Мазмұнға өту

Жаңа

«Заманауи Қазақстандағы инновациялық даму және ғылымның талабы»

Павлодар облысының жас ғалымдар кеңесі «Жастар саясаты мәселелері жөніндегі басқармасының» ММ қолдауымен 2016 жылы 22 қазанда, докторанттардың, магистранттардың, студенттердің (29 жасқа дейінгі) «Заманауи Қазақстандағы инновациялық даму және ғылымның талабы» Республикалық жас ғалымдардың конференциясын өткізеді. Конференцияға қатысу үшін ғалымдар, докторанттар, магистранттар, студенттер шақырылады.

Конференция жұмысына қатысу  туралы ақпаратты қонақ үйде орынды брондау, келетін күнін 2016 жылдың 7 қазанға дейін хабарлау.

Кеңес алу үшін мына мекен-жай бойынша хабарласуға болады: Павлодар қ., Ломов к-сі, 38, ММ "Жастар саясаты мәселелері жөніндегі басқармасы", ақпараттық-талдамалық қызмет, жастар бастамаларын үйлестіру бөлімі,тел8 (7182) 66-09-11.

Конференция материалдарын жариялау үшін 2016 жылдың 5 қазанына дейін  анықтамасын ұсынған электрондық поштаға жауапты хатшы толтырылған тіркеу нысанын және А4 қарқынды, Microsoft Оffice Word редакторында 6 беттен аспайтын мақаланы жіберу қажет.

ҚАТЫСУШЫНЫҢ ТІРКЕУ ФОРМАСЫ

Тегі______________________________________________________________________

Аты__________________________________________________________________________

Әкесінің аты______________________________________________________________________

Ұжым, қызмет____________________________________________________________________

Үйдің мекен-жайы_________________________________________________________________________

Байланыс телефон______________________________________________________________________

E-mail________________________________________________________________________

Секция_______________________________________________________________________

Баяндаманың атауы(толық атауы) __________________________________________________________________________________________________________________________________________________________

Баяндамашы туралы ақпарат (болған жағдайда)_________________________________________

Мен ниеттімін :

мәжіліс секциясына баяндамамен қатысуға;

сырттай қатысуға.

0
0
797

Биыл Қазақстанда денсаулық сақтау саласының 60 нысаны қолдануға берілді

Қазақстанда 2016 жылдың соңына дейін денсаулық сақтау саласының 60 нысаны пайдалануға беріледі. Оның ішінде 25 нысан «350 дәрігерлік амбулатория фельдшерлік-акушерлік пункттер және емханалардың құрылысы» жобасының аясында, 35-і жергілікті атқарушы органдар өтінімінің негізінде республикалық және жергілікті бюджет есебінен салынуда.

ҚР Денсаулық сақтау және әлеуметтік даму министрлігінің баспасөз қызметі хабарлағандай, аталған жобаның аясында 32 емхана, алғашқы медициналық-санитерлық көмек орталықтары мен 318 дәрігерлік амбулатория, фельдшерлік-акушерлік пункттер құрылысы қарастырылған. 2016 жылғы 1 қыркүйектегі мәліметтерге сәйкес, 325 нысанның немесе жоспарланған нысанның 93%-ның құрылысы аяқталды.

Қазіргі таңда 8 нысанды пайдалануға беру бойынша (бір ауысымда 250 адамды қабылдайтын Ақмола облысы Зеренді ауданы Зеренді ауылындағы емхана, бір ауысымда 25 адамды қабылдайтын Ақмола облысы Бурабай ауданы Атамекен ауылындағы ДА, бір ауысымда 25 адамды қабылдайтын Қарағанды облысы Бұқар жырау, Осакаровка, Нұра мен Шет аудандарындағы 6 ДА) қабылдап алу актілеріне қол қою шаралары өткізілуде. Сонымен қатар, 17 нысанның құрылысын аяқтау мен пайдалануға беру жұмыстары жүргізілуде.

Сонымен бірге, қазіргі таңда «350 дәрігерлік амбулатория, фельдшерлік-акушерлік пункттер және емханалар құрылысы» жобасының аясынан бөлек жергілікті атқарушы органдардың өтінімі негізінде республикалық және жергілікті бюджет есебінен денсаулық сақтау саласының 49 нысанының құрылысы жүргізілуде. Оның ішінде ағымдағы жылы 35 нысан пайдалануға берілсе, 2017 жылы 14 нысан берілмек.

Биыл пайдалануға берілетін медициналық нысандардың 5-уінің құрылысы аяқталды: Талдықорған қаласындағы 300 орындық көпсалалы аурухана, Атырау облысы Құрманғазы ауданы Ганюшкино ауылындағы фельдшерлік-акушерлік пункт пен Исатай ауданы Жанбай ауылындағы дәрігерлік амбулатория, бір ауысымда 300 адамды қабылдайтын Қостанай қаласындағы облыстық онкологиялық диспансер емханасы, Оңтүстік Қазақстан облысы Түлкібас ауданы Түлкібас ауылындағы емхана. Басқа нысандар бойынша құрылыстарды аяқтау мен пайдалануға беру шаралары жүргізілуде.

Денсаулық сақтау саласы нысандарының құрылысы ҚР Денсаулық сақтау және әлеуметтік даму министрлігінің үнемі бақылауында екенін атап айтқан жөн.

Ақпарат көзі: strategy2050.kz

0
0
381

Павлодар облысында жыл соңына дейін тоғыз облыстық маңыздағы жолдың жөнделуі аяқталады

Павлодар облысының әкімі жергілікті және облыстық маңызы бар жолдардағы жөндеу жұмыстарын 1-ші қазанға дейін аяқтап, мердігер ұйымдармен есеп айырысуды тапсырды, деп хабарлады облыс әкімдігі.

Облыстық құрылыс, жолаушылар көлігі және автомобиль жолдары басқармасының ақпараты бойынша үстіміздегі жылы тоғыз облыстық маңызы бар жолдарға жөндеу жұмыстарын жүргізу жоспарланған болатын.

Қазіргі кезде жеті нысан бойынша жөндеу жұмыстары аяқталды, қалған екі нысан бойынша жұмыстар қыркүйектің соңына дейін аяқталады деп күтілуде. Жолдарды күтіп ұстауға келетін болсақ, ведомство басшысы Дәулет Мұстафиннің айтуынша барлық ұйымдармен келісімшарттар жасалды, бұл жұмыстар жоспарға сәйкес жылдың соңына дейін жалғасатын болады.

Облыс орталығы бойынша 2017 жылы жолдарды күтіп ұстау бойынша барлық есеп-қисаптарды қазіргі кезден бастап жүргізу қажет. Сонымен қатар, құм мен тұз аралас қоспалар әзірленіп, қар жинайтын техника сақадай-сай болуы керек, - деп талап етті Болат Бақауов. – Жыл басында түрлі сұрақтар туындамауы үшін бәрін алдын ала қарастырып, жолдарды күтіп ұстау бойынша конкурстық құжаттамаларды зерттеу қажет.

Баяндамашының ақпараты бойынша автомобиль жолындағы еңбекақының төленбеуіне байланысты тоқтап қалған жұмыстар қайта жанданды. Қазіргі кезде жерді өңдеу жұмыстары жүргізілп жатыр. Субмердігер ұйымдардың шоттарына қаражат түскеннен кейін жолға бетон және асфальт жабындыларын төсеу жұмыстары басталады. Айта кетерлігі, ағымдағы жылы құрылысшылар Павлодар-Астана автожолының ұзындығы 104 км құрайтын бір бөлігін тапсыруды жоспарлап отыр.

Сонымен қатар, жиналыс барысында Екібастұз-Майқайың автомобиль жолын республикалық меншікке тапсыру бойынша жұмыстар басталғаны мәлім болды. Алдағы аптада облыс әкімдігінің тиісті қаулысы қабылданады деп жоспарланып отыр. Осыған байланысты аймақ басшысы аталмыш жолға жөндеу жұмыстарын  жүргізу бйынша жобалау-сметалық құжаттарды әзірлеуді жылдамдатуды тапсырды.

Ақпарат көзі: strategy2050.kz

0
0
408

Сапалы кадр жасақтау – қазіргі заман талабы

Ел қауіпсіздігін қорғау, халықтың тыныштығы мен бостандығын сақтау, қоғамдық тәртіпті қамтамасыз ету, қылмыс пен құқық бұзушылықпен күресіп, азаматтардың мүдделерін құқыққа қарсы қол сұғушылықтардан қорғау – полиция қызметкерлерінің негізгі міндеті екендігі белгілі. Осындай жауапты міндетті абыройлы атқаруда сапалы кадрлық саясатты жүргізіп, білікті әрі кәсіби мамандарды іріктеп, қалыптастыру жұмысының маңызы зор. Елбасымыз Н.Ә.Назарбаев Үкіметтің кеңейтілген отырысында қазіргі заманғы мемлекет құрудың 5 институционалды бағыттарын айқындаған 100 нақты қадам бағдарламасын ұсынып, жоспардың  28-қадамында – полиция қызметкерлерін ІСКЕРЛІК ҚАБІЛЕТТЕРІ НЕГІЗІНДЕ ІРІКТЕУ ЖҮЙЕСІН ЖАҚСАРТУ мәселесін көтерді. Кәсіби дағдыларын және жеке тұлғалық қасиеттерін тексеру үшін іс басындағы полиция қызметкерлерін және қызметкерлікке кандидаттарды тестілеудіӊ арнайы жүйесін енгізу тапсырмасы берілді. Аталған тапсырманы орындау мақсатында, Ішкі істер министрлігінде кадр саясатын жетілдіру, азаматтардың конституциялық құқықтарын қорғауды күшейту, полиция қызметіндегі заңдылық пен тәртіпті нығайту, жеке құрамның біліктілігін арттыру жөніндегі кешенді шаралар қабылдануда.

Ішкі істер органдарына қызметке қабылданатын үміткерлерді  іріктеу және зерделеу Қазақстан Республикасы Ішкі істер министрінің 2011 жылғы 27 мамырдағы №246 бұйрығына сәйкес жүзеге асырылады. Ішкі істер органдарында қызмет етуге үміткерлерді алдын ала іріктеуді ұйымдастыру жұмысы олардың қызметінің тиімділігінің негізгі шарттарының бірі болып табылады және үміткерлерді іріктеу және зерделеу, ішкі істер органдарына қабылдау жүйесі бірнеше сатылардан тұрады:

1-сатысында республикалық және жергілікті бұқаралық ақпарат құралдарына бос орындарға конкурс өткізілетіні жайлы хабарландырулар жарияланады. Тиісінше, департамент жанынан үміткерлерді іріктеуге мүмкіндік беретін білікті әрі кәсіби тәжирибесі мол мамандардан жинақталған конкурстық комиссия құрылады. Азаматтардан құжаттар қабылданып, олардың лауазымдарға белгiленген бiлiктiлiк талаптарына сәйкестiлігi алдын ала қаралады. Құжаттары конкурс ережесінің талаптарына сай болған жағдайда, үміткерлерді медициналық және психофизиологиялық куәландырудан, оның ішінде полиграфологиялық зерттеуден өткізу шарасы ұйымдастырылады. ҚР Заңдық жүйесін білетіндігін анықтау мақсатында үміткерлер ереже талаптарына сәйкес тестілеуден өтіп, дене шынықтыру даярлығы бойынша нормативтер тапсырады. Сонымен қатар, аталған іріктеу жүйесінің соңғы сатысы – конкурс өткізуші комиссияның үміткерлермен әңгімелесуі болып табылады. Әңгімелесудің басты мақсаты – үміткердің жеке басын сипаттайтын әлеуметтік қасиеттерін мүмкіндігінше толық анықтау және оның ойлау қабілетін, нақты жағдайды қабылдауы және нақты әрекеттері болып табылады. Әңгімелесу барысында үміткердің ішкі істер органдарына қызметке түсу себептері анықталады. Алдағы қызметтің қауіпті сипатына, ішкі істер органдарындағы қызметтің жағдайына, жалпы және нақты құрылымдық бөлімшенің қызметіне үміткердің және оның туыстарының назары аударылады. Оларға ішкі істер органдарының қызметкерлері үшін заңмен бекітілген жеңілдіктер, кепілдіктер, үстемақылар туралы ақпараттар беріледі.

Ішкі істер органдарына қызметке іріктеу кезінде үміткердің іскерлік, жеке және моральдық қасиеттерінің  неғұрлым сәйкес келуі басты назарға алынады.

Ішкі істер органдарының қатардағы және кіші басшы құрам лауазымдарына жиырма бес жастан аспаған азаматтар, орта және аға басшы құрам лауазымдарына – отыз бес жастан аспаған, тиісті білімі бар және мерзімді әскери қызмет өткерген азаматтар немесе әскери-оқыту резервін даярлау бойынша Қорғаныс министрлігінің мамандандырылған ұйымдарында әскери даярлықтан өткен, сондай-ақ Қазақстан Республикасының заңнамасына сәйкес мерзімді әскери қызметке шақырудан босатылған немесе кейінге қалдырылған азаматтар қабылданады.

Үміткердің жеке басын зерделеу процесінде оның денсаулығының жағдайы, оның білімі мен арнайы даярлығының сәйкестігі, белгіленген нормативтерді тапсыру бойынша дене шынығуының даму деңгейі, ол тағайындалатын лауазымға қойылатын талаптарға сәйкес болуы, үміткердің отбасы жағдайы және ортасы, мінез-құлқының негізгі сипаттары анықталады. Үміткер ішкі істер органдарының арнайы есептері бойынша  да тексеріледі.

Ерекше атап өтерлік жайт, ішкі істер органдарына қызметкерлерді іріктеуде полиграфологиялық зерделеуден өткізу технологиясы қолданысқа енгізілді. Елбасымыз Н.Ә.Назарбаев 2015 жылдың 11 наурызында өткен «Нұр Отан» партиясының ХVІ съезінде «Полицияға кәсіби және психологиялық іріктеудің жаңа жүйесін енгізіп, полицейлердің өздерінің біліктіліктерін тұрақты түрде арттырып және растап отыруын қамтамасыз ету маңызды» деген болатын. Осы мақсатта «Құқық қорғау қызметі туралы» ҚР заңына өзгерістер енгізіліп, Қазақстан Республикасы үкіметінің қаулысымен Қазақстан Республикасының құқық қорғау органдарында полиграфологиялық зерттеуден өту қағидалары бекітілген. Ішкі істер органдары қызметкерлерін сапалы іріктеу, қызметке қабылданатын үміткерлерге, сондай-ақ аттестаттаудан өту және тергеулер кезеңінде полиграфологиялық зерттеулер жүйесі қолданысқа енгізілді. Қазіргі таңда, бұл жүйе полиция қызметкерлерін кезекті аттестаттаудан өткізу кезеңінде де жүйелі қолданылып жатыр.

Сонымен қатар, Қазақстан Республикасы Ішкі істер министрінің «Ішкі істер органдарындағы тәлімгерлік бекіту туралы» бұйрығына сәйкес, қызметке жаңа қабылданған қызметкерге тәлімгер тағайындау практикасы да жүйелі жүргізіліп жатыр. Бұл да кадрлық жүйенің тиімді жүргізіліп, жеке құрам арасындағы тәртіп пен заңдылықтың сақталуына маңызы зор. Тәлімгер ретінде даярлығы жағынан жақсы сыныптық біліктілігі бар және лауазымда кемінде 3 жыл қызмет атқарған, жоғары кәсіби біліктілікке ие, қызметте тұрақты көрсеткіштері бар, өмірлік тәжірибесі бай, тәрбие жұмысына бейім және ұжымда беделді қызметкерлер тағайындала алады. Тәлімгер  жас қызметкерді тәрбиелеп, қызметтің қыр-сырын үйретіп, бағыт-бағдар беріп отырады.

Қазіргі таңда, құзырлы мемлекеттік органдармен бірігіп полиция қызметкерлерінің біліктілігі мен жауапкершілігін арттыру, құқық қорғау органдарының имиджін жақсарту мақсатында жұмыстар жасап жатырмыз. Іске асып жатқан жұмыстар ішкі істер органдары қызметінің тиімділігін арттыруға және азаматтардың полицейлерге деген сенімінің артуына ықпал етеді деп сенемін.


Қызылорда ОІІД бастығының орынбасары полиция полковнигі Шохатаев Махмудин Мұхтарұлы

 
1
0
853

АШМ-де Қазақстанның трансшекаралық өзендер бойынша халықаралық ынтымақтастығы түсіндірілді

ҚР Ауылшаруашылығы министрлігі трансшекаралық суды ұтымды пайдалану және қорғау мәселелері бойынша белгілі бір елдермен ынтымақтастық қарым-қатынаста, деп хабарлады АШМ.

Бұл бағыттағы қызметті Министрліктегі Трансшекаралық өзен департаменті жүзеге асырады, ал Су ресурстары жөніндегі комитет Министрліктің бақылау-қадағалау функцияларын атқарады.

Қазақстанда трансшекаралық өзендер ел шетімен ағады. Оларға Ертіс, Іле, Сырдария, Жайық, Тобыл, Есіл және Шу өзендері жатады. Бұл өзендер елдің шетінде орналасқандықтан 40 пайыздан астам су ресурстары көрші елдерден келеді. Осыған байланысты, Қазақстан суға тәуелді ел болып табылады және трансшекаралық өзендерді пайдалану аса маңызды.

Сондықтан да, мемлекеттің саясатында трансшекаралық су ресурстарын көрші елдермен бірлесіп пайдалану және қорғау мақсатындағы өзара іс-қимыл мәселесі ерекше орын алады.

Қазақстан Республикасы мен Қытай Халық Республикасының арасындағы су аралық қатынастар Қазақстан Республикасының Үкіметі мен Қытай Халық Республикасының Үкіметі арасындағы трансшекаралық өзендерді пайдалану және қорғау бағытындағы ынтымақтастық келісімімен реттеледі (12.09.2001 жыл, Астана қаласы). Осы Келісімді жүзеге асыру мақсатында трансшекаралық өзендерді пайдалану және қорғау бағытындағы Қазақстан-Қытай бірлескен комиссиясы, сондай-ақ, сарапшылардың жұмыс тобы құрылды.

2014 жылдың қарашасында Алматы қаласында өткен трансшекаралық өзендерді пайдалану және қорғау бағытындағы Қазақстан-Қытай бірлескен комиссиясының 12-ші отырысында бұл жобаны талқылау және келісу бойынша арнайы жұмыс тобын құру туралы келісімге қол жеткізілді. Ал 2015 жылғы отырыста тараптар келісім жобасының құрылымын мақұлдап, арнайы жұмыс тобының қызметі туралы ережеге қол қойылды.

Ағымдағы жылы Алматы қаласында арнайы жұмыс тобының 3-ші отырысын  (19-22 қыркүйек) және Бірлескен комиссияның 14-ші отырысын (қарашаның екінші жартысы) өткізу жоспарлануда.

Ресей Федерациясымен су қатынастары 2010 жылғы 7 қыркүйектегі  «Трансшекаралық су объектілерін бірлесіп пайдалану және қорғау туралы» келісіммен реттеледі.

Келісімді іске асыру үшін трансшекаралық су нысандарын бірлесіп пайдалану және қорғау мақсатындағы Қазақстан-Ресей комиссиясы және трансшекаралық өзендер бассейні: Жайық, Ертіс, Есіл, Тобыл, Қиғаш, Қараөзен және Сарыөзен су ресурстарын бірлесіп пайдалану және қорғау мақсатындағы 6 жұмыс тобы құрылды және жұмыс істейді. Комиссияның отырыстары айына кемінде 1 рет, ал жұмыс тобы отырысы жылына кемінде 2 рет алма-кезек тараптар аумақтарында өткізіледі.

2016 жылдың 5-7 қарашасынан бастап Горно-Алтайск қаласында (Ресей Федерациясы) трансшекаралық су нысандарын бірлесіп пайдалану және қорғау мақсатындағы Қазақстан-Ресей бірлескен комиссиясының 6-шы отырысын  өткізу жоспарланған.

Қырғыз Республикасымен трансшекаралық өзендер бойынша қарым-қатынастар 2000 жылдың 21 қаңтарынан бастап Үкіметтер арасындағы Шу және Талас өзендеріндегі су шаруашылығы құрылыстарын мемлекетаралық пайдалану келісім негізінде реттеледі.

Келісім шеңберінде мемлекетаралық пайдаланудағы Шу және Талас өзендеріндегі су шаруашылығы құрылыстарын пайдалану жөніндегі Қазақстан мен Қырғыз Республикасы комиссиясы әрекет етеді.

Комиссия отырыстарында Шу және Талас өзендері бассейнінің су ресурстарын бірлесіп пайдалануды реттеу мәселелері және су шаруашылығы құрылыстарын мемлекетаралық пайдаланудағы  шығыстары талқыланады. Бұл тұтастай алғанда, ҚР кепілдік берілген су көлемінің түсуін қамтамасыз етуі тиіс.

2016 жылдың сәуір айында Тараз қаласында Шу мен Талас өзендеріндегі мемлекетаралық пайдаланудағы су шаруашылығы нысандары бойынша Шу-Талас комиссиясының 21-ші отырысы болып өтті. Отырыста 2016 жылға вегетациялық кезеңге су алудың лимиттері мен мемлекетаралық су шаруашылығын пайдалану нысандарының жұмыс режимі бекітілген болатын.

Шу мен Талас өзендеріндегі мемлекетаралық пайдаланудағы су шаруашылығы нысандары комиссиясының 22-ші отырысы Қырғыз Республикасының аумағында қараша айында өтетін болады.

Әмудария және Сырдария өзендерінің бассейндері арасындағы су ресустарын пайдалану бойынша келісім 1992 жылдың 18 ақпан айында трансшекаралық суларды пайдалану және қорғау саласындағы мемлекетаралық ынтымақтастық келісімі аясында Қазақстан, Қырғызстан, Өзбекстан, Туркіменстан, Тәжікстан Республикалары арасында реттелген.

Жоғарыда айтылған қосымша келсім нормаларына сәйкес аймақтарда Мемлекетаралық үйлестіруші су шаруашылығы комиссиясының (МҮСШК) және оның «Сырдария» мен «Әмудария» бассейндері су шаруашылығы бірлестіктері жүмыс атқарады.

2016 жылдың мамыр айында МҮСШК 68-ші отырысы өтіп, онда 2015-2016 жж. өсімдікаралық кезеңнің қорытындылары, 2016 жылға вегетациялық кезеңге арналған су алуға шектеулер, Әмудария және Сырдария су қоймаларының жұмыс істеу режимдеріне қатысты мәселелер қаралды.

Аталмыш жылдың қазан айында Ташкент қаласында мемлекетаралық үйлестіруші су шаруашылығы комиссиясының 69-шы отырысы өтеді деп жоспарлануда.

Соған байланысты, Қазақстан аумағындағы көрші елдермен қиылысып жатқан қолданыстағы трансшекаралық өзендер бойынша ҚР Ауыл шаруашылығы министрлігі үнемі келіссөздер өткізуде.

Ақпарат көзі: strategy2050.kz

0
0
965

Қ.Тоқаев: ЕАЭО қазіргі кездегі халықаралық қатынастардағы ерекше геоэкономикалық факторға айналды

Сенат Төрағасы Қасым-Жомарт Тоқаев беларустық «Столичное телевидение» (СТВ) телеарнасына сұхбатында еуразиялық ықпалдастықтың өзекті мәселелері, ДСҰ және ЕҚЫҰ-мен ынтымақтастық, сондай-ақ Қазақстан мен Белорусь қатынастары туралы айтты, деп хабарлады Сенат.

Қ.Тоқаевтың пікірінше, Еуразиялық Экономикалық Одақ қазіргі кездегі халықаралық қатынастардағы ерекше геоэкономикалық факторға айналды. Ықпалдастықтың қиындықтары туралы сауалға Сенат басшысы ықпалдастық үдерістері зор күш-жігерді және тиісті біліктілікті талап ететінін атап өтті. Мемлекет басшыларының саяси күш-жігері, ең алдымен, сауда мәселелері бойынша уағдаластықтарда негізгі рөл атқаратыны күмәнсіз екені айтылды.

«Біз ауқымды өкілеттік берілген Еуразия экономикалық комиссиясын толық дәрежеде іске қосуымыз керек деп санаймын. Әзірше ол толыққанды халықаралық ұйым ретінде жұмыс істеп отырған жоқ. Комиссияның қызметіне мемлекет басшыларының да көңілдері толып отырмағаны да маған белгілі», - деді Қ.Тоқаев. Жоғарғы палатаның басшысы ЕАЭО-ның іске кірісуінен бірден нәтиже күтуге болмайды деп санайды. «Бірақ, президенттер де, парламенттер де, әрине, біздің елдеріміздің халықтары да экономикалық және гуманитарлық салаларда өте тығыз ықпалдастықты қалайды. Күрделі геосаяси жағдайды есепке алғанда бұл негізгі мәселе», - деп атап өтті Қ.Тоқаев.

Сенат Төрағасы екіжақты ынтымақтастық үшін де, аймақтық экономикалық ықпалдастықтың игілігі үшін де Қазақстен мен Беларусь президенттері Нұрсұлтан Назарбаев пен Александр Лукашенконың жүйелі кездесулерінің маңызды рөлін атап өтті. «Екі елдің басшылары жеке байланыстарды да, іскерлік байланыстарды да қолдап отырады, бір-біріне зор құрметпен қарайды. Біздің мемлекеттеріміздің арасындағы ынтымақтастықты дамыту үшін бұл өте жақсы», - деді Қ.Тоқаев.

Беларусьтің Дүниежүзілік сауда ұйымына кіруінің келешегі туралы сауалға жауап бере келіп, Төраға бұл үдеріске барынша ықпал етуге Қазақстанның ұмтылысын жеткізді. Қ.Тоқаев Беларусьтегі парламенттік сайлау қарсаңында дауыс беруге мониторинг жүргізу мәселелері бойынша ЕҚЫҰ-мен өзара іс-қимыл туралы пікірімен де бөлісті. «Мен 2010 жылы Беларусь Президентін сайлауға байқау жүргізуге қатыстым, оның қалай өткені маған ұнады, сондықтан мен арнайы мәлімдеме жариялап, беларусь халқы өз таңдауын жасағаны және ол таңдауды біздің бәріміз құрметтеуміз керектігін айттым. Жалпы бізге ЕҚЫҰ-мен ынтымақтастықты өрістету керек. Бұл әмбебап ұйым. Қазақстанға қатысты айтқанда, біз үшін ол басымдыққа ие. ЕҚЫҰ Парламенттік Ассамблея аясында белсенді жұмыс істеп келеміз. ЕҚЫҰ-дағы беларусь делегациясымен тығыз әрі нәтижелі жұмыс істеуіміз керек, деп санаймын».

Ақпарат көзі: strategy2050.kz

0
0
377

«Бұны әркімнің білуі тиіс»

А.ж. 2 қыркүйекте «Адал  жол– Честный путь» сыбайлас жемқорлыққа қарсы марафоны аясында Астрахан аудандық кітапханасында  мәдениет саласының қызметкерлерімен және кітапхана оқырмандарымен «Бұны әркімнің білуі тиіс» тақырыбында ақпараттық сағат өткізілді.

Марафон сыбайлас жемқорлыққа қарсы мәдениетті қалыптастрыуға шақыратындығын, осы әлеуметтік келеңсіздікке қарсы күрес жүргізілуге тиіс екенін еске салуға бағытталған.

Ақпараттық сағаттың қатысушылары «Сыбайлас жемқорлыққа қарсы іс-қимыл туралы» ҚР Заңының баптарымен танысты. Тақырыпты  жалғастыра келе, қатысушылар «Сіздің сыбайлас жемқорлыққа көзқарасыңыз» тақырыбындағы сауалға қатысты.

Іс-шараға 15 адам қатысты.

Департамент госслужбы

0
0
438

Австрия Павлодар облысының кәсіпорындарына қондырғы жеткізуге ниетті

Павлодар облысының әкімі Малайзияның Қазақстандағы төтенше және өкілетті елшісі Дато Хидаят Абдул Хамид пен Австрия елшілігі сауда бөлімінің басшысы Михаэль Мюллерді қабылдады. Тараптар екі жақты ынтыақтастық мәселелерін талқылады, деп хабарлады облыс әкімдігі.

Малайзия дипломатын қабылдау кезінде Болат Бақауов Павлодар облысы мен Малайзия арасындағы сауда айналымында импорт басым екендігін атап өтті.

«Сіздің өңірімізге жасаған сапарыңыз өзара тиімді әріптестіктің бастауы болады деп үміттенемін», - деді аймақ басшысы. «Біздің облысымызда орналасқан экономикалық аймақта инвесторлар үшін тамаша мүмкіндіктер бар. Олар 2036 жылға дейін салықтан босатылады. Өңіріміздің Ресей Федерациясымен шекаралас болуы да экономикалық жағынан аса тиімді».

Өз кезегінде елші малайзиялық бизнес кеңесшілер қонақ үйлерді салу және қонақжайлылық бойынша тренингтер өткізуде көмек көрсете алатынын мәлімдеді. Сонымен қатар, дипломат Малайзия мен Алматы, Атырау қалалары арасындағы оқытушылар және студенттермен өзара алмасу бағдарламалары туралы айтып берді. Ол қаламыздағы жоғарғы оқу орындарының осындай бағдарламаларға қатысуы үшін қолдау көрсете алатынын айтты.

Австрия елінің дипломаты да облыс әкіміне тиімді әріптестік ұсыныстарын жария етті. Елшілік өкілі Михаэль Мюллер Австрия елінің бизнесмендері  Павлодар облысындағы машина жасау және көмір өнеркәсібі салаларындағы кәсіпорындарға қажетті құрал-жабдықтар жеткізуге дайын екендіктерін айтты. Сонымен қатар Австрия елінің кәсіпкерлері Павлодар облысына жұмыс сапарымен келіп, «Павлодар» АЭА-ың жұмысымен танысуға қызығушылық танытып отыр.

Ақпарат көзі: strategy2050.kz

0
0
452

Қазақстанда тұрғын үй бағдарламаларына қатыса алатын азаматтардың санаты қандай?

Өңірлерді дамытудың 2020 жылға дейінгі бағдарламасы халық үшін тұрғын үйге қолжетімділігін әрі қарай жоғарылатуды қамтамасыз ететін тұрғын үй құрылысын дамыту проблемаларын кешенді шешуін көздейді. ҚР Ұлттық экономика министрлігі азаматтардың қандай санаттарының тұрғын үй бағдарламаларына қатысу және қолжетімді бағамен пәтер алу мүмкіндігін түсіндіреді.

Бірінші санат - жергілікті атқарушы органдарда кезекте тұрған азаматтар, олар кезек тәртібінде Тұрғын үй құрылыс жинақ банкі желісі бойынша халықтың барлық санаттарына арналған және «Самұрық-Қазына» қорының тұрғын үйін алуға мүмкіндігі бар. Олар: жетім-балалар және ата-ананың қамкорлығынсыз қалған балалар; ҰОС қатысушылары мен мүгедектеріне теңделген тұлғалар; мүгедек-балалары бар немесе тәрбиелейтін отбасылар; зейтенкерлер; оралмандар; көп балалы және толық емес отбасылар; мемлекеттік қызметкерлер және бюджеттік ұйымидардың қызметкерлері), сондай-ақ «Қазақстан Ипотекалық компаниясының» желісі бойынша  (көп балалы және толық емес отбасылар; мүгедек-балалары бар немесе тәрбиелейтін отбасылар; жетім-балалар және ата-ананың қамқорлығынсыз қалған балалар; оралмандар; мемлекеттік қызметкерлер және бюджеттік ұйымдардың қызметкерлері; 1 және 2 топтағы мүгедектер.

Тұрғын үй құрылыс жинақ банкінің желісі бойынша тұрғын үй сатып алу құқығымен әкімдіктерде кезекте тұрған азаматтардың және банк клиенттерінің арасында бөлінетін болады, клиенттің табысы расталмаған жағдайда ол әлеуетті жалдаушы ретінде қаралады.

«Самұрық-Қазына» қорының желісі бойынша тұрғын үй әкімдіктерде кезекте тұрған азаматтарға бөлінеді, бөлінбеген пәтерлер болған жағдайда – сатып алу құқығымен меншікке немесе сатып алумен жалға бөлінеді.

«Қазақстан ипотекалық компаниясының» желісі бойынша тұрғын үй әкімдіктерде кезекте тұрған азаматтарға  (50% - 35 жасқа толмаған, 50% - қалғандарына) сатып алу немесе сатып алусыз жалға бөлінеді.

Жоғарыда көрсетілген тетіктердің бірін пайдалану үшін әкімдіктің кезегінде болу немесе кезекке тұру қажет (заңнаманың талаптарына сәйкес болғанда), таңдаған бағыт бойынша қатысу және төлем қабілеттілігін растау қажет.

Сонымен бірге, «Нұрлы жол» мемлекеттік бағдарламасының шеңберінде кезекте тұрғандардың барлық санаттарына кезек тәртібінде «Қазақстан ипотекалық компаниясы» АҚ-тың және «Бәйтерек девелопмент» АҚ-тың желісі бойынша тұрғын үйді өткізу көзделген. Тұрғын үй құрылыс жинақ банкінің желісі бойынша банктің салымшысы болатын кезекте тұрғандардың арасында балдық жүйе бойынша да тұрғын үй өткізіледі.

Екінші санат бұл Қазақстанның тұрғын үй құрылыс жинақ банкінің салымшылары, олар «Қазақстанның тұрғын үй құрылыс жинақ банкі желісінің тұрғын үйі» және «Бәйтерек Девелопмент» АҚ-тың кредиттік тұрғын үйі» деген бағыттарды пайдалануға мүмкіндігі бар, ол үшін банктің клиенті болу, сатып алынатын үйдің сомасынан 50% жинағын жинау, балдық жүйе бойынша конкурстық іріктеуді өту және төлем қабілеттілігін растау қажет.

Сонымен бірге, Қазақстанның тұрғын үй құрылыс жинақ банкінің салымшылары үшін «Нұрлы жол» мемлекеттік бағдарламасының шеңберінде «Бәйтерек Девелопмент» АҚ-тың кредиттік тұрғын үйі өткізіледі.

Қазақстанның азаматтары және оралмандары Бағдарламаға қатыса алады, оларға мынадай талаптар қойылады: Астана және Алматыда соңғы 2 жылдың тіркеуінің болуы, қатысушының және онымен бірге тұратын отбасы мүшелерінің (жұбайының, кәмелет жасына жетпеген балаларының), сондай-ақ өтініште көрсетілген отбасы құрамына кіргізілген өзге де отбасы мүшелерінің, адам басына шаққанда пайдалы алаңның көлемі кемінде он бес шаршы метрден аспайтын, бірақ кемінде бір бөлмелі пәтер немесе жатақханадағы бөлменің болмауы, сатып алумен жалға берілетін тұрғын үйі немесе меншігіндегі тұрғын үйі, және құлау (қирау) қаупі бар авариялық жағдайдағы балшықтан құйылған және қаңқалы-қамысты тұрғын үйді қоспағанда Қазақстанда жоқ болуы, соңғы 5 жыл ішінде тұрғын үйді ауыстыру немесе өзіне меншік құқығында тиесілі тұрғын үйді иеліктен шығару арқылы тұрғын үй жағдайларын әдейі нашарлатуы фактілерінің болмауы.

Үшінші санат - 2 жылдан кем емес некеде тұрған, және егер жұбайлардың екеуі 29 жасқа толмаған жас отбасылар, сондай-ақ балаларды 29 жасқа толмаған ата-ананың біреуі тәрбиелейтін, оның ішінде ажырасқан немесе тұл ер «Тұрғын үй құрылысы жинақ банкі желісі бойынша жас отбасылар үшін тұрғын үй» бағдарламасына қатысуға мүмкіндігі бар. Осы бағыт бойынша тұрғын үй сатып алу құқығымен жалға беріледі.

Бағдарламаға қатысу үшін өтініш беру, жеткілікті балл жинау және төлем қабілеттілігін растау қажет. Бағдарламаға Қазақстанның азаматтары қатыса алады, оларға мынадай талаптар қойылады:  Астана немесе Алматы қалаларында соңғы 2 жылдық тіркелуінің бар болуы қатысушының және онымен бірге тұратын отбасы мүшелерінің (жұбайының, кәмелет жасына жетпеген балаларының), сондай-ақ өтініште көрсетілген отбасы құрамына кіргізілген өзге де отбасы мүшелерінің, адам басына шаққанда пайдалы алаңның көлемі кемінде он бес шаршы метрден аспайтын, бірақ кемінде бір бөлмелі пәтер немесе жатақханадағы бөлменің болмауы, сатып алумен жалға берілетін тұрғын үйі немесе меншігіндегі тұрғын үйі, және құлау (қирау) қаупі бар авариялық жағдайдағы балшықтан құйылған және қаңқалы-қамысты тұрғын үйді қоспағанда Қазақстанда жоқ болуы, соңғы 5 жыл ішінде тұрғын үйді ауыстыру немесе өзіне меншік құқығында тиесілі тұрғын үйді иеліктен шығару арқылы тұрғын үй жағдайларын әдейі нашарлатуы фактілерінің болмауы.

Төртінші санат - өз қызметкерлері үшін тұрғын үй салуды немесе сатып алуды ұйымдастыратын мемлекеттік емес немесе мемлекеттік заңды тұлғалардың қызметкерлері, олармен «Қазақстан Ипотекалық компаниясы» АҚ келісімдер мен меморандумдар жасайды.

Ақпарат көзі: strategy2050.kz

0
0
468

«ҚазМұнайГаз»: желмен жарысқан жеңіл атлеттер

«ҚазМұнайГаз» компаниялар тобы Спартакиадасы аясында 5- қыркүйекте Астанадағы Қ. Мұңайтпасов атындағы стадионда ҚМГ-ның «ҚазМұнайГаз» Барлау Өндіру» АҚ, «0SC» ЖШС, «Өзенмұнайгаз» АҚ, «ҚазТрансГаз» АҚ, «ҚазТрансОйл» АҚ, «ҚМГ-Сервис» ЖШС, «ҚМГ өнімдері» ЖШС, «Қаражанбасмұнай» АҚ компанияларының 8 командасы ерлер мен әйелдер арасында жекелей біріншілікте 100 метрге жүгіруден және командалық есепте 4х100 метрге аралас эстафета бойынша жарысты.
Тамаша ауа райы спортшылардың жоғары көңіл күйде болуына әсер еткендей. Жарыс та сондай биік деңгейде ұйымдастырылды.


Әйелдер арасында 100 метрге жүгіруден «ҚМГ БӨ» командасынан Сәбина Ойратқызы топ жарды. Екінші орында «ҚМГ-Сервис» командасының мүшесі Шолпан Аңсариева. «Өзенмұнайгаз» командасының өкілі Гүлжан Мыңжанова нәтижелі үшінші орынға табан тіреді.
Осы қашықтықта ерлер арасында 0SC командасының спортшысы Сапармұрат Нұрмұханбетовке жетер ешкім болмады. КТО-дан Дмитрий Бутков екінші, «ҚазТрансГаз» өкілі Ғабиден Нұрқасымов үшінші орын иеленді.


Аралас командалар арасында 4х100 метрлік эстафета қызықты өтті. Бұл жарыста «ҚМГ өнімдері» АҚ спортшылары 54.47 секунд уақыт көрсетіп, көш басына шықты. «ҚазТрансОйл» АҚ 55.90 секунд уақытпен екінші, жаңаөзендіктер («Өзенмұнайгаз» АҚ) 56.01 секунд нәтижемен үшінші орын алды.
Айта кетейік; Спартакиада Қазақстан Республикасы Тәуелсіздігінің 25 жылдығы құрметіне Астананың спорт кешендерінде өтіп жатыр. Келіңіздер, спортшыларымызға жанкүйер болыңыздар!

0
0
515