Мазмұнға өту

Жаңа

«Ауылым Көктөбенің бөктерінде». Балалар фильмі («Қазақфильм», 1986 ж.)

Арманды әкесі қаладағы интернатқа оқыту үшін алып келеді. Алайда, Арманға қала өміріне үйрену қиынға соғады. Себебі, жатса да, тұрса да оның ойынан ауылы шығар емес.

0
0
2781

«Жақсы жігіттер». Шытырман оқиғалы фильм (АҚШ, 1992 ж.)

Екі әскери теңізші «еш себепсіз әріптесін өлтірді», деген айыппен сотталады. Олардың қорғаушысы нағыз қылмыскерді табуға бел буады. Сол үшін ол мансабын, сүйікті жарын, тіпті өмірін тәуекелге тігеді.

0
0
347

«Әсіре жанкүйер». Шытырман оқиғалы фильм (АҚШ, 1996 ж.)

Бейсбол жұлдызы Бобби Рейберн «San Francisco Giants» тобына кіреді. Енді оны тек журналистер ғана емес, жанкүйер Джил Рейнард та бақылап отырады. Боббидің ісі өрге баспай қалғанда, Джилдің оған көмектескісі келеді.

0
0
239

Қазақ тілінің ең үздік әскери оқытушылары мен аудармашылары анықталды

Қазақстан Қарулы Күштерінің Құрлық әскерлерінде мемлекеттік тілді дамыту мамандарының тәжірибе алмасу жиыны болып өтті. Астана қаласында ұйымдастырылған бұл ауқымды шараның алғашқы күні алдымен «Саптық байқау» өткізілсе, бұдан кейін жиынға қатысушылар «Көшет отырғызу» рәсіміне куә болды. Сондай-ақ, аталмыш шара аясында өтетін «Мемлекеттік тілдің үздік оқытушысы – 2013» және «Қазақ тілінің үздік аудармашысы – 2013» атты байқауларға қатысатындарды іріктеу ісі де осы күннің еншісіне тиді. Алғашқы байқау бойынша Құрлық әскерлеріндегі 26 оқытушы үміткер ретінде тіркелген болса, олардың қабілет-қарымын сараптау нәтижесінде негізгі байқауға 12-і іріктеліп алынды.

Байқау барысында қазақ тілі мамандары ашық сабақ өткізді, әртүрлі нормативті-құқықтық құжаттардың мәтіндерін аударды. Байқауға қатысушылар өздерінің кәсіби деңгейлерін, оқыту мен аудару әдістерін, шеберліктерінің сырымен бөлісті.
Қорғаныс министрлігі мемлекеттік тілді дамыту басқармасының офицерлері байқауға сарапшы болып бақылап отырды.
Шығармашылық жарыстың қорытындысы бойынша қазақ тілден ең үздік оқытушы болып  «Шығыс» өңірлік қолбасшылығына қарасты Аягөз гарнизоны әскери бөлімінің қызметкері Шолпан Айтбаева жеңімпаз атанды. Оның педагогикалық  шеберлігі ең жоғары деген бағаға ие болды.
Қазақ тілінің ең үздік аудармашысы атағын «Астана» өңірлік қолбасшылығы әскери бөлімінің қызметкері  Әсел Қабиеваға бұйырды.
Қорғаныс министрлігі мемлекеттік тілді дамыту басқармасы өкілдерінің пікірінше қазақ тілінің ең үздік оқытушылары мен аудармашыларын анықтауға арналған жиын өткізу кәсіби шеберлігі жоғары мамандарды анықтауға және олардың сабақ беру әдістерін көпшілікке тәжірибе алмасу үшін пайдалануға мүмкіндік бермек.
ҚР ҚМ Баспасөз қызметі
0
0
415

Домбыра party: «Күй ойнайды қазағымның қанында»

Астаналық домбырасүйер қауымының жай ғана кездесуінен басталған бұл шараның қазірде ауқымы кеңейіп, еліміздің бірнеше басты қалаларында апта сайын бейсенбіде өтетін болды. Домбыра Party-дің басты мақсаты — ұлттық аспапты, ұлттық музыканы насихаттау.

Еріктілер шарасының мән-мазмұнын түсіну үшін Алматыда өткен соңғы Party-ға барып, бәрін өз көзімізбен көріп келген едік.


Бейсенбі күні жұмыстан шыққан жастар Арбатқа біртіндеп жиналуда. Алматылық Домбыра Party-дің жұлдызына айналған журналист Назгүл Қожабекова әр апта сайын сыңғырлаған дауысымен шаршамай ән салады:

— Мен бұл жаққа, ең алдымен, домбыра үнін шығару үшін келемін. Одан соң өзім үшін де, яғни сыртқа шықпай жатқан энергиямды ән арқылы тарқатып алу үшін. Ал негізінде арманым — келгенде маған ән айтуға кезек жетпей қалса. Сол кезде нағыз Домбыра Патидің мақсаты орындалады деп ойлаймын. Әрине, кейде жай өтіп бара жатқан адамдар келіп, күй тартып, ән айтып жатады. Ол біз үшін қуаныш.
Ән айтуды негізі өзім үйрендім. Көңіліме жаққан әндерді үйреніп алып айта беремін. Музыкалық сауатым жоқ. Қай мектеп, қай стильге жататынын білмеймін, әйтеуір өзіме ұнағандарын айтамын.






Дінмұхамед Зиядин, Kinostan.kz авторы:

— Домбыра Патиге бірінші рет келіп тұрмын. Мен жеке өзім рухани қорек алып, жақсы ән тыңдау үшін келдім. Мұндай шара, меніңше, белгілі бір стереотиптерді бұзады. Әдетте «домбыра», «терме», «күй» дегенде ойымызға бірден киіз үй, ішік, тымақ, саптама етік елестейді. Ал шын мәнінде домбыраны заманауи, модерн элементтерімен бірге қалыптастырудың маңызы жоғары. Домбыраны, қазақша ән айтуды сәнге айналдыру керек. Домбыра Пати соның алғашқы белгісі деп ойлаймын.

Айдар аға, 55те:

— Мен жай ғана өтіп бара жатып, ән салып жатқан жастарды көрдім де, домбыра тыңдау үшін тоқтай қалдым. Бәрібір де теледидардан көру бір бөлек, тірідей тыңдау бір бөлек екен. Күнделікті өмірде мұндай алаңда домбыра айтып жатқан жастарды бірінші рет көріп тұрмын. Өте ризамын. Өз ұлттық аспабымызды, әндерімізді осылай насихаттағанға не жетсін!




Гүлдара, хор дирижері:

— Құрбым Жазира Арбатта домбыраны насихаттау шарасы болады дегенге келіп тұрмын. Тамаша өтіп жатқан сияқты. Мұндай шара әрі жалғаса берсе екен, жастар дәстүрлі музыкаға құлақ түрсе екен деймін. Өйткені ұлттық аспаптарды насихаттау бәрібір де жастардың міндеті. Ал саз сырнайда ойнауды өз бетімше үйренгенмін.



Тимур Бектұр, IT маманы, блогер:

— Астананың өнерлі қазақ жігіттерінің бастамасымен домбыраны насихаттау мақсатында жасалынған шара. Ұлттық аспабымызды пафостық деңгейде ұстағаннан гөрі, күнделікті өмірде кез келген «әу, дейтін» қазақтың қолына алатын құралы ретінде көрсету. Жастар осындай жерлерде көрінсе деймін. Тек қана үлкен сахналардан емес, қаламыздың алаңдарынан, көшелерінен домбыра дауысы естіліп жатса, бастапқы идея орындалды дер едік. Қазірде Ақтау, Жаңаөзен қалаларының жастары бұл үрдісті белсенді жалғастырып жатыр.

Осылай әсем ән мен тәтті күйге құлақ қандырып біз де қайттық. Күмбірлеген домбыра дауысын сағынғандарды немесе өз өнерімен жұртты тәнті етіп, ізгі мақсатқа қосыламын деушілерді әр бейсенбі сайын сағат 20.00-де Арбатта Домбыра Partу күтеді.

Facebook-тағы парақшасы

Материалды дайындаған: Айжан Кәрібаева

Фото автордікі


Редакцияның рұқсатынсыз материалды өзге сайттарға көшіруге жол берілмейді

Қалмағанбетовтер әулеті

Теміржолшылар әулетінің негізін қалаған Әлайдар Қалмағамбетов сүйікті кәсібіне 40 жылдан астам өмірін арнапты. Оның жетістіктері мен наградаларын тізіп шығудың өзі біраз уақыт алады, ең бастысы, осы отбасы шын мәнінде мақтаныш тұтатын. нағыз рекорд бар. Біздің республикамыздың теміржолдарында Қалмағамбетовтердің даңқты еңбек әулетінің 16 өкілі жұмыс істейді, ал олардын жалпы еңбек өтілі 300 жылдан асып түсті! http://el.kz/16068

 
0
0
366