Шынықсаң, шымыр боларсың

Мамандар Штутгарттағы (Германия) WTA-500 турнирінің финалында ойнайтын қазақстандық теннисші Елена Рыбакина (әлемнің 4-ракеткасы) мен украиналық теннисші Марта Костюктің (әлемнің 27-ракеткасы) мүмкіндіктеріне баға берді.

«Букмекерлік кеңсенің бұл матчқа коэффиценті мынадай: Рыбакинаның жеңісі – 1.33, Костюктің жеңісі – 3.38. Осылайша, қазақстандық теннисші бұл сайыстың айқын фавориті саналып отыр», – деп жазады Sports.kz.

Рыбакина мен Костюк арасындағы ақтық сайыс бүгін Астана уақытымен сағат 16:00-де өтеді. Ал кеше Елена әлемнің 1-ракеткасы, польшалық теннисші Ига Швентекті 6:3, 4:6, 6:3 есбімен ұтқан болатын.   

Елена Рыбакина алғаш рет Штутгарт (Германия) WTA 500 турнирінің жартылай финалына шықты.

Қазақстандық теннисші ширек финалда әлемнің 14-ракеткасы, Италия өкілі Ясмин Паолинимен кездесті.
Осыған дейін қарсыластар өзара үш рет тоқайласып, соның екеуінде италиялық спортшының жолы болған.
Бұл жолы бірінші партияда Рыбакина 6:3 есебімен басым түсті.
Екіншісінде Паолини қарымта қайырды - 7:5.
Соңғы, шешуші сетте Рыбакина жеңісті жұлып алды - 6:3.
Елена Рыбакина финалға шығу үшін әлемнің 1-ракеткасы, «Үлкен дулыға» турнирінің төрт мәрте чемпионы, поляк қызы Ига Швентекпен кездеседі.

https://t.me/RRaketkasi

Әлемнің төртінші ракеткасы Елена Рыбакина Штутгартта (Германия) теннистен WTA 500 турнирінің ширек финалына жолдама алды.

Жарыстың екінші айналымында Елена ресейлік Вероника Кудерметованы (19 WTA) үш сетте 7:6, 1:6, 6:4 есебімен жеңді.
Қазақстандық теннисші ширек финалда Онс Жабер (Тунис) мен Ясмина Паолини (Италия) арасындағы ойында жеңген спортшымен кездеседі.

https://t.me/RRaketkasi

Бокстан Қазақстан құрамасы Түркістан облысындағы "Алма тау" базасында бірлескен оқу-жаттығу жиынын өткізіп жатыр. 

Жаттығу жиынына Қазақстан, Өзбекстан және Куба құрамалары қатысуда. 

Қазақстан командасы сапынан Париж Олимпиадасына жолдама алған 6 боксшы мен Таиландтағы соңғы лицензиялық жарысқа қатысатын Мұхаммедсабыр Базарбайұлы бар. 

Өзбекстан командасы жаттығу жиынына 12 боксшы алып келген. Олардың қатарында әлем чемпиондары Руслан Абдуллаев пен Абдумалик Халоков, Олимпиада чемпионы Бахадүр Жалолов бар. 

Куба құрамасы Алехандро Кларо Фис, Сейдел Норта, Арлен Лопез бен Хулио Сезар Ла Крузды алып келген. 

Бірлескен жаттығу жиыны 21 сәуірге дейін жалғасады. 

Olympic.kz

Итальяның Кьеза-ин-Вальмаленко қаласында өтіп жатқан фристайл-могулдан жасөспірімдер арасындағы әлем чемпионатында қазақстандық Анастасия Городко чемпион атанды.

18 жастағы қазақстандық спортшы фристайл-могулдан әйелдер арасындағы бәсекеде топ жарды. Ол 71.89 ұпаймен жеңіске жетті.
Екінші және үшінші орынды жапондық спортшылар Ито Марин (71.35) мен Юго Тагучи (69.96) өзара бөлісті.

Айта кетейік, еліміздің фристайл-могулдан бас жаттықтырушысы - Лена Круглыхина.

https://t.me/olympickz

Талай жыл ауыр атлетикаға легионер тарттық. Біразын дәрімен көтердік. Ақша оңды-солды шашылды. Топырлатып алтындар алдық. Кейін оның бәрін қайтарып бердік.
Енді не болды?
Тарихта алғаш рет ауыр атлетикадан Қазақстан құрамасы Олимпиадаға қатыспайтын болды.

Бек Төлеудің жазбасы

Әлемнің төртінші ракеткасы, қазақстандық Елена Рыбакина Майамидегі WTA 1000 турнирінің жартылай финалына шықты.

Фото: ©WTA

Ол ширек финалда грекиялық Мария Саккариді (#9) 7:5, 6:7(4), 6:4 есебімен жеңді. Матч 2 сағат 49 минутқа созылды.

Енді Рыбакина финалға шығу үшін белорус Виктория Азаренкомен (#32) ойнайды.

Ал Азаренко ширек финалда тағы бір қазақстандық теннисші Юлия Путинцеваны (#68) 6:7(4), 1:6, 6:3 есебімен ұтқан болатын. Бұл екеуі 3 сағат ойнады. Сөйтіп, Путинцева жартылай финалға шыға алмай қалды.

Айта кетейік, кеше қазақстандық екі теннисшінің де ширек финалға шыққанын хабарлаған болатынбыз.