Мазмұнға өту

Жаңа

Қазақпын деп мақтанам

Шыңына да,

Қол жетпейтін асқардың

Қазақпын деп,

Өр кеудеммен мақтандым.

Асау мінез,

Бұрқап аққан тасқынға,

Қазақпын деп,

Жан дүниеммен жар салдым.

Жеті атасын жетік білген,

Ұл бар да,

Қазақпын деп,

Барша әлемге шаттандым.

 

Қиын-қыстау,

Кезең қалып алыста

Жаңа деммен,

Түстік біздер жарысқа.

Жүйрік ойлы,

Кең пейілді, әй Қазақ!

Шаба берші, шаба берші алысқа!

   
0
0
786

ОҚО тұрғындары «Тәуелсіздік» тау шыңын бағындырды

Оңтүстік Қазақстан облысында ел Тәуелсіздігінің 25 жылдығына орай, «Бұл - біздің таулар» фестивалі өтті. Дәстүрге айналған шара биыл Төле би ауданы, Сайрам-Өгем мемлекеттік ұлттық паркінде өткізілді.

Облыс әкімдігі хабарлағандай,  іс-шараға қатысушылар Өгем тау жотасының шығысы жағында орналасқан «Тәуелсіздік» шыңын бағындырумен қатар, суретшілердің сайысына да қатысты. Арнайы жол көрсетушілермен тауға шыққан жастар 2200 метр биіктікті бағындырып, өз алдарына рекорд жаңартты.

Бұдан бөлек, “Bal Tekstil” кілем тоқыма фабрикасының демеушілігімен «Біз туризм және экологиямен біргеміз» қайырымдылық шарасы өткізілді. Аталған шара қоғамдағы өзекті мәселе - ата-ана қамқорлығынан айырылған жандарға арналды. Фестиваль қортындысы бойынша белсенді жастар мен суретшілер марапатталып, жеңімпаздарға арнайы сыйлықтар табысталды.

Ақпарат көзі: strategy2050.kz

0
0
613

Сыбайлас жемқорлыққа қарсы білім және бала тәрбиесі

Қазақстан Республикасының 2015-2025 жылдарға арналған Сыбайлас жемқорлыққа қарсы стратегиясының басым бағыттарын жүзеге асыру аясында және Білім және ғылым министрінің 2015 жылғы 22 сәуірдегі №227 бұйрығымен бекітілген «Тәрбиенің тұжырымдамалық негіздері»-не сәйкес сыбайлас жемқорлыққа қарсы мәдениетті қалыптастыру тақырыбы білім беру мекемелерінің тәрбие жоспарларына енгізілді.

Осыған орай, 2016 жылдың 13 – 16 қыркүйек күндері Департамент Орал қалалық білім беру бөлімі мен «Заман» жастар қоғамдық бірлестігімен бірлесіп, мектепке дейінгі білім беру ұйымдарының тәрбиешілері, мектептің бастауыш және жоғарғы сыныптарының ұстаздарына, колледж  және жоғарғы оқу орындары оқытушыларына арналған семинар-кеңестер өткізді.

Өткізілген шаралардың басты мақсаты білім беру бағдарламаларына енгізілген өзгерістердің мағынасын, өскелең ұрпақтың сыбайлас жемқорлыққа қарсы мәдениетін жалпы адамдық және ұлттық құндылықтар негізінде қалыптастырып, сыбайлас жемқорлыққа белсенділікпен қарсы тұруға дайын тұлғаны тәрбиелеу мәселелерін түсіндіру болып табылады.

Семинар-кеңестер барысында Департаменттің сыбайлас жемқорлық профилактикасы қызметкерлерімен тәрбиелік шараларды ұйымдастыру жолдары түсіндірілді.

Кездесу соңында қатысушылар елдің сыбайлас жемқорлыққа қарсы саясатына қатысты өз пікірлерін білдіріп, өздерінің сабақ беру әдістерімен бөлісті.

     
0
0
2198

ҚР Президентіне темір рудасын өндіру және өңдеу жөніндегі жобаның іске асырылу барысы баяндалды

Елбасы Нұрсұлтан Назарбаев Текелі тау-кен өндірісінің кешенінде болды, деп хабарлады Ақорданың баспасөз қызметі.

Мемлекет басшысы кәсіпорынның жұмысымен танысты.

Қазақстан Президентіне инновациялық технологияларды қолдана отырып, қайта балқытылған шойын алу арқылы темір рудасын өндіру және өңдеу жөніндегі жобаның іске асырылу барысы баяндалды.

Сондай-ақ, Мемлекет басшысы Талдықорған қаласының көпсалалы ауруханасында болды.

Қазақстан Президентіне облыстың денсаулық сақтау жүйесін дамытудың басты бағыттары және тиісті мемлекеттік бағдарламалардың іске асырылу барысы туралы баяндалды.

Сондай-ақ, Нұрсұлтан Назарбаев аурухана қызметкерлерімен кездесті. Олар жүргізіліп жатқан әлеуметтік саясатқа қолдау білдіріп, денсаулық сақтау саласына көрсетіліп отырған қамқорлық үшін Елбасыға алғыстарын айтты.

300 адам сиятын медициналық мекеме стационарлық, стационарды алмастыратын және жоғары мамандандырылған медициналық көмек көрсетеді. Көпсалалы аурухана жаңа медициналық құрылғылармен жабдықталған.

Мемлекет басшысы ауыл шаруашылығы дақылдарын күтіп-баптауға маманданған кәсіпорынның жұмысымен танысты.

Қазақстан Президентіне облыстың агроөнеркәсіп кешенінің негізгі көрсеткіштері және қант қызылшасы өндірісін дамыту үшін қабылданып жатқан шаралар туралы баяндалды.

Нұрсұлтан Назарбаев қазір ауыл шаруашылығын мемлекеттік субсидиялауға деген көзқарастың өзгергенін атап өтті.

« Менің шаруаларға айтып жүрген ой-пікірімнің барлығының негізгі түйіні – еңбек өнімділігін субсидиялау қажеттігі. Яғни, қаражат ең ақырғы өнім өндірісі үшін бөлінетін болады», – деді Мемлекет басшысы.

Бұдан бөлек, Нұрсұлтан Назарбаев өңдеу кәсіпорнының аграрлық техникалары мен ауыл шаруашылығы өнімдері көрмесін аралады.

Соңында Елбасы өңірдің шаруаларымен әңгімелесіп, алдағы жұмыстарына табыс тіледі.

Елбасы спорт ғимаратының қызметімен танысып, кешен аумағын аралады.

Қазақстан Президентіне көп функционалды мұз айдынының одан әрі қолданылу перспективасы туралы баяндалды.

Сондай-ақ, Нұрсұлтан Назарбаев олимпиада жеңімпаздарымен және қаланың спорт қоғамдастығымен әңгімелесті.

«Қазақстан өзін спорт державасы ретінде таныта білді. Бұл жетістіктермен шектелмеу керек. Спорттағы еліміз бағындырған биіктердің деңгейін бұдан әрі көтере түсу қажет. Мемлекет халықтың денсаулығына баса көңіл бөліп отыр. Дүниежүзілік қысқы универсиадаға дайындық барысында заманауи спорт ғимараттары салынды. Ол көпшіліктің, әсіресе балалар мен жастардың спортпен шұғылдануына қосымша серпін береді», – деді Мемлекет басшысы.

Спортшылар ұдайы көңіл бөліп, қамқорлық көрсетіп келе жатқаны үшін Елбасына алғыстарын білдірді.

3 мың көрерменге арналған мұз айдыны хоккей жарыстарын өткізуге лайықталған. Универсиададан кейін «Халық Аренаны» қалалық хоккей командаларының ойын алаңына, балалар мен жасөспірімдер спортын дамыту, сондай-ақ тұрғындардың жаппай сырғанау орталығына айналдыру жоспарлануда. Кешен концерттер, көпшілік мәдени іс-шаралар өткізуге лайықталып, қазіргі заманғы жарық және дыбыс құрылғыларымен жабдықталған.

Ақпарат көзі: strategy2050.kz

0
0
701

Дөңгелек үстел

2016 жылдың 15 қыркүйек күні «Заман» жастар қоғамдық бірлестігімен «Қоғамдағы тәртіпсіздік пен құқық бұзушылықтарға «мүлдем төзбеушілік» қағидатын қамтамасыз ету және құқықтық  сананы жағарылату мақсатында іс-шаралар ұйымдастыру жобасы аясында дөңгелек үстел оздырылды.

Шара барысында Департаменттің сыбайлас жемқорлық профилактикасы басқармасының өкілі 2015-2025 жылдарға арналған сыбайлас жемқорлыққа қарсы іс-қимыл бағдарламасы және оның іске асырылуы бойынша баяндама жасады.

 
0
0
646

Әскер ауыл балалары үшін «әлеуметтік лифт» бола алады ма?!

Жақында сенат депутаты Дариға Назарбаева жедел әскери қызметті 2 жылға ұзартуды ұсынды.

«Ең бірінші неден бастаймын?! Егер қорғаныс туралы айтатын болсақ, Үкіметте біз жастардың ісін көтерген болатынбыз. Мектеп бітірген жастар арасында колледжге де, жоғары оқу орындарына да түспейтіндер көп. Олар жұмыссыз қалады. Осы тұрғыда статистикалық мәліметтер өте нашар. Жыл сайын мектеп бітірген 24 мыңға тарта түлек еліміздің не экономикалық, не әлеуметтік кеңістігіне ене алмауда. Мен келісімшарт бойынша қызмет атқарып жүрген әскерилерді қысқартып, жедел әскери қызметке қабылданатындардың санын көбейтуді көтергім келеді. Жастар әскерде міндетін атқаруға мүмкіндік беру керек. Жаңа мамандықтарды меңгеріп алар еді»

Осы мәселе бойынша үш жағдай есіме түседі. Барлығы өз ауылымның жігіттері жайында.

1. Имантай 
Имантай деген ағам 2005 жылы (болу керек) әскерге кетіп, оралған соң үйленді. Ұзақ уақыт жұмыс таба алмады, Павлодарда дүкенде істеді, өз ісін бастамақшы болды, отбасы құрған соң ауылға келіп мал бақты. Ал осыдан 3 жыл бұрын келісім-шарт бойынша әскерге кетіп, қазір Қапшағайда, балалы-шағалы бақытты өмір сүруде. Бұрыңғыдай таршылық дегенді білмейді. Айтпақшы, 2 жыл әскерде болғандықтан бірден келісімге тұрды. Еш қиындық тудырған жоқ.

2. Айдос 
Айдос деген бір азамат (ол да Имантай секілді Әжібайдың жиені) бір жылдық әскерге барып, оралған соң Павлодардағы әділет колледжіне оқуға түсті, тәртіп сақшысы болып жұмысқа тұрды. Колледж бітірген соң, Алматыдағы ІІМ академиясына сырттай оқуға түсті. Осылайша қазірдің өзінде отбасысын асырап, жақсы табыс табуда.

3. Асқар 
Менің ағам, белнемерем. Осыдан екі жыл бұрын әскерден оралып, Айдос секілді милицияға қызметке кірді. Шүкір, қазір өзінің де жағдайы жақсы, ата-анасы мен інілеріне де, қарындасына да қамқор болуда.

Бұл - әскер, шынымен де, ауыл балалары үшін "әлеуметтік лифт" қызметін атқара алатынының көрсеткіші. Дариға Назарбаева да осыны айтып отыр, ауылда қамшы ұстаған бақташылар табылады, ал қару ұстаған ел шекарасын қорғар азаматтар елге қашан да керек.

Енді, екі жыл бойынша ойымды білгіңіз келсе, мен бұған дейін талай адамнан "әскерге бару керек пе?!" деп сұрадым. Бір жылға барғандар "бос уақытыңды өлтіресін" дейді жиі, ал екі жылдық өмірді көрген ағаларымның ешқайсысы олай айтқан емес. Бұнда да бір табиғи сәйкестік бар сыңайлы...

Айтпақшы, келесі бейсенбі облыстық әскери коммисиядан өтуге барамын. Шүкір, Дариға Назарбаева айтқан 24 мың экономикалық жүйеден тыс жастардың қатарынан емеспін. Жоғары білімім де, жұмысым да, қоғамға тигізер пайдам да бар (секілді). Алайда, Конституциядан адам биік емес...

P.s: осылай, жексенбі сайын, бас босағанда сып-сырьезный жазбалар салып отырамын. Үйрене беріңіздер)).

 
2
0
1388

Өмір......!

Өмір жайлы,

Көп айтады адамдар.

Назын айтып,

Өкпелейді өмірге.

Еске алады,

Өкпе арызын төгуге.

Еске алады,

Қара бұлт кеп төнгенде,

Аспанынан шырақ нұры сөнгенде.

Бар айнала, тасталқан болып жатқанда.

Еске алады,

Бар күнәні төгуге.

Тырыспайды, ашық күнді көруге.

Айналаға мейірімін төгуге.

Түрлі-түсті ғажап мына дүниеде,

Мән бермейді әсем сұлу өмірге.

 
0
0
641

Антиромантика. Көзімді ойып берейін сен үшін

Жақында фб лентамды ақтарып, мынандай бір жазбаға көзім түсті:

Амантай Тойшыбай. «Соқыр қыз»

Су қараңғы зағип қыз өзін де, өзгелерді де шексіз жек көретін. Ол тек өзіне ғашық болған бір жігітті ғана жақсы көріпті. Өйткені, сол жігіт қана бойжеткенге ерекше қамқорлық жасап, анасынан да артық көңіл бөледі екен. Бойжеткен өмірді көзбен көретін сәтті күн туар болса, осы жігітке сол күні-ақ тұрмысқа шығамын деп ант етіпті.
Сонымен, Құдайға қараған бір жақсы адам оған екі көзін сыйға тартып, бойжеткен бұл әлемді де, өзінің ғашық жігітін де көрген екен.
Ғашығы: «Жаным, өмірді көзіңмен көретін сәтті күнің туды, енді маған тұрмысқа шығарсың?» депті. 
Бойжеткен жігітке көз салса, ғашығы дәл өзіндей соқыр екен. Қыз селт етіпті де, сол сәтте одан бас тартыпты. 
Жігіт те жылай-жылай алыстап кете барыпты. Біраз уақыттан соң жігіттен хат келіпті: «Сені мәңгіге сүйіп өттім. Менің екі көзімді өз көзіңдей көріп жүр, жаным!»

Классикалық жағдай, осыған ұқсас 2011 жылдары кореялық клип те елдің үлкен сүйіспеншілігіне ие болған еді. Елдің болғанда 14 пен 20 жас аралығындағы жастар мен бойжеткен, бозбалалар арасында.

 

Клиптің негізгі мәні мен жоғарыдағы мәтіннің ұқсастығы бар. Кореялық "Кис" тобының "Себебі мен қызбын" әнін әлемнің барша түкпірінде көріп,  топ үлкен атаққа ие болды. Тіпті киносыншылар "бұл ең ғажайып кино сценариі" деген де баға береді қатысушыларға. Бірақ, сценарийстер маңызды бір дүниені ұмытып кетеді - адамның көзін өзге адамға салу мүмкін емес. Ғалымдар адам көзінің кез-келген бөлігін жасанды бөлшектермен ауыстыра алады. Алайда, өзгенің көз қиыршығын салу, және соның арқасында донордың көзінен айырылуы қаншалықты мүмкін екенін, ондай іс-әрекетке дәрігерлер көне алады ма секілді сұрақтар мені мазалайды. Романтик ақындар мен жазушылар көп дүниені жазады, әрлейді, әсірелейді, өзім де сондайлардың қатарындамын, алайда, жиі шектен шығып кететін секілдіміз.

Негізі, көз бұл

1
0
678

Нұрсұлтан Назарбаев Қырғызстан Президентін 60 жылдық мерейтойымен құттықтады

Қазақстан Президенті Нұрсұлтан Назарбаев қырғыз басшысы Алмазбек Атамбаевты 60 жылдық мерейтойымен құттықтады.

Бүгін Қырғызстан Президенті Алмазбек Атамбаев өзінің туған күнін тойлап жатыр.

«Құрметті Алмазбек Шаршенұлын 60 жылдық мерейтойымен құттықтай отырып, зор денсаулық және бауырлас қырғыз халқының игілігіне арнаған күрделі де маңызды қызметінде сәттілік тілеймін», - деп аяқтады Нұрсұлтан Назарбаев ТМД елдері басшылары кеңесінің шағын құрамдағы отырысында сөйлеген сөзін.

Естеріңізге сала кетейік, «Ала-Арча» мемлекеттік резиденциясында Алмазбек Атамбаевтың төрағалығымен ТМД елдері басшылары кеңесінің мерейтойлық  25-ші отырысы шағын құрамда өтті.

Ақпарат көзі: strategy2050.kz

0
0
633

Астана-Теміртау бағыты бойынша 10 км автожол қолданысқа берілді

Қарағанды облысының Осакаров ауылының маңында Астана-Теміртау бағыты бойынша 10 км-ге созылған автожолдың қайта жаңарту жұмыстары аяқталды, деп хабарлады «ҚазАвтоЖол» АҚ.

Құрылыс және монтаждау жұмыстарын «Ақмола құрылыс материалдары» мердігерлік ұйымы жүзеге асырды. Қайта құру процесінде 125 адам, 66 көлік құралдары жұмысқа тартылды.

Ералы ауылы тұрғындарының өтініші бойынша, автомагистраль бойында жеңіл көлік қозғалысын азайту үшін жерасты өту жолы салынды.

Қайта құру процесі барысында осы бөлікте 60000 текше метр цемент-бетон төселді.

Цемент-бетонды жолдардың артықшылығы жоғары берікті, төзімді, беткі қабаты түзу болып келеді, ол өз кезегінде алдағы уақытта жолды қамту шығындарын айтарлықтай үнемдейді.

Естеріңізге сала кетейік, «Орталық-Оңтүстік» көлік дәлізінің қайта жаңарту жұмыстары «Нұрлы жол» Мемлекеттік бағдарламасы бойынша жүргізілуде және бұл Қарағанды және Балқаш өңірлері арқылы Астана мен Алматы аралығындағы жолдардың құрылысы мен қайта жасақталуын көздейді.

«Орталық-Оңтүстік» дәлізіндегі Астана-Теміртау бағыты бойынша автожолдағы жол жүрісінің ашылуы жыл соңына жоспарланып отыр. Қайта жаңарту жұмыстары толық аяқталғаннан кейін жол 4 жолаққа дейін кеңейтілетін болады және I-ші техникалық санатқа енетін болады.

«Орталық-Оңтүстік» дәлізінің қайта жаңарту жұмыстары көлік құралдарының жолда өткізетін уақытын қысқартуға мүмкіндік береді, қозғалыс қауіпсіздігін арттырады және тас жолға іргелес елді мекендерде экологиялық жағдайды жақсартады.

Ақпарат көзі: strategy2050.kz

0
0
355