Мазмұнға өту

Жаңа

Маржан Арапбаева, Алишер Каримов, группа «Ринго», Жанар Дугалова, Мадина Садвакасова и Алмас Кишкенбаев выступят на гала-концерте конкурса «Ән жүрегім – Астана!» в Конгресс-холле 6 июля.

За несколько лет проведения республиканского песенного конкурса «Ән жүрегім – Астана!» создано более 100 авторских песен об Астане. Сначала участники спели их на сцене, а потом многие яркие композиции «перекочевали» в плей-листы каза радиостанций и по сей день «бороздят» волны радиоэфиров.

Кстати, всю исчерпывающую информацию по билетам на этот концерт и другие меропрития ко Дню столицы можно найти здесь - http://www.astanaday.kz/ru/tickets.html

0
0
2288

Екінші құрамамыздың сапында Кубаның екі қызы ойнайды...

 

Осы ретте айта кетейік, Елбасы кубо­гын­дағы біздің екінші құрама сапында Кубаның екі қызы ойнап жүр. Спорттық терминмен айтқанда, екеуі бәйгеден тыс қатысады. Десек те, жас қыздарымызбен жасақталған құрамаға қанат бітіріп, қарқынын үдете түспесе, ойын өрнегін ақсатып жүрген жоқ секілді.

Павлодарда волейболдан әйелдер арасында «Қазақстан Президенті Н.Ә.Назарбаев кубогы» халықаралық турнирі басталып, алғашқы екі күнгі ойындары да өтіп кетті. Екі күнгі ойындарда екі құрамамыз да жеңіске жетті.

Осымен жиырмасыншы рет жалауын көтерген Елбасы кубогы додасына біздің ел екі құрама қосқан. Ұлттық құрамамыз бен, негізінен, талантты жас қызда­ры­мыз­дан жасақталған екінші құрамамыз ерке Ертіс жағасында ел намысын қорғауда.

Дәстүрлік доданың алғашқы ойыны біздің екінші құрамамыз бен Ресейдің«Уралочкасы» арасында өтті. Өткен мау­сымда Ресей чемпионатында 4-орын алған Екатеринбург клубы елордаға қосал­қы құрамын жіберіпті. Әйгілі «Ура­лоч­ка» клубының жас волейболшылардан жасақталған ұжымы біздің бой­жет­кен­де­рімізге төтеп бере алмады. Есеп – 1:3.

Осы ретте айта кетейік, Елбасы кубо­гын­дағы біздің екінші құрама сапында Кубаның екі қызы ойнап жүр. Спорттық терминмен айтқанда, екеуі бәйгеден тысқатысады. Десек те, жас қыздарымызбен жасақталған құрамаға қанат бітіріп,қарқынын үдете түспесе, ойын өрнегін ақсатып жүрген жоқ секілді.

Екеуі де біздің жас қыздарымызбен тізе қоса қимылдап, екінші құраманың бірінші ойындағы жеңісіне сүбелі үлес қосты. Бұл екеуі ал­дағы маусымда «Алматы» клубының сапында ойнайды екен. Әлден қазақ волейболының дәмін тата берсін деп, екінші құрамамыздың сапына қосылыпты.

Ал ұлттық құрамамызға Беларусь қыздарын жеңу оңайға түспеді. Қазақстанқыздарының Беларусь құрамасымен өткен кездесуі бес сетке созылды. Екі сағаттай уақытқа созылған матчта біздің қыздар жеңіске жетті.

Бұл ойын екі құрама үшін де баға жетпес тәжірибе болды. Дәл қазір біздің құрама тамыз айында өтетін әлемдік гран-при додасына дайындалып жатса, қонақ­тарымыз қыркүйек айында Еуропа чем­пио­натының електік ойындарын өткізу ке­рек екен.

Ал біздің екі құрамамыз ойнаған матчтардың арасында Қытайдан келген «Ляонин» (Liaoning) клубы Әзірбайжан құра­масын төрт сетте тізерлетті.

Ойындар нәтижесі:

1-күн:

Қазақстан-2 – «Уралочка-2» – 3:1(25:15, 19:25, 25:15, 25:16)

Әзірбайжан – «Liaoning» – 1:3 (25:27, 10:25, 25:14, 21:25)

Қазақстан – Беларусь – 3:2 (26:24, 16:25, 25:17, 19:25, 15:5)

2-күн:

Қазақстан-2 – Әзірбайжан – 3:0 (25:20, 25:18, 25:21)

Беларусь – «Liaoning» – 0:3 (25:27, 22:25, 7:25)

Қазақстан – «Уралочка-2» – 3:0 (25:23, 25:20, 25:19)


 
0
0
395

Бақдәулет Қожабаев: «Францияны да жеңуге шамамыз жетеді»

 

Шымкенттің »Ордабасы» клубында ойнап, жақында ғана Павлодардың »Ертісіне» ауысқан еліміздің ең дарынды жастарының бірі Бақдәулет Қожабаев ҚФФ сайтына сұхбат беріп, жақында ғана өткен Белоруссия - Қазақстан жастарқұрамалары арасындағы ойын туралы өз ойымен бөлісті.

- Бақдәулет, «Ертістегі» жаңа ерліктеріңіз жайлы айтылар кезәлі алда. «Еуро-2015″ іріктеу додасының аясында өткен Борисовтағы Белоруссия - Қазақстан жастар құрамаларыныңарасындағы кездесуге тағы бір рет тоқталсақ…

- Иә, іріктеу турнирін керемет бастадық. Белоруссия осал қарсылас емес. Талай команданың »екі аяғын бір етікке тыға алатын» ұжым. Сондықтан, мұндай команданы жеңу бізге екі есе қуаныш сыйлайды. Біздің өнерімізге бапкерлер алқасының да көңілі толды. Бір сөзбен айтқанда ұмытылмас кеш болды. Оның үстіне, Борисовтағы стадионда қазақстандықжанкүйерлердің де қарасы көп болып, бізге тамаша қолдау көрсетті. Жалпы, бұл біздің ғана емес, еліміздегі мыңдаған жанкүйерлердің көптен күткен жеңісі болатын.

- Ойыннан кейін аға бапкер Сергей Боровский не деді?

- Жеңіспен құттықтады. Бірақ босаңсымау керектігімізді айтып, барлықтартыс әлі алда екенін түсіндірді. Шынымен де турнир енді ғана басталды. Сондықтан, алдағы ойындарға барынша дайындалуымыз керек.

- Бұл кездесуде жас қақпашы Стас Покатилов тұңғыш рет ресми кездесуде жастар құрамасының қақпасын қорғады. Жасыл алаңда Стаспен тіл табысу қиын болған жоқ па?

- Жалпы, Сергей Ткачук пен Покатиловпен де жасыл алаңда жақсы тіл табысамыз. Бұл тұрғыда ешқандай проблема жоқ. Стас өз ісінің хас шебері. Бізді бұл кездесуде бірнеше рет құтқарды.

- Ойынға бір күн қалғанда қорғаушы саят Сариев жарақат алыпқалған еді. Әлбетте, жауапты сәтке аз ғана уақыт қалғанда саптан шығып қалу ойыншыға өте ауыр тиетіні түсінікті. Саятты ең болмаса рухани қолдай алыңыздар ма?

- Әлбетте. Гол соққан бетте бәріміз қосалқы құрамдағы әріптестеріміз отырған жаққа қарай жүгіріп, қуанышымызды Саятпен бөлістік. Аяғы гипсте болғандықтан орнынан әзер көтерілді. Голды соған арнадық. Жалпы, біздің құрама үлкен бір отбасы болса, Саят соның ажырамас бір бөлшегі. Алаңда орны ойсырап тұрды.

- Қазақстан жастар құрамасының алдында турнирдің плей-офф кезеңіне жолдама алу міндеті жүктелген. Тапсырмақаншалықты ауыр немесе жеңіл?

- Өте ауыр тапсырма, бірақ оны орындаудан басқа бізде жол жоқ. Дегенмен, мынаны жадымызға түйіп алғанымыз абзал. Егер ынта, жігерлік танытсақ, француздарды да жеңуге болады. Олармен өткен жылы да ойнадық қой. Алып бара жатқан дәнеңесі жоқ. Олар да біз секілді екі аяқ, екі қолы бар қарапайым адамдар. Жалпы, Белоруссияны жеңгенімізден кейін бізбен енді барлық команда санасатын болады.

- Белоруссия жастар құрамасының аға бапкері Алексей Вергеенко ойыннан кездесуден кейін белорус жастарының өз клубтарында жасыл алаңға шықпайтындықтарын, алқазақстандықтардың барлығы Премьер-лигада зор тәжірибе жинап жүргендерін айтып ақталды.

- Жеңілгеннен кейін ақталғандағысының түрі ғой. Шынтуайтына келгенде біз олардан мықтырақ болдық. Кімнің кім екенін жасыл алаң шешеді ғой.

- Десек те, қалай ойлайсың, Қазақстан чемпионатындағы жастарға байланысты лимиттік ереже жас дарындардыңшыңдалуына септігін тигізіп жатыр ма?

- Иә, бұл ереженің жастарға берер пайдасы өте мол. Осы «лимиттің» арқасында өсіп өндік қой. Жолымызды ашқан керемет бастама болды. Тәжірибелі ойыншылармен бір қатарда ойнап, шеберлігімізді шыңдауға мүмкіндік алдық. Қазақстан футболындағы бұл ережеге Вергеенконың өзі де қызыққан екен. Бұл жайында баспасөз беттерінен оқыдым.

- Жалпы, шыны керек, Қазақстан футболының болашағына сенбей, жоқ жерден сынға алып жүргендер көп. Осы жеңістен кейін сол сыншыларға не айтар едіңіз?

- «Мін түзелсе, сын да түзеледі» дейді ғой. Сын керек, бірақ несін жасырайын, кейде біздің БАҚ сынағанның жөні осы екен деп шеттен шығып жатады. Сондай кезде өзім де жағамды ұстаймын. Қалай десек те, биылғы жыл ел футболы үшін сәтті болып тұр ғой. Жасөспірімдеріміз «Президент кубогы мен Минскіде өткен УЕФА турнирінде бас жүлдені иеленді. Міне, біз де түзде Белоруссия құрамасын жеңдік. Сондықтан, сын айтқыштарымыз Қазақстан футболының өрге жүзіп келе жатқанын түсінулері керек.

- Өзің айтпақшы, бұл жеңісті Қазақстандағы мыңдаған футболсүйер қауым күтті. Жанкүйерлеріңе не айтасың?

- Әлбетте, бізді қолдаған жанкүйерлерімізге алғыстан басқа айтарымыз жоқ. Шыны керек, Борисовтағы ойында стадионнан жүздегенқазақстандық жанкүйерлерді көргенімізде қуаныштан төбеміз көкке бір елі ғана жетпей қалды. Қолдаулары да керемет болды. Ойыннан кейін жанкүйерлеріміз отырған трибунаға барып, иіліп алғыс білдірдік. Енді 11 тамызда елорданың »Астана-Арена» стадионында Армения құрамасынқабылдаймыз. Стадионға жанкүйерлеріміз көп келеді деп үміттенеміз.Қанша дегенмен, өз жеріміздегі кездесу ғой. Көрермен бізді жалғызсыратпас деп үміттенеміз.


 
0
0
765

Әділбек Жақсыбеков ШЫҰ-на мүше-мемлекеттер қорғаныс министрлері Кеңесіне қатысты

Бүгін Әділбек Жақсыбеков Бішкек қаласында өткізілген Шанхай ынтымақтастық ұйымына мүше мемлекеттер қорғаныс министрлері Кеңесіне қатысты. Қырғыз Республикасының астанасында қорғаныс ведомстволарының басшылары бейбітшілікті нығайту, тұрақтылық пен қауіпсіздік мәселелерін талқылады.

Кеңесте Қазақстан, Қырғызстан, Қытай, Ресей Тәжікстан қорғаныс ведосмтволарының басшылары, сондай-ақ Өзбекстан Республикасы Қорғаныс министрінің бірінші орынбасары ШЫҰ-ның қазіргі жағдайда дамуы жөнінде пікір алмасты.
– Шанхай ынтымақтастық ұйымы аймақта бейбітшілік пен қауіпсіздікті  қолдау жөніндегі халықаралық ынтымақтастыққа бағытталған. Бұл үрдістер Президент Нұрсұлтан Назарбаевтың G-Global бастамасымен ұштасады. Аталған форум ынтымақтастықпен өзара түсіністіктің белсенді дамуына және біздің ортақ мүддемізге қызмет етеді. Сенім мен стратегиялық үнқатысуды алға бастыру идеясы қазақстанның сыртқы саясатындағы басты элементтердің бірі,- деді  Әділбек Жақсыбеков.
ШЫҰ-на мүше мемлекеттер қорғаныс ведомстволары басшылары халықаралық коалициалық күштердің белсенді орерациялары аяқталғаннан кейінгі Ауғанстандағы жағдайды талқылады.
– Біздің еліміз Ауғанстандағы мәселелердің ретке келтірілу сұрақтарына ШЫҰ шеңберінде де белсенділік танытуда. Қазақстан келешекте де бейбіт өмірдің қалпына келуіне – әсіресе әлеуметтік және білім бағдарламасы мен жобаларына, гуманитарлық көмек көрсетуге жәрдем береді,-деді Қазақстан Қорғаныс министрі.
Қорғаныс ведомстволарының басшылары аймақтағы тұрақтылық пен қауіпсіздікті сақтау үшін, сондай-ақ терроризмге, сепаратизмге, экстремизмге, заңсыз наркотик айналымына және трансшекаралық ұйымдасқан қылмысқа қарсы қорғаныс министрлері арасындағы өзара іс-қимылды нығайту қажет екендігін атады. Кеңеске қатысушылар халықаралық келісім нормалары мен ұйымның жарғылық құжаттарын ШЫҰ кеңістігінде сақтаудың нәтижесінде серіктестік қарым-қатынастар қалыптасқандығын атап өтті.
– Инспекциялық қызметті жүргізудегі өзара қарым-қатынас та жоғары деңгейде екендігі байқалды. Біздің елдеріміз, достық пен тату-көршілікті қолдай отырып, өздері қабылдаған халықаралық оның ішінде әскери саладағы міндеттерін жоғары дәрежеде жауапкершілікпен орындауға қол жеткізуде, - деді Қазақстан Қорғаныс ведомствосының басшысы.
Кеңесте ШЫҰ-на мүше мемлекеттер қорғаныс ведомстволары басшылары  2014-2015 жылдарға ынтымақтастық Жоспарын бекітті және ұйымға қатысты 2014 жылы Қытай Халық Республикасының территориясында өткізілетін «Бейбітшілік миссиясы-2014» бірлескен әскери террорға қарсы жаттығуына дайындық пен оны өткізу сұрақтарын талқылады. (Анықтама: «Бейбітшілік миссиясы-2010» Қазақстан Құрлық әскерлерінің Жамбыл облысындағы «Мәтібұлақ» жалпы әскери полигонында өтті).
Кеңестің қорытындысы бойынша Шанхай ынтымақтастық ұйымына мүше мемлекеттер  қорғаныс министрлері Бірлескен коммюникеге қол қойды.

ҚР ҚМ Баспасөз қызметі

0
0
404