Мазмұнға өту

Жаңа

Арал мұңы бес елді толғандырады

Халықаралық Аралды құтқару қорының 20 жылдығына арналған халықаралық конференцияда Арал теңізі бассейнінің әлеуметтік-экономикалық, экологиялық жағдайлары және трансшекаралық өзендердің су ресурстарын бірлесе меңгеру мәселелері талқыланды.

http://www.eco.gov.kz/new2012/KK/2013/05/3124-88/

0
0
788

Атыраудын 1000 кісілік оркестрі

Бүгін "Хабар" арнасындағы  Жаңалықтардан Атырау облысының 1000 кісілік оркестрі  күй атасы- Кұрмангазының  күйлерін орындап,Гиннес  Рекордтар Кітабына  енгенін хабарлады.Жарайсындар , жерлестерім! Кұрмангазы күйлерімен халқымның рухын   көтердіндер!  Бұл мені  қазақ қызы  ретінде  ғана  емес , тағы  да  бір себеппен  қуантып,толғандырды. Ойыма   өмірден  озған  анам  Меңсұлу Кемелқызы оралды. Ол кісінің 2008 жылы  "Атырау"  газетінде   жарияланған мақаласында 1957 жылы Гурьев облысының 500 кісілік  оркестрі   Мәскеу  қаласында  өткен   қазақ  өнерінің онкүндігінде  өнер  көрсеткені туралы  айтылып  еді.Онда  Кұрманғазы  күйлері   Кеңестер  Одағының астанасы - Мәскеу аспанында  шалыктаған . Мақалаға  қосымша  фотосурет  те  берілген .Анам осы  онкүндікте  арнайы алғысхатпен  марапатталды. Бүгінде    ол  кісі  тірі  болғанда   катты  куанар  еді-Кұрманғазы ата  үшін,қазақ  өнері үшін,дүние  жүзіне әйгілі  болган жерлестері  үшін ! Жасай  бер  елім,жасай  бер  қазағымның өнері!

0
0
718

Бүгін

Астанада  күн  бұлтты. Жаңбыр  жауарын , жаумасын  білмей  тұр. Кейбір  адамдар  туралы  «түрі  жыланған»дей ме? Бүгінгі  күн  де сол- жыланып  тұр.Терезеге  қарағың келмейді. Әдемі түсірілген кино  немесе  док.фильм  қараған   дұрыс  шығар. Сіз «Жизнь Пи» фильмін  қарадыңыз  ба? Қараңызшы ! Өтінемін. Бірер сағатыңызды  бөліңізші. Көзіңізге,көңіліңізге  әдемілік сыйлаңыз. Менде  мұндай  сезім   алғаш  рет бала  кезімде  «Қыз Жібекті» көрген  кезде болды. Осы  уақытқа  дейін  сол сезімнен  арылмай, мен  үшін  қазақ киносының шедеврі -«Қыз Жібек». Балалық  шағым аңызақ ,шөлді  мекенде  өткендіктен  болар.Өмірімде  әсем  жерлерді  көрсем  де , бала кезімдегі  әсерімнен  шыға  алмай жүрген  шығармын. Асқар да қайсар таулар,жасыл  мекен, өзенді  жағалаған  көк  майса,  аққулар- мен  көпке  дейін бәрін  ұмыта  алмадым... Енді  мына  фильм ... Мен  түсімде    бәрін қайталап   көріп  шықтым. Әлемді  алты  күнде  жаратқан Тәңіріміз  пенделерінің   күнделікті  өміріне қаншама сұлулық  пен  тұнықтық,тазалық ,мөлдірлік, қанықтық берген !!! Табиғаттың бізге  берері көп !  Біз не  береміз ? Сол әсем  табиғат   сұлулығын  қорғай  аламыз  ба ? Фильмді  көріңізші,өкінбейсіз, «текке  кеткен  уақытым » деп  айтпассыз  деп  ойлаймын.

0
0
527

Әскери қызметшілерге тұрғын үйге өтемақы алу жеңілдетілді

2013 жылғы 29 мамырда Қазақстан Республикасы Үкіметінің«Әскери қызметшілерді тұрғын үймен қамтамасыз ету қағидаларын бекіту туралы» № 538 Қаулысына қол қойылды. Қаулыға сәйкес Қазақстан Республикасы Қарулы Күштері  әскери қызметшілерінің тұрғын үйді жалға алғаны (жалдағаны) үшін мақсатты өтемақы алуға өтемақы төлеу тетігі жеңілдетілген.  Өтемақы алуға қажетті  құжаттар әзірлеу үш құжатқа азайтылған.

Патент, шот-фактура, фискальный чек, және басқа да құжаттарды ұсыну туралы талаптар өзгертілді. Енді өтемақы алу үшін әскери қызметшілер үйді жалға алғаны (жалдағаны) туралы, тұрғын үйге мұқтаждығы расталатындығы жөнінде және отбасының құрамы белгіленген анықтама өткізуі қажет.
Және де аталған өзгертулер бұған дейін патенті жоқ кәсіпкерлермен келісімге отырған әскери қызметшілерді қамту мақсатында 2013 жылдың 1 қаңтарынан бастап қолданысқа енгізілді.
ҚР ҚМ Баспасөз қызметі

0
0
289

«Ғасырдан да ұзақ күн» астаналық сахнада

Өзіміздің кең-байтақ жерімізде о дүниеге аттанған адамды жерлейтін бір уыс топырақ қалмағаны ма? Ата-бабадан ғасырлар бойы келе жатқан салт-сананың лайлануына кімдер кінәлі, мәңгүрттіктің індетіне шалынған ұрпақтың ертеңгі өмірі не болмақ?

Әр кез бұл спектакльді көрген соң осындай сұрақтарға жауап іздеп, бей-маза күйге түсемін. Сөз етіп отырғаным Қалибек Қуанышбаев атындағы академиялық драма театрының репертуарынан орын алған Шыңғыс Айтматовтың «Ғасырдан да ұзақ күн» шығармасы. Қоюшы режиссері — КСРО Халық артисі, Қазақстанның Халық Қаһарманы, Мемлекеттік сыйлықтың иегері, марқұм Әзірбайжан Мәмбетов. Аталмыш театрда премьерасы 2003 жылы өтті, содан бері сахнадан түспей келе жатқан туынды (алғаш рет Е.Вахтангов атындағы Мәскеу театрында сахналанды, Едігені — М.Ульянов, Сәбитжанды — А.Семаков кескіндеді).

Айтар ойы мардымды, тәлім-тәрбиелік мәні зор. Еліне, жеріне деген сүйіспеншілік, адамгершілік, ұлттық болмысты сақтап қалу, түп-тамырымызды, әдет-ғұрпымызды келешекке насихаттау сынды маңызды мәселелерді қозғайды. Режиссер бұл спектакльге өзіндік ерекшелік енгізгенін айта кеткен жөн. Ол уақытты үш шақта қарастырған. Басты кейіпкер — өмір теңізінде көрген-білгенінің барлығын бізге баяндау арқылы көрермендермен байланыс ұстап тұрушы. Найман-Ана образы өткен күннің елесі, Кеңестік кезең ортаңғы мезетті, ал Едігенің мұң шағуы болашақты меңзейтіндей.

Дінсіз, ділсіз ұрпақ бар байлығынан, көнелерден келе жатқан мирасынан айырылып бара жатыр. Олардың осыншалық қатыгез, намыссыз, жігерсіз болуының себебін көрсетілім барысында іздемек боламыз. Бірде жуан-жуандарды кінәлап, енді бірде қылышынан қан тамған Сталинге кінә артамыз. Орыс езгісінің әсері бүгінгі тәуелсіз жастардан неге әлі де көрініс табады екен? Туған тілінде сөйлеуге арланатын «мәңгүрттік орта» қашанға дейін сайран салмағы белгісіз.

Спектакль бұрынғы майдангер, қазір қарапайым теміржолшы Едігенің өмірде көрген-білгендерін баяндаудан тұрады. 44 жыл бойы теміржолда аянбай еңбек еткен, қартайғанда балаларының қамқорлығынсыз қалып, жалғыздықта көз жұмған досы Қазанғапты жерлемек. Досына берген аманатты орындау кезінде Едіге талай дүниені ой елегінен өткізеді. Осы сапарға біз де бірге барамыз. Шымылдық ашыла салысымен сахна суретшісі — Дәулет Доспаевтың еңбегі назарымызды бұрады. Поезд, темір жол, бағдаршам көрінісі көрерменнің қойылымға енуіне өз септігін тигізетіні анық. Техникалық топ жарық берумен, будақтатып түтін шығарумен, музыкамен сүйемелдеуде жақсы жұмыс жасағаны байқалады.

Актерлердің ойын ерекшілігіне тоқтап өтетін болсам, Едігені кейіптеуші Болат Ыбыраев өзіме ұнады. Актердің образға енгені, кейіпкерін зерттегені, ізденісі ойын барысында көрініп-ақ тұрды. Шынымен жақсылықтан күдерін, жастардан үмітін үзгені сезілді. Болып жатқан келеңсіздіктер, досын жерлемек болғанда жолында кезіккен кедергілер оның жанын жегідей жейді. Ызаланып, тулап көпшілікке мұңын шағады. Өмірдің таяғы, тағдырдың талқысы көп болса-дағы адамгершілігінен арылмаған азамат екенін, антына беріктігін дәлелдейді.

Қоршаған адамдарының арасындағы қатыгездікке налып, монолог оқитын жері өте әсерлі әрі шынайы. «Тіпті Құдайдың өзі болып жатқан сұмдықты көріп, адамдардан алшақтады, енді бізде құдай жоқ» — деп жан ұшыра айқайлап, балаша еңкілдеп жылағаны Болат Ыбыраевтың шеберлігін, шынайылығын аңғартса керек. Өкінішке қарай, барлық актер өз образын танып-білмеген. Айзаданы бейнелеген Гүлбаршын Қылышбай жасандылыққа жол берді, Найман-Ананы ойнаған Айман Аймағамбет те сол қателікке ұрынды деген әсерде қалдым. Зардың, егілудің орнына бос айқай басым болғаны байқалды.

Көрерменді елітіп, ұсқынсыз болып, шынайы ойынымен тәнті еткен Сәбитжанды бейнелеген Жанқалдыбек Төленбаев. Спектакльде ол нағыз мәңгүрттіктің символы. Жалғыз әкесінің қазасы да оның тас боп қатып қалған жүрегін жібіте алмады. Мейірім-шапағаттан кенде бейшара өзінің болмысын жоғалтқан. Өзінің кім екенін де түсіне білмейді. Қарын үшін барын беретін, ардан жұрдай — мәңгүрт.

«Ғасырдан да ұзақ күн» деп аталатын бұл спектакль есті адамға әсер етері сөзсіз. Алайда бүгінгі күні де арамызда ондай жастар лек-легімен жүргені жасырын емес. Оған дәлел менің жаныма жайғасқан қайсібір қазақтың жас жеткіншектерінің: «түк те түсінбедік, қойылым өзі не туралы» — деп спектакльге дұрыс баға бермеуі. Ал, шынына келсек, «Мәңгүрттік» туралы туындыны тек мәңгүрттер ғана түсіне алмас деп білемін...

Ләмбек Гүлназ

Қазақ Ұлттық Өнер Университетінің

2 курс студенті,

Астана қ.

3
1
4017