kazinform_kz

ҚР Мәдениет және спорт министрі Арыстанбек Мұхамедиұлы Астанада кәсіпқой боксшы Жанқош Тұраровпен кездесіп, Алматыда өткен бокс кешіндегі жеңісімен құттықтады және министрлік атынан арнайы естелік сыйлық табыс етті, деп хабарлайды ҚазАқпарат тілшісі. «Алматыда өткен айқаста ганалық Айсак Ариемен өткізген жекпе-жегіңде жергілікті жанкүйерлеріңе керемет көңіл күй сыйладың. Біз ел мерейін асырып жүрген сендер сияқты мықты спортшыларымызбен мақтанамыз», - деді министр. Сондай-ақ, кездесу барысында Арыстанбек Мұхамедиұлы: «Алда ЭКСПО келе жатыр. Осыған орай Астанда бір кәсіпқой бокс кешін өткізуді жоспарлап отырмыз. Осыған дейін, Геннадий Головкин, Қанат Исламмен кездесіп, осы тақырыпта әңгіме өрбіткен болатынбыз. Бүгін сенімен де осы тақырыпта ақылдассақ деген оймен арнайы шақырдық», - деп ат…

ЭКСПО аумағындағы кешегі оқиғаға байланысты «BI Group» Компаниясы директорлар кеңесінің төрағасы Айдын Рақымбаев түсініктеме берді, деп хабарлайды ҚазАқпарат. «Ең бастысы, адамдар құрбан болған жоқ. Түсінемін, барлығы біздің пікірімізді күтіп отыр. Оқиға орнындағы жағдайды зерттеп, әріптестермен және инженерлермен талқылау жүргізгеннен кейін, қазір тиісті мәлімдеме жасауға әзірмін. Біріншіден, конструкцияға тоқталатын болсам, бұл нысан шынымен де сәулеттік-декоративті элемент болып табылады. Оны құрастырумен және монтаждық жұмыстармен келісімшарт бойынша еліміздегі ең кәсіби компания - «Имстальком» айналысты. Біз кәсіби құрылысшылар ретінде қазірдің өзінде олардың жоғары біліктілігі мен құзыреттілігіне күмәнданбаймыз», - деп жазды А. Рақымбаев Фейсбуктегі парақшасында. Оның сөзіне қараған…

Астана қалалық қылмыстық істер жөніндегі мамандандырылған ауданаралық əскери соты бүгін 2016 жылдың 7 қарашасында Қазақстанның конституциялық құрылымына күштеп өзгеріс енгізбекші болғаны үшін айыпталған Тоқтар Төлешовті мүлкін тәркілей отырып, 21 жылға соттады. Ол жазасын қатаң режімдегі түзеу колониясында өтейді, деп хабарлайды ҚазАқпарат тілшісі сот залынан. Т. Төлешов 18 ауыр және аса ауыр қылмыстар, соның ішінде адам өлтіру, айуандықпен азаптау, адам ұрлау және т.б. қылмыстар жасағаны үшін сотталды. Оған тағылған айыптардың арасында мемлекетті күшпен басып алуға талпынды және Қазақстанның өңір-өңірінде жер дауын ушықтырып, заңсыз митингтерді қаржыландырды деген айыптаулар бар. Еске сала кетейік, іс материалдарында мемлекеттік құпияларға қатысты деректер болғандықтан, Тоқтар Төлешовтің…

От ауызды, орақ  тілді айтыскер ақын Айбек Қалиев Арқалық қаласының мәслихат депутаты атанды.  Бұл туралы ҚазАқпаратқа ақынның өзі хабарлады.

Айта кетейік,  1992 жылдан бастап айтыс өнеріне келген Айбек Киікбайұлы халықаралық, республикалық айтыстардың  бірнеше мәрте жеңімпазы атанған.

Ақын айтыстарында қоғамның күрделі мәселелерін сөз етіп, терең, ойлы өлеңдерімен халықтың сүйіспеншілігіне бөленіп жүр. Айтыстағы еңбегі ескеріліп, 2001 жылы Қазақстан Республикасы Премьер-министрінің Алғыс хатымен марапатталды. Бүгінгі таңда айтысқа баулып жүрген шәкірттері де республика жұртшылығына танылып қалды.

Бүгін Талдықорғанда Бақытбек Есентаевтың ісіне байланысты сот отырысы жалғасты. Жабық режимдегі бұл жолғы сот отырысында қос тарап жарыссөзге шықты. Процеске Баян Мақсатқызы да келіп қатысты. Соттың жабық режимде өтуіне байланысты Бақытбек Есентаевқа мемлекеттік айыптаушы қандай жаза қолдануды сұрағаны жөнінде алқа билер шешім шығарғанша жария етілмейді. Келесі сот отырысы бейсенбі күні 3 қарашада жалғасады. Оған дейін сотталушы соңғы сөзін айтуға, алқа билер шешім шығаруға дайындалуы үшін үзіліс жарияланды. Естеріңізге сала кетейік, Бақытбек Есентаевтың соты 18 қазанда басталды. Алғашқы тыңдалымға қатысқан Баян Мақсатқызы өзінің бұрынғы күйеуін толықтай кешіріп, бас бостандығынан айырмауды өтінген еді. Бақытбек Есентаев зорлық-зомбылық, зорлау фактілерінен өзге адам өлтіруге оқталу бабы…

Мәжіліс депутаттары баспанада тіркеусіз 30 күнге дейін тұру мүмкіндігін ұсынуда. Бұл туралы бүгін Сенатта Қазақстан Республикасында діни экстремизм мен терроризмге қарсы іс-қимыл жөніндегі 2013 - 2017 жылдарға арналған мемлекеттік бағдарламаны жүзеге асыру мәселелері бойынша депутаттар мен мүдделі мемлекеттік органдардың кездесуінде ҚР Парламенті Мәжілісінің депутаты Мәулен Әшімбаев мәлім етті. «Жалпы, Қазақстан азаматтарына ІІМ 10 күнді ұсынып, кейіннен тіркеуге тұру қажеттігін ескерген еді. Бірақ та түрлі жағдайлардың болуын қарастыра отырып, яғни қонаққа, жұмысымен барғанда 10 күн жетпеуі мүмкін, осы ретте бұл мерзімді 30 күнге дейін арттыруды ұсынудамыз. Егер де адам жұмыс бабымен, туыстарына сапарлап келсе, басқа қалада тіркеусіз жүруіне 30 күнге дейін мерзім қамтылуы тиіс. Осыдан ке…

Ағымдағы жылы ЕАЭО--ның жаңа кеден кодексі дайын болады. Бұл туралы бүгін Қазақстан мен Ресейдің XIII өңіраралық ынтымақтастық форумы барысында Елбасы Нұрсұлтан Назарбаев айтты. «Кәсіпорындарға ЕАЭО кеңістігінде еркін бәсекелестікке мүмкіншілік беру - стратегиялық міндет. Бұған біздің заңнамамызды одан ары біріздендіру шаралары септігін тигізетін болады. Ағымдағы жылы ЕАЭО-ның жаңа Кеден кодексін дайындау жұмыстары аяқталады. Ол біздің елдеріміздің арасындағы барлық кедендік процедураларды айтарлықтай жеңілдетеді. Үшінші елдермен сауда-саттықта тарифтік емес реттеудің бірыңғай шаралары қолданылады. Бірыңғай көлік кеңістігін рет-ретімен, кезең-кезеңімен құру туралы уағдаластыққа қол жеткізілді», - деді Н.Назарбаев. Елбасы ЕАЭО аясында барлық өндірушілер мен инвесторлар үшін түсінікті ортақ…

Алимет мөлшерін белгілеу кезінде баланың мүдделері ескерілуі тиіс. Бұл туралы Алименттер өндіріп алу жөніндегі үйлестіру кеңесінің отырысында ҚР Бас прокурорының бірінші орынбасары Иоган Меркель мәлім етті. «Біріншіден, алимент мөлшерін белгілеу тәртібін қайта қарауды ұсынамыз. Бүгінгі күні ол борышкердің еңбекақысының үлестерінде айқындалады және балалардан гөрі әкенің мүдделері ескерілген», - дейді ол. Оның үстіне, «айлакер» борышкерлер заңды айналып өтудің тәсілін игерген. «Олар жалақысы төмен жұмыстарға орналасқан жағдайларды мысалға келтіріп өттім. Содан кейін, заңды түрде балаларына 5-6 мың теңгеден аударып отырған. Бүгін бұл ақшаға баланы тамақтандыруға, киіндіруге бола ма? Сондықтан баланың мүдделері басымдықты болуы тиіс деп ойлаймыз. Баланың жасына қарай алименттердің базалық мө…

Павлодар облысының әкімдігі Францияның Ницца қаласында терракт кезінде қайтыс болған Қазақстан Республикасы азаматтары, Павлодар облысының тұрғындары - Панченко отбасының туыстары мен жақындарына көңіл айтты.

Хабарламада аймақ басшысы Болат Бақауов: «Франциядағы қайғылы оқиға кезінде қаза тапқандардың жақындарына көңіл айтамыз және жараланғандардың жылдам сауығып кетулеріне тілектеспін», - деп, қайғыға ортақтасқан.

Естеріңізге сала кетсек, ҚР СІМ Ниццада төрт Қазақстан азаматының қайтыс болғандығын хабарлаған болатын. Бақилық болғандардың қатарында павлодарлық отбасы бар: 60 жастағы Любовь Панченко, 32 жастағы Марина Панченко және екі жасар Сильвия.

Португалия құрамасының капитаны үш гол салғаны үшін және голға үш доп шығарғаны үшін «Күміс бутса» сыйлығымен марпатталды, деп жазады life.ru.

Криштиану Роналду Еуропа чемпионатының үздік ойыншысы ретінде өзіне берілген «Күміс бутсадан» бас тартып, командалас жолдасына сыйлады. Португалия құрамасының жартылай қорғаушысы Нани Роналдудан мұндай сый күтпесе керек.  Дереу Instagram әлеуметтік желісіне сыйлық фотосын салып, оқырмандарымен бөлісуді жөн санапты:

- Сен жай капитан емессің, сен чемпионсың! Сыйлық үшін рахмет! Алға, Португалия, біз чемпионбыз!- деп жазған Нани.