Мазмұнға өту

Жаңа

ҚР аумағынан тыс 2 852,2 млн. теңге сомасында бағалы қағаздар жария етілді

Ағымдағы күнге барлығы  2 232,0 млрд млрд. тенге сомасында 99 014 өтініш (декларациялар) түсті, оның ішінде жария етілгені 1 949,0 млрд. тенге.

Мүліктерді жария ету жөніндегі  ҚР аумағында мүлікті жария ету бойынша жергілікті атқарушы органдардың жанындағы комиссияға жалпы сомасы  984,6 млрд тг құрайтын  жылжымайтын мүлікті жария етуі үшін     96 594 өтініш (декларациялар) түсті.

- сомасы 735,5 млрд. теңгеге 80 213 тұрғын үй объекті;

- сомасы 236,2 млрд. теңгеге 42 564 тұрғын үй емес объекті, оның ішінде 9 736 млрд.теңгеге 159,3 коммерциялық объект;

- сомасы 7,1 млрд. теңгеге заңды тұлғалардың 58 қатысу үлесі;

- сомасы 5,8 млрд. теңгеге бағалы қағаздар келіп түсті.

92 367 объект, бағалы қағаздар және ақша сомасы 742,8 млрд. теңгеге жария етілді.

Мүліктерді жария ету бойынша салық органдарына ҚР аумағынан тысқары, сомасы 5,0 млрд. теңге құрайтын 104 тұрғын үй объектісін жария ету бойынша  өтініш (декларация) келіп түсті.

- сомасы 2 053,0 млн. тг құрайтын 89 тұрғын үй объекті;

- сомасы 29,9 млн. тг құрайтын   6 тұрғын үй емес объекті, оның ішінде 22,7 млн. тг құрайтын 4 коммерциялық обьекті.

- сомасы  15,5 млн. тг құрайтын, 8 заңды тұлғалардың  қатысу үлесі;

- 2 852,2 млн. тг сомасында бағалы қағаздар;

Сомасы 4,9 млрд. теңгеге 100 объект  және бағалы қағаздар жария етілді.

 

ҚР ҰБ есеп деректері бойынша екінші деңгейлі банктердің 25.07.2016 жылғы жағдайы бойынша жалпы сомасы 1 290,2 млрд.теңге ақшаны жария етуге 2 265  жинақ шот ашылды, (оның ішінде шетелден аударылған 218,9 млрд. теңге) (соның ішінде ішінде шоттан шешілгені 1 238,3 млрд.теңге) соның ішінде:

оның ішінде  заңнамаға өзгерістер енгізгенге дейін 80,9 млрд.теңгеге  2015 жылы 30 қарашаға дейін 179 жинақ шотын ашу арқылы;

1 161,6 млрд. теңге мемлекеттік кіріс органдарына 2 137 декларация ұсыну және шот ашу арқылы.

- 47,7 млрд.теңге әлі декларацияланбады

Сонымен қатар, мемлекеттік кірістер органына шот ашпау арқылы ақшаны жария ету бойынша 2 960,9 млн. теңге көлемінде 39 декларация түсті.

1 201,3 млрд. теңге сомасында ақша жария етілді,соның ішінде:

2015 жылы 30 қарашаға дейін 80,9 млрд. теңге;

2 103 декларация бойынша 1 120,4 млрд.теңге.

26.07.2016 жылына сәйкес 1-Н есебінің деректері бойынша «Мүлікті жария ету үшін алым» 206110  коды бойынша бюджетке іс жүзінде 3,4 млрд.теңге түсті, оның 2,9 млрд.теңге қайтарылған (ескі Заң ережесі бойынша мерзімнен бұрын түсірілген жария етілген ақша  (3,1 млрд.теңге – қайтарымға жатады).

0
0
686

«Сыбайлас жемқорлықтың пайда болу тарихы»

Мамырбай Мөлдір, Сәуленбай Айдана – 10 «А» сынып оқушылары.

А.С.Макаренко атындағы №41 мектеп-лицейі.

 

1.«Сыбайлас жемқорлық» дегеніміз не?

Сыбайлас жемқорлық ұғымының анықтамасы “Сыбайлас жемқорлыққа қарсы күрес туралы» ҚР заңында нақты берілген.

«Осы Заңда мемлекеттiк мiндеттердi атқаратын адамдардың, сондай-ақ соларға теңестiрiлген адамдардың лауазымдық өкiлеттiгiн және соған байлан-ысты мүмкiндiктерiн пайдалана отырып не мүлiктiк пайда алу үшiн олардың

өз өкiлеттiктерiн өзгеше пайдалануы, жеке өзi немесе делдалдар арқылы заңда көзделмеген мүлiктiк игiлiктер мен артықшылықтар алуы, сол сияқты бұл адамдарға жеке және заңды тұлғалардың аталған игiлiктер мен артықшылық-тарды құқыққа қарсы беруi арқылы оларды сатып алуы сыбайлас жемқорлық деп ұғынылады» [1].

Әлемдік экономикалық қатынастардың ғаламдану жолына түсуі және өзара байланысының күшейе түсуі, әлем елдері алдында тұрған ғаламдық проблема-лардың қатарына сыбайлас жемқорлықты да қосты.

«Ендігі жерде сыбайлас жемқорлық жергілікті проблема болудан қалып,

ұлт шегінен тысқары құбылысқа айналғанына, оның қоғамды және барлық елдердің экономикасын қамтып отырғанына, сыбайлас жемқорлықтың алдын алу саласындағы тек қана халықаралық ынтымақтастық  және  оған қарсы күрес зор маңызға ие болды» делінген БҰҰ қабылдаған құжатта [2].

Осылайша, сыбайлас жемқорлықпен күрес бүкіл әлемнің барлық мемлекеттері алдындағы басты міндеттің бірі болып отыр.

Адалынан табылмаған дүние-мал туралы қасиетті кітабымыз Құран Кәрімде: «Ей, мүміндер! Өзара малдарыңды бұзықтықпен жемеңдер. Бірақ өз ризалық-тарыңмен саудаласу басқа...» («Ниса» сүресі, 29-аят).«Араларыңдағы малдар-ыңды бұзық жолмен жемеңдер. Сондай-ақ, біле тұра адамдардың малынан бір бөлім жеу үшін билерге апармаңдар». («Бақара» сүресі, 188-аят) [3] делінген.

Сыбайлас жемқорлықтың құрамдас бөлігі «пара алу» мен «пара беру» туралы пайғамбарымыз Мұхамед (С.Ғ.С.) өз хадистерінің бірінде былай депті: «Пара алған да, пара бергенде Алла тағаланың қарғысына ұшырайды».

Адамзат баласы  қоғамның «жегі құрты» саналатын осы келеңсіз құбылыспен қай заманнан бері таныс және онымен қалай күресті?

     
  1. 2. Ежелгі дүниедегі  және ортағасырлардағы жемқорлық және онымен күрес тарихы.

Ежелгі тарихқа тереңірек үңілсек, б.з.б. IV-III-мыңжылдықтарда  Алдыңғы Азияда өмір сүрген Шумерлердің сына жазуында Шумер патшасы Урукагин-

нің өз «қызметтері» үшін сыйақы дәмететін соттар мен шенеуніктердің іс-әрекетін тиюға тырысқаны туралы айтылған [4]. .

Б.з..б. III-II мыңжылдықтарда Мысыр, Өзен аралығы, Үндістан, Қытай, Иудей  халықтарының діни кітаптарында да жемқорлық туралы сөз болады [4].

Ал, Карфаген, Рим империясы, Византия, Осман империясы секілді өз заманы-

ның құдіретті мемлекеттерінің ыдырап, жойылып кетуінің ең басты себептері-

нің бірі осы сыбайлас жемқорлық екенін көреміз [4].

Ерте орта ғасырлардан бастап жемқорлық Еуропаға жаппай тарала баста-ды.Католик дінбасыларының қарапайым халыққа «Индульгенция» сатуы осы жемқорлықтың айқын көрінісі еді [5]. Тіпті, жемқорлық үшін талай діндар «Инквизиция» сотына тартылып,  оларды өртеу де тоқтата алмады. Жемқор-лықтың кең етек жаюы, діни рыцарьлық ұйым «Тамплиерлер ордені» басшы-ларының өз мүшелеріне белгіленген мөлшерден артық қаражат жинауына, қай-тыс болған орден мүшесінен артық ақша шықса оны шіркеу рәсімімен жерлеу-

ге қатаң тиым салуға мәжбүрлеген. Бірақ, жемқорлықты осындай қатаң шаралар да тоқтата алмады [6]. Тіпті, католик дінбасылары арасында  жемқорлық шектен шығып, кардиналдарға пара беру арқылы  XIV-ғ. белгілі баскесер

Роберт Женевский  «Климент VII» деген атпен, XV-ғ. басында теңіз қарақшысы Бальтазар Коссе «Иоанн XXIII» деген атпен Рим Папасы тағына отырды [6].

Біздің ең жақын көршіміз Ресейдегі жемқорлықтың  бастау алуы― IX-X ғасырларда Киев Русі құрылғаннан бастап белгілі. Князьдар жергілікті жердегі

өз қызметкерлеріне жалақы төлемегендіктен, олар қарапайым халық үстінен күнкөріс көзін табуға мәжбүр болып, лд қылмыс ретінде қарастырылмады.

Ал, XV ғасырдан бастап, сыбайлас жемқорлық Ресейде қалыптасқан жүйеге айналды. Мемлекеттік шенеунік тікелей өз міндетін атқарғаны үшін қарапайым халықтан сыйақы талап етті. 1497 жылы Русь мемлекетінің Заңдар жинағы «Судебникте» пара алған сотты жазалау туралы алғашқы заң жарияланған. 1550 жылы шыққан «Судебникте» парақорлық кеңірек қамтылып, пара үшін соттас-

қан тараптардың сөздерін бұрмалаған және жалған хаттама толтырған Боярлар думасының ең төменгі лауазымды шенеунігі – дьяктарды қамау немесе айыппұл салу секілді заң баптары енгізілді. 1649 ж. 25 мамырда Мәскеуде сыбайлас жемқорлыққа қарсы көтеріліс басталып, халық қаһарынан сескенген патша Алексей Михайлович сол кездегі жемқорлыққа басты кінәлі деп саналған бояр Леонтий Плещеевті халықтың қолына беруге мәжбүр болды. Халық Л.Плещеевті ұрып өлтірді.

Ресейдегі сыбайлас жемқорлыққа қарсы жаппай күресті бастаған I Петр патша болды. Сыбайлас жемқорлықтың мемлекеттің іргетасын шайқайтын зұлым күш екенін түсінген  I Петр бірнеше заң қабылдап (23.08. 1713 ж., 24.12.1714 ж., 05.02.1724 ж.), осындай қылмыстар үшін өлім жазасын белгіледі. Бірақ, I Петр қайтыс болған соң Ресейде сыбайлас жемқорлық өрши түсті. Патшайым Екатеринаның тұсында ірі мемлекеттік шенеуніктер мемлекет мүддесін ақшаға сата бастады. Сол кезде Ресейдің сыртқы саясатына жауапты болған канцлер Бестужев-Рюминнің 15 жыл бойына Англия мен Австрия елдерінен үлкен мөлшерде ақша алып тұрғаны ашылып қалды. Оны өлім жазасынан құтқарған, Елизаветаның таққа отырарда берген «Менің бұйрығыммен ешкімде өлім жазасына кесілмейді» деген уәдесі болды [6].

 
  1. 3. Қазақ халқы арасында парақорлық, жемқорлық сияқты жағымсыз құбылыстардың пайда болуы.

Ресей отарына айналғанша, дәстүрлі қазақ қоғамында жемқорлықтың етек жаюына алғы шарттар қалыптаспаған еді.

«Көшпелі қазақ қоғамының саяси - әлеуметтік жүйесіндегі демократиялық билік бидің қолында болды. Ауыл арасында жанжалдасқан немесе дауласқан адамдар арадағы дауды шешу үшін, сол ауылдағы қазақтың ғұрыптық заңдарын жақсы білетін, өзінің әділдігі, шешендігімен көзге түскен кез келген адамға жүгінуге құқылы болды. Даудың әділдігі күмән тудырған жағдайда дауласушы тараптар басқа билерге жүгінді. Осылайша, түйіні қиын дауларды әділ шешкен бидің атағы елге жайылып, абыройы арта түсті. Өзінің беделіне дақ түсірген би сот ісіне араласу құқығынан айырылды» [7].   «Билердің әділетсіз шешіміне шағым жасау ілуде бір рет, өте сирек кездесетін. Би дұрыс үкім шығармаған жағдайда өзінің абыройы мен беделінен жұрдай болып, би атағынан айырылып қалатын. Би өзінің сіңірген еңбегі үшін «бидің билігі» деген сыйақы алатын. Ол кінәлі жақтын есебінен өндірілетін. Сыйақының мөлшері дауда өндірілетін мүліктің оннан бір бөлігіне тең болатын» [8]. «Елдестірмек-елшіден, Жауластырмақ -жаушыдан», «Кілемге бергісіз алаша бар,Ханға бергісіз қараша бар», «Тура биде туған жоқ,Туғанды биде иман жоқ», «Туғанына бұрғаны-Биді құдай ұрғаны», «Төбе би де өзіміз,Төре би де өзіміз. Қисық болса сөзіңіз, Құрулы тұр тезіміз» деген мәтелдер сөзіміздің айғағы.

Ресей империясының 1822,1824, 1867-1868, 1886-1891 жылдардағы Қазақстандағы жүргізген реформаларының ең басты  мақсаттарының бірі, қазақ қоғамының ғасырлар бойы қалыптасқан саяси - әлеуметтік құрылымын ыдратып, жойып жіберу болды.

Қазақ жері мен Түркстанды әкімшілік басқару реформаларының жобасын жасау бойынша Ресей  Әскери Министрі Д.А.Милютин басшылық еткен  комиссия 1867 ж. 11 тамызда «Орынбор және Батыс Сібір генерал-губернаторлықтарының Далалық облыстарын басқарудың уақытша Ережелері»  деген құжатты жасады. Дала комиссиясы жаңа болыстықтар мен ауылдардың әкімшілік жобасын дайындай отырып, дәстүрлі басқару институттарының саяси қаупін бір сәтке де естен шығармады. «Орыс зерттеушісі А.К.Гейнс «Үкімет күштеріне қарсы тұрмас үшін, ең алдымен қырғыз халқының сайланбалы билігін біртіндеп жою, қырғыз халқын өз билеушілері мен рулық құрылысқа негізделген өмір салтынан ажырату қажет» -деп жазды [9].

1867-1868 ж.ж. реформалардың  (Уақытша Ережелердің) ең негізгі мақсаты – қазақ жерін Ресейдің өзге де аймақтарымен ара-жігін білдірмей қосып жіберу үшін Ресейге бағынышты басқа ұлыстармен бір басқару жүйесіне біріктіріп, жергілікті атқамінерлердің ықпалын барынша әлсірету, оларды биліктен аластау,  рулық құрылысты  біртіндеп жойып, орыстандырып, шоқындыру болды... «1867 жылғы заңға сәйкес, қырғыздардың  рулық құрылысын ыдырату мақсатында  ірі руларды бір басшының қол астына берудің қауіптілігі ескеріліп,  көшпелі тұрғындарды болыстықтар мен ауылдарға бөлу қарастырылды»  [9].

«1868 ж. Сырдария облысы әскери губернаторының пәрменімен Шымкент уезінде болыстық басқармалар ұйымдастыру бойынша комиссия құрылды.

Комиссия төрағасы - титулярлық кеңесші Е. Савенков, мүшелері - ротмистр Адеркас, сотник Герасимов, капитан Терейковский, аудармашысы прапорщик Сырттанов болды.

Бірнеше ай ішінде комиссия ауылдарды аралап қазақ халқының ұлттық дәстүрлерінің күшті және нәзік тұстарын анықтап, тексеру қорытындысын басшыларға тапсырады.Тіпті, Шымкент уезін мекендейтін ең үлкен 2 тайпаға қисынын келтіріп―бірін асыра мақтап, екіншісін «басын жерге жеткізе тұқыртып» дегендей, «этнографиялық» сипаттама беріп, екі тайпаның арасына «шоқ» тастауды да ұмытпайды» [9].

Жергілікті (қазақ)  халық өкілдері мемлекеттік - әкімшілік басқарудың ең төменгі сатысына ғана жіберілді. Болыстықтарға ру аты берілгенмен, болыстықтар шаңырақ санына қарай жасақталды. Ал, рудағы шаңырақ саны мен болыстықтағы шаңырақ саны сай келуі мүмкін емес еді. Яғни, бір рудың  өз болыстығына «сыймай»  қалған белгілі бір бөлігі мәжбүрлі түрде өзге рудан жасақталған болыстықтың құрамына кіргізілді. Бұл өз кезегінде болыстықтағы негізгі рудың аз атаға, көші-қон немесе суармалы жерлерді бөлу барысында және  т.б. жағдайларда әлімжеттік жасауына кеңінен жол ашты.

Болыс басқарушысына (әсіресе, алым-салық жинау) берілген салыстырмалы түрдегі үлкен құқықтар болыс сайлауын бәсекелес топтар арасындағы, заңды түрдегі үгіт-насихат жұмыстарымен бірге, сайлаушылар дауысын сатып алу немесе қоқанлоққы жасау, бопсалау, уезд бастығына пара беру секілді толып жатқан  заңсыз әдіс-тәсілдер кеңінен қолданылатын  жан аяспас күреске айналдырды.

Ал, сайлау тағдырын сайлауға міндетті түрде қатысатын  уезд бастығының пікірі шешті. Әдетте, пара, сый-сияпат алған  уезд бастығының үміткерлердің бірімен ымы-жымы бір болды.

Ендігі жерде,  өз әділдігімен, көрегендігімен, шешендігімен және тағы басқа асыл қасиеттерімен  халық арасынан өсіп шығатын билер әлдекімдердің ойлап шығарған «шар тастап сайлау»  арқылы  сайланатын болды.

Осылайша, мыңдаған жылдар бойы қазақ халқының  әлеуметтік, экономикалық  және саяси өмірін реттеп келген билер институтына күйрете соққы берілді [9].

XIX –ғ. екінші жартысынан бастап қазақ жеріне қоныстана бастаған Ресейлік келімсектердің маскүнемдік, парақорлық, жағымпаздық т.с.с. жағымсыз әдет-ғұрыптарын қазақ халқы да бойларына сіңіре бастады.

«1868-70 жылдардағы болыс-старшын сайлауларында ел алдында өз ақыл-парасатымен, шешендігімен бедел жинаған адамдар жеңіске жетті. Бірақ, қағілез көшпенділер орыс өркениетімен ілесе келген орыс етігін кию, шарап ішу және  құмар ойнауды   ғана емес, «шар тастау» арқылы дауыс беру барысындағы сайлау қулықтарын да  тез үйреніп алды» ...

...1890 жылдары болыстық орын үшін берілетін пара мөлшері 9000 сомға жетті. Ал, Түркстан өлкесін тексеру үшін  Ресей Сенаты құрған комиссияны басқарған сенатор граф Паленнің есебі негізінде жасалған  Әскери Министрліктің 1906 ж. «Түркстан өлкесінің  мемлекеттік  және қоғамдық-экономикалық мұқтаждықтары туралы жазбаларында»  көшпенділер арасындағы болыс, старшын, би  сайлаулары туралы былай дейді: «...сайлаушыларды сатып алу мен үгіт-насихат жұмыстарына  40-50 мың сомға жететін орасан көп ақша жұмсалатын болды. ...Сайлаушыларды сатып алу жүйесі кең етек алды», «Билікке осындай жолмен келген лауазымды қызметкер ең алдымен өз шығынын қайтаруға тырысатыны –табиғи жағдай, сондықтан лауазым иесі тегін саусағын қимылдатпайды, ал сыйақы үшін барлығын шешеді» [9].

«Болды да партия, ел іші бүлінді...»,  «Қалың елім - қазағым...» ―деп Ұлы Абайдың күңіренетіні осы кез.  Қазақтың жаңа атқамінерлері параға жұмсалған шығынның барлығын қара халықтың мойынына салды.  Елде арты адам өлімімен аталатын «барымта, барымтаға қарымта» дегендей ұрлық-қарлық, оның арты бірінің үстінен бірі оязға шағымданып, пара беріп, екі жақты жем болу көбейді [9].

Кеңес билігі тұсында Сталиннің жүргізген қатаң репрессиялық шаралары арқасында жемқорлық түбегейлі жойылып кетпегенмен аздап саябырсығанмен, Л.И.Брежнев басшылықта болған, тарихқа «Тоқырау жылдары» деген атпен кірген кезеңде жемқорлық өрши түсті . Тіпті, оны ату жазасы да тоқтата алмады.

Өкінішке орай, барлық әлем елдері сияқты «Сыбайлас жемқорлық» Қазақстан Республикасында  айналып өткен жоқ. Қылмыстың бұл түрінің біздің қоғамымыздың да барлық саласына тамыр жайып кеткені жасырын емес. Ең қауіптісі, ол білім беру, медицина сияқты ізгілікті діттеген салалардан бастап құқық қорғау органдарына дейін бой көрсетіп жүр.

Дегенмен, еліміз тәуелсіз алғалы бері жемқорлықпен күрес жүйелі түрде жүргізіліп келеді. Осы мақсатта көптеген заңдар қабылданған. Мысалы, ҚР Қылмыстық кодексінің өкілеттіктерді теріс пайдалану (228-бап), коммерциялық сатып алу (231-бап), қызмет өкілеттігін теріс пайдалану (307-бап), билікті немесе қызметтік өкілеттікті асыра пайдалану (308-бап), пара алу (311-бап), қылмыстық жалғандық жасау (314-бап) туралы лауазымдық қылмыс нормалары ең алдымен сыбайлас жемқорлыққа қарсы күрес нормалары болып табылады. Қазақстанда сондай-ақ сыбайлас жемқорлық үшін қылмыстық, тәртіптік, әкімшілік жауапкершілікті реттейтін арнайы нормативтік-құқықтық актілер де қабылданды. Оларға “Мемлекеттік қызмет туралы” (1995) және “Сыбайлас жемқорлыққа қарсы күрес туралы” (1998) ҚР заңдары жатады. Сонымен қатар осы саладағы ынтымақтастық туралы халықаралық актілер де бар.

«Мемлекет пен қоғам жемқорлыққа қарсы күресетін бір күш болуға тиіс. Жемқорлық – жай құқық бұзушылық емес. Ол мемлекеттің тиімділігіне деген сенімді сетінетеді және ұлттық қауіпсіздікке төнген  тікелей қатер болып саналады.Біз түпкі мақсатымыз – жемқорлықты құбылыс ретінде жою үшін жемқорлыққа қарсы заңнамаларды жетілдіру арқылы жемқорлықпен күресті қатты күшейтуіміз керек» деп атап көрсетті Елбасы Н.Ә.Назарбаев өзінің кезекті 2012 жылғы Жолдауында [10].

 

Әдебиет.

[1]― “Сыбайлас жемқорлыққа қарсы күрес туралы” (2.07.1998) ҚР заңы.

[2]―БҰҰ-ң Сыбайлас жемқорлыққа қарсы Конвенциясы (2003 ж.).

[3]― ҚҰРАН КӘРІМ Қазақша мағына және түсінігі. Халифа Алтай, Фаһд патшаның  Құран Шәриф  басым комбинаты – 1991.

[4]―  «Мәскеу Табиғатты Сынаушылар Қоғамының»( МОИП) апталығы,  А.А. Каздым,  Халықаралық Ғылым академиясының Академигі .

[5]― Орта ғасырлардағы дүние жүзі тарихы. 7 сынып Мәшімбаев С.М. Алматы "Атамұра"-2007 ж.

[6]― Мировая история коррупции. Ю.В.Кузовков. М. Издательство Анима-Пресс, 2010 г.

[7]―Қазақтың ата заңдары . Құжаттар, деректер және зерттеулер / Бағдарлама жетекшісі С. Зиманов . - Алматы : Жеті жарғы , 2005.

[8]― 8-сыныптарға арналған «Қазақстан тарихы» оқулығы, Қабылдинов З.Е., Қайыпбаева А.Т. «Атамұра” баспасы 2012 ж.

[9] ― «Ресей империясының Оңтүстік Қазақстанды отарлауы немесе қазақ қалайша қатты өзгерді» «Казығұрт кз» журналы №8, желтоқсан-2012.

[10] ― «Қазақстан-2050» стратегиясы – қалыптасқан мемлекеттің жаңа саяси бағыты. ҚР Президенті-Елбасы  Н.Ә.Назарбаевтың Қазақстан халқына Жолдауы «Егемен Қазақстан» газеті, 15 желтоқсан, 2012.

2013 ж.

 
0
0
52796

ҚР Мәдениет және спорт министрлігі Дін істері комитетінің Төрағасы Шойкин Ғалым Нұрмағамбетұлы Халықаралық діни еркіндік жөніндегі АҚШ арнайы елшісі Дэвид Саперстейнмен кездесу өткізілді

2016 жылғы 26шілдеде Қазақстан Республикасы Мәдениет және спорт министрлігі Дін істері комитетінің Төрағасы Шойкин Ғалым Нұрмағамбетұлы Халықаралық діни еркіндік жөніндегі АҚШ арнайы елшісі Дэвид Саперстейнмен кездесті.

Кездесу барысында Қазақстандағы діни сенім бостандығын қамтамасыз ету,«Дiни қызмет және дiни бiрлестiктер туралы» Қазақстан Республикасының 2011 жылғы 11 қазандағы № 483-IV Заңының іске асырылуы мен Қазақстан Республикасы аумағындағы діни бірлестіктердің қызметін реттеу мәселелеріталқыланды.

Тараптар сонымен қатар халықаралық терроризмен және зорлық-зомбылық сипаттағы экстремизмге қарсы іс-қимыл саласындағы екіжақты ынтымақтастықты кеңейту мәселелері бойынша пікір алмасты.

 
0
0
1218

Жемқорлыққа қарсы бірігіп күресеміз!

 

2016 жылдың 13 шілдесінде Жарқайың ауданында Халыққа қызмет көрсету орталығының қызметкерлерімен дөңгелек үстел өткізілді. Күн тәртібіне сыбайлас жемқорлыққа қарсы күрес және оны алдын-алудың жолдарын қарастыру қойылды. Жарқайың аудандық  ХҚКО-ның бастығы Әсет Қажғалиевтің төрағалығымен өткен дөңгелек үстелге «Нұр Отан» партиясының Жарқайың аудандық филиалы төрағасының бірінші орынбасары Мыңбаев Жанат қатысты. Жанат Тасболатұлы ХҚКО қызметкерлеріне жемқорлықты алдын-алуға  жүргізіліп жатқан  іс-шаралар туралы баяндады. Дөңгелек үстелдің нәтижесі өте тиімді ойларды тудындатты. ХҚКО қызметкерлері құқық қорғау органдарының кәсіби біліктілігін арттыру, мемлекеттік қызметшілердің ар-ождан үстанымы олардың мәртебесіне сай болуы, қылмыстық жолмен табылған пайда мен мүлікті тәркілеудің тиімді механизмін енгізу сияқты ойлар айтылды.

Арине, бұл іс-шара жемқорлыққа қарсы күрестің бір амалы, өйткені насихат  пен ақпараттандыру ежелден тексерілген шешу жолы.

 
0
0
219

«Азаматтарға арналған үкіметте» фронт-офистерді жаңғырту жүріп жатыр

«Азаматтарға арналған үкімет» мемлекеттік корпорациясында мемлекеттік қызметтерді алу үшін фронт-офистерді  жаңғырту  жұмыстары жүріп жатыр. Әрбір кеңседе корпорация арқылы көрсетілетін мемлекеттік қызметтердің біріңғай ақпараттық базасы, кедергісіз қызмет көрсету, электрондық кезек енгізілді, сондай-ақ нақты жұмыс режимінде мемлекеттік қызмет көрсету процесін бақылауға болатын ахуалдық орталық енгізілді. Бөлімдердің көпшілігі сағат 9.00-ден 20.00-ге дейінгі жұмыс кестесіне көшті.

Бүгінгі таңда мемлекеттік корпорацияда жаңғырту жұмыстарының екі кезеңі аяқталып, нәтижесінде аудандық және ауылдық  маңыздағы елді мекендер 120 біріңғай фронт-офистермен қамтамасыз етілді. Енді азаматтар мемлекеттік корпорация көрсететін барлық қызмет түрлерін бір жерден ала алады.

«Азаматтарға арналған үкімет» мемлекеттік корпорациясы төрағасының орынбасары Нұрбек Оршубековтің айтуынша, оңтайландыру жақын орналасқан  фронт-офистерді біріктіру есебінен жүргізілуде. «Офистерді оңтайландыру азаматтардың қызметтерді бір жерден алуына мүмкіндік береді, сондай-ақ ғимаратты күтіп-ұстау және жалға алу шығындарын едәуір  азайтады. Бұл ретте мемлекеттік корпорацияның қызметкерлері жұмыс жүктемесіне қарай фронт-офистерге орналастырылады»,- дейді ол.

Офистерді жаңғыртумен қатар, мемлекеттік қызмет көрсету уақыты мен құжаттар топтамасын қысқарту бойынша мемлекеттік қызметтерді оңтайландыру жұмыстары жалғасуда.

Естеріңізге салсақ,  жаңа құрылым 530 мемлекеттік қызмет түрін көрсетеді, ал жақында мемлекеттік қызметтерді іріктеу жөніндегі ведомствоаралық комиссия мемлекеттік корпорацияға беру үшін тағы 53 қызмет түрін белгіледі. Осылайша, жақын арада азаматтар «Азаматтарға арналған үкімет» мемлекеттік корпорациясының фронт-офистері арқылы 583 қызмет түрін алатын болады.

 

«Азаматтарға арналған үкімет»

мемлекеттік корпорациясы»

коммерциялық емес акционерлік

қоғамының баспасөз қызметі,

 
0
0
274

Қазақстандық жұмыссыздар әлеуметтік төлемдер үшін өтініш берулеріне және кезекке тұруларына болады

Міндетті әлеуметтік сақтандыру жүйесінің қатысушылары болып табылатын қазақстандықтар үшін, жұмысын жоғалтқан жағдайда әлеуметтік төлем тағайындау және жұмыссыз азамат ретінде есепке қою рәсімі жеңілдетілді. Енді бұл екі қызметті де жергілікті Жұмыспен қамту орталығына жүгіне отырып, бір мезгілде алуға болады.

Бұрын жұмысын жоғалтқан адам әлеуметтік төлем тағайындауды рәсімдеу үшін,алдымен жұмыссыз азамат ретінде тіркеліп, есепке тұруға Жұмыспен қамту орталығына баратын, содан кейін ғана жұмысын жоғалтқаны бойынша әлеуметтік төлем тағайындауды рәсімдеуге ЗТМО-ға немесе ХҚКО-ға баратын.

«Азаматтарға арналған үкімет» мемлекеттік корпорациясы» коммерциялық емес акционерлік қоғамыфилиалы - ЗТМО директорының орынбасары Серікхан Сабыржановтың айтуынша, мемлекеттік органдардың ақпараттық жүйелерін ықпалдастыру  нәтижесінде қағаз жүзіндегі құжатайналымы толығымен жойылды. «Енді өтініш қабылдау кезінде адамнан сәйкестігін қарау үшін жеке куәлік және қаржыны аудару үшін банк деректемелері ғана талап етіледі. Қалған мәліметтердің бәрін орындаушы жеке тұлғалардың мемлекеттік мәліметтер базасынан электрондық үкімет шлюзі арқылы және еңбек рыногы базасынан алады,» - дейді Сабыржанов.

Айта кетсек, жұмысын жоғалтқан жағдайдағы әлеуметтік төлемді қазақстандықтар 4 айға дейін ала алады. Егер адам қысқарту, жұмыс берушінің таратылуы немесе өндіріс көлемінің азайюына байланысты жұмысын жоғалтқан жағдайда, әлеуметтік төлем 6 айға дейін тағайындалуы мүмкін.Жұмысынан айырылған жағдайда төленетін ай сайынғы әлеуметтік төлем мөлшері соңғы 24 айдағы табысының орташа айлық мөлшерін 0,3 табысты алмастыру коэффициентіне және (0,1 ден 1-ге дейін) қатысу өтілінің коэффициентіне көбейту жолымен анықталады. Мәселен, сіз ЖШС-де  7 жыл еңбек еттіңіз және 50 000 нан 90 000-ға дейін табысыңыз болды. Міндетті әлеуметтік сақтандыру жүйесіне қатысу өтіліңіз – 67 ай – бұл  қатысу өтілінің 1 коэффициенті, орташа айлық табыс – 63 000 теңге болады. Яғни, сіз ай сайын 18 900 теңге әлеуметтік төлем ала аласыз.

Жыл басынан бері есепке қоюға және әлеуметтік төлем тағайындауға барлығы 2 720 жұмыссыз өтініш берді.

 

«Азаматтарға арналған үкімет»

мемлекеттік корпорациясы»

коммерциялық емес акционерлік

қоғамының баспасөз қызметі,

 
0
0
300

«Азаматтарға арналған үкімет» мемлекеттік корпорациясы балалар суреттері конкурсының қорытындысын шығарды

Астанада «Қазақстан бала көзімен» тақырыбында Астана күніне арналған балалар суреттері конкурсының жеңімпаздарын марапаттау салтанаты өтті. Конкурс «Азаматтарға арналған үкімет» мемлекеттік корпорациясы» коммерциялық емес акционерлік қоғамы қызметкерлерінің балалары арасында өткізілді. ҚР Премьер-Министрінің орынбасары Дариға Назарбаева мен ҚР Ақпаратжәне коммуникациялар министрі Дәурен Абаев конкурстың жеңімпаздарына марапат қағаздары мен сыйлықтарды ұсынды.

Салтанатты марапаттау кезінде Дариға Назарбаева осындай дарынды балаларды тәрбиелегендері үшін олардың ата-аналарына алғыс айтып, мерекелік іс-шараға қатысушылардың барлығын Астана күнімен құттықтады.

Ең үздік суретшілер үш санат бойынша таңдалды: 7 жасқа дейінгі балалар, 7 жас пен 11 жас аралығындағы және 11 жас пен 15 жас аралығындағы балалар.  Бірінші, екінші және үшінші орындардың сыйлықтары Алматы, Қостанай, Павлодар, Атырау, Қызылорда облыстарының, сондай-ақ СҚО және ОҚО еншісінде кетті. Ал балалар суреттері конкурсының гран-приі Ақмола облысынан келген 5 жасар Диас Карамкасов пен 8 жасар Даяна Идрисоваға және қарағандылық 12 жасар Анель Имишоваға бұйырды.

«Конкурсанттардың жалпы санынан жеңімпаздарды анықтау өте қиын болды. Қатысушылар сурет салудың кез-келген техникасы - гуашпен, акварельмен, қарындашпен, фломастермен салынған суреттерді ұсынған. Барлық жұмыстар ашық бояулы және қызықты болды. Біздің конкурстың мақсаты – балаларды Отанына деген сүйіспеншілік пен патриоттыққа тәрбиелеу болып табылады», - деді «Азаматтарға арналған үкімет» мемлекеттік корпорация» КЕ АҚ  Басқарма төрағасының орынбасары НұрбекОршубеков.

Астана күні құрметіне балаларға мерекелік демалыс ұйымдастырылды. Балалар алғашқы Президенттің мұражайында, ҚР ұлттық мұражайында, мұхитаралда, джунглиде, "Атамекен" этно-мемориалды кешенінде болып, «Байтерек" монументі алаңынан астанамыздың орталығына шолу жасады.

Еске салсақ, мемлекеттік корпорация «Жер кадастры ғылыми-өндірістік орталығы» РМК, «Жылжымайтын мүлік орталығы» РМК, «Зейнетақы төлеу бойынша мемлекеттік орталық» РМҚК және «Халыққа қызмет көрсету орталығы» РМК – 4 кәсіпорынды қайта құра отырып, жұмысыносы жылдың 11 сәуірінен бастаған болатын. Бүгінгі таңда корпорация Қазақстан бойынша 20 мыңнан астам  қызметкердің басын біріктірді.

«Азаматтарға арналған үкімет»

мемлекеттік корпорациясы»

коммерциялық емес акционерлік

қоғамының баспасөз қызметі,

 
0
0
452

1 және 2-топтағы мүмкіндігі шектеулі жандар «Азаматтарға арналған үкімет» мемлекеттік корпорациясы көрсететін қызметтерді үйде отырып ала алады.

1 және 2-топтағы мүмкіндігі шектеулі жандар «Азаматтарға арналған үкімет» көрсететін қызметтерді мемлекеттік корпорацияның фронт-офистеріне бармай-ақ ала алады. «Азаматтарға арналған үкімет» мемлекеттік корпорациясы жұмысын бастағалы бері мобильдік топтар 3 670 мүмкіндігі шектеулі жандарға барып, 5 761 қызмет көрсетті. Олардың ішінде жылжымайтын мүлік пен құжаттандыру бойынша қызметтерге, электрондық анықтамаларға  сұраныс көп.

«Азаматтарға арналған үкімет» мемлекеттік корпорациясы» КЕ АҚ Басқарма төрағасының орынбасары Нұрбек Оршубековтің айтуынша, мемлекеттік корпорация 1 және 2-топтағы мүмкіндігі шектеулі жандардың үйіне барып қызмет көрсету бойынша ХҚКО тәжірибесін жалғастырып отыр. Азаматтар мобилдік топты шақыру үшін Біріңғай байланыс орталығының 1414 нөміріне телефон шалулары керек. Мемлекеттік корпорацияның қызметкерлері оған 72 сағат ішінде  барады.

Жалпы, мемлекеттік корпорация мүмкіндігі шектеулі жандарға мемлекеттік қызмет көрсетуге көп көңіл бөліп отыр. Халыққа қызмет көрсету орталықтарында арбадағы мүгедектер үшін пандустар, шақыру нүктелері орнатылған. Сонымен қатар «Азаматтарға арналған үкімет» мемлекеттік корпорациясында әр түрлі қызметтерде 360 мүмкіндігі шектеулі жандар жұмыс істейді.

Мемлекеттік корпорация өз жұмысын осы жылдың 11 сәуірінде "Жер кадастры ғылыми өндірістік орталығы" РМК, "Жылжымайтын мүлік орталығы" РМК, "Зейнетақы төлеу жөніндегі мемлекеттік орталық" РМҚК және "Халыққа қызмет көрсету орталығы" РМК-нің қайта құрылуы жолымен бастағанын естеріңізге саламыз. Бүгінгі таңда «Азаматтарға арналған үкімет» арқылы 530 мемлекеттік қызмет көрсетіледі.

 
0
0
417

Мамандандырылған ХҚКО-ларда көлік құралдарын тіркеу мерзімі қысқартылды

«Азаматтарға арналған үкімет» мемлекеттік корпорациясы мамандандырылған ХҚКО-да автокөлікті бір сағат ішінде тіркеуге (бұрын   2 сағаттан көп уақыт кететін)  мүмкіндік беретін пилоттық жобаны іске қосты. Уақытты қысқарту мамандандырылған ХҚКО инспекторлары ҚР ІІМ Әкімшілік полициясы комитеті мен ҚР Қаржы министрлігінің ақпараттық жүйелеріне түзету құқығынсыз кіру мүмкіндігін алғаннан кейін мүмкін болып отыр.

«Азаматтарға арналған үкімет» мемлекеттік корпорациясы» КЕ АҚ Басқарма төрағасы Данияр Еренчиновтің айтуынша, бұрын көлік иелері 40 минуттан аса уақытын тиісті мамандарда айыппұлдар мен салықтар төлеуге жұмсайтын.

«Жобаны іске қосқанға дейін мамандандырылған ХҚКО-ға келген клиент               3 электрондық кезек талонын алатын. Бірі –  айыппұлдарды тексеру үшін әкімшілік полициясы қызметкеріне, екіншісі – салық төлемдерін тексеру үшін салық қызметкеріне, үшіншісі – толық құжаттар топтамасын өткізу үшін - ХҚКО қызметкеріне болатын. Бұл ретте, егер азаматтың төленбеген айыппұлдары мен салықтары бар болса,  оны төлеу үшін кассаға бөлек кезекке  тұратын. Енді мемлекеттік корпорация қызметкері клиенттің автокөлігіне айыппұлдары немесе салық берешектері бар-жоғын өз бетінше тексере алады. Егер бар болса, электрондық үкімет порталының төлем шлюзі арқылы карточкамен төлеуге болады немесе мамандандырылған ХҚКО ғимаратында орналасқан банк кассалары арқылы төлей алады», - дейді ол.

Сонымен қатар, Еренчинов пилоттық жобаны тестілеу кезінде қызмет көрсету уақыты ХҚКО инспекторына құжаттар топтамасының толық тізімін өткізген сәттен бастап емес, ақпараттық-анықтама қызметінің кеңесшісінен талон алған сәттен бастап 1 сағат уақытты құрайтынын қоса айтты.

Көлікті қайта тіркеу мемлекеттік қызметінің мерзімін сақтауды, уақыттың әрбір  бұзылуын есепке алатын ситациялық орталықтың мамандары қадағалап отырады. Құжаттар мерзімі бұзылған жағдайда, оның себебін анықтап, алдағы уақытта бұзушылыққа жол бермеу шараларын қабылдайды.

Айта кетсек, мамандандырылған халыққа қызмет көрсету орталықтары Қазақстанның Астана, Алматы, Қарағанды, Ақтау, Тараз, Павлодар, Петропавл, Қызылорда, Талдықорған, Ақтөбе, Қостанай - 11 қаласында жұмыс істейді. Жыл басынан бері мамандандырылған ХҚКО-ларда көліктерді қайта тіркеу қызметтерін 435 706 қазақстандық пайдаланған.

 

«Азаматтарға арналған үкімет»

мемлекеттік корпорациясы»

коммерциялық емес акционерлік

қоғамының баспасөз қызметі,

 
0
0
371

Ақтөбеде аса ірі мөлшердегі есірткі затын өткізуші 10 жылға бас бостандығынан айырылды

Ақтөбе облысының қылмыстық істер жөніндегі мамандандырылған ауданаралық сотында Қазақстан Республикасы ҚК-нің 297-бабының 3-бөлігінің 3-тармағымен (есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу, аса iрi мөлшердегі есірткі, психотроптық заттарға, сол тектестерге қатысты) айыпталған К.-ге қатысты қылмыстық іс қаралды.

http://sud.gov.kz/kaz/news/aktobede-asa-iri-molsherdegi-esirtki-zatyn-otkizushi-10-zhylga-bas-bostandygynan-ayyryldy

0
0
362