«Айтуға оңай...».
«Айтуға оңай...» бағдарламасында талқыланатын басты тақырып – қазіргі қазақ мультфильмінің жай-күйі, оның ішінде, көрерменге жақында жол тартқан қазақ тарихындағы тұңғыш толықметражды «Ер Төстік» анимациялық фильмі.
«Айтуға оңай...» бағдарламасында талқыланатын басты тақырып – қазіргі қазақ мультфильмінің жай-күйі, оның ішінде, көрерменге жақында жол тартқан қазақ тарихындағы тұңғыш толықметражды «Ер Төстік» анимациялық фильмі.
«Қазақстан» Ұлттық арнасынан дүйсенбі және жұма күндерінің аралығында ғашықтық пен құштарлыққа толы түрік телехикаясын тамашалаңыздар.
Бүгін Астанада Қорғаныс министрінің бірінші орынбасары – Бас штаб бастығы генерал-полковник Сәкен Жасұзақовтың қатысуымен Қазақстан Республикасы Қарулы Күштері Құрлық әскерлері басшы құрамының жедел-әдістемелік жиыны аяқталды.
Ол үш күн бойы астаналық десантты-шабуылдаушылар бригадасының базасында өткізілді. Жиын жұмысына Құрлық әскерлерінің бас қолбасшысы генерал-лейтенант Мұрат Майкеев басшылық жасады.
Жиын жұмысын өткізуге өңірлік қолбасшылықтардың, әскер тектері мен әскери бөлімдердің басшы өкілдері тартылды. Сабақтар барысында офицерлер жауынгерлік дайындық шараларын ұйымдастыру әдістемелері туралы сабаққа қатысып, күнделікті және ұрыс барысында әскерлерді басқару ерекшеліктерін оқып үйренді.
– Заманауй қауіп қатарлер сипатының үнемі өзгеріп отыруына және жауынгерлік әзірліктің қарқынды дамуына байланысты жауынгерлік оқудың ұйымдастырудың әдістемесі жетілдіруді және нақтылауды қажет етеді,-деп атап өтті жедел-әдістемелік жиынның маңыздылығына баса назар аударған Құрлық әскерлерінің бас қолбасшысы.
Бұл үшін жиын барысында роталық-тактикалық жаттығу жауынгерлік атыс бойынша өткізілді. Мұнда далалық оқу-жаттығу құралдарының заманауй үлгілері көрсетілді.
Сабақтармен қатар жедел-әдістемелік жиынға қатысушылар атыс, дене дайындығы, тактикалық дайындықтан сынақтар тапсырды. Өздерінің кәсіби біліктіліктерін дәлелдеді.
Қазақстан Республикасы Қарулы Күштері Құрлық әскерлері басшы құрамының жедел-әдістемелік жиыны Құрлық әскерлерінің қысқы оқу кезеңіне қорытынды жасаумен аяқталды. Ең үздік командирлер мен әскери бөлімшелер негізгі үш өлшем бойынша анықталды. Мұнда жауынгерлік әзірліктің сапасына, қару-жарақ пен әскери техниканың жай-күйіне, әскери тәртіпке баса назар аударылды.
Қысқы оқу-жаттығу кезеңінің қорытындысы бойынша генерал майор Рысбаев Василий Несипказинович жетекшілік ететін «Шығыс» өңірлік қолбасшылығы мен генерал-майор Алмаз Джумакеев басқаратын Астана қаласындағы десантты-шабуылдаушылар бригадасы үздік деп танылды.
ҚР ҚМ Баспасөз қызметі

Қаржы пирамидаларының әлегі.
Алдында Ержан Алашпен болған бір сұхбаттан кейінгі ойыммен бөліссем деймін. Соңғы кезде қоғамда біздің қазақы дүнетанымға жат қаржылық сыпаттағы үрдістер орын алып жатыр. Дүйім жұртқа ол таңсық болып көрінгенмен, қазақ қарттарынан бастап жастарына шейін сол жобаларға етене араласып, бүгінде көпшілік сақалын сипап сазда отырған күй кешіп отыр. Біреу мүмкін қарсы болар, біреу жақ болар, дегенмен осы үрдістің ортақ атауы - Қаржылық Пирамидалар.
Сонау 19 ғасырдан бастау алған әпербақан итальяндық алдаркөсе Понциден, одан қалса беріректегі Мавродиден алданған халықтың жағдайы өкінішке орай қазақ жастары үшін сабақ бола алмай отыр. Соңғы кезде осындай қаржылық жүйеге жастарымыз отбасыларымен кіріп, өзге жұртты артынан ілестіріп, өз-өздеріне құдық қазып жатыр. Ондай қаржылық пирамидалардың артында тоңмойын, тек ақшаны ғана танитын адамдар тұрғанын көпшілік біле бермейді.
Ержан Алаштың айтуы бойынша оған көп достары сондай мекемелерге ақша салмақ оймен кеңес сұрап келген екен. Ондай жүйге кірудің залалы бастан асып жатқанын тәпіштеп тұрып байыбына жеткізсе де, оның кейбір достары оны тыңдамай кіріп, кейін сан соғып, бармақ тістеп қалған екен.
Соңғы кездері бұндай жүйелер өзінің көзді алдау үшін шығаратын өнімдерін заман талабына орай әрқалай өзгертіп келеді. Бұрындары Құдайға керегі жоқ өтірік шипалы сақина, белбеу сататын болса, соңғы кезде ғаламтор софт программаларын сататын "Talk Fusion" деген компаниясы пайда болған. Ал баяғы жартас сол жартас. Яғни ақша жасау жүйесі өзгермеген. Яғни сіз ақша саласыз. Одан соң артыңыздан адамдар іздейсіз. Олар да ақша салады. Салған адамдардың ақшасынан "шелектің түбінде қалған айранын жалауға" жететіндей сізге аз мөлшерде ақша береді. Сөйтіп сізді алдарқатады. Ал ақшаның дені, сол жүйені құрған тоңмойын бәзбіреулердің қалтасына түседі. Осыған алданған қазақтардың мәз-мейрам болып жүргеніне қарап жаның ашиды. Бір кездері Ғұндардың, бір кездері жауынгер қазақтардың ұрпақтары бүгінгі қазақ жастары сонша ұсақтанып, ез, бейшара болып кеткеніне қарап іштей қынжыласың.
Өзі кірген адам өзгені де тартады. Әсерлі етіп көрсету үшін: "Пәленшені білесің бе? Сол қазір "Мерс" мініп жүр. Түгеншені білесің бе? Сол қазір жұмысын тастады, қазір оган жұмыс керек емес, ақшаны апта сайын алып тұрады" - деп аузы көбіктенгенше түсіндірумен болады. Егер сіз сондай жүйеге ақша салсаңыз, сіз де сөйтіп аузыңыздан көбік атқанша сөйтіп өзгеге белгісіз бір пәленше мен түгеншелердің жетістіктерін айтып жүресіз. Сөйтіп бейшара болған қазақтар, одан сайын бейшара бола түспек. Осыны ойлап отырып және Ержан Алаштың айтқандарын қорыта отырып, мен мынадай тұжырымға келдім.
1) Қаржылық пирамидаға кіретін адамдар әлсіз, білімсіз және көрсоқыр болып келеді. Себебі жеңіл ақша табуға құмар болып келетіндер әдетте әлсіз болып келеді.
2) Қаржылық пирамидаға кіретіндер білімсіз болып келеді. Себебі білімді адам ондай жүйенің дұрыс қисыны жоқ екенін түсінеді. Түсінгендіктен ондай табысқа өз бауырын немесе досын тартпақ түгіл, өзі де жоламайды.
3)Қаржылық пирамидаға кіретіндер жатып ішер жалқаулар болады. Себебі жалқау ғана өз білімі мен білегіне сенбей, сондай жеңіл ақша табуға құмар болады.
4) Қаржылық пирамидаға кіретіндер надан болып келеді. Ондайларды алдау оңай болғандықтан, пирамида мәңгүрттері сондай адамдарды өз қатарларына тартуға әуестеніп алған.
5) Қаржылық пирамидаға кіретіндер әдетте бір нәрсенің байыбына баруға ойы жетпейтін, бір нәрсені саралап қарауға ақылы жетпейтін сенгіш, өз пікірі және ойы жоқ адамдар болып келеді. Ондайларға кеттік десең бәрібір, қайда болса да шауып кете береді.
6) Қаржылық пирамидаға кіретіндер көбіне осы өмірде жолы болмай жүргендер. Ондайлар аннан-мыннан тауып жүрген табысына күнелте алмай, ақыры осындай оңай жолмен ақша табуға әуестеніп кеткен. Бірақ бәрі ол ойлағандай болмайды. Керісінше өзінің қаржылық жағдайын өзі бүлдіріп, ақыры жалғыз өзін емес, айналасындағы адамдарды да құрдымға итермелей түседі.
7) Қаржылық пирамидаға кіретіндер ойы бос адамдар. Ондай адамдарда креатив дегенге мақұрым келеді. Олар үшін ақша табудың басқа амалы жоқтай, сондай арзан ақшаға құмар болады. Солардың кейбірі ақша тауып жатса да, олардың тапқан ақшасы өзге халықтың құйған ақшасының есебінде жатыр. Тіпті таппақ түгіл, солардың көбісі ақырында сақалын сипап сазда отырады.
8) Қаржылық пирамидаға кіретіндер адамды алдап-арбауға әуестенген адамдар. Олар сіздге сол жүйеге кіру үшін барлық өтірікті айтып шығады. "Бүйтсең былай болады, сөйтсең былай болады" деп таудай уәде беріп, шешенше көсілгенде кейбір адамдар сеніп қалып, жиған-тергенін беріп жібереді. Кейін осы ақшасын үстемелеп қайтару үшін, олар да бағанағы әдеттегі өтірікті өзгеге таратады. Сөйтіп өздерінше ақша жасап жүрміз деген адамдар, шынтуайтында өзгені алдап, болмашы тиынға бола, титықтап жүріп немесе қарызға алып жинаған қаржысын өзгенің баюына беріп жүр.
Ал нағыз жігіттер мен қыздар ондай жүйеге жоламайды. Олар білім мен білектің күшіне сеніп "нартәуекел" деп адал еңбекті ғана мақсат етеді. Әлгіндей "мерс" мініп жүру атамыздан қалған мақсат емес, бірақ жақсы көлік мінгенді кім қаламайды? Бірақ қаласақ, ондай көлікті дұрыс еңбек қылып та табуға болады. Ең бастысы ақша табу оңай емес екенін түсіну керек... Жылт-жылт еткенге қызығып жүре беретін құлдық санадан арылу керек.
Айнұр Қабиева
Айқап.kz ақпараттар порталы
Қазнеттің үздік блогерлерінің бірі (Gastarbaiter нигімен белгілі), белсенді ерлерге арналған Beu.kz сайтының әкімшісі және де әуесқой бодибилдингтің қыр-сырын жетік меңгерген Асқар Базарбай жігіттерге арналған тән сымбатының өзіндік құпияларымен бөліскелі отыр.

Адамдар да, олардың денелері де әртүрлі болғандықтан, көптеген факторлар әр кімнің денесіне әртүрлі әсер етеді. Сондықтан, әлдебіреулер ұқсап еш ғылыми жаңалықтар, жаңашыл ойларды алға тартпастан, орта есепті бастауыштарға арналған бәріне бірдей ортақ, және барлық әуесқой бодибилдерлер келісетін 8 жайтпен бөліскім келеді. Бұл баптардың барлығы менің жеке тәжірибемнен өткен, тексерілген кеңестер. Оларды бұлжытпай ұстану кез-келген бастауыш атлетке ешқандай сиқырлы дәрілердің көмегінсіз-ақ елеулі нәтиже беретініне сенімдімін.
1. Негізгі жаттығуларға ғана ерекше назар аударыңыз

Штанга, гантель, турник, брусья – осы снарядтарды есіңізде сақтап алыңыз. Егер мықты, сапалы бұлшық ет өсірем десеңіз, еркін салмақтарды (штанга, кіртас және гантельдер) қолданып тек негізгі жаттығуларға ден қойыңыз. Ең негізгі ет өсіретін жаттығу штангамен отырып тұру (squat), штанганы тұра тарту (deadlift) және штанганы жатып сығымдау (bench-press). Осы үш жаттығуды 6-8 реттен 5 әрекет (подход) жасаудың өзі алғашқы үш айда бұлшық еттеріңіздің жалпы көлемінің өсуін мейілінше қоздырады. Өйткені осы үш жаттығу адамның бойында ең көп бұлшық ет талшықтарын іске қосады.
Алғашқы үш айлық қарапайым бағдарламаңыз аяқталған соң ғана оған турник және брусьяны (әр қайсысынан 2 әрекеттен, бұлшық ет талғанша) қосуыңызға болады. Бұл жаттығулардың орындалу техникасын әбден меңгеріп алуға көңіл бөліңіз. Жалпы, орындалу техникасы жайлы youtube сайтында видеолар көп. Әсіресе, отырып тұру мен тұра тартуда беліңізді бүкірейтуші болмаңыз. Бұл жаттығуларды орындағанда еңсеңізді мейлінше тік ұстап, қазықтай қайқиып жасау керек. Қалған қосымша жаттығуларды ретсіз шұбыртпай, тек жарты жыл жаттыққан соң ғана қосыңыз Оған дейін өзіңіз де жаттығу жайлы біраз білетін боласыз. Бастысы жаттығудың орнына, жаттығу туралы кітап оқығанды ұнататын тырық теоретикке айналып кетпеңіз.
2. Қарқынды жаттығуды үйреніңіз

«Уфф, біттім, басқа көтере алмайтын сияқтымын!» - «Тағы бір мәрте!», «Ойбай, біттім, тұла бойым өртеніп барад!»
—«Тағы бір мәрте!», —«А-а-а-а-а!» —«Тағы бір мәрте!»... Иә, тап осы мәнерде жаттығу керек. Жаттығуға бөлген уақытыңызды бос әңгімеге емес жаттығуға арнаңыз.
3. Спортзалдағы апта сайынғы жетістігіңізді тіркеп отырыңыз

Бұлшық ет жаңа жүктемеге икемделу нәтижесінде ғана өседі. Залда жаттығу жасағанда бұлшық еттеріңіздің майда талшықтары зақымдалады, оны денеңіз қауіп ретінде қабылдап, оған қарсы жауап ретінде бұлшық ет массасын өсіре бастайды. Сондықтан, үнемі бір салмақты қолданбаңыз. Денеңіз бір жүктемеге үйреніп қалмау үшін снаряд салмағын аптасына 1-2 келіге немесе жаттығуды қайталау мөлшерін бір мәртеге көбейтуге тырысыңыз. Және көтерген салмақтарыңыз бен жаттығуларыңызға дәптер арнап күніне сәйкес тіркеп отырыңыз. Біріншіден соңғы тренировкада қай салмақпен жаттыққаныңыз сізге шама ұазіргі шарқыңызды білуге көмектеседі. Тым аз жаттығудан, немесе тым көп салмақ тиеп жарақат алудан сақтандырады. Мен ол мақсат үшін смартфоныма жүктелген арнайы андроид көмекшісін қолданамын.
4. Демалысқа уақыт бөліңіз

Қажетті мөлшерден жиі жаттығу — бұлшық еттің қас жауы. Жаңа жаттыға бастағандар неғұрлым көп жаттықсам, соғұрлым көбірек шынығып, соғұрлым шымыр дене құрастыруда жетістікке жетем деп ойлайды. Бірақ әңгіме бұлшық ет өсіруге келгенде, дене шынықтырудың бұл әдісі іске аспай қалады, себебі бұлшық ет те, кез келген тірі дене секілді қалпына келу үшін демалысты қажет етеді. Есіңізде болсын: бұлшық ет жаттығу кезінде емес, жаттығып болғаннан кейін өседі. Сондай-ақ, жаттығудан кейін денеңіздің ауырсынуы қалыпты нәрсе. Ол бұлшық етіңізді қажетті деңгейде жүктегеніңізді білдіреді. Оған да уақыт өте етіңіз үйренеді. Алайда денеңіз қалпына келу үшін, араға кемінде бір күн демалыс беруді, және тәулігіне кемінде 8 сағат ұйықтау керектігін естен шығармаңыз.
5. Жиі тамақтану керек

Енді бастағандардың көбісінің бұлшық ет өсіре алмау себебі — дұрыс тамақтануды білмейді. Жаттығу — дене шынықтырудың көзге көрінетін бөлігі ғана, ол тек бұлшық етіңіздің өсуіне түрткі береді. Дене өсу үшін сіз қоректі заттарды қажетті мөлшерде жеу керек. Мықты нәтиже шығару үшін 5−7 рет күніне әр 2-3 сағат сайын азықтаныңыз. Тамақ жақсы сіңуі үшін бірден тырсия тоймай, оның да мөлшерін біртіндеп көбейтіңіз.
6. Тамақтағы ақуыздың мөлшерін ұлғайтамыз

Тамақ құрамының үш негізгі элементі ақуыз, май, көмірсу. Осы үшеуінің ішінде бастаушы атлетке ең қажеттісі – ақуыз. Жеткілікті мөлшерде ақуыз тұтынбасаңыз — үлкен бұлшық өсіру мүмкін емес. Демек, бұл ережеден бір елі танбай, салмағыңыздың әр килограмына күніне 1,5 — 2 грамнан ақуыз жеп тұру керек. Бастауыш дене шынықтырушыға аса бір қатаң диета сақтауы міндет емес. Тек күнделікті тамағыңызда астық тұқымдастарын және ақ етті (құс пен балық еттерін) және сүт тағамдарын (қатық пен сүзбе) және көкөністер мөлшерін көбейту қажет.
7. Көбірек су ішеміз

Бұлшық еттің 70 пайызы судан тұрады, сондықтан суды жиі ішу бұлшық еттеріңіздің көлемі мен күшін көбейтуге көмектеседі.
8. Тұрақты жаттығып, шыдамды болыңыз

Тұрақтылық пен шыдамдық – нәтижелі бодибилдингтің ең маңызды шарттарының бірі. Натурал бодибилдинг — баяу нәтиже шығатын спорт түрі, бұнда шыдамдықсыз алысқа бара алмайсыз. Дұрыс жаттығу залының жоқтығы, қажетті снарядтардың түгел болмауы бұның бәрі жай ғана сылтаулар екенін есте сақтаңыз. Шынығатын адам сылтау іздемейді, нәтиже шығарады. Мұнда әр бұлшық етіңіздің килограммы еңбекпен келеді, жолыңыздан танып, үміт үзуші болмаңыз. Өзіңізді өзіңіз қызықтырып, күшкентай да болса жетістігіңізге қуана біліңіз, ара-тұра жаттығуға арналған әдемі қолғап, жайлы кроссовкалар, ыңғайлы жеңіл майка алып өзіңізді ынталандырып отырыңыз.

Сәттілік, бро!
Асқар Базарбай
![]()
Редакцияның рұқсатынсыз материалды өзге сайттарға көшіруге жол берілмейді
Лимада өткен ауыр атлетикадан жастар арасындағы әлем чемпионатында 75 келіге дейінгі салмақ дәрежесінде ақмолалық спортшы, Бөгенбай батыр атындағы дарынды спортшы балаларға арналған облыстық мектеп-интернаттың тәрбиеленушісі, халықаралық дәрежедегі спорт шебері Анастасия Швабауэр абсолютті чемпион атанды, өңір әкімінің баспасөз қызметі.
«Анастасия өзінің 15 қарсыласынан жұлқа көтеруден де, серпе көтеруден де және қоссайыс қорытындысы бойынша да басым түсті. Ақмолалық спортшы жалпы 224 келіні бағындырып, күміс олжалаған АҚШ спортшысы Ливетт Дженни Артурдан 10 келі артық көтерді. «Қола» канадалық Иоани Филиатроның еншісінде кетті», — делінген хабарламада.
Анастасияның халықаралық ареналарда еліміздің көк байрағын алғаш рет көтеріп отырған жоқ. Ол 2010-2012 жылдары жасөспірімдер арасындағы Азия чемпионаттарының жеңімпазы, сонымен қатар қола және күміс жүлдесіне ие болған.
«Астана» велошабандозы Винченцо Нибали — «Джиро д’Италия» жарысының оныншы кезеңінде үшінші орынды иеленді, деп хабарлады Sports.kz.
«Sky» командасынан колумбиялық Ригоберто Уран «Джиро д’Италия» көпкүндігінің оныншы кезеңінің жеңімпазы атанды. Екінші орында «AG2R La Mondiale» командасынан Колумбияның тағы бір өкілі — Карлос Альберто Бетанкур, үшінші орында «Астана» командасынан италиялық Винченцо Нибали.
Жалпы есепте Нибали алда келе жатыр, одан кейінгі орында «BMC» командасынан австралиялық Кадэл Эванс және Уран.
«Джиро д’Италия», 10-ші кезең
Корденонс — Альтопьяно дель Монтазио, 167 км
1. Ригоберто Уран (Колумбия, «Sky») — 4:37:42
2. Карлос Альберто Бетанкур (Колумбия, «AG2R La Mondiale») — +0:20
3. Винченцо Нибали (Италия, «Астана») — 0:31.
Жалпы есеп
1. Винченцо Нибали (Италия, «Астана») — 34:19:31
2. Кадэл Эванс (Австралия, «BMC») — +0:41
3. Ригоберто Уран (Колумбия, «Sky») — +2:04
«Кеше, яғни мамырдың 14-інде облыстық футбол федерациясы және «Тараз» футбол клубы басшылығының шешімімен команданың бас бапкері Любомир Петрович қызметінен босады», — деп хабарлайды «Тараз» футбол клубының ресми сайты.
Бас бапкердің қызметін уақытша дубльдік құрамның аға жаттықтырушысы Нұрмат Мырзабаев атқаратын болады.
Айта кетейік, Босния және Герцеговина елінен келген маман «Тараз» командасының тізгінін 2012 жылдың басында қолына алып, өткен маусымда клубты ел біріншілігінде төртінші орынға жеткізген болатын. Соңына дейін жүлдеге таласып, фавориттердің өздерін қаймықтырған. Сол көрсеткіштерді ескерген клуб басшылығы Петровичпен келісімшартты создырып, 1+1 жүйесімен құжатқа қайта қол қойған. Алайда, биылғы чемпионаттың 10-шы турынан кейін «отставкаға» жіберу туралы шешім шығарды. «Тараз» бұл маусымда 10 ойыннан кейін 13 ұпай еншілеп, Премьер-лигада 6-орында келеді.
Ертең, яғни мамырдың 15-і күні Петровичтің туған күні. Кезінде «Црвена Звезда» клубына Чемпиондар лигасын алып берген, бір жылдыңішінде Қазақстан футболсүйер қауымының сүйікті бапкерлерінің біріне айналып үлгерген маман 65 жасқа толады.
Megaline Start абоненттері үшін тамаша жаңалық бар! Трафик бітіп қалса, бірақ айдың біткенін күткіңіз келмесе, «Турбо-трафик» қызметін пайдаланыңыздар!
Megaline Start және Megaline Optima абоненттері енді трафиктері бітіп қалса, айдың аяқталғанын күтпестен өз тарифтік жоспарларының көрсеткіштерін қайта қалпына келтіру және қалыпты жылдамдықпен интернетті пайдалануды жалғастыру мүмкіндігіне ие болып отыр.
Ал Megaline Hit пен Megaline Turbo абонентері жеке кабинет арқылы мүлдем лимитсіз трафикке қосыла алады.

Біз абоненттерімізге бұдан басқа тағы бір жазғы күтпеген сыйлық дайындап отырмыз. Жаңалықтар күтіңіздер!