Мазмұнға өту

Жаңа

«Азаматтарға арналған үкімет» мемлекеттік корпорациясында мүмкіндігі шектеулі жандарға қолайлы жағдайлар жасалған

«Азаматтарға арналған үкімет» мемлекеттік корпорациясы арқылымемлекеттік қызметтерді көрсетуді ұйымдастыруда олардың мүмкіндігі шектеулі жандарға қолжетімділігін арттыруға ерекше мән беріліп отыр. Мемлекеттік корпорацияның фронт-офистерінде арбадағы мүгедектер үшін пандустар, шақыру нүктелері орнатылған. Фронт-офистерді Брайль мәтініндегі ақпараттық тақталармен жабдықтау жұмыстары аяқталуға жақын. Сонымен қатар, жақын арада көзі нашар көретіндерге арналған тактильді жолдар орнату жоспарланып отыр.

Сондай-ақ, «Азаматтарға арналған үкіметтің» қызметтерін  1 және 2-топтағы мүмкіндігі шектеулі жандар мемлекеттік корпорацияның фрот-офистеріне бармай-ақ ала алады. Мобильдік топты шақыру үшін олар Біріңғай байланыс орталығының 1414 нөміріне телефон шалулары қажет. Мемлекеттік корпорация қызметкері оған 72 сағат ішінде  барады.Жыл басынан бері мобильдік топ 20 499 мүмкіндігі шектеулі жандарға барып, 28619 қызмет көрсетті. Олардың ішінде жылжымайтын мүлік пен құжаттандыру бойынша қызметтерге, электрондық анықтамаларға сұраныс көп болды.

Мүгедектер үшін композиттік қызметтерді алу мүмкіндігі де қарастырылған. Мәселен, азамат мүгедектік тобын анықтау үшін комиссиядан өткенде, оның басқа еш жерге баруының қажеті жоқ. Оның құжаттары он-лайн  режимінде мемлекеттік корпорацияға беріледі, мұнда барлық жәрдемақы түрлерінің төлемі белгіленіп, оның төленуі де ұйымдастырылады. Бұл Әділет министрлігінің  ақпараттық жүйесі мен орталықтандырылған мүгедектік мәліметтер базасын ықпалдастырудың нәтижесінде мүмкін болып отыр. Өтініш қабылдау кезінде қағаз жүзіндегі құжат айналымы болмайды, ал жеке басын куәландыратын құжат жөніндегі, тұрғылықты жері бойынша тіркелуітуралы мәліметтердіэлектрондық үкімет шлюзі арқылы жеке азаматтардың мемлекеттік мәліметтер базасының ақпараттық жүйесіненалады.

«Азаматтарға арналған үкімет» мемлекеттік корпорациясында әр түрлі қызметтерде 360 мүмкіндігі шектеулі жан жұмыс істейтінін айта кеткеніміз жөн.

Қазақстанда 571 685 мүгедек тіркелген, оның 293 665-і - I жәнеII топтағы, 210 421-і –IIIтоптағы мүгедектер,  67 579-і - мүгедек балалар. Оларды әлеуметтік жағынан мемлекет қамтамасыз етіп отыр, жәрдемақалар мен әлеуметтік төлемдерді өз уақытында аудару мен төлеуді «Азаматтарға арналған үкімет» мемлекеттік корпорациясы жүзеге асырады.

Естеріңізге салсақ, 1993 жылғы маусым айындаҚазақстан Республикасы Президентінің Жарлығымен Мүгедектер күні белгіленген.Ол жыл сайын қазанның екінші жексенбісінде аталып өтеді.

0
0
388

Азаматтарға арналған үкіметтің қызметкерлері Қазақстан бойынша 425 ағаш отырғызды

«Азаматтарға арналған үкімет» мемлекеттік корпорациясының қызметкерлері еліміздің барлық қалалары мен облыс орталықтарында сенбілік өткізді. Сенбілік барысында орталық аппарат пен облыстық филиалдардың қызметкерлері 425 ағаш отырғызды, оның ішінде қайың, қарағай, жөке, шетен, тіпті боз арша ағаштары бар. Сенбілікке мемлекеттік корпорация қызметкерлерінің инспекторларынан бастап басшыларына дейін белсенді ат салысты.

«Азаматтарға арналған үкімет» мемлекеттік корпорациясы» КЕ АҚ Баскарма төрағасының орынбасары Медет Кұмарғалиевтің мәлімдеуінше, шара Қазақстан Республикасы Тәуелсіздігінің 25 жылдығына орайластырылған кең ауқымды        «25 игілік іс» акциясы шеңберінде өткізілуде. «Бүгін біз ел болып атап өтіп отырған айтулы мерекеге өз үлесімізді қосудамыз. Қалалық саябақтар, аллеялар, ботаникалық бақтар, жағажайлар 400-ден астам ағашқа толықты. Ал Астанада мемлекеттік корпорацияның орталық аппаратының қызметкерлері ғашықтар аллеясында 25 шаған ағашын отырғазды», - деп хабарлады Құмарғалиев.

Құмарғалиевтің айтуынша, Өскеменде - қылқанды ағаш түрлері, Петропавлда – жөке және шетен ағаштары, Алматы қаласында – боз арша, Ақтөбеде – терек, Алматы облысында – алма ағаштары отырғызылса, Павлодарда Жеңіс саябағы тағы 25 қайыңға толықты.

Естеріңізге салсақ, ел Тәуелсіздігінің 25 жылдығы шеңберінде «Азаматтарға арналған үкімет» мемлекеттік корпорациясы өткізіп отырған мұндай шара бірінші рет өткізіліп отырған жоқ. Ағымдағы жылдың қыркүйек айында мемлекеттік корпорацияда Тәуелсіздіктің 25 жылдығына орайластырылған республикалық спартакиада және  мемлекеттік тілді меңгеруге қатысты «Мемлекеттік тіл – қызмет көрсету тілі» тақырыбында республикалық байқау, ал шілде айында – «Қазақстан балалар көзімен» тақырыбында мемлекеттік корпорация қызметкерлері балаларының арасында сурет салу байқауы өтті.

0
0
305

Ұлттық экономика министрі Қазақстан Республикасы ауыл шаруашылығына инвесторлар қызығушылығының артуы себебін айтты

Ұлттық экономика министрі Қуандық Бишімбаев Үкіметтің қорытындысы бойынша өткен баспасөз мәслихатында Қазақстан Республикасы ауыл шаруашылығына инвесторлар қызығушылығының артуы себебін айтты.

Министр айтып өткендей, жалпы ауыл шаруашылығы  Қазақсан үшін перспективасы мол сала.

Инвестициялардың айтарлықтай өсуі ауыл шаруашылығында (50,9%-ға, 190,6 млрд. теңгеге дейін), саудада (32,1%-ға, 109,5 млрд. теңгеге дейін) және өңдеу өнеркәсібінде (7,7%-ға, 543,1 млрд. теңгеге дейін), сондай-ақ қаржы қызметінде (6,9%-ға, 44,7 млрд. теңгеге дейін) байқалып отыр.

«Дамушы нарықтарға капитал ағынының жалпы төмендеуіне қарамастан, жартыжылдықтың қорытындысы бойынша Қазақстан экономикасына тікелей шетелдік инвестициялардың оң серпінін атап өткен жөн. Шетелдік инвестициялардың таза ағыны есепті кезеңде 5,7 млрд. АҚШ долларын құрады, бұл өткен жылғы нақтыланған деңгейден 4,4 есеге жоғары (1,3 млрд. АҚШ доллары). Тікелей шетелдік инвестициялардың қомақты үлесі жаңа инвестициялық жобаларды қаржыландыруға бағытталды» - деді Бишімбаев.

Ол елдің сыртқы сауда айналымы ағымдағы жылғы сегіз айда 28,0%-ға 38,4 мрлд. АҚШ долларына дейін қысқарғанын мәлімдеді. Экспорт 23,0 млрд. АҚШ долларын (28,6%-ға төмендеу) және импорт – 15,4 млрд. АҚШ долларын (27,0%-ға төмендеу) құрады.

Ол Үкіметтің кеңейтілген отырысында Мемлекет басшысы берген тапсырмалары ескеріле отырып, жаппай кәсіпкерлікті дамыту мақсатында Бизнестің және жұмыспен қамтудың жол карталарына түзету жүргізіліп жатқанын айтып өтті. Сондай-ақ Мемлекет басшысының тапсырмасын орындау үшін «Агробизнес 2020» бағдарламасы негізінде Агроөнеркәсіптік кешенді дамыту мемлекеттік бағдарламасы әзірленуде.

Бишімбаевтің айтуынша, жаңа мемлекеттік бағдарлама шеңберінде қайта өңделген ауыл шаруашылығы өнімдерінің экспортын ұлғайту, сервистік-дайындау кооперативтерін құру және суармалы жерлерді айналымға қосу бойынша міндеттер шешілетін болады.

Ақпарат көзі: strategy2050.kz

0
0
298

«Азаматтарға арналған үкімет» мемлекеттік корпорациясында Бірыңғай гербарий қоры құрылды

Бүгінде «Азаматтарға арналған үкімет» мемлекеттік корпорациясындағы Бірыңғай гербарий қоры Қазақстан Республикасындағы гербарийлердің маңыздылығы мен сан алуандығы бойынша екінші болып табылады. Оған Қазақстанның өсімдіктер әлемінің 100 тұқымдасына жататын шамамен үш мың түрі және он мыңнан асатын жапырақтар қамтылған. Онда өсімдік жабынының доминанттары, бағалы жемдік, улы, арамшөп, дәрілік, сирек және жойылып бара жатқан өсімдіктер таңдалып алынған. Жусан, қорық, таулы, дала және шөл өсімдіктерінің гербарийлері жеке топтастырылған.

Басқарма төрағасының орынбасары Медет Құмарғалиевтің айтуынша, Қазақстанда жерге орналастыру жүйесінде геоботаникалық зерттеулер және геобатаникалық карталар жасау өткен ғасырдың 50 жылдарынан бері жоспарлы жүргізілуде, ол Қазақстанның өсімдіктер әлеміндегі мұрасын сақтауға мүмкіндік береді. «Азаматтарға арналған үкімет» мемлекеттік корпорациясының құрылымына негізіне гербарий кіретін геоботаникалық картаны құрумен айналысатын жер кадастры ғылыми-өндірістік орталығы кіргендіктен, біз гербарий қорын жаңарту жұмысын әрдайым жүргізіп отырамыз. Қазіргі кезде алқапқа шығу алдында геоботаник мамандар гербарий бойынша оқу курстарынан өтіп, өсімдік түрлерімен танысады, оларды жүйелейді, ал барып келген соң оның қорытындысы бойынша гербарийді жаңа өсімдік түрлерімен толықтырады», - деді Құмарғалиев.

Сондай-ақ ол, БГҚ құрудың мақсаты өсімдіктер морфологиясын, олардың георафиялық, экологиялық және жекеше өзгермелілігін зерттеу; кез-келген аумақтағы өсімдік әлемінің құрамын құжаттандыру, сондай-ақ өсімдіктердің жеке түрлерін (аймақтарға) тарату; белгілі бір кезеңде өсімдіктің өзгеруі жайлы толық мәліметтер жинау болып табылады.

Мемлекеттік корпорацияда Энглер жүйесі бойынша сандық гербарий құрылып,  қораптарда орналасқан өсімдіктерді тез табу үшін каталог жасалған. Жақын уақытта гербарийді облыстар бойынша цифрландыру жүргізілетін болады және жемдік, бал-шырынды, дәрілік және сол сияқты шаруашылық маңызы бойынша өсімдіктер іріктеліп алынады.

Бірыңғай гербарий қорындағы өсімдіктердің толық флористикалық тізімін құру үшін Астана қаласы мен Қарағанды облысынан гербарийлер жеткізілген және аллдағы уақытта солтүстік аймақтағы өсімдіктер түрлерімен толықтырылатын болады. Келешекте Бірыңғай гербарий қорының ақпараттық-копмьютерлік деректер базасын құру жоспарлануда.

Қазіргі таңда «Азаматтарға арналған үкімет» мемлекеттік корпорациясының гербарийлерін магистранттар, докторанттар, биологиялық, ауыл шаруашылығы және географиялық мамандықтардың ғылыми қызметкерлері жаңа жиналған өсімдік даналарын нақтылау және анықтау, жекелеген аймақтардың флорасын құру және тақырыптық көрме жүргізу үшін қолдануда.

Қазан айында мемлекеттік корпорацияның біріңғай гербарий қорын құру «Мәңгілік мұра» жобасы шеңберінде Қазақстан Республикасы Тәуелсіздгінің 25 жылдығы құрметіне өтіп жатқанын атап айтамыз.

0
0
381

АҚШ ЭКСПО-2017 көрмесіне қатысады

«Астана ЭКСПО-2017» ұйымдастырушы кеңсесіне Америка Құрама Штаттарының Мемлекеттік хатшысының саяси мәселелер бойынша орынбасары Томас Альфред Шенон басқарған АҚШ делегациясы келді, деп хабарлады Ұлттық компанияның баспасөз қызметі.

Алдымен америкалық дипломаттар ЭКСПО павильондарын аралап шықты, кейіннен «Астана ЭКСПО-2017» ҰК» АҚ Басқарма Төрағасы Ахметжан Есімовпен кездесті.

«Мен кеше кешкісін Астанаға келген болатынмын. Бұл менің алғашқы ресми кездесуім, демек бұл біздің ниетімізді көрсеткен нақты жолдау деп ойлаймын. Біз ЭКСПО-2017 қатысатын боламыз. Жаңа ғана АҚШ орналасатын павильонды көрдім. Тамаша ғимарат, таңғажайып павильон» - Томас Альфред Шенон.

АҚШ Мемлекеттік хатшы орынбасары атап өткендей, ЭКСПО АҚШ қарым-қатынас арасындағы маңызды элемент ретінде қарастырылуда. Қазақстан үшін бұл жаһандық, оның ішінде энергетика облысындағы ойыншы ретінде көрсететін үлкен мүмкіндік.

Өз кезегінде, Ахметжан Есімов АҚШ Көрмеге қатысуының маңыздылығын атап өтті. «Биылдың өзінде мен 2 мәрте АҚШ болдым. Баламалы энергия көздерін пайдалану бойынша қаншалықты қарқынды жұмыс атқарылып жатқандығын білемін. Бұл жаңа технология мен заманауи ғылыми жасампаздарды дамыту бойынша алдыңғы қатарлы мемлекет» - деді ұлттық компания Басқарма төрағасы.

Кездесу соңында АҚШ Мемлекеттік хатшысының орынбасары ЭКСПО-2017 көрмесіне қатысу бойынша процедуралық мәселелерді мейлінше жылдам шешуге тырысатындығын айтты.

Көрме 2017 жылғы 10 маусымнан бастап 10 қыркүйекті қоса алған аралықта Астана қаласында өткізіледі. Көрмеге 100 елден кем дегенде 10 халықаралық ұйымдар, 10 жетекші инновациялық технологиялар компаниялар қатысады деп жоспарланып отыр.

Жалпы алғанда, ЭКСПО-2017 халықаралық мамандандырылған көрмесін тамашалауға шамамен 2 миллионнан астам адам келеді және 5 миллион келуші болады деп күтілуде.

Ақпарат көзі: strategy2050.kz

0
0
357

Студенттермен кездесу Экономика және ақпараттық технологиялар колледжінде жалғасты

Ағымдағы жылдың 24 қазан күні Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл Агенттігінің Батыс Қазақстан облысы бойынша департаментімен Экономика және ақпараттық технологиялар колледжінің білім алушыларымен дөңгелек үстел өткізілді.

Дөңгелек үстел барысында сыбайлас жемқорлықтың шығу тарихы және онымен күрес туралы коледж студенттері баяндама жасаса, Департаменттің сыбайлас жемқорлық профилактикасы басқармасының өкілі Е.Т.Төлепқалиев сыбайлас жемқорлық көріністерінің кез келген түрлеріне мүлдем төзбеушілік атмосферасын қалыптастырудың әдістері мен тәсілдері туралы баяндады.

Сонымен қатар, қатысушыларға профилактикалық бейнероликтер көрсетіліп, олардың сыбайлас жемқорлыққа қатысты пікірлерін зерделеу мақсатында сауалнама жүргізілді.

 
0
0
430

Боқаев пен Аянов ісі: Митингтің заңсыздығы ескертілген еді...

Атырауда атышулы Макс Боқаев пен Талғат Аяновтың соты жалғасуда. Дүйсенбі күні сотта үш куәгер тыңдалды.

Сәуірдегі митингі кезінде Атырау қаласының әкімі болып тұрған Нұрлыбек Ожаев (қазір ол «Нұр Отан» партиясы Атырау облыстық филиалы төрағасының бірінші орынбасары) сотталушы азаматтарға, яғни Талғат пен Максқа митингті «Исатай –Махамбет»  алаңында өткізудің заңсыз болатыны түсіндірілгенін айтты. «Жігіттерден сәуірде де, мамырда да митинг өткізу үшін «Исатай – Махамбет» алаңын бөлу туралы өтініш хат келіп түсті. Сәуірдегі хат бойынша, сол кездегі орынбасарым болған (Атырау қаласы әкімінің орынбасары) Гүлмира Шәкіроваға тапсырма бердім. Ол жігіттерге митинг өткізуге бөлінген бес орынның ішінде, «Исатай – Махамбет» алаңының жоқ екендігін түсіндірді. Бірақ, митинг бәрібір болды. Алаңға халықтың жиналып  жатқандығы жөніндегі хабар маған таңғы сағат 09.30 шамасында келіп түсті. Оқиға орнына жедел жеттім. Сол кезде алаңда шамамен 200-ге жуық адам болды. Олардың кейбіреуімен сөйлесіп, не үшін жиналғандарын сұрадым. Олар «біз әлеуметтік желілерден жердің сатылатындығы туралы хабарды естідік. Сол үшін келіп отырмыз. Біз заңды оқыған жоқпыз» деген бағытта жауап берді. Әрине, мен халыққа жердің сатылмайтындығын, заң жобасында жерді жалға беру мерзімін 10 жылдан  25 жылға дейін созу мәселесінің көзделгенін түсіндірдім. Себебі, шетелдіктердің он жыл мерзімге бола, жерді жалға алуға деген қызығушылығы төмен еді» деп атап өтті куәгер Нұрлыбек Ожаев. Және де ол, митингке халық жиналып жатқан кезде Макс Боқаевтың алаңда болмағанын, оның оқиға орнына шамамен 13.30-дарда келгенін айтты.

Одан әрі куәгер, аталған азаматтардан мамырдың 21-і күніне митинг өткізу туралы ұсыныстың қайта келіп түскеннен кейін, бас кейіпкерлермен жеке кездескенін хабарлады. «Кездесуде митинг жоғарыда аталған «Исатай – Махамбет» алаңында өтетін болса, оның заңсыз болатыны түсіндірілді. Барлық нормалар айтылды» деді ол. Сот барысында облыстық жер қатынастары басқармасының басшысы Арман Баженов, Атырау қалалық ішкі саясат бөлімінің басшысы Жанат Досқалиеваның куәгерлігі тыңдалды. Олар «Жер кодексі» бойынша бұқарамен арада түрлі форматта түсінік жұмыстарының жүргізіліп, арнайы топтардың да құрылғанын қуаттады.

Сот процесі ертең жергілікті уақытпен таңғы сағат 10.00-де жалғасады. Кезекті процессте Атырау облысы әкімінің орынбасары Сәлімжан Нақпаевтың куәгерлігі тыңдалады деп күтілуде.

 
3
7
655

Мемлекеттік қызметтің кәсібилігі жөнінде тікелей эфирде талқыланды

2016 жылдың 24 қазанда «Қазақстан-Орал» облыстық радиосының «Заң аясында» бағдарламасының тікелей эфиріне Департамент басшысының орынбасары А.Жұбаныш қатысты.

Бағдарламаның негізгі тақырыбы Ұлт жоспары «100 нақты қадамда» белгіленген мемлекеттік қызметті кәсібилендірудің маңыздылығына қатысты болды.

Өз сөзінде А.Жұбаныш мемлекеттік органдардың, сонымен қатар жалпы қазақстандық қоғамның алдында ұлт Жоспарында Елбасының бес реформада алға қойған мақсаттарды жүйелі жүзеге асыру міндеті тұрғандығын атап өтті.

Сондай-ақ, бағдарлама барысында радиотыңдаушылар тарапынан мемлекеттік қызметке өту срақтары бойынша сұрақтар қойылып, оларға нақты жауаптар берілді.

     
0
0
283

Биыл ОҚО-да 1140 пәтер пайдалануға берілді

«Нұр Отан» партиясы Төрағасының Бірінші орынбасары Оңтүстік Қазақстан облысындағы маңызды мемлекеттік бағдарламалардың орындалу сапасын тексерді, деп хабарлады “Нұр Отан” партиясының баспасөз қызметі.

Мұхтар Құл-Мұхаммед әлеуметтік инфрақұрылымның даму барысымен танысып, жаңадан салынған жылыжай кешені мен алдыңғы қатарлы өндірістерді аралап, облыстық партия активімен кездесіп, өңірдің жетекші университетінде болды.

Биылғы жылы Оңтүстік Қазақстан облысындағы пайдалануға берілген тұрғын үйлердің көлемі бір жарым есеге дейін ұлғайды.  Бұл саладағы қарқынның дамуына «Нұрлы Жол» бағдарламасының арқасында қол жеткізіліп отыр.

«Нұр Отан» партиясы Төрағасының Бірінші орынбасары Шымкенттегі жылдам өсу үстіндегі аудандардың бірінде болып, жаңадан салынып жатқан көп қабатты құрылыстардың сапасын бағалады.

Биылғы жылы ОҚО-да  барлығы 1140 пәтер пайдалануға берілді, олардың жалпы көлемі 64 мың шаршы метрді құрайды. Мұхтар Құл-Мұхаммед жергілікті құрылысшыларды жағымды жаңалықтан хабардар етті. Елбасының тапсырмасымен Қазақстанда мемлекеттік «Нұрлы жер» жаңа бағдарламасы  іске қосылады.  Яғни, еліміздегі құрылыс қарқыны екі есе көбейеді.

Оңтүстік Қазақстан облысы тұрғындарының саны 2 миллион 800 мыңнан асып кетті. Еліміздегі  халқы ең тығыз орналасқан өңірде биылғы жылы жетпіс үш мың бес жүздей балдырған мектеп табалдырығын аттады. Бұл өткен жылғымен салыстырғанда 25 мыңға артық. Сондықтан да «Нұрлы жол» бағдарламасының басым бағыттарының бірі жаңа мектеп құрылыстарын салу болып табылады.  Биылғы жылы – 25 жаңа мектеп салу көзделген.

«Нұр Отан» партиясы Төрағасының Бірінші орынбасары «Достық» мөлтекауданында болып, 1200 орындық жаңа мектеп құрылысының барысын тексерді. Жылдам өсіп жатқан мөлтекауданда жаңа білім беру мекемесінің ашылуын шәкірттер де, ұстаздар да асыға күтуде. Балалардың көптігінен жұмыс істеп жатқан мектепте оқушылар үш ауысыммен оқиды.

ОҚО еліміздегі ең ірі ауыл шаруашылығы орталықтарының бірі болып табылады. Қазақстандағы жылыжайлардың 87 % ОҚО орналасқан. Олардың жалпы көлемі 1 мың гектардан асады. Мұхтар Құл-Мұхаммед еліміздегі ең үлкен және алдыңғы қатарлы жылыжай кешені - «Адель» шаруа қожалығында болды. Бұл шаруашылықты өркендету үшін екі жарым миллиардтан астам теңге салынған.

Ақпарат көзі: strategy2050.kz

0
0
383

Чемпион қыздар

Астананың Есіл ауданында тұратын Айтжанов Руслан мен Әсемнің  отбасы сыйластығы жарасқан, берекелі жанұялардың бірі. Олар алты бала тәрбиелеп отырған ата-ана. Өз ісінің білікті маманы Руслан Қасымұлы Ақмола облыстық адвокаттар коллегиясының мүшесі. Қандай қарбалас жағдайлар болмасын, ол келіншегіне «қолым тимейді, балалармен өзің айналыса бер» демеді. Қыздарының сабағына қарап, қосымша үйірмелеріне, қызығушылықтарына мән беріп, арнайы уақытын бөлді.

Русланның отбасында Рамазан айында ауыз ашар жасалып, жыл сайын Құрбан Айт шалынады. Бұнымен қатар қазақы дәстүр бойынша туыстарды соғымның шекесіне шақыру, сәбилердің шілдеханасы, тұсаукесері мен тілашар тойлары міндетті түрде әулеттегі үлкендердің қатысуымен өтеді. Осындай қонағы арылмаған шаңырақта балалар ата салтымыздағы ғұрыптарды көріп өсіп келеді.

Жеке кәсіпкер Әсем Дәуітқызы қалада кенже ұлының қолындағы ата-енесі туралы былай дейді: «алғаш келін боп түскен күннен бастап енем маған өз қызындай қарады, әлі күнге дейін осы қарым-қатынас өзгерген емес. Ешқашан мінімді бетіме басып, қателігімді шұқыған емес. Қайта білгенін жайменен айтып, немерелеріне қамқорлық танытып, тәрбиеге көмектесіп отырады». Қазіргі кезде сәбиімен үйде отырған Әсем ата-енесімен жиі жүздесетінін айтты.

Қасымовтар әулетінде Жаңа жыл, діни, ұлттық мерекелермен қатар әр немеренің туған күні тойланады. Әулеттегі дәстүр бойынша жастары сапарға шығарда, бір істі бастарда әке-шешемен ақылдасады, ақ батасын алып, сонан соң шаруасына кіріседі.

Осы отбасындағы үш мектеп оқушысы Әлима, Кәрима мен Айшат қазақша сыныптарға барады. Әлима мен Кәрима дойбы ойынынан чемпион қыздар. Қасым Әлима дойбы-100 ойынынан Беларусияда өткен әлем чемпионатының қола жүлдегері, Қазақстанның күміс жүлдегері және былтыр Ташкентте Азия чемпионы атанды. Кәрима болса, биыл кішкене жасына қарамай 6-8 жас аралығындағы қыздар арасында Азия чемпионы болды!

- әр күні дойбыдан дайындыққа баратын болғандықтан басқа қосымша үйірмелерге әзір үлгермей жатады. Бұл өздерінің қызығушылықтары, - деп ағынан жарылды Руслан.

Барлық ата-ана балаларының білімді, адамгершілігі мол, бақытты болғанын қалайды. Бірақ әр әке мен ананың тәрбиесі, өмірлік ұстанымы мен  дүниетанымы әртүрлі. Кейде тіпті, ата-ана өз қалауларын балаға таңып, олардың жан дүниесімен санаспайды да. Русланның шаңырағында баланың таңдауына еркіндік берілген. Сол еркін шешімді қателеспей қабылдай білуге сәби шағынан көңіл бөлінген.

Сабақ үлгерімі өте жақсы осы оқушылармен тілдескенде олардың бойындағы сезімталдық пен адамға деген жанашырлық бірден байқалады. Әлима бойына көп өнер мен білім жинап, сол жиған-тергенін балаларға үйреткісі келеді екен. Ал Кәрима болашақта дәрігер болғысы келеді. «Аурып қиналған адамдарға жаным ашиды, оларға көмектескім келеді» дейді.

Үйде қазақша ойлап, еркін сөйлеу үшін ана тіліндегі кітаптарды көбірек оқып, өзара басқа тілдердің сөзін қоспай қазақ тілінде таза сөйлеуге үлкен мән беріледі. Ата-ана балалар бойына отансүйгіштікті сіңіруге маңызды көңіл бөледі. Шетелге шыққанда қыздардың алдына қойылған мақсаты - Қазақстанның көк туын желбірету.

Кішкене Айшат та сабақты жақсы оқиды. Ол балабақшада жүрген кезден-ақ тақпақтар айтты. Халықаралық балалар шығармашылығы «Ақкөгершін» фестиваль-байқауына қатысып 1-орын алды. Екі жыл қатарынан осындай би сайысында татар биін билеп, жүлдегер болды. Анасы Айшаттың мінезіне, артистік қабілетіне қарап, актриса болатын шығар деп үміттенеді. Руслан ұлы Мақсатты домбыраға беріп, сосын спорттың оған ұнаған түріне бергісі келеді. Ал төрт жасқа толуы күтілудегі Айзият гимнастикаға баруды таңдап үлгерді. Отбасының кенжесі Ибраһим туралы айтуға ертерек. Оған небәрі үш ай ғана болды...

Айтжанов отбасына бақ-береке тілеп, талабың алысқа жетелеп, мерейің әрдайым өсе берсін дейміз.

Қазақстан Республикасының дін істер және азаматтық қоғам Министрлігінің мемлекеттік әлеуметтік тапсырысы бойынша дайындалған

1
0
922