Мазмұнға өту

Жаңа

Ақтөбе облысының 6700-ден астам ауыл тұрғыны газбен жабдықталды

Ақтөбе облысының Әйтеке би ауданының Комсомол ауылында облыста газ тарату желілерін жаңғырту мен елді мекенді газбен жабдықтау бойынша инвестициялық жоба аясында газ құбырының құрылысы аяқталды.

Ақтөбе облысының әкімдігінде хабарлағандай, газбен жабдықтау аясында Комсомол ауылында 1 автоматтандырылған газ тарату бекеті, 1 тармақты газ басқару блогы, 78 шақырымнан астам қорытынды қаз құбыры, 64  газ таратудың шкафтік бекеттері салынған. Пайдалануға берілген нысандар ауылдың 6700-ге астам тұрғынын  газбен жабдықтады.

Жыл соңына дейін компания тағы 2 автоматтандырылған газ тарату станцияларын қосуды жоспарлауда.

Әкімдіктің мәліметі бойынша, биыл 30 мыңнан астам ақтөбеліктер ең ыңғайлы және экологиялық таза отынды пайдалануға мүмкіндік алады. Барлығы аз уақыт ішінде аймақта 250 шақырым газ құбыры салынған.

Жалпы алғанда, облыста инвестициялық жоба аясында 287 шақырым газ құбыры салынатын болады. 2030 жылға қарай облысты табиғи газбен жабдықтау 96 пайызды құрайтын болады.

«Мемлекет басшысының тапсырмасы бойынша, халықтың өмір сүру деңгейін және сапасын арттыру бойынша барлық шаралар жасалынуда. Ауылдық елді мекендерді газдандыру, сумен жабдықтау жобаларын іске асыру үшін бюджеттен жыл сайын қомақты қаражат бөледі»,-деді облыс әкімі.

Ақпарат көзі: strategy2050.kz

0
0
956

Алматыда ҚХА-ның «Жібек жолындағы жүздесулер» жобасы бастау алды

Алматы қаласындағы Достық үйінде Қазақстан халқы Ассамблеясының Қазақстан Республикасының 25 жылдығына арналған «Жібек жолындағы жүздесулер» – «Орталық Азия: өңір халықтарының ынтымақтастығы мен келісімі» атты жыл сайынғы халықаралық мәдени жобасы бастау алды.

Іс-шараға Қазақстанның  белгілі ғылым қайраткерлері, Ресейден, Қырғызстаннан, Өзбекстаннан, Тәжікстаннан келген жетекші сарапшылар, Қазақстан халқы Ассамблеясының  Ғылыми-сарапшылық кеңесінің және ғылыми-сарапшылық топтарының мүшелері, ҚХА кафедраларының өкілдері,  этномәдени бірлестіктер өкілдері,  БАҚ өкілдері қатысты., деп хабарлады "Қоғамдық келісімнің" баспасөз қызметі

Іс-шара барысында қатысушылардың бұқаралық ақпарат құралдарының өкілдеріне арналған брифингі өткізілді.

Брифинг аяқталған соң жоба іс-шаралары Алматы облысының Кербұлақ ауданында жалғасты. Жобаға қатысушылар Шоқан Уәлихановтың ескерткішіне гүл қойып, Ұлы Жібек жолы бағдарымен танысты және жергілікті   тарихи орын – Желдіқараға («Шыңғысхан төбесі») барды.

Талдықорған қаласына келген қатысушылар І.Жансүгіров атындағы  Жетісу мемлекеттік университетіне барып, ақынның ескерткішіне гүл қойды.

«Жібек жолындағы жүздесулер» халықаралық жобасының жетекшісі, қоғам қайраткері, мәдениеттанушы Мұрат Әуезов өз сөзінде «Жібек жолындағы жүздесулердің» мерейтойлық жобасы еліміздің ерекше көркем өлкесі – жетісу жерінде, қазақ әдебиетінің аса көрнекті өкілі Ілияс Жансүгіровтың туған жерінде өткізіліп отырғанына қуанышты екенін жеткізді.    Мұрат Мұхтарұлы оның көп қырлы таланты туралы тағылымды әңгіме айтты.  «Оның поэзиясы терең ойға, нәзік сезімдерге, азаматтық рухқа толы. Ол – шыншыл және биік армандармен қанаттанған», - деді ол.

Одан кейін қатысушылар университеттің музейімен және кітапханамен танысты. «Теңдессіз сый» акциясының шеңберінде ҚХА ҒСК мүшелері  университет ұжымына аса қызықты кітаптарды сыйға тартты.

Жобаның бірінші күні Ілияс Жансүгіров атындағы облыстық әдеби музейде өткізілген «Тағзым» акциясымен аяқталды.  өзін әдебиеттің әр жанрында танытқан белгілі жазушының музейінде «Жібек жолындағы жүздесулер» халықаралық жобасының қатысушылары үшін арнайы  экскурсия ұйымдастырылды.

«Жібек жолындағы жүздесулер» халықаралық жобасы 2007 жылдан бастап Орталық Азия өңірі елдерінің қатысуымен жыл сайын өткізіледі.

Семинар негізгі проблемаларға талдау және оларды шешудің жолдарын іздестіріле отырып,   ашық, өзара сенім артылған жаймашуақ әңгіме түрінде өткізіледі.

Жобаның мақсаты – Орталық Азия өңірі елдері мен халықтарының арасындағы жан-жақты байланыстардың нығаюына, мәдениаралық үн қатысу мәнмәтінінде жалпымәдени және жалпытарихи құндылықтарды сақтауға  жәрдемдесу.

Ақпарат көзі: strategy2050.kz

0
0
480

Астанада жалпықалалық сенбілікте 10 мыңнан астам көшет отырғызылды

«Астана – таза қала!» жалпықалалық сенбілігі барысында 10 мыңнан астам көшет отырғызылды.

Жыл сайынғы шара қаланы санитарлық тазарту, абаттандыру және көгалдандыру жөніндегі күзгі экологиялық айлық аясында ұйымдастырылды, деп хабарлады қала әкімдігінде.

«Бәріміз де қаламызды жақсы көреміз, елордамызды тазартуға және көркейтуге үлес қосайық. Сенбіліктер өскелең ұрпақты да, ересектерді де тазалыққа тәрбиелейді. Осылайша, біз қаламызға деген сүйіспеншілігімізді жеткізіп, патриоттық танытамыз», - деді Астана қаласының әкімі Әсет Исекешев.

Елорда басшысы қала әкімі аппараты қызметкерлерімен, мәслихат депутаттарымен бірге Сарыбұлақ өзені ауданында ағаш отырғызды.

Оның айтуынша, қалалық билік елорданы көгалдандыру, барлық аудандарда және шағын аудандарда гүлбақтар мен саябақтар санын арттыруды өз алдына міндет етіп отыр. Астанада дәстүр бойынша жыл сайын 20 мыңнан артық көшет отырғызылады, биыл Ботаникалық бақтың салынатынын ескерсек, бұл көрсеткіш екі есеге ұлғаяды. Сенбілікке қатысушылар «Алматы» ауданында ҚР Ұлттық музейі аумағына, «Есіл» ауданында - «Хан Шатыр» СОО айналасына, сондай-ақ, Еңбекшілер көшесінен «Тельман» тұрғын алабына дейін, «Сарыарқа» ауданында – Сарыбұлақ өзенінің жағалауына ағаш екті.

Сонымен қатар, білім, денсаулық сақтау мекемелерінің, кәсіпорындар мен тұрғын үй кешендерінің аумағына да ағаштар отырғызылды.

Жалпықалалық сенбілікке 89 мыңнан астам адам, соның ішінде кәсіпорындар мен ұйымдардың 4 мыңға жуық қызметкері, 45 жоғары және орта арнайы оқу орны, 133 мектепке дейінгі және білім беру мекемесі қатысты, 430 арнайы техника тартылды.

«Бүгінгі сенбілікке қатысқандарыңызға рахмет. Бәріміз бірге қаламызды таза әрі жайлы қыламыз», - деді Әсет Исе­кешев.

Ақпарат көзі: strategy2050.kz

0
0
547

Астанаға Жамбылдың өлкетану мұражайынан сақтардың әскери жабдықтары әкелінді

Астанада Жамбыл облысының «Тарихы терең Тараздан тағзым» атты мұражай көрмесі ашылды . Елорданың тұрғындары мен келген қонақтарына облыс аумағында қазба жұмыстары барысында табылған бірегей тарихи экспонаттар, әскери техника, мыс және қоладан жасалған бұйымдар, ежелгі қыш құмыралар мен зергерлік бұйымдар ұсынылды.

Жамбыл облысының «Тарихы терең Тараздан тағзым» атты мұражай көрмесі «Тарихи ғасырлар бойғы Қазақстан» Ұлттық музейінің жобасы аясында және ҚР Тәуелсіздігінің 25 жылдық мерейтойы қарсаңында өткізілуде.

«Елорданың тұрғындары мен қонақтары сақ дәуірінің бірегей артефакторларымен танысуға мүмкіндік алады: Тараз қалашығында қазба жұмыстары барысында табылған керамикадан жасалған бұйымдар;  2012 жылы Жетітөбе зиратынан табылған алтын бұйымдар; қоладан жасалған бұйымдар ,-деді Жамбыл облысының тарихи-өлкетану мұражайының экспозиция бөлімінің меңгерушісі Людмила Халилина.

«Этникалық мәдениет және қазақ халқының өмір сүру» атты бөлімінде келушілердің қазақ халқының өнерін, халық  музыкалық аспаптар жинағын, былғары және ағаш зергерлерінің  үздік жұмыстарын көру мүмкіндігіне ие болады.

Сондай-ақ, экспозицияның шығармашылық бөлігі де үлкен қызығушылықты танытады.

Ақпарат көзі: strategy2050.kz

0
0
1206

Қ.Көшербаев «Нұрлы жол» бағдарламасы аясында салынып жатқан тұрғын үйлердің құрылысымен танысты

Қызылорда облысының әкімі Қырымбек Көшербаев «Нұрлы жол» бағдарламасы аясында салынып жатқан тұрғын үйлердің құрылысымен танысты

Көбінесе, облыс әкімі Қырымбек Көшербаев қаладағы Жаппасбай батыр көшесі мен Титов мөлтек аудандарындағы 680 пәтерлік 14 көпқабатты үйдің құрылысымен танысты. Жобаның жалпы құны 6 млрд. 222 млн. теңгені құрайды. «Нұрлы жол» мемлекеттік бағдарламасы аясында салынып жатқан көпқабатты тұрғын үйлер жыл соңына дейін ел игілігіне табысталады, деп хабарлады облыс әкімдігі.

Сондай-ақ аймақ басшысы Сырдария өзені арқылы өтетін жаңа көпір құрылысының жұмыстарына куә болды. 2014 жылдың маусымында басталған құрылыс биыл қараша айында толықтай аяқталады. Жобаның жалпы құны  5,975 млрд. теңгені құрайды. «Мостостроительный-25» жауапкершілігі шектеулі серіктестігі – аталмыш жобаның мердігер мекемесі.

Көпірдің ұзындығы - 386,82 метр, ал ені 22,4 метрге жетеді. Ол 9 тіректен (опора) және 8 аралықтан (пролет) құралған. Құрылыс толықтай аяқталысымен, Қаланың оң жақ жағалауын игеру жұмыстары басталады.

Ақпарат көзі: strategy2050.kz

0
0
518

Сенаторлар Астанада сенбілікке шықты

Сенат депутаттары мен Палата Аппаратының қызметкерлері дәстүрлі жалпы қалалық сенбілікке қатысты.

Сенаторлар Елорданы көркейтуге зор ықыласпен атсалысты. «Халық жасап жатқан жұмыс еш уақытта қиын болмайды, - деді Сенаттың Конституциялық заңнама, сот жүйесі және құқық қорғау органдары комитетінің төрағасы Серік Ақылбай. – Елменбірге істеген жұмыстың игілігі де мол, балаларға, болашаққа үлкен өнеге болып табылады. Отанымызға, Елордаға деген құрметіміз осындай».

Әлеуметтік-мәдени даму және ғылым комитетінің төрағасы Бірғаным Әйтімова Астана – Елбасының қаласы екенін және әрбір отандасымыз қаладағы сенбілікке ықыласпен қатысатынын атап өтті. «Бұл пайдалы әрі қажетті жұмыс, біз Елорданы дамытуға, оны жасыл желекке бөлеуге баса назар аударып отырған Мемлекет басшысын қолдауға бар күш-жігерімізді арнаймыз», - деді Б.Әйтімова.

Шара барысында Елорданың сол жақ жағалауындағы Жәнібек және Керей хандары көшесіне жүзден астам терек пен қарағай көшеттері отырғызылды.

Ақпарат көзі: strategy2050.kz

0
0
457

Токиода «Қазақстан және ЭКСПО-2017» атты роуд-шоу өтті

Токиода «Астана ЭКСПО-2017» Ұлттық компаниясы Жапониядағы Қазақстан Елшілігімен бірге рауд-шоу өткізді.

Шараға Жапонияның шамамен 30-дан астам туристік компаниялары қатысты. Рауд-шоу барысында «ЭКСПО-2017» көрмесіне дайындық және оны өткізу бойынша ақпарат айтылды, деп хабарлады ҚР СІМ.

Жапондық компаниялар мен көрмеге арнайы жобаланған турлар үшін «ЭКСПО-2017» туристік өнімдерінің тұсаукесері болды.

Рауд-шоу барысында жапондық туроператорлар Қазақстан мен ЭКСПО-2017 көрмесінің туристік мүмкіндіктерін жоғары бағалады.

Ақпарат көзі: strategy2050.kz

0
0
562

Астанада Қазақстанның үздік полицейі марапатталды

Бүгін жол-патрульдік полицияның үздік қызметкерін анықтауға арналған байқаудың қорытындысы шықты. Өңірлер арасында өткен байқауда ШҚО ІІД жергілікті полиция қызметі жол-партульдік полициясының қызметкері Жеңіс Дуанов жеңімпаз атанды.

Республикалық сайысқа барлық өңірден жол-патрульдік полицияның үздік 16 қызметкері қатысты.

«Байқауға қатысушылар 7 негізгі номинацияда сынға түсті: нормативтік-құқықтық актілерді білу, қарудан ату және қызметтік даярлық теориясы, дене шынықтыру, қоян-қолтық күрес дайындығы, алғашқы жедел жәрдем көрсету, жоғары қозғалысты көше қиылысында жол қозғалысын қолмен реттеу, 3 түрлі көлікті (жеңіл, жүк және мотоцикл) жоғары жылдамдықта жүргізу», - дейді ҚР ІІМ басқарма басшысының орынбасары Еркін Мүсілімов.

Оның айтуынша, байқауға қатысқан қызметкерлердің жұмысқа ынта-жігері ерекше және өзгелерге үлгі болады.

Сонымен, байқау қорытындысында ШҚО ІІД жергілікті полиция қызметінің жол-партульдік полициясының қызметкері Жеңіс Дуанов жеңімпаз атанды. Ақмола облысының жол-патрульдік полицейі Рүстем Ахметов екінші орын, Жамбыл облысының полиция сержанты Елдос Тоқабаев үшінші орынды иеленді.

«Байқау өте жақсы өтті. Мұндай сайыстар полицейлер үшін маңызды. Өйткені, біз білімімізді тереңдетіп, шеберлігімізді шыңдауға мүмкін алдық», - дейді полицияға 10 жылын арнаған байқау жеңімпазы Жеңіс Дуанов.

Ақпарат көзі: strategy2050.kz

0
0
558

Астанада ҚР Парламенті Мәжілісінің депутаттары қалалық сенбілікке шықты

ҚР Парламенті Мәжілісінің депутаттары елордада өтіп жатқан жалпықалалық сенбілікке қатысуда.

«Астана-өзінше ерекше қала, бұл біздің байлығымыз мен жетістігіміз. Ол үшін біз жұмыс жасауымыз керек, яғни қаланың көгалдануы мен таза болуына өз үлесімізді қосуға тиіспіз. Мен шынымен Астананы көрікті қалалардың бірі деп есептеймін»,-деді мәжілісмен Геннадий Шиповских.

Депутат Светлана Бычкова ауыл шаруашылығы жұмыстарының міндеттерін еске алды.

«Мен ауылдан шыққанмын,сол себепті осы сынды жұмыстарды жасап тұрдық. Күз және көктем айларында біз ауыл шаруашылығы жұмыстарын жасауға шығатынбыз. Ол айтарлықтай қиын еңбек болатын: отырғызу, арам шөптерді жұлу, егін жинау. Дегенмен, ол өзінше қуанышты еңбек болды. Ол күндерден тек жақсы естеліктер қалды»,-деді депутат.

Светлана Бычкова Мәжілісте жұмыс жасаған уақытынан бастап бірнеше ағаш отырғызғандығын айтты және қазір қалада өтіп бара жатып, өз еңбегінің нәтижесін көретіндігі қуантады.

«Бұл ең алдымен депутаттардың өздері үшін де, Парламент қызметкерлері үшін де  өте жақсы денешынықтыру десек болады. Ал екіншіден, өз елордаңды әдемілеп абаттандыруға  зор үлес қосасың»,-деді ҚР Парламенті Мәжілісінің вице-спикері Гүлмира Ықсанова.

Астанада өтіп жатқан жалпы қалалық сенбілікке барлық үш ауданнан 98 мың адам қатысуда.

Ақпарат көзі: strategy2050.kz

0
0
515

Жұрттың баласымен салыстыру неге дұрыс емес?

Әдетте қазақтың қоғамын жамандаушылар көп кездеседі. Қазақтың барын көрсеткіштігі, мақтаншақтығы жиі тілге тиек болып жатады. Алайда біздің қоғамда кең таралған, орысша айтқанда понт және көре алмаушылықтың себебі неде? Осы тақырып жайында менің видео-пікірімді көре отырып мүмкін жаңа ой ести аласыз. Келіспесеңіз өз ойыңызды қалдырыңыз, жаңа пікір оқуға әрқашан ризамын.https://www.youtube.com/watch?v=Ic5BwggkvaQ

0
0
624