Мазмұнға өту

Жаңа

Nur Otan сайлауалды штабы Түркістанға келді

«Nur Otan» партиясының Республикалық сайлауалды штабы Түркістан облысына келді. 60-қа жуық партия белсендісі, қоғамдық пікір көшбасшылары мен партиялық тізімдердегі кандидаттар өңір аумағының жартысынан астамын қамти отырып, бірнеше кездесу өткізді. Оның ішінде аграршылармен, мұғалімдермен, дәрігерлермен, ерекше қажеттіліктері бар адамдармен және басқа да азаматтармен жүздесті.

Көпбалалы аналармен кездесу барысында әйелдерді әлеуметтік қолдау шаралары талқыланды. Нұротандықтар басқосуда көтерілген мәселелерді тыңдап, бақылауға алды.

«Біздің сайлауалды бағдарламамызда әйелдердің жан-жақты дамуына жағдай жасауға, тұрмыстық зорлық-зомбылықтың жолын кесуге, сондай-ақ ана мен баланы қорғауға баса мән берілген. Бұл үшін бүкіл ел көлемінде Отбасын қолдау және әйелдер кәсіпкерлігін дамыту орталықтары желісі құрылады.  Қиын жағдайға тап болған отбасыларға атаулы көмек көрсету күшейтіліп, жыл сайын ЭКО жасауға 7 мың квота бөлінеді», - деп атап өтті Республикалық сайлауалды штаб жетекшісі Бауыржан Байбек.

Кентау қаласында тұрғындармен кездесуде ауылдарды газдандыру, ауыз суға қолжетімділікті қамтамасыз ету, әлеуметтік нысандар салу және жаңа жұмыс орындарын ашу мәселелері көтерілді.

Партиялықтардың айтуынша, азаматтарды толғандырып жүрген көптеген мәселелер «Nur Otan»-ның сайлауалды уәделерінде көрініс тапқан.

Атап айтқанда, партия өңірлерде 50 жаңа өнеркәсіптік кәсіпорын құрып, 125 мың жұмыс орнын ашуға жағдай жасайды. Үш ауысымды және апатты мектептерді жою үшін 12 жаңа мектеп салынады, сондай-ақ ауыл тұрғындары үшін 14 жаңа аурухана мен емхана құрылысы жүргізіледі. 60-тан астам елді мекеннің 150 мыңнан астам тұрғынының ауыз суға қолжетімділігі қамтамасыз етіліп, 200 мыңдай тұрғыны бар 90-нан астам ауыл газдандырылады және т.б.

Сонымен қатар, Түркістан облысының зиялыларымен кездесуде мемлекеттік тіл мен ұлттық мәдениетті ары қарай дамыту жайы әңгіме арқауына айналды.

Ақсақалдардың сұрақтарына жауап бере отырып, билеуші партия Төрағасының бірінші орынбасары Nur Otan жердің шетелдіктерге сатылуына жол бермейтінін баса айтты. Сонымен қатар, партия қазақ тілінде білім беретін мектептер мен балабақшаларды көбейтуге, мемлекеттік тілдің барлық салада қолданылуын кеңейтуге ықпал етпек. Сондай-ақ дәстүрлі мәдениет пен ұлттық спорт түрлеріне қолдау көрсетуді жалғастыра береді.

Ертең құрамы қоғамдық пікір көшбасшылары, партия белсенділері және партиялық тізімдердегі кандидаттардан құралған 400-ге жуық адам кіретін «Nur Otan»-ның Республикалық сайлауалды штабы Шымкент қаласына барады.

216 өңірлік сайлауалды штаб жұмысына еліміздің 7 мыңдай белгілі де беделді азаматтары жұмылдырылған. Олардың қатарында праймериз жеңімпаздары, қоғам қайраткерлері, қызметтегі депутаттар және тағы басқа белгілі азаматтар бар. Онлайн-технологияларды ескерсек, жалпы іс-шаралар кемінде 9 миллионнан астам қазақстандықты қамтиды.

0
0
150

Маған ғалымның бәрі бірдей

Ғылым адамын мамандығына қарап бөлмеймін. Маған ғалымның бәрі бірдей. Қай-қайсысына да құрметім жоғары. Өзім жаратылыстану бағытында болғаныммен, гуманитарлық бағыттағы ғалымдармен кездесіп, олармен пікір алмасқанды ұнатамын. Филология ғылымдарының докторы, профессор Хасанов Ғабит Қайыржанұлының шаңырағында боп, ғалымның жұмыс кабинетінде өткен кездесуде ғылым саласында болып жатқан жаңалықтар, өзгерістер, талаптар аясында жақсы әңгіме өрбіді. Ғалым өзінің ғылымдағы жолын, еңбектерімен таныстырды. Университетіміздің қаржысымен қазіргі таңда аспирантура мен докторантурада білім алып жатқан жастардың қатарының көбейгеніне риза екендігін жеткізді. Осы жастардың қорғап, оқу орнына еңбек етуге келгеннен кейін оларға әлеуметтік жағынан көмек беру, баспана мәселесінің шешілуіне қолдау көрсету жағы ескерілсе деген ұсынысын жеткізді. Сонымен қатар жас мамандардың жақсы жұмыс жасауына жағдай жасаумен бірге,  белгілі, жетекші ғалымдардың да еңбегі назардан тыс қалмау жағын ескеру қажет екенін айта отырып, бірқатар ұсыныстарын айтты. Ғалымның қай әңгімесі де ғылым адамына тән нақтылықпен, дәйектілікпен өрілгендей. Басшы ретінде емес, отандық ғылымды дамыту, ғалым-ұстаздардың мәртебесін арттыруда өз үлесімізді қосу - біздің басты мақсатымыз.

0
0
183

Мәжіліс депутаттығына кандидаттар Д.Тұрғанов Т.Бейсқали Миялы ауылының тұрғындарымен кездесті

Кездесуді аудандық мәслихат хатшысы Т.Бейсқали ашып, жүргізіп отырды. Онда үміткер партияның сайлауалды бағдарламасының басым бағыттарына қысқаша тоқталып өткен соң кездесу одан әрі ұсыныс-пікір айту бағытында өрбіді.

Кездесуде «Nur Otan» партиясының сайлауалды бағдарламасына байланысты өзіндік ой-пікірлерін ортаға салған Ы.Шөреков атындағы мектеп-гимназияның директоры Өтеуғали Дүйсәлі:

– Жыл өткен сайын еліміздің жағдайы жақсарып, халықтың тұрмысы түзеліп келеді. Дейтұрғанмен халықтың тұрмыс-тіршілігінің одан әрі жақсара түсуіне депутаттардың ықпалы керек деп есептеймін. Бұл ретте, халықтың арасында танымал, беделді, қолынан көп жұмыстар келетін, ауыл өмірімен жақсы таныс, халықпен етене жақын адамдардың депутат болғаны жақсы. Егер Қазақстан Республикасы Парламент Мәжілісі депутатты болып жатсаңыз ауыл тұрғындарының ұсыныс-пікірлерін, өтініштерін, мұң-мұқтажын жоғары жаққа жеткізеді деп сенеміз. Сәттілік тілеймін! - деді.

Бұдан кейін сөз алған қорғаныс саласының ардагері, аудандық мәслихат депутаттығына үміткер Есенбай Нұров Ойыл өзенінің қазіргі экологиялық жағдайы туралы әңгіме өрбітті. Оның айтуынша, аудандағы 8 округтің малы мен жаны пайдаланып отырған Ойыл өзені екі жылдан бері тасымады. Биылғы жылы еріктілер тобы бір рет, аудан әкімдігінің ұйымдастыруымен құрылған экспедиция екі рет Ойыл, Қиыл өзендерінің бастауына барды. Экспедиция барысында өзен бойында салынған 34 бөгет-кедергі бар екендігі мәлім болды. Оның екеуі, яғни «Ералы» мен «Тамдыкөл» су қоймаларынан басқасы заңсыз салынған.

– Аталмыш мәселелер бойынша Ақтөбе және Атырау облысы басшыларының қатысуымен екі рет онлайн-конференция өтті. Енді келесі жылдың басында Қазақстан Республикасының Экология, геология және табиғи ресурстар министрлігімен онлайн-конференция өткізу жоспарлануда. Алдағы уақытта Сізден Ойыл өзенінің жағдайын назарыңыздан тыс қалдырмай, ондағы заңсыз бөгеттерді бұзуға, өзен арнасын тазалауға мүмкіндігінше көмек берсеңіз игі, - дейді Есенбай Нұров.

– Әрине су мәселесі жыл өткен сайын күрделеніп келеді. Өйткені біздер суды тиімді пайдаланбаймыз. «Судың да сұрауы бар» дегендей суды ысырап қылмауымыз қажет. Ойыл өзенінен басқа облыстағы Жайық, Сағыз, Жем өзендерінің де жағдайы жақсы емес. Өзендердің тартылуы бағытында түрлі әңгімелер бар. Сондықтан алдымен зерттеліп, зерделеніп барып, тиісті шаралар алынғаны жөн. Бұл бағытта қолымнан келген бар көмегімді көрсетемін. Алдағы уақытта Ойыл өзені менің назарымда, бақылауымда болады. Су мәселесін күн тәртібінен түсірмей, үнемі көтеріп отыру қажет. Сондай-ақ, сумен бірге тазалықты да назардан тыс қалдырмауға тиіспіз. Еліміздегі экологиялық мәселелерді шешу үшін «Nur Otan» партиясының сайлауалды бағдарламасы аясында алты қалада қоқыс өңдеу зауыттары іске қосылмақ. Тізімде Атырау қаласы да бар. Бұл өз кезегінде облыста экологиялық ахуалды жақсартып, кәсіпкерліктің дамуына жол ашады. Сондықтан Сіздерді халықтың әл-ауқатын жақсарту үшін жұмыс жасайтын «Nur Otan» партиясына дауыс беруге шақырамын, - деді Қазақстан Республикасы Парламент Мәжілісі депутаттығынан үміткер Дүйсенбай Тұрғанов кездесу барысында.

Сондай-ақ, жиында «Nur Otan» партиясы аудандық филиал төрағасының бірінші орынбасары Алберьт Аққайнанов сөз сөйлеп, ауыл ақсақалы, ауданның Құрметті азаматы Найзабек Аралов Парламент Мәжілісі депутаттығынан үміт¬кердің халықпен кездесіп, ашық пікірлескені үшін алғысын білдіріп, батасын берді.

«Nur Otan» партиясының Атырау облысының сайлау қоры қаражатының есебінен төленді

0
0
186

Жаңаарқа аудандық сайлауалды штабы Айнабұлақ, Қараағаш ауылдарында агитациялық кездесулер өткізді

"NurOtan" партиясының Жаңаарқа аудандық сайлауалды штабы Айнабұлақ, Қараағаш ауылдарында тұрғындармен агитациялық кездесулер өткізді.

Партия кандидаттары Ө.Уалиев, Қ.А.Имантүсіпов, Е.Түсіпов, А.Түсіпов партияның сайлауалды бағдарламасының басым бағыттарын түсіндіріп, тұрғындардың сұрақтарына жауап берді.

Кездесулер барысында кандидаттар елді мекендердегі бірқатар маңызды мәселелер жөнінде жақсы білетіндігін, және олардың шешімін табуы үшін атқарылып отырған жұмыстар мен алдағы мақсаттар жөнінде айта келіп, тұрғындар тарапынан айтылған ұсыныстардың ескерілетінін жеткізді.

Кездесу соңында кандидаттар тұрғындарды 2020 жылғы 10 қаңтар күні сайлау учаскелеріне келіп, "NurOtan" партиясына дауыс беруге шақырды

0
0
130

Пәтер Иелері Кооперативі жұмысымен танысты

Бүгін облыстық маслихатқа кандидат Салиева Әлия Өтемісқызымен бірге Пәтер Иелері Кооперативі  жұмысымен танысу және Facebook желісінде қойылған сауалдармен кері байланысқа шығу мақсатында №8 округ бойынша Абай даңғылы,55  үйдің тұрғындарымен кездесу болды.

1980 жылдары салынған үйдің 9 қабатынан бастап қабырғаларының  жарылуы тұрғындарды қатты мазалайды,апатты үй деп танылу үшін құқықтық түсіндіруді сұрады.

Сонымен қатар екі кандидаттың сайлауалды үгіт-насихат жұмыстарын әлеуметтік желідегі түсіндіру жазбасына  Құрманғазы көшесі бойындағы,165 үй мекен-жай бойынша орналасқан үйдің ( бұрынғы «Юность» жатақханасы) жағдайымен (№8 округқа аумақтық жатпайды) танысуға шақырған қала тұрғыны Досмағамбетов Талғатпен кездесуге бардық.

Пәтер Иелері Кооперативі  төрағасын шақырғанымызбен  кездесу мүмкін болмады,дегенмен сол үйде тұратын адамдармен  бірге жүргізілген визуалды қарау нәтижесінде қоқыс салатын контейнердің жоқтығы,жұмыс жасамайтын жеделсаты (лифт),жылу үшін жоғары төлемнің болуы, балалар ойын алаңының болмауы т.б мәселелер көтеріліп, бастамашыл топ құру жөнінде және келесі аптада тағы кездесуге салалық қызметкерлермен  келетінімізді айттық.

Осы кездесу орнында жеке мәселелері бойынша да  басқа да қала тұрғындары жолығып,сауалдарын қойды.

0
0
160