Жаңа

2015 жылғы 28 тамызда Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл Агенттігінің Оңтүстік Қазақстан облысы бойынша департаменті «КЕМЕЛ» Республикалық қоғамдық бірлестігімен бірлесе Шымкент көлік, коммуникация және жаңа технологиялар колледжінде Мемлекет басшысымен ұсынылған «100 нақты қадам – Ұлт жоспарын» іске асыру мақсатында «Отанға қызмет ету - парыз» тақырыбында форум өткізілді. Форумның негізгі мақсаты - қоғамның жаһандық және ішкі сын-қатерлерге жауап беретін Елбасымыздың жоспарларын түсіндіру және еліміздің әрі қарай қарыштап дамуына қызмет етуі болып табылады. Іс-шараға Департамент қызметкерлері, аудан қала әкімдіктерінің қызметкерлері, аудан қала маслихаттарының өкілдері, сондай-ақ ОҚО бойынша түрлі облыстық басқармалардың және аума…

Қазақстанда міндетті әлеуметтік медициналық сақтандыруды енгізу мемлекеттің, жұмыс беруші мен азаматтардың денсаулық сақтау бойынша ортақ жауапкершілігін қамтамасыз етумен қатар, бірінші кезекте алғашқы медико-санитарлық көмекті, жеке медицинаны дамыту, медициналық ұйымдар арасындағы бәсекелестікті күшейтудің негізінде медициналық қызметтердің сапасы мен қолжетімділігін арттырады. Сондай-ақ, әлеуметтік медициналық сақтандыру Қорын құру бейресми төлемдер деңгейін төмендетуге ықпал етеді. ҚР Денсаулық сақтау және әлеуметтік даму министрлігі «Міндетті әлеуметтік медициналық сақтандыру туралы» ҚР Заң жобасын Мемлекет басшысы айқындаған бес институционалды реформаны іске асыру жөніндегі 100 нақты қадам – Ұлт жоспарының 80-қадамын іске асыру шеңберінде әзірледі. Заң жобасын дайындау барысында ү…

Астана қаласы Білім басқармасының әдіскері Меруерт Әбуова «Таңшолпанда» қонақта. «Биылғы жыл білім саласы үшін ерекше болғалы тұр. Елбасы белгілеп берген «100 нақты қадам» Ұлт жоспарына сәйкес,«Біздің ел. Біздің халық. Біздің болашақ» деген ұранмен бірқатар жұмыстар атқарылмақ», дейді Меруерт Әбуова. Астанада жаңа оқу жылы бойынша 81 мектеп жұмысын бастады. Оның 65 пайызы - қазақ тіліндегі, 45 пайызы аралас мектептер. Сондай-ақ, оқу бағдарламасының стандарттарына біршама өзгерістер енгізілді. «Қоғам баланың білім мен тәрбиесін дұрыс жолға қоюымыз үшін көп мүмкіндік беріп отыр. Елордадағы мектепке дейінгі мекемелер саны бүгінгі күні 81-ге жетті. Оның 11-і жекеменшік. Дегенмен, балабақша кезегінде тұрғандар өте көп. Қазіргі уақытта осы тығырықтан шығудың жолдарын қарастырып жатырмыз», дейді…

Елді дүрліктірген теңге бағамы ауытқуларының әсерін алпауыт компаниялардан қарапайым адамға дейін сезінеді. Бірақ, дағдарыс кейде жақсы дағды қалыптастыруға көмектеседі. Шығындар көлемін қысқартамын деушілерге «Әйел бақыты» пайдалы кеңестерін ұсынып отыр. 1. Жоспардан тыс жұмсалған қаржыңызды міндетті түрде жазып алыңыз. Тіпті жолақысын да есептеп жүргеніңіз жөн. 2. Шартты түрде бір айлық түсіміңізді 100.000 теңге делік. Оның 15%-ын сақтап жүруді дағдыға айналдырыңыз! 15.000 теңгені жиғаннан не пайда деуіңіз мүмкін? Дегенмен, бір жылда бұл он бес мың 180.000-ға айналатынын ұмытпағайсыз. Егер бір айдағы табысыңыз 100.000-нан асып, 150.000-ды құрады дедік. Мұндай жағдайда міндетті түрде тек соманың жартысын ғана жұмсаңыз. Қалғаны сіздің қорыңызды толықтыруға жұмсалады. Неге десеңіз, 85.000…

Бокстан Ұлттық құраманың бас бапкері Мырзағали Айтжанов Тайландта өткен Азия чемпионаты туралы пікірін жеткізді.

Бокстан Тайландта өткен Азия чемпионатында қазақстандық былғары қолғап шеберлері ел даңқын аспандатты. Финалдық бәсекенің нәтижесі бойынша қоржынға 5 алтын, 1 күміс, 1 қола медаль түсті.

Осылайша, спортшылар жалпыкомандалық есепте 1 орын иеленді.

«Жеңіске жеткенімізге әрине, қуаныштымыз. Ұтылып қалған жігіттеріміз де бар. Бұл жарыс бізге қателіктермен жұмыс істеу керектігін көрсетіп берді.

Үміт күткен мықты спортшыларымыздың бірі Жәнібек Әлімханұлы өз деңгейіндегі жарысты көрсете алмады. Себебі, дайындығы кемшін болды. Кем-кетіктермен жұмыс істесек, Әлем чемпионатында жетістікке жетеміз деген сенімдеміз», - дейді бокстан Ұлттық  құраманың бас бапкері Мырзағали Айтжанов.

Бүгінгі таңда «Барселона» – әлемнің ең үздік футбол клубтарының бірі. Оның өзге топ-клубтардан басты ерекшелігі – оның Ла Масия деп аталатын футбол мектебі. Аталмыш мектеп 300 артық баланы тәрбиелеп отыр және 2002 жылдан бері дүние жүзінің ең мықты футбол мектептерінің қатарында. Барселона клубының Еуропалық біріншіліктерінде, Испания ұлттық құрамасының Әлем чемпионаттарында топ жаруындағы негізгі фактор да осы мектеп. 2010 жылы «Алтын доптың» үш иегері де (Андрес Иньеса, Лионель Месси, Хави Эрнандес) осы мектептің түлегі болды және бұған дейін мұндай жетістікке ешқандай футбол академиясы жете алмаған. Егер де ұлыңыз әлемнің ең мықты футбол мектебінде жаттықсын десеңіз, бастапқыда балаңызды ең құрмағанда ОРМБЖМ-ға (Балалар мен жасөспірімдердің олимпиадалық резервтің мамандандырылған спорт…

Қазақ хандығының 550 жылдығына орай ҚР Ұлттық спорт түрлері қауымдастығының ұйымдастыруымен өткен «Алтын тұлпар» республикалық турнирі мәресіне жетті. Астана қаласынан 35 шақырым қашықта орналасқан Қабанбай ауылы маңында ұйымдастырылған аламан бәйге 51 шақырымға созылды. Жарысқа 82 тұлпар қатыстырылды. Алматы облысы, Жамбыл ауданының Тарғап ауылынан келген Олжас Қойшыбек «Жаннұр» атты жүйрігімен тұғырдың үшінші сатысына шығып, 3 миллион теңге иеленді. Павлодардың Шаха ауылынан «Бейбарыс» атты тұлпарын әкелген Мейірхан Дәулетов тұғырдың екінші биігіне көтеріліп, 5 миллион теңге иеленді. Ал, бас бәйгені «Шамал» атты сәйгүлімен жамбылдық Ақжол Жұматай иеленді. Бұл - тұлпардың 19-шы жеңісі. Осыған дейін қатысқан жарыстарында алдына қара салмаған. Бәйгенің жалпы жүлде қоры 23 миллион теңгені қ…

Қазақстанның Мәдениет қайраткері Гауһар Мырзабекованың сыныбынан білім алып шыққан өнерпаз бүгінде елордадағы опера және балет театрында оркестрде қызмет етуде. Скрипкашы Қаламқас Жұмабаева кәсіби қызметін бала кезінен бастаған. Сырлы да сазды музыка әлемімен оны ең алғаш таныстырған – ата-анасы. Жас дарынның қолына алған ең алғашқы аспабы флейта. Бүгінде бірнеше аспапты қатар меңгерген Қаламқасты өзінің шығармашылық ортасында «Әуеннің асқан шебері» деп атайды. «Алғашында скрипкада ойнауға аса бір ынта танытпадым. Алайда, ата-анамның және маған сенім артқан жақындарымның үмітін ақтауым керек болды. Кейіннен бұл аспапқа деген құмарлығым оянып, өмірімнің ажырамас бөлшегіне айналды. Музыка мектебіне түскенім, соның ішінде скрипканы таңдағаныма қатты қуанамын», дейді Қаламқас Жұмабаева. Мекте…

Еуро-2016 іріктеу кезеңі аясында футболдан Қазақстан Ұлттық құрамасы мен Исландия командасы арасындағы кездесу тең аяқталды.

Ойынның бірінші таймында екі құрама да алма-кезек шабуылдағанымен қақпаға гол соғылмады.

2-таймның алғашқы 10 минутында исландиялық футболшылар басымдықты қолдарына алып, гол соғуға тырысқанымен Стас Покатиловтың қақпасына саңылау таба алмады.

Қазақстан Ұлттық құрамасының сапында алғашқы ойынын өткізген Александр Меркель 48-минутта гол салатын мүмкіндікті пайдалана алмады. Ойын соңына дейін екі құрамада гол салуға бірнеше мүмкіндік болғанымен, шабуылдарды бірде қақпашылар қайтарса, бірде нәтижесіз аяқталып жатты.

Осылайша кездесу 0:0 есебімен тең аяқталды.

Еске сала кетейік, Астанада өткен алғашқы ойында исландиялықтар 0:3 есебімен ұтқан еді.

Оңтүстік Қазақстан облысының Мемлекеттік қызмет істері және сыбайлас жемқорлыққа қарсы іс-қимыл Департаменті (бұдан әрі – Департамент) тарапынан сыбайлас жемқорлыққа байланысты құқық бұзушылықты алдын алу мақсатында, мемлекет тарапынан қаржыландыратын барлық мемлекеттік мекемелердің мемлекеттік сатып алуда тауарлары мен қызмет түрлерінің бағалары туралы мониторинг жұмыстары жүргізілді. Нәтижесінде, 92 мемлекеттік органдарда жарияланған мемлекеттік сатып алу конкурстары жарамсыз деп танылды. Мәселен, Шымкент қалалық жұмыспен қамту және әлеуметтік бағдарламалар бөлімі – мүгедектер үшін «міндетті гигиеналық құралдарының» (калоприемник) әр данасын – 2571 теңгеден сатып алмақшы болған. Алайда, Департамент қызметкерлерінің зерделеу жұмыстары негізінде аталған заттың негізгі нарықтық орташа баға…