Мазмұнға өту

Жаңа

«Көкпар».

«Көкпардан» көрнекті мемлекет және қоғам қайраткері Асанбай Асқаров атындағы халықаралық турнир! Қырғызстанның «Қожамқұл» және Астананың «Тұлпар» командаларының арасындағы тартысты 19 мамыр күні, сағат 15.50-де Ұлттық арнадан тамашалаңыз! Ұлттық арнада - ұлттық ойын!!!

0
0
208

Қаржы полициясы Атырау облысы бұрынғы әкімі Б. Рысқалиев басқарған қылмыстық қауымдастығын жойды

Ағымдағы жылғы 12 мамырда «Хабар» телеарнасының «Бюро расследований» бағдарламасында  Бергей Рысқалиев басқарған қылмыстық қауымдастықтың заңсыз әрекеттері туралы арнайы репортаж көрсетілді.

http://www.youtube.com/watch?v=3qSrd_HA9Fs&feature=youtu.be

0
0
568

Смағұл Елубай, жазушы: Сорымызға біткен он сорақылық

Смағұл Елубай, жазушы: Сорымызға біткен 10 сорақылық

1-сорақылық. 300 жыл бойы мойнымызға ілінген отарлық қамыт мойнымыздан түссе де.., миымыздан түспепті. Сол отарлық қамыт санамызда әлі де салпақтап тұр. Саяси отарсыздану рухани отарсыздануға ұласпады. 

2-сорақылық. 2 миллиондай қазақтың өз Отанында отырып орыстануы. 

3-сорақылық. Орыстілді сол 2 миллион қазақтың есебінен Республикадағы орыстілділердің саны көбейіп, бүгінде 7,5 миллионға жетуі, Бұл деген сөз – бірер жылда таразының орыстілділер жағы басқан күні тіл үшін күрестің де мезгілі өтеді деген сөз. Сорақылықтың көкесі – осыны ұқпау. 

4-сорақылық. Тіл заңының қабылданғанына 20-дан астам жыл өтсе де, жалған қазақстандықтардың қазақша 20 сөз үйренбеуі. Және олардың қонжиып мемлекеттік қызметтерде отыруы. 

5-сорақылық. «Тіл туралы» Заңды қабылдаған Парламент, ол Заңды іске асыруға тиіс Үкімет және осылардың бәріне басшылық етуші Президент аппаратының әлі күнге шейін өздері дайындаған осы Заңды орындамай отырғаны. 

6-сорақылық. Қазақ тілінің мемлекеттік тіл болып жарияланғанына қаншама жыл өтсе де, 4100 мың қазақ баласының мектептерде өз тілінде емес, өзге тілде дәріс алып жатуы. 

7-сорақылық. Бір Алматының өзінде 369 балабақшаның тек 30-ы ғана қазақ балабақшасы. Бұл – барлық деңгейдегі биліктің кешегі жекешелендіру тұсында ұлт болашағын ойламағандығынан болған сорақылық. Алматыдағы 369 балабақшаның ең болмағанда жартысы бүлдіршіндерге мемлекеттік тілде тәрбие беруі керек еді. 

8-сорақылық. Онсыз да қоғамдық өмірден оңбай шеттетілген қазақ тілін қорғаудың орнына кейбір жалған қазақ бауырларымыз шындықтың өңін айналдырып, Қазақстандағы онсыз да үстем тіл – орыс тілін қорғау керек деп айқай салып жүр. Байбалам салып жүр. Бұларды кешегі зұлымдық империясының бүгінгі итаршысы демегенде… кім дейміз?!

9-сорақылық. Қазақстан ақпарат құралдарында, әсіресе, телеарналарда мемлекеттік тіл салтанат құра алмай отыр. Кейбір жағдайларда мүшкіл күй кешуде. 

10-сорақылық. Жеке басты сорақылық. Қазақ қауымының осынау асқынған ұлтсыздықты үйреншікті қалып деп қарауы, «норма» деп қабылдауы. Сорақылықтың сойқаны осы.

Айқап.kz ақпараттар порталы

   
1
1
1729

Винченцо Нибали «Джиро д’Италия» жарысының жалпы есебінде көш бастады

 

«Movistar» командасынан британдық Алекс Даусетт «Джиро д’Италия» жарысының сегізінші кезеңінде бөлек стартты жеке жарысының жеңімпазы атанды, деп хабарлады Sports.kz.

Екінші орында Ұлыбританияның тағы бір өкілі «Sky» командасынан Брэдли Уиггинс, одан кейінгі орында «Астананың» екі өкілі — эстондық Танел Кангерт пен италиялық Винченцо Нибали.

Жалпы есеп бойынша Нибали көш бастады, екінші орында «BMC» командасынан австралиялық Кадэл Эванс, үшінші орында «Blanco» командасынан голландық Роберт Гесинк.

«Джиро д’Италия», 8-ші кезең.

Габичче-Маре — Сальтара, бөлек стартты жеке жарыс (ITT), 54,8 км.

1. Алекс Даусетт (Ұлыбритания, «Movistar») — 1:16:27

2. Брэдли Уиггинс (Ұлыбритания, «Sky») — +0,10

3. Танел Кангерт (Эстония, «Астана») — +0,14

4. Винченцо Нибали (Италия, «Астана») — +0:21

Жалпы есеп

1. Винченцо Нибали (Италия, «Астана») — 29.46,57

2. Кадэл Эванс (Австралия, «BMC») — 0,29

3. Роберт Гесинк (Голландия, «Blanco») — 1,15.

 
0
0
418

Петропавлда «Ұлы Жеңіс марафоны» өтті

 

Петропавлда «Ұлы Жеңіс марафоны» өтті. Жаппай жүгіруді жастар ұйымдары өткізді, деп хабарлады BNews.kz тілшісі.

«Ұлы Жеңістің 68-жылдығын мерекелеу шеңберінде жастар ұйымдарының бастамасымен «Ұлы Жеңіс марафоны» өтті. Оған жасотандықтар, жасұландықтар мен жасылелдіктер қатысты. Сондай-ақ, облыс спортшылары, Петропавл қаласының мектеп оқушылары мен колледж студенттері атсалысты. Барлығы 200 адам жүгірді», — деп мәлімдеді «Жас Отан» жастар қанатының төрағасы Самат Жәкенов.

Маршрут Петропавлдың орталық көшесі – Қазақстан Конституциясы бойымен өтіп, Қазақстан Республикасының Тәуелсіздігі стеласына дейін жалғасты.

 
0
0
290