку такой легкий проигрыш стал для самого неожиданностью.

— Я очень расстроен, но у меня еще есть надежда показать себя лучше в финале «Қазақстан Барысы», — поделился Болатбек.

Напомним, что Мангистауская область открыла парад определения финалистов республиканского проекта по қазақ күресі, генеральным спонсором которого является ФНБ «Самрук-Казына».

22-24 апреля о своих права на участие в финале будут заявлять лучшие палуаны Западно-Казахстанской области. Приглашаем всех болельщиков увидеть зрелищные бои, в том числе прошлогодних финалистов Армана Абеуова и Еділя Усенова.

А Болатбек и Мейрамбек из Мангистауской области уже начали подготовку к финалу проекта.

 
0
0
262

Әскери полиция құрылған күнін атап өтті

Бүгін Қазақстан Республикасы Қарулы Күштерінің Әскери полициясы құрылғанына 16 жыл толуын атап өтуде. Ол 1997 жылы сәуір айында Қарулы Күштерде құқық қорғауды қамтамасыз ету мақсатында, сондай-ақ әскери қылмыстарды тексеру үшін «Қазақстан Республикасы құқық қорғау органдарының жүйесін одан әрі реформалау жөніндегі шаралар туралы» Елбасының Жарлығымен құрылған болатын.

– Қазіргі кезде әскери полиция органдарында төрт әскери полиция отряды, 16 бөлім, 4 бөлімше және әскери полиция мамандарын даярлайтын Орталық жұмыс істеп тұр,- дейді әскери полиция бас басқармасының бастығы полковник Тимур Дәндібаев,–олардың барлығы заманауй құралдармен және әскери техникамен жабдықталған.

Әскери тәртіп пен құқық тәртібі әскерлердің жауынгерлік даярлығының негізі болып саналады. Бүгінде әскерлердің күнделікті тыныс-тіршілігін әскери полицияның қатысуынсыз елестету мүмкін емес.

Әскери полиция құқық бұзушылықтың алдын алу, әскери техниканы алып жүру, гарнизондарда патрульдік қызмет, жаттығу кезінде құқықтық тәртіпті қамтамасыз ету, қылмысты ашу және оның жолын кесу, әскери қызметшілерді іздестіру сияқты маңызды міндеттермен қоса басқа көптеген функцияларды атқарады. Өзінің құрылған күнінен бастап әскери полиция органдары орасан зор жұмыстар атқарды. Оны Қарулы Күштерде тіркелген тәртіп бұзушылықтыңжыл сайын кеміп келе жатқандығынан көруге болады.

Құрылған күні қарсаңында Ақмола өңірлік гарнизоны Әскери полиция отряды ашық есік күнін өткізді. Оған астаналық № 34 мектептің оқушылары шақырылды. Оқушылар әскери полицияда өткізілген ерекше экскурсияға дән риза болды. Олар осындағы әскери қару-жарақтар мен әскери техниканы, мергендердің, гранатаметшілердің, арнайы мақсаттағы әскерлердің киім-кешекүлгілері мен жабдықтарды көріп тамашалады. Әскери полиция отрядының алаңында балалар арнайы үйретілген иттердің іс-қимылын көру мүмкіндігіне ие болды.

Қазіргі таңда әскери полицияның Қарулы Күштердегі орны ерекше. Әскери бөлімдер мен тәрбие құрылымдары арасындағы жүйелі жұмыстың нәтижесінде әскерлерде тәртіп бұзушылықты айтарлықтай қысқартуға қол жеткізілді.

 

ҚР ҚМ Баспасөз қызметі

0
0
829

2013 жылғы 19 сәуірде ҚР Дін істері агенттігі Мәдениеттер мен діндердің халықаралық орталығының директоры, философия ғылымдарының докторы А. Әбуов Л.Н. Гумилев атындағы Еуразия ұлттық университетінде болып, көпшілік алдында дәріс оқыды.

Кездесуге ҚР Парламент Сенатының депутаты, академик Ғ. Есім, Еуразия ұлттық университетінің проректоры, филология ғылымдарының докторы Д. Қамзабекұлы және аталмыш оқу орнының оқытушылары мен студенттері қатысты.

Дәріс барысында қазіргі заманғы ислам мәдениетінің өзекті мәселелері, оның  бүгінгі замандағы және әлемдік мәдениеттегі маңызы туралы, сондай-ақ бұл үрдістегі Қожа Ахмет Ясауидың рухани мұрасының рөлі жөнінде әңгіме өрбіді.

Сонымен қатар, бүгінгі жаһандану заманында мәдени келісім мен ықпалдастықтың, және дінаралық қатынастардың елдегі тұрақтықты сақтап қалудағы алар орны жайлы да сөз қозғалды.

Шара соңында қатысушылар алғыстарын айтып, қызығушылық танытқан мәселелері бойынша сұрақтар қойып, толыққанды жауаптар алды.

 
0
0
276

«Шегініс» түрік сериалы

Жолдың ақыры ма, жаңа өмірдің бастауы ма?

Сіз күйеуіңіздің қайда екенін білесіз бе? Мен де осы сұраққа әрқашан жауап бере алам деп ойлаған едім. Бірақ бір күні мен білуге тиіс емес бір жайттң бетін аштым. Мен сіздерге жаралы жүректер мен достық туралы оқиғаны баяндап берем. Менімен бірге осы жолды жүріп өтуге дайынсыз ба?

Менің атым Айлин. Қарапайым, бақытты әйел едім, жұмысым, бақытты да бақуатты отбасым мен Селим атты күйеуім бар еді. Біздің отбасымызда әрбір әйелдің бақыты үшін қажеттінің бәрі болды – махаббатқа, сыйластыққа құрылған шаңырақ, түсіністік. Мен күйеуіміз екеуміздің арамызда ешқандай құпия-сыр жоқ деп ойлап келдім, менен бақытты жан жоқ еді... Құдайым-ай, мен қалай қателесіп келгенмін.

Менің бақытты да тыныш өмірім бір сәтте өзгеріп кетті. Дүние теріс айналғандай. Бәрі де күтпеген жердер болған еді. Бірде таңертең күйеуімді әуежайға шығарып салдым. Екеуміз бір-бірімізбен қимай қоштастық. Содан соң Селим отырған ұшақ әуе апатына ұшырады деген қаралы хабар жетті. Апатта тірі қалған адам жоқ...
Өмірім тоқтап қалғандай... Айналадағы адамдардың бәрі бұрынғыша қуанып, көңіл көтеріп өмір сүріп жатты. Ал мен өзімді күйеуіммен бірге өліп кеткендей, тек қана құр сүлдерімді сүйретіп жүргендей күйде сезіндім. Ойымда тек күйеуімнің мәйітін қайтарып алып, жер қойнына тапсыру ғана болды. Ең болмаса бейітінің басына барып тұрармын деп ойладым.
Осы кезде маған әуе компаниясының қызметкерлері таңғаларлық жаңалық хабарлады. Апатқа ұшыраған ұшақ жолаушыларының тізімінде Селим жоқ. Сол кездегі қуанышымды көрсеңіздер ғой, ол тірі, қайда болса да дін аман. Енді мен күйеуімді табуға тиіспін. Осы оймен әуежайдың бейне бақылау камерасын тексеруге кірістім. Камерадан көрген жағдай мені тіпті есеңгіретіп жіберді. Сүйікті күйеуім бөтен әйелмен кездесіп, әуежайдан шығып кетті. Күйеуімнің өлімін есту мен мына жағдайдың арасында айырмашылық бар-жоғын біле алмай дал болдым...
Селимді қайдан табам, мына әйел кім? Ештеңе түсінер емеспін, не болып жатқанын біле алмай қалдым. Күйеуім қайда деген сұраққа жауап іздеймін деп нені басымнан өткермедім. Иранға тұтқынға да түстім. Бірақ тағдыр деген қызық қой. Мен ол жақта өзімді-өзім табуыма көмектескен бір адамды жолықтырдым. Ол маған: «Айлин, қош бол деп айт! Сенің жаңа өмірің басталады,» -  деді.
Мен сіздерге жаралы жүректер мен достық туралы оқиға баяндап берем. Шегініс. Сіз осы жолды менімен бірге жүріп өтуге және шындықты білуге дайынсыз ба?

http://www.31.kz/ru/video/63023/index.phtml

0
0
789