Қазақстан Телеарнасы

Әлемге танымал, театрдың прима-балеринасы Құралай Сарқытбаева өзі дүниеге келген Талдықорған қаласында арнайы концерт берді. «Жетісудың аққуы» атты шығармашылық кеш Құралайдың өнердегі әріптестері, Қазақтың Абай атындағы опера және балет театры әртістерінің қатысуымен өтті. Опера мен балетті арнайы Алматыға барып көре бермейтін жергілікті көрермен үшін бұл ұлыстың ұлы күні қарсаңында үлкен сыйлық болды. Мың бұралған Құралайдың өнеріне әлем тәнті. Оны балет сүйер қауым қазақтың «Кармені», «Аврорасы», «Сильфидасы» деп атайды. Әлемдік классикадағы осынау белгілі образдарды билеген қазақ қызы туған топырағында тұңғыш рет концерт беріп тұр. Құралай Сарқытбаева, ҚР Еңбек сіңірген қайраткері: Биік сахналардан көрініп жүргенмен, туған өлкеңнің алдына шығу үлкен жауапкершілік жүктейді. Қатты толқы…

Сұлу Сыр өңірінде он саусағынан бал тамған ісмер қыздар көп. Мәселен, Жалағашта кәдімгі капрон шұлықтың өзін кәдеге жаратып, Ұлыстың Ұлы күніне тарту жасап жатқан шеберлер бар. Іске икемді, шаруаға епті аруларды көруге келген жігіттер де құр қайтпаса керекті. Ертеректе үйдің төрінде қыз әшекейі ілініп тұрса, сол шаңырақтың үкілеп өсірген еркесі бойжетті дегенді білдірген. Жар таңдап жүрген жігіттер текті жердің сұлуын торыған. Ауыл бойжеткендері мұндайда «қыз көретін жігітті, біз көрелік» деп сөз жарыстырып, өнер сынасқан. Дәстүр бойынша ұрындап келудің арты екі жастың шаңырақ көтеруіне ұласқан. «Қазір бұл үрдісті жаңғыртып жүргендері бар», – дейді ауылдағылар. Бұл салт «Қыз көру» деп аталады. Балжан Нұрымбетова, № 202 орта мектептің мұғалімі: «Абай жолы» романында қазақ дәстүрлерінің бар…

Бүгін Республикамыздың «Ұлан» гвардиясына – 20 жыл. Қатарына тек таңдаулылар ғана алынатын арнайы жасақ Елбасы қаулысымен құрылған. «Сайдың тасындай» сайып-қырандарымыз әскери өнерде өзгелерден «оқ бойы озық» келеді. Салтанатты жиындарда сап түзейтін сарбаздардың мүсіні мінсіз, қызметі қалтқысыз. Мемлекеттік деңгейдегі түрлі рәсімдік шараларды атқаратындар да дәл осы Ұланның іріктеулі сарбаздары. Азаматтық міндетін абыроймен атқарып жүрген қазақ гвардиясы бүгін төл мерекесін атап өтті. Отан алдында борышын өтеуі тиіс әр азамат гвардияшы атануды армандайды. Олар үшін бұл – үлкен мәртебе. Ұлт мақтанышы. Нұрбек Шайхысламов әскери борышын Ұлан гвардиясында өтеп жүр. Сарбаз үшін бүгін көптен күткен мереке. Әскери қызметкерлердің арасынан көзге ілініп, еңбегі бағаланды. Нұрбек Шайхысламов, респ…

«Жұмыспен қамту» мемлекеттік бағдарламасы көптеген қазақстандықтардың жұмысқа орналасып, тұрақты табыс табуына жағдай туғызды. Бұл – осы бағдарлама бойынша еңбекке араласқан Жамбылдық Қуаныш Тәукебаевтың пікірі. Жұмыспен қамту орталығына келген Қуанышты мамандар оқуға жіберіп, жігіт газ-электр дәнекерлеуші кәсібін игерді. Қазір Қаратау қаласындағы жеке серіктестіктерінің бірінде нәпақасын тауып жүр. Қуаныш Тәукебаев жастықпен аяғын шалыс басып, бас бостандығынан айырылған еді. Жазасын өтеген соң 2010 жылдың соңында бостандыққа шықты. Ауылға келіп, көпке дейін жұмысқа орналаса алмай жүрді. Мемлекеттік бағдарлама жайында естіп, оқу оқыды, мамандық игерді, шәкіртақы алып жүрді. Қуаныш Тәукебаев, Қаратау қаласының тұрғыны: Мемлекеттік бағдарлама арқасында 2020 тараз қаласында оқыдық. Электрдә…

Шығыста 100-ге жуық оқушы 3 күн бойы мектепке бармай қойды. Бұл Күршім ауданындағы Құйған ауылының ата-аналары ұйымдастырған наразылық акциясы. Білім саласындағы жанжал шалғайдағы ауылда өткен жылы басталған. Ауылдағы орта мектеп директорының орынбасары жемкорлық үшін жұмыстан қуылған. Алайда, ол таяуда Сот арқылы өз орнына қайта оралыпты. Ал, ауыл тұрғындары мұғалімнің мектепке қайта келуіне қарсы. Мектепте 130 оқушы бар. Соңғы 3 күнде сабаққа тек 30-ға жуық бала қатысқан. Ұстаздар Сот табалдырығын тоздырып, ата-аналармен араздасып жүргенде, білім беру сапасы да төмендеп кеткен. Жанжалды басу үшін ауылға облыстан арнайы комиссия барды. Кездесу қорытындысы бойынша, ата-аналар наразылық акциясын тоқтатып, балаларды сабаққа жіберетін болған. Ал, мұғалімдер жауапкершілікке тартылды. Мәдениет…

Қызылорда облысының Төменарық елді мекенінде аяусыз соққыдан көз жұмған оқушының өліміне қатысты қылмыстық іс аудандық Сотта қаралып жатыр. Бұл іске ұлттық арна араласқаннан кейін күдіктілер қамауға алынып, оларға айып тағылған еді. Бірақ... Бір қынжылатынымыз, 2 айда 2 мәрте Сот-медициналық сараптамасы тағайындалса, енді екі анықтаманың арасындағы алшақтық тағы үшінші рет мәйітті тексеруге әкелетін түрі бар. Бауыр еті баласынан бір айырылып қан жылаған ата-ана «бұған рұқсат бермейміз», – деп отыр. 14 жастағы Медет Жасымбай өзінен жоғары оқитын сыныптың оқушыларынан оңбай таяқ жеп, тілге келмей кеткен болатын. Одан бері де 3 айдан асты. Осы уақыт аралағында 2 мәрте Сот-медициналық сараптамасы тағайындалып, айыптылар анықталды, жеткіншекті қыршыннан қиған екі күдікті құрықталды. Асқар Кема…

Бүгін Ақордада Мемлекет басшысы Нұрсұлтан Назарбаев Халықаралық көрмелер бюросының сарапшылар комиссиясын қабылдады. Делегация құрамына Халықаралық көрмелер бюросы сарапшылар комиссиясының төрағасы Стин Кристенсен, ұйымның президенті Фердинанд Наги, Халықаралық көрмелер бюросының Бас хатшысы Висенте Гонсалес Лоссерталес және бірқатар дипломаттар енген. Кездесу барысында тараптар Астанада «ЭКСПО-2017» Халықаралық мамандандырылған көрмені өткізу мүмкіндігін қарастырды. Президент «ЭКСПО-2017» көрмесін өткізу ұлттық жоба ретінде саналатынын айтты. Стин Кристенсен, Халықаралық көрмелер бюросы сарапшылар комиссиясының төрағасы: Біздің делегацияны Қазақстанға келіп қайтуға шақыруларыңыз елдеріңіздің «ЭКСПО-2017» көрмесін өткізу идеясына қаншалықты шындап кіріскенін көрсетеді. Сарапшылар комиссия…

Тұрғын үй, коммуналдық сала – мәселелі тақырыптың бірі. Ал, әңгіме шағын шаһар турасында болса мүлдем бөлек. Себебі, кішігім қалалар негізгі орталықтардан жырақта болғасын, мәселесі жылдар бойы шешілмей, қордаланып қалатыны бар. Осы аптаның басында, бір топ Балқаш қаласының тұрғындары редакцимямызға хабарласқан еді. Дәл осы тұрғын үй тақырыбының төңірегінде. Әлімжанов көшесіндегі №7 көппәтерлі үй құлау алдында. Жергілікті билік тұрғындарды көшіріп әуре. «Алайда, қолға не құжат, не рұқсат қағазын бермейді», – деп шағымданады халық. Балқаш қаласы – еліміздегі шағын шаһарлардың бірі. Кішігірім кенттерге тән проблема Балқашты да айналып өтпепті. Мұндағы мәселе коммуналдық салаға тікелей қатысты. Кеңес кезеңінде салынғасын ба, көп үйлер тозып біткен мұнда да. Қалада ұзын саны 572 үй бар. Ал, с…

Ұлыстың Ұлы күні – әз Наурыз. Түркі халықтарының күнтізбесінде бұл мейрам жылбасы саналады. Күн мен түннің теңеліп, дүниенің жаңаратын шағы бұл. Наурыз бір ғана ұлтқа тән мереке емес. Жалпыхалықтық сипат алған ортақ қуаныш. Тарихы да тым тереңде жатыр. Оның шығу тегін қаузап жүрген ғалымдар Наурыздың жаңа жыл ретінде аталып келе жатқандығына төрт мың жылдан асты деген болжам айтады. Мәдениеттанушы Серік Ерғали Наурыз мейрамының шығу тарихын бірнеше жылдан бері зерттеп келеді. Там-тұмдап жинаған деректердің басын қосып, «Нау мен ырыс» деп аталатын кітап та шығарды. Жақында зерттеуші «Наурыз мейрамына азаматтық мереке сипатын беру» атты төл тұжырымдамасын ұсынды. Мақсат - Наурыз мейрамының көне түркі тарихына тікелей қатысы барына көз жеткізу. Серік Ерғали, мәдениеттанушы: Наурыз мерекесін…

Тәуелсіз тарихында Қазақстан дүние жүзінің 120 мемлекетімен дипломатиялық қатынастар орнатып, 64 халықаралық ұйымға мүше болды. Қазақ елі көптеген мемлекеттермен тек саяси серіктестік орнатып қоймай, әлеуметтік, мәдени һәм рухани қатынастарды берік сақтап келеді. Еліміздің егемендігін алғашқылардың бірі болып мойындап, ынтымаққа ниет танытқан мемлекеттердің бірі – Малайзия. Биыл екі ел арасындағы дипломатиялық қатынастың орнағанына – 20 жыл. Осы тарихи оқиғаға орай Малайзия елшісі Ахмад Расиди Бин Хазизи ұлттық арнаға арнайы сұхбат берді. Малайзия Қазақстанның тәуелсіздігін 1991 жылдың 31-ші желтоқсанында мойындады. Содан бері ол Қазақстанның мұсылман әлеміндегі сенімді серіктерінің біріне айналды. 1996 жылы Куала-Лумпур қаласында Қазақстанның және Алматыда Малайзия елшіліктерінің ашылуы…