Мазмұнға өту

Жаңа

Департамент басшысы Теректі ауданы Ақжайық ауылында болды

2016 жылдың 1 қыркүйек  күні Қазақстан Республикасы Мемлекеттік қызмет істері министрлігінің Батыс Қазақстан облысы  бойынша департаментінің басшысы, Әдеп жөніндегі кеңес төрағасы М.С.Нұртазин облыстық ақпарттық топ мүшесі құрамында Теректі ауданы Ақжайық ауылының жалпы білім беретін мектебінің «Алғашқы қоңырау» салтанатты жиынына қатысты.

Салтанатты шарада департамент басшысы барлық ұстаздар мен ата-аналарды білім күнімен құттықтап, еліміздің жеткен жетістіктеріне тоқталды және оқушырарға жаңа оқу жылында табыстар тіледі.

Сапар барысында М.С.Нұртазин тұрғындарды жеке сұрақтарымен қабылдады. Қабылдауда болған азаматтар мемлекеттік қызмет саласына мен мемлекеттік қызмет көрсету сапасын арттыру мәселелерін көтерді.

Кейін ауылдық округ әкімдігінде округ активінің қатысуымен  кездесу өткізілді. Кездесуде департамент басшысы сыбайлас жемқорлыққа қарсы мәдениетті қалыптастыру, көрсетілетін мемлекеттік қызметтер туралы азаматтарды тұрақты түрде ақпараттандырып тұру, мемлекеттік қызметке меритократия принципі бойынша тағайындау, мемлекеттік қызметшілердің жұмыс өтілін есептеу бойынша нақты сұрақтарға жауап берді.

 
0
0
390

Мәжіліс журналистерді аккредиттеу тәртібін бекітті

Мәжіліс Спикері Нұрлан Нығматулиннің төрағалығымен Палатаның жаңа сессиядағы алғашқы Бюро отырысы өтті. Онда алдағы жалпы отырыстың күн тәртібі қаралды, деп хабарлады Мәжілістің баспасөз қызметі.

Халық қалаулылары назарына «1994 жылғы 15 сәуірдегі Ұлы Отан соғысының қатысушылары мен мүгедектеріне, басқа мемлекеттердің аумағындағы ұрыс қимылдарына қатысушыларға, қаза тапқан әскери қызметшілердің отбасыларына арналған жеңілдіктер мен кепілдіктерді өзара тану туралы келісімге өзгерістер мен толықтырулар енгізу туралы хаттаманы ратификациялау туралы» Заң жобасын талқылау ұсынылады.

Сонымен қатар, тағы да бірқатар ратификациялық құжаттарды жұмысқа қабылдау көзделген. Олар: Қазақстан Үкіметі мен Атом энергиясы жөніндегі халықаралық агенттік арасындағы Қазақстанда Атом энергиясы жөніндегі халықаралық агенттіктің Төмен байытылған уран банкін құру, Қазақстан Үкіметі мен Білім, ғылым және мәдениет мәселелері жөніндегі Біріккен Ұлттар Ұйымы (ЮНЕСКО) арасындағы Қазақстанда Орталық Азия өңірлік гляциологиялық орталығын құру (2-санат) туралы келісімдерді, сондай-ақ, Қазақстан мен Ресей арасындағы қосарланған салық салуды болдырмау және табыс пен капиталға салық төлеуден жалтаруға жол бермеу туралы конвенция шеңберінде екі елдің уәкілетті органдары берген резиденттікті растайтын ресми құжаттарды тану тәртібі туралы ноталар алмасу нысанындағы үкіметаралық келісімді ратификациялауға қатысты болмақ.

Осы күні экстремизмге және терроризмге қарсы іс-қимыл және де жергілікті өзін-өзі басқаруды дамыту мәселелері бойынша өзгерістер мен толықтырулар енгізу туралы заң жобалары бойынша бейінді комитеттерге қорытынды әзірлеу мерзімі тағайындалмақ.

Ақпарат көзі: strategy2050.kz

0
0
466

ҚР Қорғаныс министрі ірі әскери полигондардың даму бағыттарын белгіледі

ҚР Қорғаныс министрі Иманғали Тасмағамбетов Тараз қаласындағы «Әулие ата» әуежайы әскери секторының аумағында және «Мәтібұлақ» полигонында көшпелі кеңес өткізді, деп хабарлады Қорғаныс министрлігі.

Қорғаныс министрі Тараз қаласындағы әуежайдың әскери секторына барып, әскери бөлімдердің әуеайлақтарына іргелес орналасқан нысандардың құрылыс жоспарын қарастырды. Себебі, Қорғаныс министрлігінің жоспары бойынша мұнда ҰҰА дайындау және жауынгерлік қолдану орталығы құрылады.

Қайта құрастыру ауданы 50 мың шаршы метр болатын әскери бөлімнің әуеайлақтық учаскесінде барлық нысандар салынып, жөндеуден өтеді.

Дәл осы күні Қорғаныс министрі  «Мәтібұлақ» және «Гвардейск» полигондарында кеңес өткізді. Өйткені, аталған нысандар авиацияны, зымыран әскерлері мен артиллерияны қолдана отырып, ірі әскери оқу-жаттығуларды бір уақытта өткізуге мүмкіндік беретін Қазақстандағы ауқымды жалпыәскери полигондардың бірі болып табылады.

Бүгінгі таңда негізгі бағыттар бойынша дамытудың кешенді жоспары әзірленді. Онда құрылыс пен жөндеудің барлық негізгі аспектілері көзделген. Ол командалық пункті, оқ-дәрі және авиацияны келтіру пункттері, атыс орындары, тікұшақ алаңы, 100 метрлік оқ ату тирінің үйінділері, модульді казарма мен БӨП-тің салынуы, кубрик үлгісі бойынша казармаларды қайта жабдықтау, тазарылмалы құрылыстардың күрделі құрылысы. Сондай-ақ, әскери қалашықтың инфрақұрылымын абаттандыру және көркейту.

«Белгіленген жұмыс қатаң кесте бойынша жүргізілуі тиіс. Демек, барлық өткізілетін шаралар 2017 жылдың 1 шілдесіне қарай аяқталуы қажет. Жауапты адамдар орындалу мерзімін және жүргізілетін жұмыстың сапасын қадағалап отырғандары жөн», - деп Иманғали Тасмағамбетов шегелеп айтты.

Одан басқа, күрделі жөндеу Қарағанды гарнизонының «Спасск» оқу-жаттығу полигонында, Астана қ. Қырқыншы станция 68665 әскери бөлімінің аумағында жүргізіледі және Алматы қаласындағы Құрлық әскерлері Әскери институты оқу полигонының объектілері қалпына келтіріледі.

Ақпарат көзі: strategy2050.kz

 

0
0
290

Астанада Халықаралық балет әртістерінің конкурсы өтеді

Биыл қыркүйектің 10 мен 17 аралығында Астанада ІІІ Халықаралық балет әртістерінің конкурсы өтеді. Конкурстың құрылтайшысы әрі ұйымдастырушысы, соңғы жылдары Қазақстанның хореография өнерін дамытуға зор үлес қосып келе жатқан «Балет пен ұлттық биді дамыту және қолдау қоры» жеке қоры.

ІІІ Халықаралық балет әртістері конкурсының Бас серіктесі – Ұлт көшбасшысы – Қазақстан Республикасының Тұңғыш Президентінің Қоры.

Шығармашылық сайыстың негізгі мақсат-міндеті – хореография өнерін дәріптеу; классикалық балет дәстүрін сақтау және дамыту; дарынды жас әртістерді анықтап, ынталандыру; Қазақстанның мәдени имиджін өсіру.

«Конкурстар қоғам мүшелері мен әртістердің көңілін белгілі бір өнер түріне бұрып, нәтижесінде осы саладағы мол жетістіктерге куә боламыз. Біздің конкурс та осындай нәтиже әкелетініне сенеміз. Сөз жоқ, конкурстың тағы бір қыры – еліміздің мәдени имиджін асқақтату, себебі, конкурсқа дүние жүзінің әртістері жиналады» - деп есептейді, қордың атқарушы директоры және конкурстың ұйымдастыру комитетінің төрайымы Әсел Құрманбаева.

Конкурсқа 17 мен 25 жас аралығындағы Қазақстанның, Ресейдің, Орта Азияның, Еуропа мен Жапонияның әртістері қатысады. Бұған дейінгі екі конкурс Қазақстан Республикасы Мәдениет министрлігінің қолдауымен өтті. Бірінші конкурс 2006, ал, екінші конкурс 2009 жылы өтіп, оған Болгария, Ресей, Украина, Қытай, Қырғызстан, Өзбекстан өкілдері қатысты. Биылғы конкурстың географиясы біршама кеңейді.

Конкурстың жүлде қорында әйелдер мен ерлер арасында жеке дара гран-при, бірінші, екінші, үшінші орын және бірнеше ынталандыру жүлдесі бар: үздік дуэт, «Үкілі үміт», заманауи хореографияны үздік орындағаны үшін және т.б.

Қазылар алқасының төрайымы – ХХ ғасыр балетінің аңызына айналған, Мариинский театрының этуалі, қазіргі кезде «Астана Опера» театры балетінің көркемдік жетекшісі, Ресей халық әртісі Алтынай Асылмұратова. Ол конкурсқа қатысушыларға үндеуінде былай деп еді: «Конкурс – толқумен қатар, үлкен мереке! Би мерекесі, жаңашылдықтың, жастықтың мерекесі! Конкурсқа қатысушылардың өнерін тамашалауға асықпыз. Жандарыңды салып, шабыттана билеңдер!».

Астанадағы III Халықаралық балет әртістерінің конкурсы оған қатысушылар үшін ғана емес, осы өнерді сүйетін қауым үшін, Астана тұрғындары мен қонақтары үшін жарқын оқиға, нағыз би мерекесіне айналары сөзсіз.

Ақпарат көзі: strategy2050.kz

0
0
454

Д.Назарбаева: 2016-2017 жылдарға арналған орта білім ұйымдарының мематтестациясы бір жылға шегерілді

ҚР Премьер-Министрінің орынбасары Дариға Назарбаева орта білім беру мекемелерінде ішінара тексеру мен мемлекеттік аттестация өткізу мерзімін 2016/2017 оқу жылынан 2017/2018 жылға ауыстыру бойынша кеңес өткізді, деп хабарлады ресми сайт.

Кеңес барысында білім және ғылым министрлігінің өкілдері қолданыстағы нормативтік құжаттарға сәйкес мемлекеттік бақылау шаралары оның тиімділігін толық қамтамасыз етпейтіндігі туралы ақпараттандырды. Осылайша, мектепке дейінгі ұйымдар мен мектептерге лицензияны тартып алу бойынша шаралар қабылданбайды, әкімшілік істер қозғалмайды, аттестациядан өтпеген бала бақшалар мен мектептер жабылмайды.

Сондай-ақ кеңеске қатысушылар министрліктің бастамасымен жүргізілген экономикалық зерттеулер нәтижесінде негізгі назар білім ұйымдарының өзбетінше бағалауына аударылатын мемлекеттік аттестациядан қызметті өлшемді бағалауға өту бойынша ұсыныстардың әзірленгенін атап өтті.

Қазіргі уақытта бағалаудың жаңа жүйесін жүргізу тәртібін реттейтін нормативтік-құқықтық құжаттар әзірленуде. Мектепке дейінгі ұйымдар мен мектептерді бағалау жүйесіндегі жаңа тәсілдемелер мемлекеттік аттестациялау тәжірибесінде кездесетін жемқорлық тәуекелдікті азайту жөніндегі шаралардың бірі болып табылады.

БҒМ өкілдерінің айтуынша, мемлекеттік бақылауда жаңа тәсілдемелер енгізу белілі бір дайынық жұмысты талап етеді. Аталғандардың негізінде, өзгерістерге байланысты орта білім беру мекемелерінде ішінара тексеру мен мемлекеттік аттестация өткізу мерзімін келесі 2017/2018 оқу жылына ауыстыру ұсынылады.

Өз кезегінде Д. Назарбаева тиісті мемлекеттік органдарға аталған ұсыныстар бойынша нормативтік-қықықтық актілер әзірлеуді тапсырды.

Ақпарат көзі: strategy2050.kz

0
0
502

Қазақстан мен Финляндия денсаулық сақтау саласында стратегиялық серіктестік бойынша меморандумға қол қойды

Медицниалық қызметтер мен медициналық білім беруді жетілдіру бойынша Қазақстан мен Финляндия ынтымақтастығы» атты дөңгелек үстелі барысында Қазақстан мен Финляндия денсаулық сақтау саласында стратегиялық серіктестік бойынша меморандумға қол қойды.

«Орта медициналық қызметкерлер мен фармацевтерді даярлау мен қайта дайындау республикалық колледжі» РМҚК директоры Найля Рузденова, Астана әкімдігінің «Медициналық колледж» МҚКҚ директоры Ақбала Саржанова, JAMK қолданбалы ғылымдар университеті басқармасының басшысы  Аила Палониеми мен Lahti қолданбалы ғылымдар университеті басқармасының басшысы Кари Салми денсаулық сақтау саласы мен мейіргерлік істі дамыту бойынша өзара түсіністік пен стратегиялық ынтымақтастық туралы  Меморандумға қол қойды.

Аталған құжат тараптардың келесі бағыттар бойынша ынтымақтастығын қарастырады: медициналық білім беру ұйымдарындағы менеджментті жетілдіру; білім беру бағдарламаларының тиімділігі мен педагог кадрлардың әлеуетін арттыру және ақпараттық, материалдық-техникалық ресурстарды жетілдіру.

Бұрын хабарланғандай, Қазақстанның 10 медициналық колледжі, оның ішінде 2016 жылы 6, 2017 жылы 4 оқу орны жоғарғы медициналық колледж болып қайта құрылады. Аталған оқу орындарында фин сарапшыларының қатысуымен әзірленген «Мейіргерлік іс» мамандығы бойынша қолданбалы бакалавриат бағдарламасы енгізілмек.

«Мейіргерлік іс» мамандығы бойынша қолданбалы бакалавриат жоғарғы медициналық колледж түлектері ауруларды дәрігерге дейінгі тексеру, алдын ала диагноз қою, бейінді мамандарына консультацияға бағыттау, балалар және ересек тұрғындар патронажы, дәрігердің бақылауымен дәрілік тағайындауларды жазу сынды  мейіргерлік қабылдау үшін кәсіби машықтарды игеріп шыгады.

Биыл фин және отандық мамандар «Мейіргерлік іс» мамандығы бойынша қолданбалы бакалавриаттың біріктірілген бағдарламасын әзірледі. Аталған бағдарлама бойынша бұдан бұрын білім алған мейіргерлер бір жарым жылдың ішінде қосымша оқу арқылы өз кәсіби машықтарын дамыта алады.

Біріктірілген бағдарлама бойынша оқыту эксперименталды тәртіпте жоғарыда аталған 6 медициналық колледжде 2016 жылғы қыркүйек айынан басталды. Бағдарлама бойынша 150 адам (әрбір колледжде 25 орыннан) тегін оқытылмақ.

Естеріңізге сала кетейік, қазіргі таңда Қазақстанда 26 мемлекеттік және 37 жеке медициналық колледж бар. Олар жыл сайын орта есеппен 12 мың орта буын медқызметкер дайындайды. Бүгінде орта медперсонал сала қызметкерлерінің ең көп санатын құрайды, орадың саны шамамен 160 мың маман.

Ақпарат көзі: strategy2050.kz

0
0
425

Н.Назарбаев: Қазақстан мен Қытай стратегиялық серіктестіктің үлгілі моделін құрды

Нұрсұлтан Назарбаев Қытай Халық Республикасының төрағасы Си Цзиньпинмен кездесті, деп хабарлады Ақорданың баспасөз қызметі.

Келіссөз барысында екіжақты ынтымақтастықтың, оның ішінде сауда-экономика, инвестиция, көлік-транзит, отын-энергетика, сондай-ақ мәдени-гуманитарлық салалардағы өзара іс-қимылды нығайту перспективаларының кең ауқымды мәселелері қаралды.

Бұдан бөлек, екі мемлекеттің басшылары өңірлік және халықаралық күн тәртібіндегі бірқатар өзекті мәселелер жөнінде пікір алмасты.

Қазақстан Президенті Нұрсұлтан Назарбаев Си Цзиньпинге жұмыс сапарымен келуге, сондай-ақ G-20 саммитіне қатысуға шақырғаны үшін алғыс айтты.

«Қытай ұйымға күрделі кезеңде төраға болды. Сіздер әзірлеген күн тәртібі дамудың қазіргі кезеңінде өте өзекті. Бүгінде G-20-ның экономикалық проблемаларға мән беруі бүкіл әлем үшін маңызды міндеттерді шешуге септігін тигізетін болады», – деді Мемлекет басшысы.

Нұрсұлтан Назарбаев ынтымақтастық орныққан жылдарда Қазақстан мен Қытай арасындағы сенімнің айтарлықтай нығая түскенін атап өтті.

«Біздің байланысымыз мемлекетаралық қарым-қатынастың үлгісі бола алады. Стратегиялық серіктестіктің үлгілі моделін құрып, экономикалық ынтымақтастықты жаңа деңгейге көтердік. Қазақстан мен Қытайдың үкіметтері қол жеткен келісімдер қорытындысы бойынша алға қойылған міндеттерді орындау жұмысымен белсене айналысуда. Биыл біз Қазақстан тәуелсіздігінің 25 жылдығын, ал келесі жылы елдеріміз арасындағы дипломатиялық қарым-қатынастың 25 жылдығын атап өтетін боламыз», – деді Елбасы.

Си Цзиньпин еліміздің жаһандық диалогқа елеулі үлесін қосып келе жатқанына ризашылық білдіріп, Қазақстанның өңірдің және бүкіл әлемнің экономикалық дамуында маңызды рөл атқаратынын атап өтті.

«Былтыр осы уақытта Бейжіңде біздің кездесуіміз өтіп, оның қорытындысы бойынша қарым-қатынастың жаңа кезеңі туралы бірлескен декларацияға қол қойылған болатын. Қазір барлық саладағы екіжақты серіктестік қарқын алып келеді, оның одан әрі дамуы жолындағы міндеттер айқындалды. Біздің қарым-қатынасымыздың орнағанына келесі жылы 25 жыл толатынын ескере отырып, өзара тиімді серіктестікті одан әрі нығайта түсу қажет. Сондай-ақ, бірлескен күш-жігер арқылы адалдық, өзара сенім, ауызбіршілік және өзара көмек рухындағы қарым-қатынасты қалыптастыра отырып, стратегиялық үйлесімді, өзара тиімді ынтымақтастықты күшейте түсу керек», – деді ҚХР төрағасы.

Тараптар алдағы саммит әлемдік экономиканың бұдан арғы даму жолдарын айқындауда маңызды рөл атқарып, жаһандық экономикалық өсімнің жаңа қозғаушы күшіне айналады деп үміттенетінін білдірді.

Келіссөздер қорытындысы бойынша төмендегідей құжаттарға қол қойылды:

2004 жылғы 17 мамырдағы Қазақстан Республикасының Үкiметi мен Қытай Халық Республикасының Үкiметi арасында Қазақстан-Қытай ынтымақтастығы жөнiндегi комитет құру туралы келiсiмге толықтырулар енгізу туралы хаттама;

– «Нұрлы жол» және «Жібек жолының экономикалық белдеуі» бағдарламаларын ұштастыру жөніндегі ынтымақтастық жоспары;

– Қазақстан Республикасы Ауыл шаруашылығы министрлігі мен Қытай Халық Республикасының Сапаны қадағалау, инспекция және карантин жөніндегі бас басқармасы арасындағы Қазақстан Республикасынан Қытай Халық Республикасына экспортталатын жылқы тұқымдас жануарлар үшін қойылатын карантин және денсаулығын қорғау талаптары жөніндегі хаттама;

– Қазақстан Республикасының Ауыл шаруашылығы министрлігі мен Қытай Халық Республикасының Сапаны қадағалау, инспекция және карантин бас басқармасы арасындағы Қазақстан Республикасынан Қытай Халық Республикасына экспортталатын соя бұршағы партияларына қойылатын фитосанитариялық талаптар жөніндегі хаттама.

Ақпарат көзі: strategy2050.kz

0
0
485

«Жасыл көпір – „жасыл“ технологияларға, инновациялар мен қолжетімді энергияға көпір» атты халықаралық конференциясының АНОНСЫ

14-15 қыркүйекте Астана қаласында ең алдымен тек біздің елімізде ғана емес әлемде де жасыл экономиканы ілгерілетуге арналған «Жасыл көпір – «жасыл» технологияларға, инновациялар мен қолжетімді энергияға көпір» атты халықаралық конференциясы, «Жасыл бизнесті құқықтық қорғау және экономикалық ынталандыру тетіктері» атты дөңгелек үстел және «FUTURE WAVE – инновациялық мүмкіндіктердің тұғырнама алаңы» Жастар форумы өткізіледі.

Бағдарлама жасыл экономикаға көшудегі халықаралық ынтымақтастық, озық жасыл технологиялар мен тәжірибелер трансферті, жасыл бизнесті дамыту, институционалдық және техникалық инновацияларды ынталандыру мәселелеріне арналған.

Ұйымдастырушылар: Қазақстан Республикасы Энергетика министрлігі, G-Global Халықаралық Секретариаты, «Жасыл» экономиканы» қолдау және G-Global-ды дамыту» коалициясы, Л.Н.Гумилев атындағы Евразиялық Ұлттық Университеті, Қазақстанның еріктілер Альянсы.

Ресми қолдау: Қазақстандағы БҰҰ ДБ, Астанадағы ЕҚЫҰ Бағдарламалар Офисі,  «Астана ЭКСПО» ҰҚ» АҚ

Әріптестері: Азиялық Даму Банкі, Жапондық сыртқы сауда ұйымы, Корей инвестициялар мен саудаға ықпал ету агенттігі, «Жасыл Көпір серіктестік бағдарламасы» ХҰ» ЗТБ.

Жұмысқа 20-дан аса  шет елдер салалық министрліктер мен ҮЕҰ басшылары қатысады. Сонымен қатар Конференция мен Форум қонақтарының ішінде – ҚР Парламент депутаттары, министрлік және ҚР даму институттары өкілдері, халықаралық сарапшылар, ҮЕҰ басшылары және елдердің бизнес-құрылымдары, жастар ұйымдары, БАҚ өкілдері және т.б.

Конференция бағдарламасымен егжей-тегжейлі http://www.gbpp-expo.org сайтында танысуға болады

0
0
1619

В.Тельнов: «Нұрлы жол» может стать примером интеграции на саммите G-20 в Китае

Лидеры 27 государств 4-5 сентября 2016 года прибудут в китайский Ханчжоу на саммит G-20. По счету одиннадцатый саммит лидеров большой двадцатки сыграет важную роль в определении дальнейших путей развития экономики мира. По приглашению Председателя Китайской Народной Республики Си Цзиньпиня Глава государства Нурсултан Назарбаев примет непосредственное участие в мероприятии. Уже сегодня состоялась деловая встреча глав государств. Был рассмотрен широкий круг вопросов двустороннего сотрудничества. Своим мнением о роли предстоящего саммита в Китае и участии Казахстана в нем поделился политолог Владимир Тельнов.

«Глава государства Нурсултан Назарбаев примет участие в Саммите G-20 в Китае. Основная повестка дня – это программа нового экономического переустройства мира. На саммите большое внимание будет отведено процессам интеграции. Как известно, Китаем выдвинута инициатива «Один пояс и один путь», т.е. объединение проектов  «Экономического пояса Шелкового пути» и «Морского Шелкового пути XXI века». В рамках Саммита будут подниматься вопросы по этой теме, чтобы подключить всю Евразию. Для Казахстана это очень выгодно, так как у нас реализуется государственная программа «Нұрлы жол», где особое внимание отведено логистике. Кроме того, стоит задача консолидировать интеграционную систему Евразийского экономического союза и Великого Шелкового пути, что уже создаст основы программы нового экономического переустройства мира», - сказал эксперт.

В этой связи Владимир Тельнов отметил, что при консолидации процессов между организациями усилится взаимодополняемость экономик стран.

«Для такой работы у Казахстана есть все возможности. Здесь мы видим основную выгоду. У нас есть энергетика и земля для развития логистики. Причем нужно создать такую транспортную артерию, которая бы соответствовала уровню 21 века -  скоростные магистрали», - добавил  В. Тельнов.

По мнению политолога, кроме транспортной артерии вокруг должна развиваться экономика. В этом ключе Казахстану необходимо точно расставить приоритеты во благо роста благосостояния населения, поднятия темпов экономического развития, которое необходимо, чтобы войти в 30-ку развитых экономик мира.

«Так, на саммите большой двадцатки Китай хочет предложить новые подходы развития экономики, а ее основа - развитие интеграционных усилий. Учитывая уже реализуемую программу «Нұрлы жол», мы в некоторой степени можем подавать пример. Сейчас с развитием науки и техники улучшаются возможности использования суши, надо создать транспортно-логистические системы, которые бы сокращали пути», - считает В. Тельнов.

Источник: strategy2050.kz

 

0
0
240

Мұнайдың да сұрауы бар

2016 жылдың 26 тамызда ҚР Энергетика министрлігінде Қазақстан Республикасы Премьер-Министрі Кәрім Мәсімовтің тапсырмасы бойынша мұнай-газ саласындағы ірі жобалардағы қазақстандық қамту бойынша ведомствоаралық жұмыс тобының отырысы болып өтті.

Жұмыс тобының мақсаты  мұнай сервисі және ірі жер қойнауын пайдаланушылар арасындағы барлық мәселелердің шешімін табу болып табылады, бұл аймақтардағы әлеуметтік жағдайға, сондай-ақ мұнай-газ саласындағы Қазақстан Республикасының азаматтарын жұмыспен қамтуға жағымды әсерін тигізуі тиіс.

Өткен бірінші отырыстың өзінде ғана бірқатар маңызды және алдыңғы қатарлы шешімдер қабылданды. Теңізшевройл (ТШО) және Норт Каспиан Оперейтинг Компани (НКОК) компаниялары ерте келісімшарттарды беру тетігін енгізу және жобаларына сынамалы тапсырыстарды орналастыру мүмкіндігін қарастыруы тиіс.

Сондай-ақ мұнай-газ кен орындарындағы Теңіз, Қарашығанақ және Қашаған үш ірі операторға, сонымен қатар «PSA» ЖШС және «ҚазМұнайГаз» АҚ қолданыстағы деректер базасын «ALASH» Бірыңғай деректер базасымен біріктіру мәселесін тездету қажет.

ҚР Энергетика министрлігі ҚР Инвестициялар және даму министрлігімен және «Атамекен» ҚР Ұлттық кәсіпкерлер палатасымен бірлесіп көрсетілген қызметтерді жеткізудің мерзімдерімен шамалас төлем мерзімдерін белгілеу, Тауарларды, жұмыстар мен көрсетілетін қызметтерді сатып алу қағидасына өзгерістер енгізу мүмкіндігін қарастыруды жоспарлап отыр.

Бұдан әрі «Атамекен» ҚР ҰКП –мен  НКОК, Карачаганак Петролеум Оперейтинг (КПО) және ТШО міндеттемелерін, жұмыстар мен қызметтер, аталған жұмыстар мен қызметтер ұсынуға жергілікті жабдықтаушылардың дайындығы, экономикалық және техникалық тиімділігі бойынша отандық сервистік компаниялардың нарығын талдау және шетелдік ірі мұнай-сервистік компаниялармен бірлескен кәсіпорындар құру бойынша нақты ұсыныстарды Үкіметке енгізу бойынша бірлескен жұмыстар жүргізілді.

Бұдан әрі ҚР Энергетика министрлігі  ҚР Ұлттық экономика және Әділет министрлігіне бірлескен кәсіпорындарды тіркеу мерзімдерін қысқарту және қажетті рұқсат құжаттарын, соның ішінде жобалауға, құрылыс-құрастырымдық жұмыстарға және т.б. арналған лицензия алу мүмкіндігін қарастыру бойынша жұмыстар жүргізіледі.

Сондай-ақ ҚР Энергетика министрлігі «Атамекен» ҚР ҰКП –мен, ҚР Ұлттық экономика және Инвестициялар және даму министрлігімен бірлесіп жеткізушілерді ТШО, НКОК және ҚПО жобаларында қолданылатын импортталған жабдыққа салынатын импорттық баждардан және қосымша құн салығынан (ҚҚС) босату мәселелерімен қоса, отандық мұнай сервисін мемлекеттік қолдау шаралары бойынша ұсыныстар енгізуді жоспарлап отыр.

Сонымен қатар ҚР Энергетика министрлігі «Атамекен» ҚР ҰКП –мен бірлесіп, қытайлық қатысу үлесі бар компанияның сатып алуларын техникалық ерекшеліктерде көтеріңкі талаптардың бар болуы мен тендерге қазақстандық жеткізушілерді негізсіз қабылдамау бойынша талдау жүргізу бойынша жұмысты бастайды.

ҚР Энергетика министрлігі «Атамекен» ҚР ҰКП –мен бірлесіп, жер қойнауын пайдаланушылар мен отандық компаниялар үшін «Бір терезе» қағидатын қолдану тетігі бойынша жұмыстарды бастауды жоспарлап отыр.

ҚР ЭМ Баспасөз қызметі

0
0
240