Мазмұнға өту

Жаңа

«100 нақты қадам» Ұлт жоспары — 9 айдың қорытындылары

2016 жылғы 31 қазанда ҚР Мемлекеттік қызмет істері және сыбайлас жемқорлыққа қарсы іс-қимыл агеттігінің Ақмола облысы бойынша департаменті (бұдан әрі - Департамент) облыстық басқармалардың, қала мен аудан әкімдері аппараттарының, барлық деңгейдегі мәслихаттардың, орталық мемлекеттік органдардың аумақтық бөлімшелерінің персоналды басқару қызметтері өкілдерінің қатысуымен «100 нақты қадам» Ұлт жоспары - 9 айдың қорытындылары» тақырыбында семинар-мәжіліс өткізді.

Іс-шара 10 жылдан астам кадр қызметінде жұмыс істеп, ағымдағы жылы құрметті демалысқа шыққан мемлекеттік қызметтің ардагерлеріне алғыс хаттар тапсырудан басталды. Б.Беспалинов өз кіріспе сөзінде 5 институционалды реформалар шеңберінде мемлекеттік қызметтің әкімшілік реформасын практикалық жүзеге асыру мәселелерін сипаттап берді.

Бұдан әрі персоналды басқару қызметтерінің 2016ж. 9 айы жұмысының қорытындысы және 2016ж. аяғына дейінгі оларға қойылатын міндеттер бойынша Департаменттің Мемлекеттік қызмет басқармасының басшысы Р.Братаева баяндады.

Жағымды тәжірибемен алмасу мақсатында Шортанды ауданы әкімі аппаратының және Мемлекеттік кірістер департаментінің персоналды басқару қызметтерінің жұмысы туралы есептер тыңдалды.

Тәртіптік практика саласындағы қызметінің нәтижелері туралы өз баяндамасында Мемлекеттік қызмет саласында бақылау басқармасының басшысы Қ.Сұлтанғазиев айтып берді.

Мемлекеттік қызметшілердің кәсіби құзыретін жетілдіру туралы Мемлекеттік қызметшілерді оқыту өңірлік орталығы директорының орынбасары  А.Нұрахметова баяндама жасады.

Аталған іс-шара соңында мемлекеттік қызмет саласындағы заңдарды практикалық қолдану бойынша бірқатар ұсыныстар Ақмола облысы мемлекеттік органдардың персоналды басқару қызметінің назарына жеткізілді.

Семинар өткізу барысында туындалған сұрақтарға толық жауап берілді.

Семинар-кеңеске 92 адам қатысты.

Департамент госслужбы

0
0
337

акция «Бірлігіміз жарасқан»

29 октября текущего года в рамках акции «Бірлігіміз жарасқан» Корпоративным фондом «Фонд «Жас Отан» по Северо-Казахстанской области при поддержке Управления внутренней политики Северо-Казахстанской области был организована спартакиада среди студентов и волонтеров Северо-Казахстанского Государственного Университета имени Манаша Козыбаева.

Соревнования проходили по двум видам спорта баскетбол и волейбол. Всего в соревнованиях участвовали 6 команд. Проходили игры на вылет. Из 6 команд после первого тура остались 3 которые играли за призовые места. В финале сразились команды «Информационные технологии» и «Педагогический факультет». После двух партий счет остался равным, но в третьей партии команда «Информационные технологии» была сильнее.

В баскетболе сначала соревнований лидерство взяла команда «Foundation». Показывая хорошую игру, красивые комбинации команда обеспечила себе первое место. За второе место боролись команды «Педагогический факультет» и «Агрономы». Победа осталась за «агрономами».

К концу соревнований команды были награждены грамотами, кубками, а так же тортами.

 

Ағымдағы жылдың 29 қазан күні "Бірлігіміз жарасқан" акциясы аясында «СҚО бойынша «Жас Отан» Қоры» Корпоративтік Қоры Солтүстік Қазақстан облысының Ішкі саясат басқармасының қолдауымен Манаш Қозыбаев атындағы Солтүстік Қазақстан Мемлекеттік Университетінде студенттер мен еріктілер арасында спартакиада ұйымдастырылды.

Жарыс спорттың екі түрі баскетбол және волейболдан өтті. Барлығы жарысқа 6 құрама қатысты. Бірінші турдан кейін 6 құрамадан қалған 3 құрама жүлделі орындарға ойнады. Финалда «Ақпараттық технологиялар» және «Педагогикалық" факультеті» құрамалары таласты. Екі партиядан кейін есеп тең болды, бірақ үшінші партиядан кейін «Ақпараттық технологиялар» құрамасы күштірек болды.

Баскетболда жарыстың басынан бастап «Foundation» құрамасы көшбасшылық алды. Жақсы ойын, әдемі комбинациялар көрсетіп құрама өзіне бірінші орынды қамтамасыз етті. Екінші орынға «Педагогикалық факультет» және "Агрономдар" таласты. Жеңіске «Агрономдар» жетті.

Жарыстың соңында құрамаларды грамоталармен, кубоктармен және торттармен марапаттады.

   
0
0
534

Айтыскер ақын Айбек Қалиев депутат атанды

От ауызды, орақ  тілді айтыскер ақын Айбек Қалиев Арқалық қаласының мәслихат депутаты атанды.  Бұл туралы ҚазАқпаратқа ақынның өзі хабарлады.

Айта кетейік,  1992 жылдан бастап айтыс өнеріне келген Айбек Киікбайұлы халықаралық, республикалық айтыстардың  бірнеше мәрте жеңімпазы атанған.

Ақын айтыстарында қоғамның күрделі мәселелерін сөз етіп, терең, ойлы өлеңдерімен халықтың сүйіспеншілігіне бөленіп жүр. Айтыстағы еңбегі ескеріліп, 2001 жылы Қазақстан Республикасы Премьер-министрінің Алғыс хатымен марапатталды. Бүгінгі таңда айтысқа баулып жүрген шәкірттері де республика жұртшылығына танылып қалды.

 
0
0
1004

Бақытбек Есентаевқа қатысты сот отырысы 3 қарашада жалғасады

Бүгін Талдықорғанда Бақытбек Есентаевтың ісіне байланысты сот отырысы жалғасты. Жабық режимдегі бұл жолғы сот отырысында қос тарап жарыссөзге шықты.

Процеске Баян Мақсатқызы да келіп қатысты.

Соттың жабық режимде өтуіне байланысты Бақытбек  Есентаевқа мемлекеттік айыптаушы қандай жаза қолдануды сұрағаны жөнінде алқа билер шешім шығарғанша жария етілмейді.

Келесі сот отырысы бейсенбі күні 3 қарашада жалғасады. Оған дейін сотталушы соңғы сөзін айтуға, алқа билер шешім шығаруға дайындалуы үшін үзіліс жарияланды.

Естеріңізге сала кетейік, Бақытбек Есентаевтың соты 18 қазанда басталды. Алғашқы  тыңдалымға   қатысқан Баян Мақсатқызы өзінің бұрынғы күйеуін толықтай кешіріп,  бас бостандығынан айырмауды өтінген еді.

Бақытбек Есентаев зорлық-зомбылық, зорлау фактілерінен өзге адам өлтіруге оқталу бабы бойынша жауапқа тартылуда. Ең ауыр бап та осы. Қазіргі таңда заңгерлердің басым бөлігі зорлау, зорлық-зомбылық баптары бойынша іс қысқартылса да, адам өлтіруге оқталу бабы бойынша Бақытбек Есентаев жазаға тартылуы мүмкін деген пікірлерін  білдірген еді. Бірақ, бұл процестің бір ерекшелігі  сотқа  алқа билері қатысуда. Шешімді алқа билер қабылдайды.

   
0
0
513

Благотворительная акция «Мейірімді жүрекпен»

В рамках благотворительной акции «Мейірімді жүрекпен», волонтеры Корпоративного фонда «Фонд «Жас Отан» по Северо-Казахстанской области при поддержке Управления внутренней политики Северо-Казахстанской области посетили Дом юношества города Петропавловск.

На сегодняшний день в городском доме юношества проживают 39 человек, из числа ребята в возрасте от 18 до 23 лет. Из которых 11 человек проходят обучение в высшем учебном заведении и учреждениях технического и профессионального образования. В свою очередь 28 человек работают в организациях и предприятиях города Петропавловск.

В ходе посещения волонтеры провели беседу с ребятами. Руководитель отделения МК «Жас Отан» при филиале «Болашак» партии «Нұр Отан» Олжас Толеген рассказал о реализуемый государственных программах, направленные на поддержку молодежи, таких как: Дорожная карта занятости -2020, Дорожная карта бизнеса-2020.

Также Олжас Толеген рассказал о партийном проекте «Сәтті қадам», направленный на трудоустройство выпускников ВУЗов и ТиПО из числа детей-сирот. Также в ходе встречи были вручены билеты на хоккейный матч команды «Кулагер» каждому проживающему в Доме юношества, а также учреждению были переданы химические средства для гигиены.

«Мейрімді жүрекпен» атты мейрімділік акция аясында «СҚО бойынша «Жас Отан» Қоры» Корпоративтік Қорының белсенділері ішкі саясат басқармасының қолдауымен «Жастар үйіне» барып келді.

Казіргі кезде «Жастар үйінде» 18 бен 23 жас аралығындағы 39 адам тұрады. Олардың 11-і жоғарғы оқу орында және  техникалық, кәсіби оқу орындаырнда оқиды. Ал 28-і қаламызда жумыс атқарады.

Кездесу барысында белсенділер өте қызықты әігіңме жүргізді. «Нұр Отан» партиясының «Жас Отан » Жастар Қанатының «Болашақ» филиалының бөлім жетекшісі Төлеген Олжас іске асырылып жатқан мемлекеттік бағдарламалар туралы айтып кетті. Мысалы: «Бизнестің жол картасы-2020» және «Жұмыспен қамту жол картасы-2020».

Сондай-ақ, Олжас Төлеген «Сәтті қадам» жобасы жайлы айтып кетті. Айта кетер жайт осы жылдаң бастап бұл жоба жоғарғы және кәсіби оқу орындарының жетім балалар санындағы тұлектеріне бағытталған. Кездесу соңында балаларға химиялық тауарлар мен Хоккей ойынына билет сыйланды.

 
0
0
523

Ет жеме Қазақ!!!!

Түйенің қомында, аттың жалында өскен қазаққа еттің зиян екенін ұқтыруға тырысқандардың ойлары жүзеге асып жатыр.

Құрметті ет жейтін бауырларым! Біздің бойымызда холестерин көбейіп жатыр екен, бұның соңы ерте қартайып, тамырдан қан жүрмейтін дәрежеге жеткізеді дейді... Ол үшін не істеуіміз керек??? Пістені жиі шағып отыру еттен келетін зардапты азайтып, денсаулықты жақсартады дейді медицина. Бірақ, пістені жиілету тісіміздің Эмальін бұзып, бүйрек, жүйке ауруларына алып келеді екен. Бүйрек пен жүйкені қайтеміз, бізге ХОЛЕСТЕРИН азайса болды. Бұл тиімсіз деп ойлайсыз ба??? Ендеше жержеңғақты жиі жеңіз, Холестеринді азайтады. Есесіне артрит, артроз ауруларына шалдықтырады. Өз буындарыңыз бен сүйектеріңізге сенімді болсаңыз жиі жержаңғақ жеңіз. Холестерин болмайсыз .Немесе соя да жарайды. Оның да холестерин азайтатын өнері бар. Алллл 3 жыл соя егілген жерге 15 жыл түк өспейді екен. Осы соя шешімі дұрыс сияқты!

Соя егеміз => жейміз=> Холестериніміз азаяды=> сосын жерге шөп өспейді=> шөп өспегесін мал болмайды=> мал болмағасын ет жемейтін боламыз...

Мына емдомдарды жасайтын болсақ, Холестерин көкемізге жылап көрісетін түріміз бар .Етті, суды, тіпті сүттің өзін Үш стаканнан артық ішу адамды ерте қартайтып, сүйектерін әлсіз қылады деп жатқан ғалымдардың айтуымен жүретін болсақ аштан өлуге болады ағайын.http://inform.kz/kz/sut-eresek-adamdardyn-densaulygyna-ziyan-keltirui-mumkin_a2711848.Ет пен сүтті жиі ішкен адамның жасы қысқа болады екен сонымен.... Ал мен Жамбыл мен Бұқар аталарымыз ет жемеді дегенге өз басым сенбеймін.

Достар!!! Біз қанша тырысқанымызбен еуропалық бола алмаймыз, біз кең даланың төсінде еркін өскен дала көшпенділеріміз. Әр елдің өзінің бабасынан бастап жеп келе жатқан тағамдары бар, оның құрамында қанша зиянды дүние болсада оларға әсер етпейді. «Егер ағылшынның баласына салқын тиіп ауырса, оны қойдың құйрық майымен сыласа ол бала өліп қалуы мүмкін, ал қазақ баласы жазылып кетеді» деп еді ұстазым. Менің ойымша қазақтың ауруы еттен емес, сол еуропа пайдалы деп тапқан АРАҚТАН секілді. Ал мен ет жеуімді тоқтатқым келмейді.. Сіз қалай ойлайсыз????

 
1
0
635

Бүгініме бақыттымын

- «Мен табысты болам деп тыраштанып көрмедім. Оған ұмтылмадым да. Өз ісіңді жақсы, беріліп сапалы жасасаң, табыс өзі келеді. Сонда сені байқайды, шақырады», - деп ойымен бөлісті ҚР халық әртісі, актриса Гүлнар Досматова. Осы ұстанымынан болар, режиссерға да, көрерменге де, әріптестеріне де сүйкімді актриса 90-жылдардағы тоқырау кезеңінде де сұранысқа ие болды, талай киноға түсті.


Бір киноға түскеннен соң жұлдыз ауруымен «ауырып қалатын» талай жастарды көріп жүрміз. Аяныштысы, олардың өзін нағыз жұлдыз санайтындығында. Гүлнар Абдоллақызының пікірінше, сапалы әрі кәсіби киноға түсу өте қиын. Ол кездесулерде жастарға қандай болса да жұмысқа үстірт қарамау мен іске адалдық туралы және жұлдыз ауруымен ауырған адам сырт көзге күлкінішті көрінетінін айтып келеді. 
Гүлнарды киноның өзі тапты. Небәрі 12 жасында пионер лагерінде жүрген жерінен режиссер А.Қарсақбаев іздеп тауып, сынап, «Бандыны қуған Хамит» фильміне Әйгерімнің ролін ойнауға алды. Көп ұзамай, 1982 жылы оны телевидение дикторлыққа шақырды. Осы кезден бастап ол көптеген түрлі жобаларға қатысты. Тумысынан қабілетті қыз арнайы оқу орнын бітірмей-ақ Ш.Айманов атындағы «Қазақфильм» киностудиясы актриса ретінде қызметке қабылдады. Мектепті альтын медальмен бітірген жас түлек 1989 жылы қазіргі әл-Фараби атындағы ҚазМУ-дің филология факультетін бітірді. Дегенмен туабітті дарынды қыз өзін кино әлемінен тапты да, бұл салаға біржола бетбұрды. 
Г.Досматова отызға жуық фильмдерге түсіп бір-біріне ұқсамайтын рольдерді шебер ойнады. 1984 жылы «Человический фактор» фильміндегі ролі үшін XVIII-бүкілодақтық кинофестивальде ең үздік әйел ролін сомдаушы ретінде таңдалды (Минск). Бұдан кейінгі кезеңде оны «Бегущая мишень» (1991), «Сон во сне» (1992), «Кардиограмма» (1995) және де жолдасы Хуат Ахметовтің режиссерлігімен түсірілген «Человек ветер» (2007) фильмдері табысқа жеткізді. Ол 2000 жылы үздік актриса номинациясына ие болды.
«Бұл күрделі мамандықта орнықты, табанды мінез қажет. Бұл өнер сәтсіздіктерге қарсы төтеп бере алатын рухты талап етеді. Өйткені, бүгін атақты, әйгілі боп, ал ертең бәрі сені ұмытып, шақырылмай, ескерілмей жатуың да мүмкін. Осынысымен ешкімді аямайтын өнер. Бұл жолмен жүре алмаған адамдар бар. Сондықтан да бүгініме бақыттымын» - деген ойын білдірді актриса. 
Тәжірибелі шебердің осы мамандыққа барғысы келетін жастарға айтпағы бар. Ол – «киносыз өмір сүре алмаймын» деген сезім болса ғана актер, актриса болуға беліңді бу, өйтпесең жастық шағыңды босқа өткізіп, өміріңді қор қыласың деген ақылы. Одан да басқа бір саланы таңдап, әп-әсем өмір сүруге болады. Кино, актерлық бұл ортанқолдардың айналысатын кәсібі емес деп қарайтын Гүлнар бдолллақызы киноға түскенде атақ, ақша, табысқа жетуді мақсат тұтқан емес. Ол бойыңда жарып тұрған талантың болса ғана киноға кел деген ұстанымда өмір сүріп келеді. Иә, актрисаның осы ұстанымы мына оқиғадан да айқын көрінді. Қызы Айша Оразбаева Италияда, сонан соң Лондонда жоғары білім алған скрипкашы. Ол халықаралық стипендиялар иегері әрі Еуропадағы көптеген оркестрлердің концертмейстері. Отанымызда сұлу қызды 15 жасынан бастап киноға түсіруге біраз ұсыныстар болды. Режиссер Д.Өмірбаев та «Шұғаға» түсірмек болды. Айша да бұған қызықты. Бірақ анасы үзілді-кесілді қарсы болды. Кім біледі, жасөспірімнің көзқарасы өзгеріп кетсе... Дарынды музыканттың алда оқуы бар, мақсаты бар, өз таңдаған жолы бар ғой деген оймен шыр-пыр болып, рұқсат бермеді. Гүлнар ортанқол актриса шыққанынан гөрі дарынды скрипкашы, композитордың жолын жөн көрді. 
«Бізді өлтірмегеннің бәрі бізді мықты қылады» деген сөз бар ғой, мен өнер жолында аса қиындықтарды кездестіргем жоқ. Бірақ барлық бұлтарыс пен сәтсіздіктерге ылғи іштей дайын болғандықтан олардан сабақ алып, қатая түсем», - дейді ол. 
Оны көп ойландыратыны – көп режиссердың өмірлік түйгені бар, айтары бар, жан дүниесі кемелденген орта жастағы әйел образын емес, жалынды жастардың өмірі мен сезімін түсіруге әуестігі. Бұны ойлай отырып кейде өзі режиссер боп кеткісі келеді. Гүлнардың арманы әлемдік классикадан әйел ролін сомдау. Күрделі де психологизмге құрылған жақсы драматургияны іздейді, әлі де күтеді. Қашан мені ойлағанымдай рольге шақырады деп күтіп отыра беруге тағы болмайды, сондықтан да ылғи ізденіс пен қозғалыс үстінде. Ән салу, би билеу, актрисалық, тележүргізушілік – мұның бәрі бір-біріне туыс өнер деп түсінетін актриса бойындағы жан-жақты қырын осы салаларда аша білді. 
Г.Досматова қырық жылға жуық уақыттан бері қазақ киносының дамуына бойындағы талантымен атсалысып келе жатқан актриса. Бүгінде мол тәжірибе жинаған шынайы шебердің әлі де өнер жолында көрсетері көп, берері мол

0
0
1719

Ақ халаттарыңды кір шалмасын...

Биыл 80 жасқа толып отырған белгілі қоғам және мемлекет қайраткері, «Парасат» орденінің иегері, дәрігер Каюпова Нина Әмірқызы өмірі өнегеге толы тұлға. Оның жан-жақты, қоғамдық, ғалымдық, басшылық, дәрігерлік жемісті еңбек жолы туралы ұлттық «Табыстың 100 қадамы» жобасы аясында жазылып отыр.
Отанына адал қызмет етіп, өзі сүйген дәрігер мамандығының шыңына шыққан ҚР еңбек сіңірген қайраткері Нина Әмірқызының өмірі қоғаммен біте қайнасты...


Қазақ медициналық институтын бітірісімен 1959 жылы Алматыдағы №1-перзентханада акушер-гинеколог болып қызметке тұрғаннан бастап, ол осы саланың барлық қырын меңгерді. 1965-1971 жылдары «Ана мен баланы қорғау» ғылыми-зерттеу орталығында, кейін Алматы медицина институтында, ал 1976-1981 Қазақстан Денсаулық сақтау министрлігінде қызмет етті. Соңғы жылдарда Н.Ә.Каюпова Республикалық ана мен баланың денсаулығын қорғау ғылыми-зерттеу орталығының директоры болды. 
Бұл жылдарда Н.Каюпова медицинадағы перинатальді мәселелерді зерттеу барысында аяғы ауыр аналардың арасындағы «аса қауіпті топты» анықтаудың әдістерін айқындады. Нәтижесінде ана мен бала өмірін сақтап қалу жолдары дер кезінде қолға алынды. Сонымен бірге ғалым гинекологиялық ауруларды әйелердің жас ерекшелігін ескере отырып емдеуді және эндоскопиялық операциялар жасауда аса қажетті заманауи техникаларды енгізді. 55 жылдық еңбек жолында кәсіби дәрігерге клиникаларға, шеберлік сағаттары мен кездесулерге, халықаралық конференциялар мен симпозиумдарға шақырулар толассыз түсіп жатты. Алыс және жақын шетелдік ғылыми орталықтармен тығыз байланыста болған, әйгілі дәрігерлермен тәжірибе алмасқан маманның біліктілігі бұрынғыдан да арта түсіп, дами берді. 
Саналы ғұмырын отандық медицинаның дамуына арнаған ғалым докторлық диссертациясын «Аса қатерлі топтағы екіқабат әйелдерде кезігетін акушерлік асқынуының алдын алу» тақырыбында қорғады. Жиырма ғылыми монографияның авторы өзінен кейінгі акушер-гинеколгогтардың мықты легін тәрбиеледі. Оның жетекшілігімен 25 ғылым докторы мен 40 ғылым кандидаты қорғап, елімізде және шет жерлерде осы саланың өркендеуіне атсалысуда. 
Нина Әмірқызының көпжылдық зерттеулері нәтижесінде медицина ғылымында экологиялық репродуктология жаңа бағыты қалыптасты. Ғылыми-зерттеу жұмыстары нашар экологиялық ортаның қыз балаларға, әйелдерге, жалпы болашақ ұрпаққа зияндылығын айқындап, аталмыш аймақтардағы аурудың ұрпақтан ұрпаққа жалғаспауын қарастыратын бағдарламалары жасалып, алдын-ала шаралар қолданылды. Осылайша 1997 жылы Каюпованың белсенділігінің арқасында ТМД елдерінде алғашқы боп Ұлттық генетикалық регистр жасалып, қолданысқа енді. Бұл туабітті кемістік пен тұқымқуалаушылық мәселелерін шешуде өте тиімді әдіс болды. Осы ғылыми жетістік негізінде жалпыхалықтық репродуктивтік денсаулық сақтаудық стратегиясы құрылды. 
- менің ізбасар шәкірттерім және мен өмірге аман келуіне себепші болған бірнеше мың сәбилер – менің қуатым, менің байлығым, - дейді Нина Әмірқызы. Ол 1995 жылдан Қазақстан Республикасы Президенті жанындағы Отбасы, әйел және демографиялық саясат мәселелері жөніндегі комиссия төрайымы. 1999 жылдан Қазақстан Республикасы Парламенті Сенатының депутаты. Бұл қызметінде Нина Каюпова елінің денсаулық сақтау саласында өлшеусіз еңбек етті. Ол үшін алған марапаттарын тізбектеудің өзі артық. 
Нина Әмірқызы Қазақстан келешегінің аса дамыған, мықты зияткерлік және ғылыми-техникалық пәрмені бар жарқын болатынына сенеді. 
Әріптестеріне «ақ халаттарыңды кір шалмасын» деген ұстаздық, аналық ақ тілектегі құрметті дәрігер, абзал ана, бақытты тұлғаның толағай табысты өмірі мен еңбек жолы бізге сөзсіз үлгі болмақ.

0
0
1135

Табысқа жетуіме әріптестерім себепші болды

Отандастарымыздың табысты еңбек жолы мен өнер, білім, спорт, медицина, ғылым саласындағы жетістіктері туралы ұлттық «Табыстың 100 қадамы» атты жобасы аясында жазылып, насихатталуда. Осындай мақсатпен бұл мақала Орталық Азия мәдениетаралық және шығармашылық оқыту бойынша ЮНЕСКО обсерваторияның жетекшісі, ҚР білім беру ісінің үздігі Ханзада Әзімханқызы Есенованың шығармашылығына арналып отыр.


«Үйретпегені болмаса, сурет салмайтын бала болмайды», - дейді Ә.Қастеев атындағы бейнелеу өнері және техникалық дизайн мектебінің директоры Ханзада Есенова. Бұл қосымша оқыту жүйесіне қарайтын мектепке балалар бес жасынан бастап келіп, бос уақытында сурет салуға, қолөнердің түрлеріне үйренеді. Мұндағы әр мұғалім үшін ең маңыздысы – оқушыны өзіне тарта біліп, қолөнер бұйымдарымен жұмыс жасауға қызығушылығын оята білу. Әрине, әр бала кәсіби суретші боп шықпаса да, олар қалам мен бояудың нәзік сырларын ұғып, суреттен кез-келген адам аңғара бермейтін, астарлы мазмұн мен ойды ұға алатын болады. Яғни, бұл ортаға келген баланың жан дүниесі суреткер боп қалыптасады. 
Осы мектептің 35 жыл тарихында түлектердің бірде бірі талаптанып барған арнайы көркемөнер орта және жоғары оқу орнына қабылданбай қалмапты. Бұны жетістік деп қалай айтпасқа! Бұл шаңырақта ерінбей еңбек еткен ұстаздардың нағыз табысы осы емес пе?! 
Иә, айтар ауызға оңай болғанмен, бұл ұжым республиканың оқу жүйесінің тарихында алғашқы боп игі бастамалармен айналысып, өте маңызды істер атқарды. 
Бәрі 28 жасар Ханзада Есенованың осы ұжымға директор боп тағайындалған 2002 жылдан басталды. Ол әл-Фараби атындағы Шымкент педагогикалық мәдениет институтын бітірісімен (1995) өзі сүйген мамандығы «бос уақытты ұйымдастыру педагогы» бойынша қаладағы Оқушылар Үйінде еңбек жолын бастады. Оқушылармен бірден тіл табысып кетті. Кейін еңбексүйгіш жас қыз өз қызметін Республикалық дарынды балалардың «Дарын» ғылыми-тәжірибелік орталығында жалғастырды. Бұл қызметтерінде тәжірибе жинақтаған жас Ханзаданың ендігі басшылық, ұстаздық және ғылыми-шығармашылық жолындағы үлкен серпін де осы Ә.Қастеев мектебімен тікелей байланысты болды. 
«Ұжымымның маған сенім артуы үлкен дем берді. Мен үшін бұл өте маңызды еді, табысқа жетуіме әріптестерім себепші болды», - дейді Ханзада Әзімханқызы. 
Тоқырау кезеңі уақытында аты аңызға айналған мектепте сонау 1981 жылдан бері оқу бағдарламасы жаңартылмаған еді. «Шалғай аймақтар мектептері Алматыға келгенде бізден бағдарламалар мен әдістемеліктер сұрап жатты. Жекелеген авторларға өз еңбегін бере салу тиімсіздігі тағы бар... Сонда ұжымымыздағы 5 педагог шығармашылыққа оқушылар көптеп келген сайын, табысты адамдар көп болатынын түсіндік те қиын да болса іске кірістік. Осы ұстаздарсыз мен ешкім де емеспін». Әрине, күш біріккенде ғана оң нәтиже шықпақ. 
Сөйтіп, ұжым 2003 жылы оқу бағдарламаларын жаңарту ісіне шұғыл кірісіп кетеді. Өзге елдердің оқу тәжірибелерімен таныса отырып, оқу бағдарламаларын Білім Министрлігі бекітеді деген заң шыққанға дейін пәндер бойынша оқу бағдарламалары түбегейлі ретке келтірілді. Есенованың басшылығындағы мектепке 2005 жылы республиканың 27 көркемсурет мектептерінің директорлары шақырылды. Бұл маңызды мәселеге бастамашы бола отырып, ұжым алғашқы оқу бағдарламасын жасап, шалғайдағы әріптестерге таратып, бір жыл апробациясын күтті. Осылайша келер жылы Павлодарда, үшінші рет Астанада бас қосып, жасалған оқу бағдарламалар бойынша ардагер ұстаздардың, тәжірибелі дарынды мұғалімдердің пікірлері ортаға салынып талқыланды. 
Осылайша, республикамыздың көркемсурет мектептеріне арналған ортақ оқу бағдарламалары жасалды. 
Бұл жылдардағы ізденістерінің, өмірлік мол тәжірибесінің негізінде Х.Есенова өзінің ғылыми кандидаттық диссертациясын 2015 жылы Мәскеуде (Институт Художественного образования) қорғап, еңбегі ғалымдар тарапынан жоғары бағаланды. Ұстаздықты ғылыммен ұштастыра білген Х.Есенованың ғылыми монографиясы жарық көріп, осы саладағы оқырманына жол тартты. Қоғамдық шараларға белсене атсалысуда Х.Есенова Алматы қалалық маслихатының V-VI шақырылымының депутаты қызметін де абыроймен атқарды. Бұл бағыттағы көптеген жұмыстары, атқарған еңбегі үшін үкімет тарапынан «Құрмет» орденінің иегері мәртебесі табыс етілді. 
Х.Есенованың руханиятымызға атсалысып келе жатқан тағы бір саласы оның ҚР Ұлттық комиссиясының жанындағы ЮНЕСКО мен ИСЕСКО жұмыстары бойынша материалдық емес мәдени мұраны қорғау Ұлттық комитетінің төрағасы ретіндегі еңбегі. Бұл жауапкершілігі үлкен қызметте ол ұлттық мәдениетімізде өзекті жобалармен жұмыстар жасап жүр. Осы қызметі аясында «Балалар әлемді бейнелейді. Қазақстан» деп аталатын жоба бойынша жыл сайын өтетін балалардың көркемдік шығармашылығын дәріптейтін фестиваль. Бұл 2000 жылды ЮНЕСКО-ның «Әлем мәдениеті жылы» деп жариялауынан бастау алды. Сол тұста әр ел 3-17 жасқа дейінгі балалар мен жасөспірімдер шығармашылығының альбомдарын шығарып жатты. «Ол кезде ешбір ел Қазақстанды жыл сайын дарынды балалардың сурет салу шығармашылығын насихаттайтын алаңға айналады деп ойлаған жоқ. Бізде балаларға арналған ән, би, театр конкурстары бар. Ал сурет салудан неге жасамасқа? Осы оймен біз де қадам жасадық», - дейді Ханзада ханым. Нәтижесінде, 16 жылда «Балалар әлемді бейнелейді» қоғамдық қоры да ашылып, алдына үлкен мақсат қойып отыр. Бұл қамқоршылық кеңес төрайымы, танымал қоғам қайраткері, ҚР Парламенті Сенатының депутаты Б.Әйтімова. 
Мемлекетіміздегі оқу жүйесіндегі жеткіншектердің көркем білім алуы олардың дүниетанымын кеңейтіп, креативті ойлауға үйретіп, интеллектуалды өсуіне әсер етеді. Ханзада Есенова тұла бойы тұнған жаңашыл идея, өмірін, кәсібін оқушылармен ажырамастай байланыстыра білген тұлға. Ол өз ісіне шын берілген, басшылықта да, шығармашылықта да, ғылымда да табысқа жете білген еңбек иесі.

0
0
1576

Өнерде нұрлы жолы бар Нұрғали аға

Әйгілі дирижер, дарынды композитор Нұрғиса Тілендиев өзінің «Саржайлау», «Жетісуым», «Балдызым», «Әкеме», «Қапшағай», «Келе жатыр құс қайтып» әндерін күміс көмей, жез таңдай әнші Нұрғали ағаның дауысына арнап жазған екен.


Ол он жасында халықтық «Қызыл бидай», «Қыздар-ай» әндерін орындап көзге түсті. Тумысынан қарапайым жан Жетісудың көркем табиғатынан ләззат алып, тау бөктеріндегі таза ауамен көкірегін кере тыныстап өсті. Он тоғыз жасында журналист А.Брагиннің кеңесімен ол консерваторияға оқуға барып, дауыс мүмкіндіктері бағаланып, халық әртісі Н.Н.Самышинаның класына оқуға қабылданады. Кең тынысты, естіген құлақта қалып қоятын әсем тембрлі дауысты ұстазы қиындығы мол өнерге жеті жыл тәрбиеледі. 
Бұдан кейін Н.Нүсіпжановтың кейін нұрлы да, табысты еңбек жолы басталды. Ол Абай атындағы Мемлекеттік Опера және балет театрында, кейін Қазақ телерадиосында ол он жылға жуық қызмет етті. 1976 жылдан бастап Құрманғазы атындағы академиялық халық аспаптары оркестріне жетекші әнші боп қызметке орыналасып, еліміздің шалғай аймақтарында, жақын, алыс шетелдерде өнер көрсетті. 
Репертуарына ән жинағанда ол ақындар мен композиторлардың атақ-мансабына қарап емес, сезімге толы сырлы әуенге, өлеңінің мағынасы мен үйлескен әнді таңдады. Тыңдарманына талай көркем туындыны жеткізіп жүрген әнші Шәмші мен Әсеттің, Әблахаттың әндері, Ғ.Жұбанова, Е.Рахмадиев, Н.Тілендиев, С.Мұқамеджанов, Б.Жұбаниязов, М.Маңғытаевтың ән-романстарын тамылжыта орындайды. Өзінің өнердегі ұстанымына сәйкес, атағы шықпаған болса да, танымал болмаса да шалғай аймақта туып, мәдениет орталықтарына жете алмай, өз тыңдарманына жол таба алмай жүрген, шығармаларын насихаттай алмай жүрген қабілетті композиторлардың жанды тербер әндерін шабытпен орындап келді. Қазақ әндерін әлемнің отыздан астам мемлекетінде насихаттады. 
Қазіргі қаптап кеткен әншісымақтардың талайына Нұрғали аға сыни пікірін айтты. Бағыт беріп, жөн көрсетті. Тәрбиенің ең жақсысы – үлгі болу дейміз. Оның сахнаға алып шығатын әрбір әні кейінгі ұрпаққа үлгі. Ол өз дауысымен, талғамымымен, өнерге адалдығымен, жүріс-тұрысымен, сахнада шынайы байқалып тұратын ішкі дүниесінің мәдениетімен халықтың ықыласына бөленген әнші. 
Әр концертінен соң тыңдарманға ой сала білсем, әсемдік пен парасаттылыққа құлшынысын оята білсем маған сол зор бақыт деп келеді. Иә, Нұрғали аға әнге деген жоғары талғамымен, байыпты мінезімен тыңдарманы мен жастарды сахнадан түспей тұрып-ақ тәрбиелеуде. «Қазақ елінің өнері мен руханияты алдымен қазақтарға, қазақ жастарына қажет. Оны ең бірінші Отанымызда өркендетуіміз керек», - дейді әнші аға. 
Амандық болса келер жылдың 5-қаңтарында халық артисі, Мемлкеттік сыйлықтың иегері, көркем шығармашылық иесі Нұрғали Нүсіпжанов 80 жасқа толмақ.

0
0
940