Гүлнұр Кәкімжанова

«Қазақ қыздарын әлемнің сұлу қыздарының бірі деп білемін» Әлемнің түкпір-түкпірімен байланыстыратын әлеуметтік желіде мардымды мәлімет алып, жаһанның жаңалықтарын біле түскің келетіні рас. Журналистика саласы қатты дамыған ел ретінде біз танитын Американың біз танымайтын журналистімен тілдесуге мүмкіндік туған еді. - Сәлеметсіз бе, Джон! Сізбен сұхбаттасу мүмкіндігінің туғанына қуаныштымын. Алдымен өзіңіз туралы азды-көпті айтып берсеңіз. -Рахмет. Мен өзіңізге бұрын да айтқанымдай, қазір Миссури штатында 10 жасымнан тұрамын. Мичиганда дүниеге келіп, кейін Индиана штатында, одан Колорадода тұрдық. Жасым 47 де. 4 ұлым бар. Жарыммен 2012 жылы 3 ақпанында бегілі бір себептермен ажырасып кеттік. - Патрик Бьюкенон бір еңбегінде Шығыс елі батысқа қарағанда отбасы құндылығы мен ұрпақ сабақтастығы…

Біздің елді білесіз бе?! Әлемге таныламыз деп әлек болып жүргенде, Қазақстан жайлы өзге елдердің не білетіні, не ойлайтыны біз үшін, әрине, таңсық дүние. Әр түкпірдегі бірнеше мемлекеттің жас буын өкілдерінің біз жайлы білетіні мен өздері жайлы берген өзекті деректерімен таныс болыңыздар! Қазақстан мен қазақтар жайлы не білесіздер?! Өздеріңіздің туған жерлеріңізге тоқталып, ерекше деген салты-дәстүрлеріңіз жайлы не айтар едіңіздер? бос уақыттарыңызды қалай өткізесіздер? Алдыға қойған мақсаттарыңыз қандай? Ианг Чан, Қытай, Санья Менің саяхаттау барысында танысқан бір-екі ғана қазақ танысым бар. Соларға қарап түйгенім, қазақтар туған тілімен қоса орыс, ағылшын тілдерін жетік меңгерген екен. Сонымен қатар сыпайылығымен ерекшеленеді деп білемін. Қытай туралы қызық дерек айтар болсам, бізде 4…

...Мына күн де, мына аспан да, дала анау, Бәрі бізден, бәрі бізден қалады-ау. Өмір дейтін тағатсыз бір қозғалыс, Өмір дейтін - өлемін деп қарамау... Мұқағалидің бұл өлеңін оқып отырып, ойға қалдым. Қазір тұрмыстың сазына батып жүріп, жұмысыңды сүйіп істеу мүмкін бе деген сауал сумаңдап көкірегімді кернеді. Барлығына демей-ақ қояйын, бірақ көріп жүргенім, көбіне керегі - атақ-даңқ, абырой, одан қалса әрине қалтаңды томпайтатын жалақы. Өзіне алғысы келеді, ал өзі терін төгіп, еңбегін бергісі келмейді. Көз алдыма қол бұлғап келе қалған жайттар мыналар еді: Бірінші, журналистикаға оқуға түскен кезімізде ұстаздарымыз қыз балаға қиын жұмыс таңдапсыңдар деген болаты. Ренжідік әрине. Бірақ, түйсінбеппіз. Қазір сол көп сылқым сұлулар көгілдір экраннан күліп қарап, біреудің жазып бергенін жаттап ай…

Айнұр такси тоқтатты. Сіңілін құшағынан жіберер емес. Екеуі де жылап отыр. - Неге менімен болды осындай жағдай. Мен адам тани аламын ғой, мен алданбайтын өжет едім ғой. Мұндай болуы мүмкін емес еді! - дейді. Мен бәрін білетін адаммын, неге осындай жағдай болды, - деп жылап тағы сұрайды. - Сен ештеңе білмейсің, айттым ғой саған, Астана үлкен қала, мұнда абай болу керек. Ақылды қасқыр болу керек. Гүлдей нәзік болсаң да, тастай берік болуың керек! - деп тоқтай қалды. Жарасына тұз сепкендей болмайын деп құшақтап, үнсіз ойланып отырды. *** Апалы – сіңілі Сәуле мен Айнұр қаны бір болғанымен, болмысы бөлек. Айнұр жеке-дара жүріп төселген, сырт көзге өте сезімтал, нәзік, бірақ көп нәрсеге шыдамды. Ал Сәуле болса керісінше, ерке, шыдамсыз, құжаттармен анасы, керек-жарақтарымен әкесі жүгіріп, інісі…

өмір деген

Кім түсінген сезімін, тілектерін,
Мақтан етер қуана жыр еткенін.
Ақын қыздың жанына жара салдың,
Жұбатып, жүрегіне гүл екпедің.

Түсінбедің, ойладың бақытты деп,
Төге бердің аямай жақұтты көп.
Көрмедің бе, көзіне мұң тұнғанын,
Жұбатады тек оны уақыт-тірек.

Қаһарланбай, қабақты қатулатып,
Жанына үңілсеңші жақын барып.
Сонда ғана, жігітім, түсінесің,
Гүл сияқты екенін ақын халық.

Еседі самалдайын жырдың лебі
Әлденеден жасқанып тұрды ілгері.
Аялап, баптамаса ақын жанын,
Солады да қалады бір күндері.

2010 жыл

Бақытты бол!
Бақыт – тірек!
Бақыт – жүрек алауы.
Бақыт – тілек,
Бақыт – көңіл қалауы.
Бақыт – сыйлық,
Бақыт – Құдай рахымы.
Бақыт – шаттық,
Қуаныштың жақыны.

Бақытты бол!
Байлық қума,
Айлық қума сабылып..
Бақыт емес
Байларға тек тән қылық.
Байлық деп біл жүрегіңнің егізі,
Сүйген жаның жатса егер табылып.

"Байлығым" деп сонда да мен жыр тердім.

Көңіл жасы тамшыласа біреуде

Өлеңменен көздің суын сүртермін.

Ақын жаны жаралғандай бұлақтан,

Таза көңіл, ақ пейілмен жыр аққан.

Нәзік жіппен өрнектелген өлеңді,

Жан табылмас тұғырынан құлатқан.

Ақын жаны... ақын жаны бөлек тым,

Сезіледі ақ көңілден өр екпін.

Жыр мен жаны егіз болып жаралған

"Ақындарды түсінбейміз" демек кім?

Күндегі үйреншікті жолыммен үйге қайтып бара жатып, сол баяғы таныс көрініске тағы да тап болдым. Көшеміздегі сегіз жасар қара көз қыз араққа тойып алған анасын үйіне сүйретіп әлек. Шамасы, өзі де үйреніп алған-ау деймін. Жылағанын да, ыстық аялы алақанымен сипамаған анасына дауыс көтергенін де естімеппін. Алайда жүзі суық, әрқашан жүрегіндегі бір мұңнан жапырақтағы таңғы шықтай тамшы болып төгілуге дайын мөлдіреген әдемі көздерін байқағаным бар. Анасы бұл жолға қызы итермелеп апарғандай, ішімдік тауып бер деп бүгін тағы көше бойында соққыға алды…. Міне, осы сияқты көріністер жолымызда жиі ұшырасып жатады. Алайда, көзіміз үйренгендіктен бе, әлде «өзіміз» деп қана өзегіміз өртеніп жүргеніктен бе, бұл да қалыпты құбылысқа айналды. Бірі көрмеген боп өте шықса, бірі аяныш білдіріп, іштей өз ө…