Мазмұнға өту

Жаңа

Қазақстан мен Беларусь қарулы күштері: біртұтас құқық қолдану түсіністігіне қол жеткізілді

Бүгін Астанада, Қазақстан Республикасы Қарулы Күштері Әскери полиция бас басқармасының базасында, халықаралық ынтымақтастық шеңберінде ҚР Қарулы Күштері Әскери полициясы басшылығының Беларусь Республикасы сарапшыларымен кездесуі болды. Беларусь делегациясын Беларусь Республикасының Әскери прокуроры әділет генерал-майоры Александр Драница бастап келді. Қазақстан әскери ведомствосының басшылығы атынан меймандарды Қазақстан Республикасы Қарулы Күштері Бас штабы бастығының орынбасары генерал-майор Мұқан Дүйсекеев қарсы алды.

 

 

Кәсіби қызмет мәселелерінде тәжірибе алмасу кездесудің басты мақсаты болды. Құқық тәртібін жүзеге асыру саласындағы құқықтық механизмдерді қамтамасыз етудегі өзара тиімді ортақ нүктелер табуға айрықша назар аударылды.

   

Беларусь Қарулы Күштерімен қызметтік іс-әрекеттерді ұйымдастыруда ортақ мүдделереміз бар, сол себепті ақпарат пен пікір алмасарлық мәселелер жетерлік, - деді ҚР ҚК Әскери полиция бас басқармасының бастығы әділет полковнигі Тимур Дандыбаев.

   

Қазақстан Республикасының Қарулы Күштері ТМД-да алғашқы болып әскери полицияны құрды. Бұл құрылым биыл өзінің 16 жылдығын атап өтті. 2005 жылы Қазақстан Республикасының «Әскери полиция органдары туралы» Заңы қабылданды . Аталған құжат Қарулы Күштердегі әскери полиция органдарының құқықтық негіздерін, принциптерін, тапсырмалары мен жүйесін бекітіп берді.

   

Қазігі уақытта әскери полиция қарулы күштер жүйесінде өз орнын алып отыр. Әскери бөлімдер командирлері және тәрбие құрылымдарымен жолға қойылған жұмыстардың нәтижесінде әскерлерде құқық бұзушылық айтарлықтай қысқарды. Қарулы Күштерде тіркелген құқық бұзушылықтардың орта есеппен жылына 10-15 пайызға кемуі осының дәлелі.

   

-    Біз Қаазақстан Қарулы Күштерінің Әскери полицияны қалыптастыру жөніндегі тәжірибесін әскерлерде заңдылық пен құқық тәртібін нығайту ісіне ауқымды үлес қосатын тәжірибе ретінде қарастырамыз, - деді әділет генерал-майоры Александр Драница.

   

Қазақстан мен Беларусь сарапшылары халықаралық ынтаымақтастықты нығайту әскери тәртіп пен құқық тәртібін қолдау ісінде маңызды роль атқаратынын атап өтті.

   

ҚР ҚМ Баспасөз қызметі

0
0
447

Универсиадада самбошы Ділдаш Күрішбаева Қазақстан құрамасына қола сыйлады

Қазанда өтіп жатқан Универсиадада қазақстандық сомбошы қыз Ділдаш күрішбаева 68 келі салмақта қолаға қол жеткізді, деп хабарлайды Sports.kz сайты.

«Үшінші орынға талас кезінде Д.Күрішбаева Беларусь споршысы Ольга Намазованы 3:0 есебімен ұтты. Бұл қола жарыстың аяқталуына бір күн қалғандағы  Қазақстанның алғашқы медалі болды», — деп көрсетілген хабарламада.

   
0
0
438

Теннистен Қазақстан Президенті Кубогінің сыйлық қоры 225 мың долларды құрайды


22-28 шілде аралығында Астанада өтетін теннистен Қазақстан Президенті Кубогінің сыйлық қоры 225 мың долларды құрайды, деп хабарлайды Vesti.kz.

«Жеңімпаз атағы үшін ерлер де, әйелдер де жарысады. Кубок иесіне шамамен 18 мың доллар беріледі. Қазақстан теннис федерациясының ақпараты бойынша, ұлттық рейтингтің бірінші нөмірі Михаил Кукушкин жарысқа қатысатынын растады», – делінген хабарламада.

Сондай-ақ, астаналық жарысқа халықаралық классификациядағы қазақстандық жетекші теннисші – АТР 141-ші нөмірі Андрей Голубев қатысады. Әйелдер арасында Ксения Первак сынаққа түсуге ниет білдірді.

Еске сала кетсек, Михаил Кукушкин 2011 жылы осы жарыстың жеңімпазы атанған болатын. Ал Андрей Голубев 2008 және 2009 жылдары Астанада ең мықты теннисші екенін екі рет дәлелдеді.

Ойынға жанкүйер боламын деушілер үшін есік ашық, кіру – тегін. Жарыс «Дәулет» спорт кешеніндегі кортта өтеді.

 
0
0
374

Astana Arlans мықты боксшыларды еліміздің түкпір-түкпірінен іздейтін болады

Қазақстандық Astana Arlans клубы еліміздің түкпір-түкпірінен өз командасына шақырғысы келетін дарынды боксшылардың тізімін жасады, деп хабарлады Vesti.kz тілшісі.

«Құрамды жиынтықтау бойынша жұмыс басталды. Дүниежүзілік бокс сериясының төртінші маусымында салмақ дәрежелерінің саны (бестен онға дейін) ұлғаяды. Барлық командаларға өз құрамдарын ұлғайтуға тура келеді. Шетелдік спортшылардан басқа клуб құрамында қазақстандықтардың саны ұлғаймақ», — делінген ақпаратта.

Astana Arlans бас директоры Болат Мәнкеновтың айтуынша, олар облыстық бокс федерацияларына өз командаларына қажетті боксшылардың тізімін таратты. Кейбіреулері келісімдерін беруде. Тағы бір тізім республикалық федерацияға берілді. Онда әлем чемпионатына қатыспайтын Қазақстан құрамасының мүшелері көрсетілген. Сондай-ақ, өткен маусымдағы құрамның жартысы командадан кетеді.

Дүниежүзілік бокс сериясының төртінші маусымы күзде басталады

 

«www.bnews.kz».

 
0
0
436

Қазақстандық Бағдат Жарылғасов Универсиаданың күміс жүлдегері атанды


Самбошы Бағдат Жарылғасов 62 келіге дейінгі салмақ дәрежесі бойынша Универсиаданың қола жүлдегері атанды, деп хабарлады Sports.kz.

«Финалдық жекпе-жекте Жарылғасов Ресей өкілі Илья Хлыбовтан 0:1 есебімен жеңілді. Еске сала кетсек, бұғанға дейін осы сайыс бойынша Қазақстанға қола медальды Ділдәш Күрішбаева (68 кг) әкелген болатын», — делінген ақпаратта.

   
0
0
479

Қазақстандық мергендер Универсиаданың алтынын жеңіп алды

 
Нысана көздеуден Қазақстанның әйелдер құрамасы 50 километрден жатып ату бағдарламасы бойынша командалық есепте Қазандағы Универсиаданың алтынын жеңіп алды, деп хабарлайды Sports.kz.

Олеся Снегиревич, Александра Малиновская мен Юлия Морозова екінші және үшінші орынды алған Тайланд пен Украина командасынан басым түсті.

Естеріңізге сала кетейік, бұдан бұрын Қазақстанның қоржынына ауыр атлет Фархад Харки мен жеңіл атлет Маргарита Мұқашева алтын салған еді.

«www.bnews.kz».

 
0
0
463

Оңтүстік Қазақстан облысы әкімшілігінің Құрылыс басқармасы бастығының бұрынғы орынбасары В.Орманчина іздеуге жарияланды

Ағымдағы жылғы 11 маусымда Қаржы полициясы агенттігі Оңтүстік Қазақстан облысы әкімшілігінің Құрылыс басқармасы бастығының бұрынғы орынбасары В.Орманчинаға қатысты тағы бір қылмыстық іс қозғады.

Ол Шардара қаласының 2 мектебінің оқу корпустары, спорттық залдары мен қазандықтары құрылысының жобалық-сметалық құжаттаманы әзірлеу бойынша мемлекеттік сатып алулардың электрондық конкурстары бойынша оң шешім қабылдауды қамтамасыз ету үшін ЖШС директорынан 866 мың теңге сомасында пара алған деп күдіктенуде.

Бұрын біз хабарлағандай, Орманчинаға қатысты мемлекеттік сатып алулар конкурстарында жеңімпаз атану үшін тұтунышы кооперативінің төрағасынан бопсалау арқылы жалпы сомасы 6 млн.теңге пара алған фактісі бойынша қылмыстық іс тергелуде.

13 маусымда Орманчинаға сырттай айып тағылып, 3 шілдеде ол іздеуге жарияланды.

Қылмыстық істер тергелуде, өзге ақпарат тергеу мүддесіне байланысты жарияланбайды.

 
0
0
628

Қаржы полициясы «Богви» ЖШС директоры В.Богданецке қатысты жаңа қылмыстық істер қозғады

Ағымдағы жылғы 13 шілдеде Ақмола облысы бойынша Қаржы полициясы департаменті «Богви» ЖШС директоры В.Богданецке қатысты 2012 жылы «Богви» ЖШС-нің нан қабылдау кәсіпорындарында сақтауда жатқан «Казахстанская зерновая компания» ЖШС-не тиесілі жалпы сомасы 710 млн.теңгені құрайтын 18,5 мың тонна мөлшеріндегі бидайды талан-таражға салу фактісі бойынша қылмыстық іс қозғады.

Бұдан басқа, 2013 жылы 15 шілдеде Солтүстік Қазақстан облысы бойынша Қаржы полициясы департаменті «Управляющая компания Богви» ЖШС лауазымды тұлғаларына қатысты алаяқтық фактісі бойынша қылмыстық іс қозғады.

Олар 2012 жылдың басында егістік алқабы бар туралы жалған мәлімет беру арқылы «Азық-түлік корпорациясы» ұлтық компаниясы» АҚ Солтүстік Қазақстан өкілдігінен «Киевское-Север» ЖШС-де көктем егістік және жинау жұмыстарын жүргізу үшін 115 млн.теңге мөлшеріндегі көрінеу қайтарылмайтын бюджеттік несие алған деп күдіктенуде.

0
0
462

Қазақстан Қорғаныс министріне «Офицерлер ынтымақтастығы» медалі табыс етілді

Бүгін Астанадағы Бейбітшілік және Келісім сарайында «Бейбітшілік және достық миссиясы» халықаралық гуманитарлық акциясы мен Запастағы және резервтегі офицерлер ұйымдарының Халықаралық консультативтік комитетінің ІІІ отырысы болып өтті. Форум жұмысына қатысу үшін Қазақстанға Батыс, Орталық және Шығыс Еуропа, Азия, Таяу Шығыс және Африканың 30-дан астам елінен делегациялар келді.

   

Отырыстың жұмысын ҚР Парламенті Мәжілісінің депутаты, «Қазақстан Республикасы Қарулы Күштері ардагерлері» Республикалық қоғамдық бірлестігінің төрағасы генерал-лейтенант Бақытжан Ертаев ашты.

   

Форумның құрметті қонақтары қатарында бүкіләлемдік ардагерлер федерациясының президенті, Еуропа істері жөніндегі тұрақты комитеттің президенті, БҰҰ Бейбітшілік елшісі, басқа да мемлекет және қоғам қайраткерлері бар. Халықаралық іс-шараға қонақ ретінде мемлекеттік органдар мен ведомстволардың басшылары, Қазақстан Республикасы Парламентінің депутаттары, Қазақстанда тіркелген дипломатиялық корпус өкілдері, Қарулы Күштердің ардагерлері және интернационалист жауынгерлер шақырылды.

   

«Бейбітшілік пен достық миссиясы» халықаралық гуманитарлық акциясы мен Запастағы және резервтегі офицерлер ұйымдары Халықаралық консультативтік комитетінің ІІІ отырысын ұйымдастырушы Мемлекет басшысының бастамасымен құрылған «Қазақстан Республикасы Қарулы Күштері ардагерлері» республикалық қоғамдық бірлестігі.

   

Запастағы және резервтегі офицерлер ұйымдары Халықаралық консультативтік комитетінің ІІІ отырысына қатысушыларды Қазақстан Республикасының Қорғаныс министрі Әділбек Жақсыбеков құттықтады. Министр Халықаралық комитет құрылған сәттен бергі азғана уақыт ішінде Тәуелсіз Мемлекеттер Достастығы, Еуропа, Азия және Таяу Шығыс елдері қарулы күштері ардагерлер ұйымдарының өзара қолдау көрсету мәселелері бойынша үлкен жұмыстар атқарғанын атап өтті. Ұйымға қосылып жатқан елдер санының ұлғаюы осы ұйымның қажеттілігі артып келе жатқанын білдіреді.

   

- Халықаралық консультативтік комитет – түрлі мемлекеттер қарулы күштері запастағы офицерлері арасында тығыз байланыстың қалыптасуына және өз қызметтерінің өзекті аспектілерінде тәжірибе алмасуына оң ықпал ететін дәнекер, - деп атап өтті Әділбек Жақсыбеков. – Запастағы офицерлер – білімді, әскери жинақылыққа дағдыланған, белсенді азаматтық позициясы қалыптасқан және қоғамға қажетті әлеуеті зор адамдар.

   

Осыған байланысты қорғаныс ведомствосының басшысы жастарға патриоттық тәрбие беру, сондай-ақ офицерлік дәстүрлерді сақтау және көбейту ардагерлер қызметінің маңызды аспектісі екенін атап көрсетті.

 

 

Запастағы және резервтегі офицерлер ұйымдары Халықаралық консультативтік комитеті ардагерлер ұйымдарының жұмысына белсенді қатысқанына және қолдау көрсеткеніне құрмет ретінде Қазақстан Республикасының Президенті Нұрсұлтан Назарбаевты № 1 «За рыцарство» («Рыцарлығы үшін») орденімен наградтады. Орденді қабылдаған Қазақстан Қорғаныс министрі бұл нөмірі бірінші орденнің Елбасыға тапсырылуы жоғары құрмет екенін атап өтті. Жоғарғы Бас Қолбасшының ұдайы қолдау көрсетуі арқасында Қазақстан Қарулы Күштері белсенді түрде дамып келе жатыр. Бұл ретте қарулы күштер ардагерлері қызметіне және жастарға әскери-патриоттық тәрбие беруге зор көңіл бөлінуде.

   

Запастағы және резервтегі офицерлер ұйымдары Халықаралық консультативтік комитетінің президенті Александр Каньшин қарулы күштер ардагерлері ұйымдарының дамуына белсенді қолдау көрсеткені үшін Қазақстан Қорғаныс министрі Әділбек Жақсыбековке «Офицерлер ынтымақтастығы» медалін табыс етті.

   

Әлемнің әртүрлі елінен келген ардагерлер ұйымдары өкілдерінің отырысы барысында осындай іс-шараларды өткізу қарулы күштер ардагерлерінің өміріне қатысты мәселелерді шешу жөніндегі шетелдік әріптестердің тәжірибесін бөлісуге тікелей мүмкіндік беретіні аталып өтілді.

   

ҚР ҚМ Баспасөз қызметі

0
0
411