Қазақстан Телеарнасы

Қарағанды облысындағы Ағадыр кенті бойынша 7 адам шағын несие алуға өтініш білдірсе, соның 3-і, 3 млн. теңгеден алды. Ауыл адамын жұмыспен қамтуға арналған бағдарламаның аяқалысы оң тәтиже бере бастады. «Алайда, шаруалардың кепілге қоятын мүлкі арзанға бағаланғандықтан, бірқатар жұмыссыз адамдар жеңілдетілген несиеден қағылып отыр»,­ - дейді жергілікті әкімдер. Манаг Сайранды 3 млн. теңге несие алу үшін баспанасымен, шағын дүкенін кепілдікке қойыпты. Алғашқы бір жарым жылда ол несиенің үстеме 5 пайызын ғана, яғни, ай сайын 20 мың тенге ғана төлейді. Одан кейін үш жарым жыл бойы айына 100 мың тенгеден төлеуге міндетті. Манаг Сайранды, шаруа: Жылқы малын алсақ деген ойымыз бар. Аздап қой, сиыр малдарымыз бар ғой. Кішкене үстінен қосып жылқы алып, одан әрі өсіріп, қымызын сатсақ, біраз жұмыс…

«ЕХРО 2017» халықаралық Көрмесінің бас хатшысы Висенте Гонсалес Лоссерталес және Сараптама комиссиясының төрағасы Стин Кристенсен бүгін Астанада бұқаралық ақпарат құралдары өкілдерімен жүздесті. Шетелдік меймандар халықаралық көрмені талапқа сай өткізу үшін алдын ала жасалып жатқан әзірлік шаралары жөнінде әңгімеледі. «ЕХРО 2017» көрмесін ұйымдастыру үшін Қазақстан мен Бельгия бәсекелес. Егер сараптау комиссиясының назары Астана қаласына түссе, қазақ елінің ауқымды шараны өткізуге мүмкіндігі мол. Ол үшін қазірдің өзінде Елорда жанынан 120 гектар жер бөлінген. Құрылыс нысандарын салу үшін 1 жарым миллиард доллар жұмсалады. Висенте Гонсалес Лоссерталес, халықаралық Көрмелер бюросының бас хатшысы: Халықаралық көрмені жоғары деңгейде өткізу үшін сараптау комиссиясы жан-жақты жұмыс істеп жатыр…

Биылғы Жолдауында Елбасы Нұрсұлтан Назарбаев «Қолжетімді баспана- 2020» бағдарламасын жасауды тапсырған болатын. Жоспар бойынша шілдеге дейін құжаттың кем-кетігі түзетіліп, дайындалуы тиіс. Бүгіндері осы шаруамен айналысып жатқан Құрылыс және тұрғын үй-коммуналдық шаруашылық агенттігі апта басында Үкіметке бағдарламаның жобасын алып келді. Жалпы, баспана бүгінде қазақ жастарының басты мәселесі. Үкімет талай жылдан бері осы мәселені шешуге талаптанып жүр. Өткен жылы тұрғын үй құрылысына барлығы 417 млрд. теңге бөлінген. 6,5 млн. шаршы метр баспана салынып, 55 мың 511 пәтер тапсырылды. Ал жалдамалы тұрғын үйге былтыр 10 миллиардтан астам қаржы бөлініп, 120 мың шаршы метр жалдамалы баспана пайдалануға берілген. Тұрғын-үй жинақ жүйесі арқылы 54 мың шаршы метр баспана үлестіріліпті. Бұл бағытт…

Су - тіршілік нәрі. Әрбір адам секілді әрбір мемлекеттің экономикасы сусыз өмір сүре алмайды. Сондықтан оның саяси-экономикалық маңыздылығы кейбір елдер үшін қара алтыннан да қымбат. Бүгінде 80-ге жуық ел ауыз судың жетіспеушілігін сезініп отыр. Әлемдегі су қоры да азайып келеді. Су қоры азайған сайын жұмыр басты пенденің де пейілі тарылып бара жатқандай. Құдайдың қарасуын саудалап саяси мақсатқа пайдалану үрдісі байқалып жүр. Ашығын айту керек, суға келгенде Қазақстан көршілеріне тәуелді. Мемлекеттік су ресурстарының 40 пайызы шеттен келеді. Ертіс, Сыр, Жайық, Іле, Шу, Талас секілді ірі-ірі трансшекаралық өзендердің ең төменгі сағасындағы ел саналамыз. Ал бастауы басқаларда жатыр. Сол себепті көп ретте солардың қас-қабағын бағып, талабын тыңдауға мәжбүрміз. Эколог Елеусізовтың «қытайлар…

Анаға тағзым қылу үшін арнайы күн белгілеу туралы бастаманы қазақтың тұтас қоғамы қолдайды. Өзі біздің жұрт қашанан ата-анаға, жалпы үлкенге ерекше ілтипат көрсетуші еді. Бергі заманда ғана солқылдады осы салт. Ұлт жадының ептеп жіңішкергенінен болар бәлкім? Енді сол қасиетті қайта оятып, қоғам санасына қайта сіңірудің сәті келіп тұрғандай. Қоңыр күзде, бұйырса, біздің ел «Анаға тағзым» күнін атап өтпек. Бастаманы сіздердің де қолдайтыныңызға шүбәміз жоқ, көрермен! Күні кеше ғана өткен жиын бұл, естеріңізде шығар. «Анаға тағзым» күнін жариялау туралы бастама дәл осы отырыста айтылды. Президенттің ауызынан шықты. Нұрсұлтан Назарбаев, Қазақстан Республикасының Президенті: Анаға тағзым деген бір күнді арнауымыз керек. Бұл мереке дүние жүзіне кең тараған, 50-ден астам елде бар. АҚШ-та бар, Ұл…

Ғасырдан озып, ұзақ жасаған қарт аналар Балқаш өңірінде де бар. Бірі -108-де болса, екіншісі – 100-де. Екеуі де Алматы облысы, Бақанас ауылында тұрады. Сағынбала апа әлі күнге шежіре тарқатса, Сыртай апа сырмақ сырады. «Сүйегі асыл, сөзі жақұт» дейтін қазыналы қарттар осы кісілерде-ақ болар. Асылын ардақ тұтқанның қашан да абыройы асады. Бүгін халықаралық әйелдер мерекесінде, аудан басшылары қос қарияға құрмет көрсетіп, ауданның аяулы ана, қыз-келіншектерін көктемнің алғашқы мерекесімен құттықтады. Сыртай апа – ауданның ең қарт анасы, жасы 108-де. Әйтсе де әжетке жарап-ақ тұр. Ертелі-кеш шөбересіне қарап, кейде ескі әдетпен көрпе де құрайды. Қимылы ширақ, қағзілез жанның жүріс-тұрысы, сөзі де ерек. Өткен-кеткенді еске алып, жадындағыны жаңғыртып отырады. Ұзақ жасауым–еңбектің арқасы, онан…

Қоңыр күзде қазақтың елі «Анаға тағзым» атты жаңа мерекені атап өтуі бек мүмкін. Және «мерейлі отбасы» деген мемлекеттік марапат та тағайындалмақ енді. Бұны бүгін Ақордада Президент Нұрсұлтан Назарбаев айтты. Елбасы 8-ші наурыз, халықаралық әйелдер күні мерекесі қарсаңында алтын құрсақ аналар мен бір топ қыз-келіншектерді қабылдады. Арасында дәрігер де, мұғалім де, терміржолшы да, әскери де, әнші де, спортшы да бар. Президент дәл осы кездесуде барлық қазақ әйелдерін мерекемен арнайы құттықтады. Бұл жиынға бұл жолы «көктем шуағы» деп айдар тағылды. Президент үркердей топпен үлкен әңгімені бастамас бұрын қазақ елінің барлық әйел қауымын құттықтады. Нұрсұлтан Назарбаев, Қазақстан Республикасының Президенті:Жер дүниедегі ең әдемі мереке көктемнің шуағымен бірге келетін қуанышты, ең әдемі, ең…

Ал біздің елдегі балғындардың қуанышы басқада. Мемлекет ұсынған «Балапан» бағдарламасы керемет сый болды олар үшін. Мәселен, былтыр 1300-ге жуық тараздық бүлдіршін балабақшаға барды. Екі мектепке дейінгі мекеме күрделі жөндеуден өтіп, бірі жаңадан салынды. Одан бөлек, тағы 7 жеке меншік балабақша қаланың кішкентай тұрғындарына есігін ашты. Өткен жылы бұл салаға 650 млн. теңгеден астам қаржы жұмсалды. Биыл өткен жылғы көрсеткішті артығымен орындау көзделіп отыр. Өткен жылы тура ел тәуелсіздігінің 20 жылдығы қарсаңында пайдалануға берілген «Айсәуле» балабақшасында қазір бос орын жоқ. Бұрын бұл ғимараттың тоз-тозы шығып, түгелімен ұрланып, құр қанқасы ғана қалған болатын. Ғимарат мемлекет меншігіне қайтарылды, жөндеу көрді, балабақша етіп қайта жұмысын бастады. Бұл іске бюджеттен 200 млн. те…

Оңтүстікті тағы да топан су жайлай бастады. Бұл жолы табиғат апатына тап келген өңірдің солтүстік аумағындағы таулы аймақтар. Нөсерлеткен жауын таудағы қалың түскен күртік қарды бірден ерітті. Қазір Қаратау бөктеріндегі Созақ ауданына қарасты 7 елді мекеннің тұрғындары тасқынмен арпалысып жатыр. Апат аумағынан 900-ге жуық адам қауіпсіз жерге көшірілді. Жылғаларға жиылған топан су өткен түнде тау етегіндегі ауылдарға екпіндеп кірген. Тасқынның жылдамдығы соншалық, жұрттың көпшілігі тек жан сауғалап үлгеріпті. Қорадағы малына да қарауға шамасы келмеген. Біраз баспана бүлінген, қираған. Ауыл тұрғыны: Бірден келген су малымызды алып кетті. 1100-дей адам тұрады. 157 үй бар. Мына жақтағы 900-ден астам адам үрейленіп Созаққа барып қонып қазір келді. Адам аман. Созақтағы 7 елді мекенде қазір тап…