Мазмұнға өту

Жаңа

Конференция барысында өзекті мәселелер талқыланды

А.ж. 16 қыркүйекте  Ақмола облысы ішкі саясат басқармасының мәжіліс залында  Қазақстан Республикасы Мемлекеттік қызмет істері министрлігі Ақмола облысы бойынша департаментінің (бұдан әрі - Департамент) басшысы Қ.Жапақовтың төрағалық етуімен  «Сыбайлас жемқорлыққа қарсы мәдениет – мемлекеттік мүлікті басқару тиімділігін қамтамасыз ету, мемлекеттің әлеуметтік-мәдени функцияларын іске асыру негіздерінің бірі» тақырыбындағы облыстық коференция өтті.

Конференцияның мақсаттары мен міндеттері квазимемлекеттік секторда сыбайлас жемқорлықтың алдын алуға, мемлекеттік мүлікті басқару, мемлекеттің әлеуметтік-мәдени функцияларын іске асыру  ашықтығын қамтамасыз етуге, сыбайлас жемқорлықтың кез келген көрінісіне «мүлдем төзбеушілік» ахуалын жасау арқылы  сыбайлас жемқорлыққа қарсы қозғалысқа бүкіл қоғамды тарту және сыбайлас жемқорлық деңгейін төмендету арқылы сыбайлас жемқорлыққа қарсы саясатттың тиімділігін арттыруға бағытталған.

Модератор –  Департамент басшысы Қ. Жапақов. «Азаматтарға арналған үкімет» мемлекеттік корпорациясының  стратегиялық мақсаттары мен міндеттері жөнінде «Азаматтарға арналған үкімет» мемлекеттік корпорациясы  коммерциялық емес қоғамы  Ақмола облысы бойынша филиалының халыққа қызмет көрсету орталығы департаментінің бқұжаттамалық және құқықтық қамтамасыз ету бөлімінің басшысы А. Құсайынов баяндады. Денсаулық сақтау  саласындағы сыбайлас жемқорлық құқық бұзушылықтардың алдын алуға бағытталған  жұмыс  туралы облыстық денсаулық сақтау басқармасының басшысы Г. Құлышева, білім саласындағы жұмыстың ахуалы туралы облыстық білім беру басқармасы басшысының орынбасары В. Гамазов хабарлады.

Конференцияның соңында  «Жастар ресурстық орталығы»  КММ кеңесші-психологы Э. Куссиева «Сыбайлас жемқорлық  психологиясы: белгілері, диагностикасы және алдын алу» тақырыбына тренинг өткізді.

Конференцияның жұмысына квазимемлекеттік сектордың, облыстық денсаулық сақтау және білім басқармаларының, бұқаралық ақпарат құралдарының өкілдері, жалпы саны 110 адам қатысты.
Департамент госслужбы

0
0
404

Қазақстанның Қарулы Күштерін заманауи байланыс құралдарымен қамтамасыз етеді

Қазақстанның Қарулы Күштерінде әскери қызметшілер «С.М. Киров атындағы зауыт» АҚ «Қазақстан инжиниринг» ҰК» АҚ-тың еншілес кәсіпорнында өндірілген байланыс құралдарының тәжірибелік-әскери пайдаланылуын жүргізуде, деп хабарлады Қорғаныс министрлігінің баспасөз қызметі.

Қуаттылығы орташа «Қарағай» радиостанциясы мен «Ақтерек» радиорелелік станциясы, сондай-ақ,  құрастыру және технологиялық құжаттама 2015 жылы «С.М.Киров атындағы зауыт» АҚ-тың мамандарымен 2015 жылы әзірленді.

«Қарағай радиостанциясы (бір уақытта жүзеге асырылатын екіжақты байланысты) дуплексті арналарды немесе симплексті байланысты радиожеліге немесе радиобағытқа (бағыт бір жаққа жүзеге асырылатын екі абонент арасындағы біржақты байланыс) ұйымдастыру үшін арналған.

«Ақтерек» радиорелелік станциясы басқарудың стратегиялық, жедел-стратегиялық  және жедел буынның арнайы мақсаттағы желілерінде үздіксіз режімде жұмыс жасайтын жиіліктердің сантиметрлік диапазонының радиорелелік байланыс желісін ұйымдастыру үшін арналған. «Қарағай» мен «Ақтерек» станциялары әскери сынамалардан сәтті өтті және халықаралық «KADEX-2016» қару-жарақ пен әскери-техникалық мүлік көрмесінде ұсынылып, мамандардың жоғары бағасына ие болды.

Радиостанциялар тың жаңа цифрлық байланыс қондырғысымен жабдықталған және жоғары экспорттық әлеуетке ие.

Ақпарат көзі: strategy2050.kz

0
0
507

МСМ: Қазақстан мәдениеті инвестициялық тартымды сала ретінде дамиды

Ұлт көшбасшысының «Мәңгілік Ел» жалпыұлттық идеясын ілгерілету мақсаты бойынша өзгерістер жаңа міндеттерді қамтиды, олар Ұлт жоспары- «100 нақты қадам» 86-шы қадамы аясында енгізілді.

«Біріншіден, мәдениет саласында алғашқы жаңару менеджментті жаңғырту болып есептеледі.  Мәдениет және  экономика саласының  бизнес-бастамалар үшін тартымдымдылығын арттыру   үшін  дамыту жұмысы белсенді бола түседі. Екіншіден,  музей мен театр саласын жетілдіру қажет. Бәсекелестікті арттыру  және инновациялық дамуды  арттыру мақсатында  ел музейлеріне  мультимедиялық шараларды енгізу қарастырылып отыр», - деді  ҚР МСМ мәдениет және өнер департаментінің директоры Ақтоты Райымқұлова.

Музейлерді  жастар мен жасөспірімдер арасында  мәдениеттің демалу саласы ретінде  насихаттау үшін жыл сайын «Музей түні» акциясын өткізу қажет», деді департамент директоры.

Оның айтуынша, әлемдік ғылыми қауымдастықты халықаралық ғылыми-зерттеу жобаларына қатысуы үшін мәдениеттерді жақындастыру орталығы ашылды. Орталық қазақстандық мәдениет пен ұлттық құндылықтарды әлемге насихаттау үшін құрылады.

Сондай-ақ, Венециялық биенналеде қазақстандық ресми павильон ұйымдастырылады. Оның мақсаты қазақстандық  өнер интеграциясын әлемдік мәдени кеңістікте насихаттау болып табылады.

Аталмыш шара ҚР мәдени саясат тұжырымдамасын тиімді жүзеге асыруын қамтамасыз етеді.

А.Райымқұлованың айтуынша, 2015-2020 жылдарға арналған  кино және тележобаларды  түсіру бойынша  «Мәңгілік ел» кешенді жоспары мақұлданды, оның аясында «Қазақфильм» АҚ жұмысын жаңғырту бойынша тұжырымдама әзірленді.

Ақпарат көзі: strategy2050.kz

0
0
447

Мәскеуде Астана күндері өтіп жатыр

Мәскеу қаласында Астананың мәдениет күндері аясында бірқатар іскерлік және мәдени шаралар өтіп жатыр, деп хабарлады елордалық әкімдік.

Этноауыл аумағында бірнеше тақырыптық киіз үй тігілді - «Ақ Орда», «Аңшының үйі», «Шеберлердің киіз үйі», «Қолөнершілер шеберханасы» және т.б. Сонымен қатар, келушілерге ұлттық тағамдар ұсынылды.

Этноауыл аумағында алдағы «ЭКСПО-2017» көрмесіне арналған павильон орнатылды. Экспозиция Мәскеу уақыты бойынша сағат 22.00 ашылады.

Астана күндері аясында Ресей астанасында қала тұрғындары мен қонақтарының назарына қазақ халқының мәдениетімен танысуға мүмкіндік беретін көптеген іс-шаралар ұйымдастырылады, елордалық театр әртістері мен танымал қазақстандық шоу-бизнес өкілдері өз өнерлерін ортаға салады. Бүгін Мемлекеттік Кремль сарайының сахнасында қазақстандық эстрада жұлдыздарының қатысуымен гала-концерт өтеді. Театр сүйер қауым «Томирис – Сақ патшайымы» қойылымы мен бейнелеу өнерінің «Жусан иісі» көрмесін тамашалай алады.

Бұдан басқа, шара аясында бірқатар іскерлік кездесулер өткізу, «Мәскеу қаласының бірыңғай геоақпараттық кеңістігін», Спорттық инновациялық технологиялар және құрама командалар дайындау орталығын, Жол қозғалысын ұйымдастыру орталығын аралау, сондай-ақ, Мәскеу аумағында жәрмеңкелер ұйымдастыру ерекшеліктерімен танысу жоспарланған.

Ақпарат көзі: strategy2050.kz

0
0
739

Мемлекеттік қызметті модернизациялау туралы

А.ж. 16 қыркүйекте Ақмола облысының құрылыс басқармасында мемлекеттік қызметті рефомалау мәселесі бойынша түсіндіру жұмысы өткізілді.

«Қазақстанның мемлекеттік қызметін модернизациялау» тақырыбына департаменттің мемлекеттік қызмет басқармасы басшысының м.а. Р.Братаева дәріс оқыды.

Іс-шара барысында пікір алмасу болды, тыңдаушылар мемлекеттік қызмет саласындағы өзгерістерді қолдайтындарын айтты, туындаған сұрақтарына жауап алды.

Іс-шараға 21 адам қатысты.
Департамент госслужбы

0
0
728

Алматы қаласының әскери-техникалық мектебінің тәрбиеленушілері әскери ант қабылдады

Алматыдағы 28 панфиловшылар саябағында ҚР ҚМ әскери-техникалық мектебінің 200-ге тарта тәрбиеленушісі әскери ант қабылдады, деп хабарлады Қорғаныс министрлігінің баспасөз қызметі.

«22 мен 27 жастағы курсанттарды атқыш, гранатаатқыш, оқшашаршы мамандықтарын меңгеруге оқытып-үйретті. Жас жауынгер курсы әскердегі мерзімді қызметті алмастырады. Оны аяқтағаннан кейін бітірушілер әскери билетке қол жеткізеді», - делінген хабарламада.

«Біз тактикалық, дене және атыс даярлығынан өттік. Автоматты жинап, шашып, оқ атуды үйрендік», - деді тәрбиеленуші Нұрбол Мұхтарұлы.

Аталмыш іс-шараны өткізу бағдарламасында 200-ге жуық курсанттың дефилесі, АК-74 автоматын жинап-шашу, «Әскер» әскери-патриоттық клубы тәрбиеленушілерінің өнер көрсетуімен қоян-қолтық ұрыс өткізілді.

Әскери-техникалық мектептегі  оқу 40 күнге созылады. Оның қорытындысы бойынша тәрбиеленушілер сертификат және әскери билет алады. Алматыда әскери-техникалық мектептерге үміткерлерді іріктеу жылына 7-8 рет өткізіледі. ӘТМ-ге оқуға түсу үшін кандидаттарды іріктеуді Алматы қ. жергілікті әскери басқару органдары жүзеге асырады. Алматы қ. әскери-техникалық мектеп тәрбиеленушілердің ең көп санын түлетіп шығарады.  Қазақстанда мектептің 15 филиалы бар.

Ақпарат көзі: strategy2050.kz

0
0
687

2016-2017 жылдары ЖТҚ қарамағындағы 100 мыңнан астам учаске инженерлік инфрақұрылыммен қамтамасыз етіледі

2016-2017 жылдары ЖТҚ қарамағындағы 100 мыңнан астам учаске инженерлік инфрақұрылыммен қамтамасыз етіледі, деді ҚР Ұлттық экономика министрі Қуандық Бишімбаев Мәжілістегі үкімет сағатында.

«Барлық тұрғын үй  құрылысы мен  жеке тұрғын үй құрылысын дамыту үшін мемлекеттік бағдарлама  инженерлік – коммуникациялық инфрақұрылым құрылысын  бұқаралық құрылыс алаңында жүргізу қарастырып отыр.  ИКИ басымдығы бұқаралық құрылыс ауданында жүргізіледі», - деді Қ.Бишімбаев.

Ол айтып өткендей, бұл мақсаттарға  2015-2016 жылдары 151,8 млрд теңге бөлінді. 2015 жылы 40,3 млрд теңге, 2016 жылы 110,9 млрд теңге бөлінді.

Министрдің сөзіне қарағанда, «Нұрлы жер» бағдарламасының барлық үш бағыты бойынша инфрақұрылымды барынша дамыту жоспарланып отыр. 2015-2016 жылдары осы мақсатқа 151,8 млрд. теңге қарастырылған.

« Соның арқасында 2016-2017 жылдары 101 мыңға жуық жаңа жер учаскесінің инженерлік инфрақұрылымы дайын болмақ. Бұдан бөлек, осы уақытқа дейін берілген 57,4 жер учаскесіне инженерлік желілер тартылады. Соның нәтижесінде қосымша 43,5 мың жаңа учаске дайындауға мүмкіндік бар. 2017 жылы инженерлік инфрақұрылымды дамыту шараларына тағы 84 млрд. теңге жұмсалады», - деді Қ.Бишімбаев.

Ақпарат көзі: strategy2050.kz

0
0
525

AlmatyTech Garden Fair негізінде 30 инноватор өз жобаларын жүзеге асыруда — ИДМ

Алматы қаласының мыңжылдығын тойлау рәсімдері аясында, Tech Garden Fair халықаралық технологиялық фестивалі өтті.

Tech Garden Fair – жас ғалымдардың, әзірлеушілердің, стартаптардың инновациялық потенциалдарын дамытып, жүзеге асыруға бағытталған Орталық Азиядағы ең ірі технологиялық фестивальдердің бірі болып табылады. Фестиваль 17-ші қыркүйек күні «Инновациялық технологиялар паркі» арнайы экономикалық аймағында («ИТП» АЭА) өткізіліп, қатысушыларға  қатысушыларға инновация әлемімен, үмітті стартаптармен, технологиялармен танысуға, озық салалық сарапшылардың мастер-класстарын тыңдап шығуға мүмкіндік берді.

«ИТП» ДКҚ баспасөз қызметі хабарлағандай, іс-шараны ҚР Инвестициялар және даму министірлігі қолдауымен «Инновациялық технологиялар паркі» дербес кластерлік қоры өткізді. Фестивальдің өткізілуіне ұйымдастырушылық қолдауын Алматы қаласының әкімдігі көрсетті.

Фестивальдің ашылу рәсімін Алматы қаласы әкімінің орынбасары Әукенов Е.М өзінің алғы сөзімен бастады. Әукенов мырза қатысушыларға, сонымен қатар, шараның әріптестері мен ұйымдастырушы Almaty Tech Garden-ге алғысын білдірді. Оның айтуымен,  Tech Garden Fair жас инноваторлармен қоса, түгел қоғам үшін аса маңызды уақиға болып табылады. Сонымен бірге, Әукенов мырза жас инноваторлардың потенциалдарын жүзеге асырудағы фестивальдің рөлін жоғары бағалады. Оның айтуынша, осындай жобалардың ең уздіктері Алматының қоғамдық өмірінің барлық бағыттарын жақсартуға мүмкіндік береді.

Фестивальдің барысында ИТП «АЭА»-ның он жылдығына бағышталған арнайы информациялық сессия өтті. Оған АЭА-ға енуге қызығушылық танытатын 40-тай компаниялардың өкілдері қатысты. Almaty Tech Garden бас директоры Санжар Кеттебеков қатысушыларды  ИТП «АЭА» жайлы арнайы декреткермен, оның жеңілдіктері мен артықшылықтары жайлы ақпарттармен танытырып шықты. Сонымен бірге, АЭА-ның екінші кезегімен осы жылдың аяғына дейін салынатын, инфрақұрылымдық объектілерімен таныстыру үшін оның территориясында арнайы экскурсия өткізілді. Соның ішінде, стартаптар мен инновациялық компанияларға соңғы технологиялармен жабдықталған жұмыс орындарын қамтамасыз ететін Almaty Tech Garden Lab арнайы центрі салынып бітуде.

Іс-шараның негізігі уақиғасы ретінде жас ғалымдар, әзірлеушілер мен стартаптарға арналған Tech Garden Cup және Startup Day атты әдейі технологиялық байқаулар өтті.  Олардың барысында қатысушылар нарық көшбасшыларының нақты мәселелеріне өз шешімдерін ұсынды.

Tech Garden Cup байқауына өз мәселелерін Алматы қаласын дамыту орталығы, Ұлттық ақпараттық технологиялар АҚ, UNDP/GEF, Элтекс Алатау сияқты ұйымдар тапсырды. Байқаудың бірінші күні ҚБТУ-да, фестивальдің ашылуынан бір күн еретерек бассталып, қаысушыларға берілген мәселелер жайлы кеңес алуға мүмкіндік берді. Өз шешімдерін олар келесі күні фестивальдің барсыныда қазылар алқасынының алдында таныстырды. Startup Day байқауының аясында стараптар жер-қойнауын қолданушылардың технологиялық мәселелерін шешіп көрді. Мәселелрдің тізімі Almaty Tech Garden веб-сайтында алдын-ала орналастырылған болатын.

Барлығын санағанда, фестивальге қатысушылардан 500-дей сұраным қарастырылды. Байқау әріптестері ФинТех, Индустрия 4.0, Ақылды орта тәрізді бағыттар бойынша 60-тан аса технологиялық мәселелерін ұсынды. Технологиялық байқаулардың нәтижесімен бірнеше бағыттар бойынша 30-ға жуық жеңімпаздар мен финалисттер анықталды. Олар маселелерді ұсынған шара әріптесерінің арнайы сыйлықтарына ие болып, Almaty Tech Garden негізінде Орта Азиядағы ең үздік акселерация барысыныда өз жобаларын жетілдіріп, жүзеге асыруға мүмкіндік алады.

Ақпарат көзі: strategy2050.kz

0
0
339

Алдағы 2 жылда Астананың жасыл белдеуі 30 мың гектардан асады

Алдағы жылдары Астананың жасыл белдеуі 30 мың гектардан асуы мүмкін. Бүгінде 14 мың 827 гектар аумаққа ағаш отырғызылған. Сонымен қатар, қала әкімдігі қосымша 14 мың 827 га жерді жасыл желекті орманға айналдыруды жоспарлап отыр. Бұл туралы бүгін пресс-тур барысында «Астана орманы» ЖШС-ның директоры Мәулен Саманбетов мәлімдеді.

1998 жылы Елбасы Нұрсұлтан Назарбаевтың бастамасымен Астана қаласының жасыл белдеуін құру жобасы қолға алынған болатын. Жобаның бірінші кезеңі, яғни 1998-2004 жылдар аралығында 12 млн-нан астам тал отырғызылды. Ал 2009 жылы Мемлекет басшысы жобаның екінші кезеңін жүзеге асыруға тапсырма берген.

«Осы уақыттан бастап, екінші кезең бойынша жұмыстар жүргізіліп жатыр. 2012 жылдан 2016 жылға дейін 4 мың гектардан астам жер игерілді. Яғни 1 млн 846 мың 560 түп ағаш отырғызылды. Оның 56%-ы қылқан жапырақты, ал 44%-ы кәдімгі тал. 11 мың 52 га аумаққа көшет отырғызылды. 2017 жылдан бастап әуежай аумағындағы 459 га жерді игере бастаймыз. 2030 жылға дейін Астана қаласының әкімдігі қосымша 14 мың 827 га жерді жасыл белдеуге айналдырады. Бірнеше жылдан кейін елорда аумағындағы жасыл желекті орманның аумағы 30 мың га құрайтын болады», - деді басшы.

Сонымен қатар, Мәулен Саманбетов жасыл желекті орманда демалушылар үшін велосипед жолы салынып жатқандығын атап өтті. Оның пікірінше, бұл шаһарда салауатты өмір салтын ұстанатын жастардың қатарын көбейтуге септігін тигізбек.

«Велосипед жолын салу екі кезеңнен тұрады. 2011 жылы біз 4 127 метрді құрайтын велосипедке арналған жол салдық. Бүгінде аумағы 19 мың 127 м болатын жол салынуда. Ол Қорғалжын мен Қараөткел тасжолдарын біріктіретін болады. Велосипедшілерге арналған жолды қыркүйек соңында аяқтаймыз», - деді ол.

Сонымен қатар, Астана көшелерінде отырғызылатын ағаштардың басым бөлігі «Астана-Көгалдандыру» АҚ-ға тиесілі  №1 тәлімбағынан алынады екен. Аталмыш компанияның Өндіріс бөлімі басқарма төрағасының орынбасары Бибігүл Бектемісованың айтуынша, бүгінде тәлімбақта ағаштың көптеген түрі өсіріледі.

«Жыл сайын 20 мыңға жуық үлкен және 100 мыңға тарта кіші түп ағаш отырғызылады. Биыл қалаға 40 мың ағаш отырғызуды жоспарлап отырмыз. Тәлімбақта көбінесе қарағай, Сібір шыршасы, терек, қайың бар. Жыл сайын жаңа ағаш түрлерін өсіруді қолға аламыз. Оның ішінде Алтайдың жөке және үйеңкі ағашы бар. Тәлімбақтың аумағы 349 га құрайды. Мұнда 50-ге жуық ірі ағаштың түрі бар. Олардың жасы шамамен алғанда 20 жылды құрайды. Сәнді және жеміс беретін ағаштың 34 түрі бар. Олардың биіктігі – 9-11 метр. Олар тек Астана қаласы үшін өсіріледі. Олар жергілікті климатқа беймделген», - деді маман.

Ақпарат көзі: strategy2050.kz

0
0
423

Бірінші жартыжылдықта шетелдік инвестицияның құйылуы 5 есеге көбейді – ҰЭМ

Бірінші жартыжылдықта шетелдік инвестицияның құйылуы 5 есеге көбейді,деді Мәжілістегі үкімет сағатында Ұлттық экономика министрі Қуандық Бишімбаев.

«Экономикалық өсімнің басты факторы  негізгі капиталға құйылған инвестицияның 4,8%-ға көбеюі болып саналады. Негізгі капиталға құйылған  инвестиция көлемі 4,3 трлн теңгені құрады,  оның 1,5 трлн теңгесі мемлекеттік инвестиция мен  Ұлттық холдингтерге тиесілі», - деді Қ.Бишімбаев.

Ведомство басшысының айтуынша, тікелей шетелдік инвестициялардың құйылуы жартыжылдықта 5,7 млрд долларға дейін көбейді.

«Елдің халықаралық қоры  жыл басынан бері 4,6 пайызға өсіп,  95,6 млрд доларды құрады.  Ұлттық  қордың активтері  64,9 млрд долларды құрады.Сондай-ақ,  мамыр айынан бастап  экономиканы ниселеу қайта қалыпына келітіріліп жатыр.  1 тамызда несие көлемі 0,5 пайызға, яғни 12,7 трлн теңгеге өсті.  2016 жылдың  жеті айында берілген несие   көлемі 5,4 трлн теңгеге жетті,  яғни 7,8 пайыздық өсімді көрсетті.  Сыртқы сауда айналымы қаңтар-шілде айларында  26,6 пайызға, 33,1 млрд долларға қысқарды.  Экспорт 20,0 млрд долларды құрады – 30,0 пайызға, импорт – 13,1 млрд доларды құрап, 28,8 пайызға төмендеді», - деді министр.

Ақпарат көзі: strategy2050.kz

0
0
465