jan.123

Қарлы боранда омбы қар кешкен фельдшерлердің еңбегі еленді.Ақтөбе облысының әкімі Асхат Шахаров қолайсыз ауа райына қарамастан, қызметіне адалдық танытып, әлеуметтік желі жұлдыздарына айналған фельдшерлерді марапаттады. Бауыржан Құдияров, Сая Рысбаева, Қайрат Төлеуге өңір басшысы Алғыс хат табыстады. Хромтау ауданының жедел жәрдем фельдшерлері 2024 жылдың 7 ақпан күні жүрегі сыр берген науқасқа бармақ болады. Үш маман, көлігі қар басқан көшеге кіре алмай, жарты жолда жаяулатады. Боранды күні ұзақ жүруге тура келген. Медицина қызметкерлері бұл сәтті видеоға түсірген. Бірақ ол әлеуметтік желіде таралады деп ойламапты.«Біз белгіленген жерге кешігіп жатсақ, диспетчерлерге дәлел ретінде бейнежазба жазып жібереміз. Науқасқа барып, жұмысқа қайтып келсек, әлеуметтік желілерде әлгі видеомыз тарап…

Жазушы Қанат Тілеухан тележурналист Жайна Сламбекке берген сұхбатында кәсіби тұрғыда әдебиетпен айналысып жүрген адамдар жоқ екенін айтты.«Қазір Қазақстанның Халық жазушысы деген атақ шығарды. Бірақ мен «бұл кеңестік дүние ғой, қаңсық нәрсе ғой, мен бұған қарсымын» деген мағынада айтып отырған жоқпын. Мен неге оған қарсымын? Өйткені бізде жазушылар жоқ. Біз оны кімге береміз? Қазір кәсіби түрде әдебиетпен айналысып жүрген адамдар жоқ. Мүмкін, Халық әртісін беруге болатын шығар. Ол сала дамып жатыр. Біз осы жоқ нәрселерді бар қылып көрсету үшін кей кезде атақ, марапат дегендерді ойлап шығаратын сияқтымыз», – деді Қанат Тілеухан.Ол тіпті Дидар Амантайдан кейін дені дұрыс жазушы жоқ дегенге келтірді.«Дидар Амантайдан кейінгі жазып жатқандар – бәрі әуесқойлар. Ал сіз ойлаңызшы қоғамда әуесқой…

Елімізде бірнеше күннен бері ауа райының қолайсыздығына байланысты көлік қозғалысына шектеулер енгізіліп жатқаны белгілі. Соған қарамастан жолға шығып кетіп жатқандарға полиция тағы да ескерту жасады.

"Сонымен қатар, ауа райы жағдайына байланысты 8 ақпаннан бастап барлық қызметтер жергілікті табиғи жағдайға байланысты күшейтілген нұсқаға көшті. 8 ақпанда бір тәулік ішінде 250-ден астам жол көлік апаты тіркелді. Құрметті көлік жүргізушілері, қолайсыз ауа райы жағдайында елді мекендерден шықпауға және қала сыртына шығудан бас тартуға шақырамыз! Өзіңізді және жақындарыңызды негізсіз тәуекелге ұшыратпаңыз!" - делінген Астана қаласы полиция департаментінің хабарламасында.

Алматыда қалың қар түседі деп күтіліп отыр. Бұл туралы қаланың коммуналдық инфрақұрылымды дамыту басқармасындағылар хабарлады.

Фото: baq.kz-

"Дүйсенбі 12 ақпанда сағат 9:00-ден 21:00-ге қалыңдығы 20 сантиметр қар жауады деп күтілуде. Бұл ақпандағы орташа айлық қардың 40 пайызы болғалы тұр", - деп жазылған хабарламада.

Басқармадағылардың айтуынша, қаланың коммуналдық қызметтері қар күреуге толық дайын екен. Дүйсенбі күні көшеге 600-ге дейін техника мен 1220 жұмысшыны шығару жоспарланған.

«Жұмыс қарқыны жоғары, ал талап қатаң болады». Осылай деген Премьер-министр Олжас Бектенов Үкімет алдындағы негізгі міндеттерді белгілеп берді.Бүгін Олжас Бектенов Мемлекет басшысы Қасым-Жомарт Тоқаев 7 ақпанда Үкіметтің кеңейтілген отырысында берген тапсырмаларды іске асыру мәселелері жөнінде кеңес өткізді.Қаржы-экономикалық блок министрлерін тыңдап болған соң, Премьер-министр бюджет шығыстары толығымен экономикалық табыс әкелуге бағытталып, өнімсіз шығыстар толығымен жойылуы керектігін атап өтті.«Қаржы министрлігі 10 күн ішінде республикалық бюджетке және бір ай ішінде жергілікті бюджеттердің барлығына ревизия жүргізіп, аса маңызы жоқ шығыстарды айтарлықтай қысқартуы тиіс. Ешкім де ақшаны орынсыз шашпауы керек», — деді Олжас Бектенов.Cонымен қатар Премьер-министр Салық кодексінің жобасы…

Төтенше жағдайлар министрлігі өкілдерінің хабарлауынша, Алматыдағы лай көшкіні салдарынан құлаған үйдің астынан 4 адамның денелері табылған.

Қаза тапқандар - 1984 жылғы ер адам, 1980 жылғы әйел жәе 2007 жылғы егіз жасөспірімдер.

Көршілерінің айтуынша, бұлар - бір отбасы.

Күдіктіні іздеуге Түркістан облысы полиция департаментінің бүкіл жеке құрамы жұмылдырылды. Көршілес аймақтар мен мегаполистер бағыттамалар берілген.

Облыстық полиция департаментінің бастығы Мұрат Қабденовтің айтуынша, қабылданған шаралардың нәтижесінде жедел уәкілдер күдіктіні Шымкент қаласындағы қонақ үйлердің бірінде ұстаған.

«Адам өлтіру фактісі бойынша барлық мән-жайды анықтау мақсатында тергеу жүргізілуде. Тиісті сараптамалар тағайындалды. Күдікті әйел қамауға алынды. Істің тергеу барысы менің жеке бақылауымда», - деді Мұрат Қабденов.

Айта кетейік, бір күн бұрын Түркістандағы жалдамалы пәтерден екі баланың денелері табылған еді. 31 жастағы келіншек үйдегі кикілжіңнен соң осы қалаға кетіп қалған екен.

Парламент Мәжілісінің ғимаратына міндетті түрде бетперде тағу режимі енгізілді.

Фото: almatydc.kz-

Мұндай қаулыны Президент Іс басқармасы медициналық орталығының бас санитар дәрігері Айгүл Темірғалиева қабылдаған.

Жиындар онлайн-форматқа көшірілген. Онда да бетперде тағу режимін қатаң сақтау керек.

Айта кетейік, бұған дейін Мәжіліс төрағасы Ерлан Қошанов пен Президент кеңесшісі Қанат Бозымбаев коронавирусқа шалдыққан болатын.

Алматыда лай жылжымасынан кейінгі алғашқы сәттің видеосы ғаламторға шықты.

Оны қазір іздестіріліп жатқан отбасының көршісі түсіріп алған.

(Видеода бейәдеп сөздер бар!)

Алматы қаласының әкімі Ерболат Досаев лай жылжыған аумаққа барып, ондағы аршу-құтқару жұмыстарымен танысты.

Фото: ҚР ТЖМ

Досаев лай басқан үйдің тұрғындары ғимараттың ішінде қалып қойғанын айтты.

"Ең бастысы - іздеу-құтқару жұмыстары. Болжам бойынша осы үйде тұрған адамдарды іздейтін барлық мобилизациялық топтардың жұмысын үздіксіз қамтамасыз ету керек", - деді әкім.

Көршілерінің айтуынша, үйде 4 адам тұрған.

Алматыда лай көшкіні болып, оның үйлерге жеткенін бұрынырақ хабарлағанбыз.