Мазмұнға өту

Жаңа

Үндінің үймелеуі...

Әлеуметтік мәселе!!!Жалпы Әлеуметтік мәселе  деген сөзге тоқтала кетсем, Әлеуметтік мәселе қоғамда жиі талқыға  түсетін немесе сынға ұшырайтын басты проблема. Қазіргі таңда менің көтеріп отырған басты проблемам ол Қазақстан телеарналарының барлық  арналарында үнді сериялардарының қаптап кетуі. Қаптағаны соншалық кез-келген  арнаға көз салсаң үнділерден көз ашылмайды.Бұл әрине көре келе өскелең ұрпақтың санасын  улайтыны анық.

Мысалға алатын болсақ 6 немесе 7 жыл қатарынан Қазақстан арнасынан үзбей көрсетіліп келе жатқан «Келін телехикаясы өз  мәресін әлі табар емес. Бастапқыда көрермен саны жоғары болғанымен қазіргі таңда күрт төмендеді, Бұған себеп бір ғана сөйлем « жалықтырып жіберді»,  Халқымыз бұлмен тоқтап қалған жоқ. Келін жалықтырса басқасы бар емес пе? Деген ойды ұстанып ,Бірінен кейін бірін көріп алтын уақыттарын босқа шашады.Қазір көргені былай тұрсын,Үнді елінің біздің елде дамығаны соншалық қай жерде жүрсенде, қай жерді көрсеңде қыздарымыз қолдарына хна бояуын жағуды, бастарына орамал тағуды, үнді билерін билеуді әдетке айналдырған.Кейде мені толғандыратын сұрақ неге киноиндустрия саласын дамытпасқа, неге талантты бой жеткендер мен  боз балаларды іріктеп тамаша ұзын метражды кино түсірмеске, деген ой мазалайды.

 
0
0
680

Жоғарғы Сотта заң жобалары бойынша жария тыңдау өтті

2016 жылғы 18 қарашада Жоғарғы Сотта «Қазақстан Республикасының кейбір конституциялық заңдарына өзгерістер енгізу туралы» Конституциялық заңның және «Қазақстан Республикасының Жоғары Сот Кеңесі туралы» Заңына өзгерістер енгізу туралы» заңның жобалары бойынша жария тыңдау өткізілді.

Іс-шараға Қазақстан Судьялар Одағының, Жоғары Сот Кеңесінің, Қазақстан Заңгерлер одағының мүшелері, мүдделі мемлекеттік органдар мен қоғам өкілдері, жергілікті соттардың судьялары қатысты.

Заң жобалары судьялардың кәсіби қызметін мерзімді бағалау қорытындысы бойынша қабылданатын шараларды жетілдіру мақсатында әзірленді.

Заң жобасы судьялар корпусының сапалық құрамын одан әрі арттыру, кәсіби біліктілігін бағалау және оны көтеруге ынталандыру тетіктерін жетілдіру, істерді қарау кезінде заңдылықты нығайту үшін судьялардың жауапкершіліктерін арттыруға бағытталған.

Заң жобалары мен нақты нормаларға қатысты тұжырымды ескертулер бойынша қызу пікірлер таласы орын алды. Әр түрлі пікірлер айтылды, бірақ жалпы алғанда, судьялардың кәсіби қызметін мерзімді бағалау қорытындысы бойынша қабылданатын шараларды жетілдіру шарасын қатысушылар мақұлдады.

http://sud.gov.kz/kaz/news/zhogargy-sotta-zan-zhobalary-boyynsha-zhariya-tyndau-otti

0
0
538

Астанада республика судьяларының VII съезі өтті

Бүгін Астанада ел Президенті Нұрсұлтан Әбішұлы Назарбаевтың қатысуымен республика судьяларының VII съезі өтті.

Съезд жұмысына судьялар корпусы, Парламент депутаттары, орталық мемлекеттік органдардың басшылары, сондай-ақ заңгерлер қауымдастығының, халықаралық ұйымдардың, БАҚ пен ҮЕҰ өкілдері қатысты. Барлығы 600-ден астам делегат пен форум қонақтары.

Ресей, Қытай, Қырғызстан, Корея, БАӘ, Венгрия, Сингапур, Беларусь Жоғарғы Соттарының төрағалары, сондай-ақ Халықаралық судьялар қауымдастығының, Қазақстандағы ЮНИСЕФ-тің, ГФР судьялары бірлестігі мен Әзербайжан судьялары қауымдастығының басшылары мен өкілдері съезд қатысушыларына арнап өз құттықтау лебіздерін жолдады.

Съезд жұмысының басталар алдында Мемлекет басшысына электронды сот төрелігінің жетістіктері, сондай-ақ Қазақстандағы сот билігінің қалыптасу тарихы туралы көрме таныстырылды.

Съездің ресми ашылуынан соң қатысушыларға 2013 жылғы қарашада судьялардың VI съезі өткен сәттен бастап қол жеткізілген сот жүйесінің жетістіктері туралы деректі фильм көрсетілді.

Бұдан әрі Мемлекет басшысы Нұрсұлтан Әбішұлы Назарбаев сөз сөйледі. Ол соңғы жылдары сот жүйесінің, соның ішінде «100 нақты қадам» Ұлт Жоспарын іске асыру тұрғысындағы даму қорытындыларын шығарды, сондай-ақ еліміздің сот-құқық жүйесінің одан әрі дамуының басымдықтарын айқындап берді.

Жоғарғы Сот Төрағасы Қайрат Мәми өз сөзінде съезд ел тәуелсіздігінің 25 жылдығын мерекелеу шеңберінде өтіп жатқандығын атап өтті. Осы жылдар ішінде Қазақстан демократиялық саяси-құқықтық жүйесі бар мемлекет ретінде қалыптасты, әлемдік аренада жоғары беделге ие болды. Мемлекет басшысының бейбіт және тұрақты дамуды қамтамасыз ету жөніндегі ғаламдық бастамалары мен нақты істері халықаралық қауымдастық тарапынан қолдау тапты. Ол мемлекеттік басқарудың негізгі органы ретіндегі сот жүйесін қалыптастыру мен реформалауға қосқан Тұңғыш Президенттің үлесін атап өтті.

«Соттар халықаралық стандарттарға сәйкес келетін жаңа тұрпаттағы сот құрылымы мен сот ісін жүргізуді қалыптастыру бойынша стратегиялық мақсатты басшылыққа алды. Бүгінде мұндай сот жүйесі қалыптасты және табысты дамуда», - деді Қ.Мәми.

Жоғарғы Сот Төрағасы тәуелсіздік жылдары ішіндегі сот жүйесін дамытудың бірқатар негізгі нәтижелерін атап өтті.

Соттардың тәуелсіздігі мен судьялардың мәртебесі айрықша бекітілді, сот құрылымы мен сот ісін жүргізуде түбегейлі өзгерістер орын алды. Төрелік соттарды тарату нәтижесінде құрылған шаруашылық істер жөніндегі алқаларды қосу жолымен Жоғарғы Сот пен облыстық соттар қайта құрылды. Кейінірек ТМД-ның басқа елдері Қазақстанның осы тәжірибесін басшылыққа алды.

Соттарды мамандандыру үрдісі іске асырылды. Республиканың барлық өңірлерінде мамандандырылған ауданаралық экономикалық соттар (2002 ж.), әкімшілік соттар (2004 ж.), қылмыстық істер жөніндегі соттар (2010 ж.), сондай-ақ кәмелетке толмағандар істері жөніндегі соттар (2012 ж.) құрылды.

2000 жылы Қазақстан ТМД елдерінің ішінде алғаш болып сот ісін жүргізуге ақпараттық технологияларды енгізуді бастады. Нәтижесінде, тәуелсіздік жылдары қоғамда заңдарымыз жұмыс істеп, әрбір адамның құқықтық негізде өз мүддесін қорғауға деген сенімі нығайды. Азаматтардың соттарға жүгіну көрсеткішінің жыл сайын артып отырғандығы осыған айқын дәлел. Егер 1992 жылы соттар 270 мыңға жуық істі қараса, 2015 жылы бұл көрсеткіш 4 есе артып, яғни 1,1 миллионнан асты.

Қылмыстық заңнаманы ізгілендіру нәтижесінде түрмедегілердің саны           3 есе қысқарды. Егер де 90 жылдардың басында Қазақстан түрмедегілердің саны бойынша әлемде үшінде орын алса, 2016 жылы 62 орынды иеленді.

Республика сот төрелігіне қолжетімділіктің сот шығындарына қатысты бөлігі бойынша әлемде алғашқы позициялардың бірін иеленіп отыр. 1996 жылы мемлекеттік баж салығының мөлшерлемесі талап арыз сомасының 10 пайызын құраса, бүгінде ол 1-3 пайызға дейін азайды.

Қ. Мәми «100 нақты қадам» Ұлт Жоспарын қабылдау сот жүйесін одан әрі реформалаудың жаңа маңызды кезеңі болғандығын айрықша атап өтті. Бұл шаралар ЭЫДҰ ұйымына мүше елдердің озық тәжірибесі мен саясатына негізделген. Оларды тәжірибеде іске асыру өзінің жағымды нәтижелерін беруде.

Сот сатыларын оңтайландыру нәтижесінде сот дауларын қараудың ең жоғарғы мерзімі (барлық сатыларға шағымдану бойынша) орташа есеппен 8 айға дейін қысқарды. Жеңілдетілген іс жүргізу тәртібі соттағы әуре-сарсаңды азайтуға мүмкіндік берді, осы әдіспен барлық азаматтық істердің жартысынан астамы қаралды, олардың 82% алғашқы сот отырысында-ақ шешімін тапты. Әрбір төртінші қылмыстық іс жеңілдетілген рәсіммен қаралды, яғни 10 тәулікке дейінгі мерзімде аяқталды.

Жоғарғы Сотта құрылған мамандандырылған алқа, сондай-ақ құрамына шетелдік сарапшылар кіретін Халықаралық Кеңес Қазақстанның инвестициялық тартымдылығын жақсарту жөніндегі мемлекеттік саясатты қолдаудың маңызды кезеңдеріне айналды.

Бүгінде республикадағы барлық сот отырысы залдары аудио-бейнетіркеу жүйесімен 100 пайызға жабдықталды, нәтижесінде судьялардың іс-әрекетіне қатысты шағымдар екі есеге қысқарды. Жалпы алғанда, жаңа технологияларды енгізу сот қорғауына қолжетімділікті жеңілдетті. Электронды сот төрелігінің көпшілікке танымал болуын жыл басынан бері «Сот кабинеті» сервисі арқылы соттарға 620 мыңнан астам электронды құжаттар (талап арыздардың 73,5% электронды түрде берілген) келіп түсуі фактісі растайды. Бұл көрсеткіш Қазақстанды әлемдегі сот жүйесі озық елдердің қатарына қосты. Бүкіләлемдік Банктің елдегі бизнес жүргізу рейтингісінде (Doing Business) Қазақстан сот дауларын шешуді бағалау индикаторы бойынша әлемнің 190 елінің арасында 9 орын иеленді.

Сот корпусының кәсібилігін арттыру үшін жаңадан тағайындалған судьялар үшін сынақ мерзімі, кадрларды іріктеудің карьерлік моделі, психологиялық тестілеу, полиграф аппаратында зерттеу енгізілді, судьялыққа кандидаттар үшін жұмыс өтіліне қойылатын талаптар қатаңдатылды. Жоғарғы Соттың жанынан Сот төрелігі академиясы жұмыс істеуде. Кадрларды іріктеудің барлық кезеңдері БАҚ-та жариялануда, бұл процеске Қоғамдық кеңестер тартылды.

Қ.Мәми Судьялық әдеп кодексі жаңа редакциясы жобасының судьялардың кәсіби қызметі мен тұрмыстағы жүріс-тұрысы үшін моральдық жауапкершілігін арттырудағы маңызы зор екендігін атап өтті. Жоба судьялар мен жұртшылық арасында кеңінен талқыланды, Еуропалық одақтың Венециялық комиссиясының арнайы отырысында таныстырылды.

Форумның екінші бөлігінде Шығыс Қазақстан облыстық сотының төрағасы Досжан Әміров – Ұлт Жоспарының заң үстемдігін қамтамасыз ету бойынша қадамдарын орындау туралы, Астана қаласы кәмелетке толмағандар істері жөніндегі ауданаралық сотының төрағасы Нәзиля Раззақ – ювеналдық соттардың қызметі туралы, Қостанай аудандық сотының судьясы Наталья Дунаева – сот жүйесінің ақпараттық ашықтығы туралы, Жоғарғы Соттың отставкадағы судьясы Амангелді Рысқалиев – судьяларға қойылатын әдеп талаптары туралы, халықаралық сарапшы Хвачжун Ли – Қазақстан Жоғарғы Сотының жанындағы Халықаралық кеңестің қызметі туралы сөз сөйледі.

Бұдан әрі Судьялар одағының төрағасы Мұсабек Әлімбеков өзі басқаратын қоғамдық бірлестіктің жұмыс туралы баяндама жасады. Республиканың судьялар корпусының өкілдері Судьялық әдеп кодексінің жаңа жобасын талқылап, оны бірауыздан қабылдады.

Форум делегаттары Судьялар одағының Жарғысына енгізілетін өзгерістер мен толықтыруларды қабылдады, оның Ревизиялық комиссиясының есебін талқылады.

Еске сала кетейік, тәуелсіздік жылдары алты съезд (біріншісі 1996 жылы) өтті. Съездер сот жүйесінің дамуы үшін айрықша стратегиялық мәнге ие. Олардың әрбірінде соттар дамуының қорытындылары шығарылып, келешекке бағытталған өзекті мәселелер бойынша шешімдер қабылданады.

http://sud.gov.kz/kaz/news/astanada-respublika-sudyalarynyn-vii-sezi-otti

0
0
835

Біткенде жалған өмір...

Досым ау сен де өлерсің, мен де өлермін

Сен өлсең жоғың жоқтап мен келермін

Сен ауырды дегенде, жан ауырды

Алыстан сонау кеткен мен келермін.

 

Алыстан сонау кеткен мен келермін

Пұшпағын ауырыңның көтерермін

Мен біттім, қош бол досым, дегеніңде

Жер түбінен болса да жетер едім.

 

Жер түбінен болса да жетер едім

Ой-қиял, мені қайда жетеледің

Досы үшін, жанын берер аңқылдағым

Жасырып көзден жасты, жөтелермін.

 

Жасырып көзден жасты жөтелерміз

Қалғандар, қол ұстасып жетелерміз

Тірліктің бір бітпейтін тауқіметі

Қош бол деп, жөнімізбен, жөнелерміз.

 

Қош бол деп, кете барар, жөніміз бар

Ажал деген ақиқат жөнге салар

Ажалдан қашып кетер шама болмай

Бас иеміз, жол бітсе, ұзақ сонар.

 

Жолы бітер әркімнің ұзын сонар

Біреуге ұзақ біреуге шолақ болар

Бұл жалған, өмір қызық өтер кетер

Біткенде жалған деген, өмір сапар.

 

Біткенде жалған өмір мынау сапар

Өткен шақ, өттің ғой деп, ойға салар.

Қалғандар қош айтысып, сау бол десіп

Жетегінде әр ойдың кете барар.

 

Жетегінде өмірдің көшпен бірге

Гүл шоғын қоямыз да өшкендерге

Шырағымыз өшпесе, тәубе дейміз

Бас иіп, аяқ басқан, қара жерге.

 

Қара жер құдретіне бас иерміз

Бітпесе Алла берген несиеміз

Күнделікті тірліктен бас көтермей

Жоғалғанын асылдың кеш білерміз.

 

Жоғалғанын асылдың кеш білерміз...

21.11.2016

       
0
0
1621

Жол қозғалысы қауіпсіздігінің мәселелері бойынша дөңгелек үстел отырысы туралы баспасөз ақпараты

Бүгін Тұңғыш Президент кітапханасында «Қазақстандағы жол қозғалысы қауіпсіздігінің өзекті мәселелері» тақырыбында дөңгелек үстел отырысы өтті. Іс-шараны Бас прокуратура жанындағы Құқық қорғау органдарының академиясы Қазақстандағы Дүниежүзілік денсаулық сақтау ұйымының қолдауымен ұйымдастырды.

http://prokuror.gov.kz/kaz/baspasoz/akparaty/zhol-kozgalysy-kauipsizdiginin-mseleleri-boyynsha-dongelek-ustel-otyrysy-turaly

0
0
446

«Талғар» ортағасырлық қалашығы ЮНЕСКО-ның бүкіләлемдік мұралар тізімінен алынбайды

Қазақстан Республикасы Премьер-Министрінің орынбасары Иманғали Тасмағамбетов Париж қаласында ЮНЕСКО-ның Бас директоры Ирина Боковамен кездесті.

Сапар барысында тараптар Қазақстан мен ЮНЕСКО арасындағы ынтымақтастықтың басым бағыттарын талқылады, деп хабарлады ҚР Премьер-Министрі орынбасарының хатшылығы.

Кездесу барысында вице-премьер ЮНЕСКО мандаты және жалпы БҰҰ аясындағы еліміздің бастамаларына көрсеткен тұрақты қолдауы үшін ризашылығын білдірді.

Атап айтқанда, ЮНЕСКО Бас конференциясының 38-ші сессиясы барысында ҚР Президенті Нұрсұлтан Назарбаев ЮНЕСКО-ның Штаб-пәтерінде болды. Онда Мемлекет басшысы Алматы қаласында ЮНЕСКО-ның басшылығымен 2-ші санатты Халықаралық мәдениеттерді жақындастыру  орталығын құру бастамасын ұсынған еді.

Иманғали Тасмағамбетовтің айтуынша, ҚР Президентінің сапарынан кейін осы бастаманы жүзеге асыру үшін тараптар айтарлықтай жұмыстар жүргізді. Бұл орталық мәдениеттер жақындасуының халықаралық онжылдығы аясындағы жобаларды іске асыруға және жалпы әлеуметтік ғылымдардың дамуына қолдау көрсетеді.

«2016 жылғы қазан айында ЮНЕСКО-ның Штаб-пәтерінде Алматының 1000 жылдығын мерекелеуге арналған іс-шараларды өткізуде барынша қолдау көрсеткеніңіз үшін алғыс білдіремін. Қазақстан үкіметі ЮНЕСКО-мен ынтымақтастық деңгейін жоғары бағалайды және ұйымның құзырына кіретін барлық салада бірлескен жобалар мен іс-шараларды жүргізуге қолдау көрсетеді», - деді кездесу барысында Иманғали Тасмағамбетов.

Еске сала кетейік, ағымдағы жылдан бастап Қазақстан «Батыс Тянь-Шань» трансұлттық номинациясы бойынша ЮНЕСКО-ның мұралар тізіміне енді. Бұл тұрақты даму және биологиялық әралуандылықты сақтау саласында халықаралық ынтымақтастықты белсенді жүргізуге қосымша серпін берді. Алайда, осы бағыттағы жетістіктерге қарамастан, ынтымақтастық аясында Талғар қалашығы маңында жол құрылысын салуға байланысты проблемалық сұрақтар туындады.

«Қазақстанның тарихи нысанды ЮНЕСКО-ның бүкіләлемдік мұралар тізімінде сақтау және осы ұйымның талаптарына сәйкес жұмыс жүргізу мақсатында осыдан бірнеше апта бұрын ел үкіметі «Талғар» қалашығы аумағында барлық құрылыс жұмыстарын тоқтатуға тапсырма берді», - деп атап өтті Иманғали Тасмағамбетов.

Кездесу аясында Жібек жолының алғашқы Чанъань-Тяньшань дәлізіндегі 8 қазақстандық ескерткішті ЮНЕСКО-ның бүкіләлемдік мұралар тізімінде сақтау жөнінде келісімге қол жетті. Сондай-ақ, Қазақстан вице-премьеріне аталған нысанды бүкіләлемдік мұралар тізіміне қосу туралы сертификат тапсырылды.

Ақпарат көзі: strategy2050.kz

0
0
489

Н.Назарбаев: Кез келген сот реформасының мақсаты – тәуелсіз, тұрақты сот билігі

Заң бұзылған жағдайда адам сотқа барып, өз құқықтары мен бостандықтарын қорғай алуы тиіс. Кез келген сот реформасының түпкі мақсаты – тәуелсіз, тұрақты сот билігі, деді ҚР Президенті Нұрсұлтан Назарбаев республика судьяларының VII съезі барысында.

«Заң бұзылған жағдайда адам сотқа барып, өз құқықтары мен бостандықтарын қорғай алуы тиіс. Кез келген сот реформасының түпкі мақсаты – тәуелсіз, тұрақты сот билігі. Демек, кез келген сот реформасының түпкі мақсаты – тәуелсіз, тұрақты сот билігі», - деп атап өтті Мемлекет басшысы.

«Ұлт жоспарында: бірінші – заманауи мемлекет және қызмет, екінші – заңның үстемдігі; үшінші – мемлекетіміздің біртұтастығы мен тұрақтылығы, төртінші – халыққа есеп беретін ашық үкімет қамтылғанын білесіздер. Халыққа қызмет ететін мемлекеттік қызметке тұрақты әрі әділ адамдар таңдалған», - деп қосты Н. Назарбаев.

Еске сала кетейік, Астанада Мемлекет басшысы Нұрсұлтан Назарбаевтың қатысуымен республика судьяларының VII съезі өтуде. Съезд жұмысына судьялар корпусы, Парламент депутаттары, орталық мемлекеттік және құқық қорғау органдарының өкілдері, сондай-ақ  халықаралық ұйымдардың, БАҚ және ҮЕҰ өкілдері қатысуда.

Съезд жұмысы басталар алдында Мемлекет басшысына электрондық әділет жетістіктері, сондай-ақ Қазақстандағы сот билігінің қалыптасу тарихы туралы көрме таныстырылды. Ресми ашылуынан кейін қатысушыларға сот жүйесінің жетістіктері туралы деректі фильм көрсетілді.

«Тәуелсіздіктің 25 жылы ішінде Қазақстан халқының игілігіне едәуір жұмыс жүргізілді. Бүгін Қазақстан – әлемдік қоғам мойындаған, қалыптасқан және бәсекеге қабілетті мемлекет. Біздің жетістіктеріміздің бірі күшті сот билігі болып табылады. Реформаларымыздың алғашқы күндерінен бастап экономикада ілгерілеу бар екенін айтқан болатынмын, барлық жағдайлар жасалған, біз әлеуметтік саладағы халықтың әл-ауқатын жақсарттық, алайда, сот жүйесі жетілдірілмейінше,  біз реформалардың нәтижелеріне қанағаттана алмаймыз, сондықтан мемлекет, соның ішінде мен де сот жүйесіне көп көңіл бөлеміз», - деді ҚР Президенті.

Мемлекет басшысы атап өткендей, жүріп өткен жол жеңіл болған жоқ, ширек ғасыр бұрын Қазақстанда іс жүзінде құқықтық және әділ сот жүйесі болмаған еді.

Ақпарат көзі: strategy2050.kz

0
0
725

Қазақстанның сот билігі үздік әлемдік стандарттарды қабылдады – Назарбаев

Қазақстанда тәуелсіздіктің 25 жылы ішінде күшті сот билігі қалыптасты, ол үздік шетелдік тәжірибе мен әлемдік стандарттарды қабылдап, жүргізіліп жатқан реформалар барысында сапалы жаңа көрініске ие болды, деді Қазақстан Республикасының Президенті Нұрсұлтан Назарбаев республика судьяларының VII съезі барысында.

«Тәуелсіздіктің 25 жылы ішінде Қазақстан халқының игілігіне едәуір жұмыс жүргізілді. Бүгін Қазақстан – әлемдік қоғам мойындаған, қалыптасқан және бәсекеге қабілетті мемлекет. Біздің жетістіктеріміздің бірі күшті сот билігі болып табылады. Реформаларымыздың алғашқы күндерінен бастап экономикада ілгерілеу бар екенін айтқан болатынмын, барлық жағдайлар жасалған, біз әлеуметтік саладағы халықтың әл-ауқатын жақсарттық, алайда, сот жүйесі жетілдірілмейінше,  біз реформалардың нәтижелеріне қанағаттана алмаймыз, сондықтан мемлекет, соның ішінде мен де сот жүйесіне көп көңіл бөлеміз», - деді Қазақстан Республикасы Президенті.

Мемлекет басшысы атап өткендей, жүріп өткен жол жеңіл болған жоқ, ширек ғасыр бұрын Қазақстанда іс жүзінде құқықтық және әділ сот жүйесі болмаған еді.

Сонымен қатар, Президент бүгінгі таңда судьялардың қоғамдағы және мемлекеттегі беделі мен ықпалының едәуір өсіп келе жатқанын атап өтті.

«Қазақстанда тәуелсіздіктің 25 жылы ішінде күшті сот билігі қалыптасты, ол үздік шетелдік тәжірибе мен әлемдік стандарттарды қабылдап, жүргізіліп жатқан реформалар барысында сапалы жаңа көрініске ие болды. Өткен кезеңде сот және құқық қорғау жүйесін жетілдіру мақсатында, сот жұмысының негізі, жаңа құқықтық база қалыптастырылды, жаңа ұйымдастырушылық шаралар өткізілді», - деді Мемлекет басшысы.

Атап өтейік, Астанада Мемлекет басшысы Нұрсұлтан Назарбаевтың қатысуымен республика судьяларының VII съезі өтуде. Съезд жұмысына судьялар корпусы, Парламент депутаттары, орталық мемлекеттік және құқық қорғау органдарының өкілдері, сондай-ақ  халықаралық ұйымдардың, БАҚ және ҮЕҰ өкілдері қатысуда.

Ақпарат көзі: strategy2050.kz

0
0
491

Н.Назарбаев: Қалған реформалардың сәттілігі заң үстемдігіне байланысты

Заң үстемдігі «100 нақты қадам» ұлт жоспарының негізгі бағыты болып табылады, қалған 4 реформаның сәттілігі осыған байланысты. Ұлт жоспарының толық іске асырылуы Қазақстан азаматтарының соттар мен құқық қорғау органдарының қызметін бағалауының түбегейлі жақсаруына әкелуі тиіс, қоғам қазақстандық заң бұлжытпай орындалатынын, ал соттар заңдылық пен әділдікті қорғайтынын білуі тиіс, деді Қазақстан Республикасының Президенті Нұрсұлтан Назарбаев республика судьяларының VII съезі барысында.

«Біз қалған төрт реформаның сәттілігі оған тәуелді болатын заң үстемдігі сияқты негізгі бағыт бойынша Ұлт жоспарының іске асырылуын жіберіп алмауымыз қажет», - деп мәлімдеді Президент.

Мемлекет басшысы атап өткендей, соттар мен құқық қорғау органдары алдында қойылған міндеттерден, 100 қадамның ішінен 19-ы соттарға қатысты, бүгінгі күні оның 13 қадамы ғана орындалған, қалғаны соңына дейін орындалмаған.

Президенттің айтуы бойынша, Ұлт жоспарының толық іске асырылуы ел азаматтарының соттар мен құқық қорғау органдарының қызметін бағалауын түбегейлі жақсартуға әкелуі тиіс, осы баға қоғамның судьялардың жұмысына және жауапкершілік шараларына сенімі дәрежесін анықтайтын болады. «Ұлттық сот жүйесінің көзделген міндеттерін шешуге ерекше рөл бөлінеді. Қоғам қазақстандық заң бұлжытпай орындалатынын, ал соттар заңдылық пен әділдікті қорғайтынын білуі тиіс», - деп түйіндеді Мемлекет басшысы.

Еске сала кетейік, Астанада Мемлекет басшысы Нұрсұлтан Назарбаевтың қатысуымен республика судьяларының VII съезі өтуде. Съезд жұмысына судьялар корпусы, Парламент депутаттары, орталық мемлекеттік және құқық қорғау органдарының өкілдері, сондай-ақ халықаралық ұйымдардың, БАҚ және ҮЕҰ өкілдері қатысуда. Оған 600-ден астам делегат пен форум қонақтары қатысуда. Еске сала кетейік, тәуелсіздік жылдары ішінде алты съезд өткен. Съездердің сот жүйесін дамыту үшін ерекше стратегиялық маңызы бар. Олардың әрқайсысында өзекті міндеттер бойынша шешімдер қабылданады.

Ақпарат көзі: strategy2050.kz

0
0
626