Мазмұнға өту

Жаңа

Мемлекеттік тіл күні

Шымкентте, «Ұлы дала елі – тәуелсіздіктің  25 негізі»  науқанының төртінші күні шеңберінде, мемлекеттік тілге арналған іс-шаралар өтуде. Барлық мектептер мен оқу мекемелерінде  «Халықаралық қатынастағы тілдің рөлі» тақырыбына ашық сабақтар өткізілуде,  «Мемлекеттік тіл – бірлік негізі» семинарлары ұйымдастырылды. Шымкент қ. әкімдігінде қоғамдық ұйымдар, саяси партиялардың өкілдері, жастар қозғалыстарының жетекшілері қатысуымен  дөңгелек үстел өткізілді, онда мемлекеттік тілдің келешегі мен мүмкіндіктері талқыланды. Бүгін басқа ұлт өкілдері арасында қазақ тілін білудің жалпықалалық байқауының жеңімпаздары таңдалатын болады.

Шымкент қ. ішкі саясат бөлімінің ақпараты бойынша

 
0
0
368

Туризмді дамыту жолы талқыланды

Туризмді дамыту жолы талқыланды

Бүгін облыс әкімдігінде Оңтүстік Қазақстан облысының әкімі Жансейіт Түймебаев пен Түркияның мәдениет және туризм министрлігінің тренер шеберлері - Джеззим Оздемир және Мурат Озен, сондай-ақ, Түркиядағы турагенттіктер қауымдастығының уәкілетті өкілі Чери Эрдалдың кездесуі өтті. Оңтүстіктегі туризм саласының мамандарын оқытуға келген делегация мүшелерімен болған отырыста тараптар аймақтағы аталмыш саланы дамыту жайын талқылады.

Басқосуда өңір басшысы облыстың туристік әлеуетінің жоғары екенін айтып, түркиялық туризм саласы білгірлерінің бұл салада мол тәжірибесі барын жеткізді.

«Біз туысқан түрік ағайындармен тәжірибе алмасуға ниеттіміз. Өйткені, Түркияда соңғы уақытта туризм саласы жақсы дамып келеді. Мысал келтірсек, кейінгі жылдары Түркияға 40 млн. турист келген. Анталия мен Аланияның өзінде инфрақұрылымы жолға қойылған және қызмет көрсету деңгейі жоғары 1500-ден астам үш жұлдызды, төрт жұлдызды және бес жұлдызды қонақ үйлер бар. Сондықтан, бізге олардың тәжірибесін пайдалану керек», - деді әкім.

Оңтүстік Қазақстан облысындағы туристік фирмалардың қызмет көрсету деңгейін жақсарту үшін апталық оқу курсын өткізуге келген түрік делегациясы туристік операторлардың біліктілігін жетілдіру, мейрамхана бизнесіне баулу және қонақ үй менеджментіне үйрету тақырыптарынан тұратын үш кезеңді шеберлік дәрістерін өткізбек. Оған 70-тен астам туризм саласындағы мамандар қатысады.

Айта кету керек, аталған оқу курсы «Оңтүстік Қазақстан облысының туризм индустриясын дамыту қауымдастығы» мен Түркияның турагенттіктер қауымдастығы және туристік ақпараттық орталығының келісімі нәтижесінде жүзеге асырылып отыр.

Апталық оқыту жұмыстарынан соң, курсты сәтті аяқтаған қатысушыларға арнайы сертификаттар табыс етілмек.

ОҚО әкімінің баспасөз қызметі

 
0
0
318

«Қазақстан Халық Банкінің» Шымкентте жаңа ғимараты ашылды

Бүгін Оңтүстік Қазақстан облысының әкімі Жансейіт Түймебаев «Қазақстан Халық Банкі» АҚ директорлар кеңесінің төрағасы Александр Павлов пен басқарма төрағасы Үміт Шаяхметовамен кездесті.

Тараптар, өзара әңгімеде Оңтүстіктің әрбір үшінші тұрғыны аталған банктің клиенті екенін алға тартып, оның елдің экономикасы мен халықтың әл-ауқатын көтерудегі үлесіне тоқталды.

«Қазақстан Халық Банкінің» елге қызмет көрсету жөнінен көшбасшы банктердің бірі екеніне тоқталған өңір басшысы бүгінгі ашылатын жаңа ғимараттың заман талабына сай қызмет ететініне сенім білдірді. Өз кезегінде, мәртебелі меймандар да аймақ басшысына алғысын білдіріп, екіжақты бірлесе жұмыс істеуге дайын екенін жеткізді.

Мұнан соң, олар Шымкент қаласындағы «Қазақстан Халық Банкі» АҚ-ның жаңадан ашылған Оңтүстік Қазақстан облыстық филиалының жаңа ғимаратын пайдалануға беру шарасына қатысты.

«Қазақстан Халық Банкінің» бүгінгі ашылған жаңа ғимараты ел Тәуелсіздігінің 25 жылдық мерейтойына жасалған әдемі сый деп есептеймін. Бүгінде халқымызға 40-тан астам филиалдары арқылы қызмет етіп жатқан банк ұжымы әрбір тұтынушыға лайықты қызмет көрсетеді деп ойлаймын. Қаржылық институттардың ішінде абыройлы көш бастап тұрған «Халық Банкіндегі» қызмет көрсету түрлерінің көбейіп, сапасы артарына кәміл сенімдімін», - деді құттықтау сөзінде Ж.Түймебаев.

Қазіргі таңда Банктің Оңтүстік Қазақстан облыстық филиалдарында 700-ге жуық мамандар еңбектенуде. Қызметкерлердің еңбек жағдайларын барынша жақсарту үшін және аймақтағы бизнестің даму сұраныстарына сай келуі үшін банктің топ-менеджменті филиалдың жаңа офиске көшуі туралы шешім қабылдады. Соңғы 12 жылда 8 аймақтық филиалдарында, атап айтқанда, Ақтөбе, Қарағанды, Астана, Қостанай, Семей, Павлодар, Өскемен және Шымкент қалаларында жаңа ғимараттардың құрылысы жүргізілді.

Халық банкінің филиалы Оңтүстік Қазақстан облысында бизнестің көп бағыттары бойынша көшбасшылардың қатарында. Филиалдың депозит портфелі 23,8 млрд. теңгеге жуық, аймақ бойынша комбанктер арасында депозиттік портфель бөлігі - 8,5%. Аймақтық бөлімшелердің ссудалық портфелі- 45,6 млрд теңге, филиал несие портфелі бөлігі бойынша көшбасшы қатарларында - 23,13%. Қазақстан Халық Банкі Оңтүстік Қазақстан облысы бойынша 2300 компанияға жуық жалақы жобалары бойынша қызмет көрсетеді. Төлем карталарының айналыс саны - 444 136. Халық банкі 40 өкілдіктерден тұратын кең ауқымды желісі Оңтүстік Қазақстан облысының шалғай аудандарындағы клиенттерге банктік қызметтердің қөлжетімді болуын қамтамасыз етеді. Сонымен қатар, банк дистанциондық сату каналдарын қарқынды дамытуда - облыста 176 банкомат, 32 банктік киосктер және 42 төлем терминалдары орнатылған. Халық банкі аймақтағы қазақстандық азық-түлік, құрылыс материалдар өндірушілердің, тоқыма өнеркәсіптерін қарқынды несиелендіруде. Филиалдың ШОБ бөлімінің жалпы портфель көлемі- 15 млрд. теңге, соның ішінде 5 млрд. теңге ШОБ қолдау үшін мемлекеттік бағдарламар бойынша.

2016 жылдың 9 айының қорытындысы бойынша «Қазақстан Халық Банкі» қазақстандық коммерциялық банктер арасында кірісі мол банк болып табылды. Банктің Қаржылық институты Fitch Ratings-дан BB; Standard&Poor`s-дан BB және Moody's Investors Service-тен Ва2 халықаралық рейтингтік агенттіктерден берілген, қазақстандық Екінші деңгейлі банктер арасындағы рейтингі ең жоғарылардың бірі болып табылады.

2016 жылдың шілде айында «Euromoney» халықаралық басылымында Халық банкі үздік қаржылық институты деп танылды. Ал осы жылдың қыркүйек айында «Қазақстан Халық Банкі» АҚ қайырымдылардың рейтингіне еніп, қазақстандық коммерциялық банктерінің арасында 1-ші орынды иеленді. Сонымен қатар, Vlast интернет-журналының нұсқасы бойынша «Елдің 25 ірі қайырымдылық жасаушылары» рейтингіне кірді.

ОҚО әкімінің баспасөз қызметі

 
0
0
324

ОҚО-да ҰБТ-ның жаңа форматы таныстырылды

Білім және ғылым министрлігі ұлттық бірыңғай тестілеуді екіге бөлді. Енді, мектепті бітіру емтиxаны оқушының орта білімді тәмамдағанын дәлелдесе, ұлттық бірыңғай тестілеудің қорытындысымен мектеп түлектеріне мемлекеттік гранттар тағайындалады.

Бұл туралы бүгін ОҚО Аймақтық коммуникация қызметінде өткен брифингте Оңтүстік Қазақстан облысы білім басқармасы басшысының орынбасары Раушан Ергашева айтты.

Оның  айтуынша, жаңа форматқа сәйкес «Алтын белгі» тағайындауды мектептердің өздері жүргізеді. Ұлттық бірыңғай тестілеу кезінде аталған атақты растау қажет емес. Тестілеу тек грант иегерлерін ғана анықтап, жоғары оқу орнына түсу мүмкіндігін береді.

«Алтын Белгі» иегерлері, жалпы білім беретін пәндер бойынша халықаралық, республикалық олимпиадалардың, ғылыми жобалардың жеңімпаздары мен жүлдегерлері ҰБТ-ны жалпы негізде тапсырады. Балл саны бірдей болған жағдайда білім беру гранттарын алу басымдығы оларға беріледі. Мәселен, бітіруші және «Алтын Белгі» иегері де 122 балл алса, грант «Алтын Белгі» иегеріне беріледі. Егер бітіруші көбірек балл жинаған жағдайда, «Алтын Белгі» иегеріне басымдық берілмейді.

Жалпы білім беретін пәндер бойынша 5 халықаралық олимпиаданың жеңімпаздары мен жүлдегерлеріне арнайы гранттар бөлінеді.

«2017 жылы түлектер үшін қорытынды аттестациялау өздері оқыған мектепте өткізіледі, яғни келесі жылдың 1-10 маусым аралығында өткізу жоспарланып отыр. Ал ұлттық бірыңғай тестілеу, яғни жоғары оқу орнына түсу емтиxаны 20-шы маусым мен 1-ші шілде аралығында республика бойынша 165 тестілеу бекеттерінде өткізіледі. 2017 жылғы тамыз айында және 2018 жылдың қаңтар айында ҰБТ ақылы негізде қайта тапсыру мүмкіндігі беріледі. Шекті балл – 50.», – деп атап көрсетті Р.Ергашева.

Мектеп бітіруші түлектердің жоғары оқу орнына қабылдану үшін тапсыратын ҰБТ форматы үш міндетті пәннен тұрады. Олар – математикалық сауаттылық, оқу сауаттылығы және Қазақстан тарихы. Олардың әрқайсысына 20 сұрақтан, ал екі таңдау пәніне 30 сұрақтан беріледі. Жалпы тестілеу уақытына 210 минут бөлінеді. Сұрақтар санының артқанына қарамастан,  ең төмен балл деңгейі 50 балл күйінде өзгеріссіз қалатыны айтылды.

Міндетті пәндер қатарына білім алған тілі – қазақ немесе орыс тілі және әдебиет – эссе түрінде, Қазақстан тарихы – ауызша емтихан, математика – бақылау жұмысы, меңгерген тілі бойынша тестілеу (қазақ тілі – орыс тілді мектептер үшін, орыс тілі қазақ, өзбек, ұйғыр, тәжік тілді мектептер үшін). Ал таңдау пәндері бойынша – физика, химия, биология, география, геометрия, дүниежүзі тарихы, әдебиет немесе шет тілінен тест тапсырады.

                                                                                                                                                                             ОҚО әкімінің баспасөз қызметі
 
0
0
312

Тәуелсіздік жылдарындағы кәсіподақ қызметкерлерінің таусылмас еңбегі

Қазақстан Республикасының Тәуелсіздік күні – біздің еліміздің басты мерекесі. Тәуелсіздіктің 25-жылдығына орай республика көлемінде түрлі шаралар өткізілуде.

2016 жылдың 24 қарашада аталған шара шеңберінде, облыстық мемлекеттік мекемелері кәсіподағы «Тәуелсіздікке 25 жыл және кәсіподақ» тақырыбында салтанатты шара ұйымдастырды.

Шараға Батыс Қазақстан облысы әкімінің бірінші орынбасары А.Өтеғұлов, ҚР Мемлекеттік қызмет істері және сыбайлас жемқорлыққа қарсы іс-қимыл Агенттігінің облыстық Департаментінің басшысы, Әдеп жөніндегі кеңес төрағасы Б.Исақов, өзге де мемлекеттік органдардың басшылары, қалалық және аудандық кәсіподақ және БАҚ өкілдері қатысты.

Салтанатты шараны облыстық мемлекеттік, банк мекемелері және қоғамдық қызмет көрсету қызметкерлері кәсіподағының төрағасы Т.Мерғалиев ашты. Өз баяндамасында ол қызметкерлердің құқықтарын қорғайтын кәсіподақтардың рөлі және кәсіподақтар қызметкерлерімен атқарылып жатырған жұмыстар жөнінде баяндады.

Құттықтау лебізімен Департамент басшысы Болат Исақов сөз сөйледі. Тәуелсіздіктің 25 жылдығымен құттықтай отырып, ол кәсіподақ қызметкерлерінің жанкешті еңбектеріне алғысын білдірді. Ол өз сөзінде: «Мемлекет басшысы Н.Ә.Назарбаев үнемі адам еңбегі құқығының қорғаны бола білді. Ең тұрақты валюта – ол адам еңбегі екендігін талай рет айтқан да еді. Біздің мемлекетіміз алға жылжу үстінде. Және де біз «100 нақты қадам» Ұлт жоспарын жүзеге асыруға кірісіп те кеттік. Мемлекетіміздің қалыптасуы мен өркендеуіне үлкен баға жетпес үлесті кәсіптік одақтар қосқандығын» атап өтті.

Сондай-ақ, салтанатты шара барысында облыстағы кәсіподақтардың үздік қызметкерлері алғыс хаттармен және естелік сыйлықтарымен марапатталды. Шарада концерттік бағдарламамен Ғ.Құрманғалиев атындағы облыстық филармонияның әртістері өнер көрсетті.

   
0
0
468

Кітаптың көмегімен тәрбиелеу

2016 жылдың 22 қарашада қоғамда сыбайлас  жемқорлыққа қарсы мәдениет және жемқорлық көріністеріне нөлдік төзбеушілік қағидатын қалыптастыру мақсатында Қазақстан Республикасының Мемлекеттік қызмет істері және сыбайлас жемқорлыққа расы іс-қимыл агенттігінің Батыс Қазақстан облысы бойынша Департаменті Х.Есенжанов атындағы облыстық балалар және жасөспірімдер кітапханасымен бірлесіп «Кітаптың көмегімен тәрбиелеу» тақырыбында семинар-кеңес өткізді.

Семинар-кеңес жұмысына Департамент өкілдері, кітапхана басшылығы мен қызметкерлері және оқырмандар қатысты.

Шара қатысушыларының алдында Департаменттің Сыбайлас жемқорлық профилактикасы басқармасының бас маманы М.Харесова баяндама жасап, елдің сыбайлас жемқорлыққа қарсы негізгі бағыттарын түсіндіріп, семинар-кеңеске қатысушылардың назарларын оқырмандарда сыбайлас жемқорлыққа қарсы мәдениет қалыптастыру қажеттілігіне аударды. Сондай-ақ, шара шеңберінде сыбайлас жемқорлыққа қарсы тақырыпта кітап көрмесі көрсетілді.

             
0
0
434

Астана қаласында тәлімгерлердің, мұғалімдердің, жасөспірімдер ұйымдары үйлестірушілерінің біліктілігін арттыру бойынша өңірлік екі күндік семинар өтті

Астана қаласындағы  №59 мектеп-лицейінде   қараша айының 10-11 күні тәлімгерлердің, мұғалімдердің, жасөспірімдер ұйымдары үйлестірушілерінің біліктілігін арттыру бойынша өңірлік екі күндік семинар өтті. Семинарға  Алматы қаласы, Ақтөбе, Алматы, Атырау,  Жамбыл, Қызылорда, Маңғыстау және Оңтүстік Қазақстан облыстарының өкілдері қатысты.

Семинардың мақсаты – тәлімгерлердің, мұғалімдердің, жасөспірімдер ұйымдары үйлестірушілерінің біліктілігін  арттыру.

Өңірлік екі күндік семинар аясында қатысушылар келесі тақырыптар бойынша дәрістер оқылып, тренингтер өткізілді: қазіргі қоғамдық балалар ұйымының өзекті мәселелері;  жасөспірім ұйымы қызметкерлерінің біліктілігін арттыруда интерактивті нысан мен әдісті енгізу (Дельфи әдісі, күнделік әдісі, 6-6 әдісі, жобалар әдісі және т.б.); жасөсіпірім қозғалысын ұйымдастыруына және дамытуына бағытталған талант-менеджмент, білім жүйесін модернизациялау саласында жасөсіпірім ұйымы қызметкерлерінің білім беру үрдісін жетілдіру жолдары; балалар және жасөспірімдердің қосымша біліміне психолого-педагогикалық сүйемелдеу.

Тренерлер: Изакова Айжан Теңдікқызы – «Талант-менеджмент» зерттеу орталығының директоры; Мамбеталина Әлия Сақтағанқызы – Л.Гумилев атындағы Еуразия Ұлттық университетінің доценті; Әубакірова Жанат Қанашқызы – Тұран-Астана университетінің доценті.

Сонымен қатар, семинар барысында Елбасының 2015 жылғы 30 қарашасындағы Жолдауы бойынша ақпараттық-түсіндірме дәрісін Мұрат Әбенов  оқыды.

Семинар соңында  қатысушыларға сертификаттар табысталды.

Өңірлік екі күндік семинардың ұйымдастырушысы болып, Қазақстан Республикасы Білім және ғылым министрлігінің мемлекеттік әлеуметтік тапсырысы бойынша «Әлем»  волонтерлық  орталығы ЗТБ шықты.

 
0
0
705

Астана қаласында тәлімгерлердің, мұғалімдердің, жасөспірімдер ұйымдары үйлестірушілерінің біліктілігін арттыру бойынша өңірлік екі күндік семинар өтті

Астана қаласындағы  №59 мектеп-лицейінде  және  "Асылтау"  бизнес орталығында қараша айының 7-8 күні тәлімгерлердің, мұғалімдердің, жасөспірімдер ұйымдары үйлестірушілерінің біліктілігін арттыру бойынша өңірлік екі күндік семинар өтті. Семинарға  Астана қаласы, Ақмола, Батыс Қазақстан, Қарағанды, Қостанай, Павлодар, Солтүстік Қазақстан және Шығыс Қазақстан облыстарының өкілдері қатысты.

Семинардың мақсаты – тәлімгерлердің, мұғалімдердің, жасөспірімдер ұйымдары үйлестірушілерінің біліктілігін  арттыру.

Өңірлік екі күндік семинар аясында қатысушылар келесі тақырыптар бойынша дәрістер оқылып, тренингтер өткізілді: қазіргі қоғамдық балалар ұйымының өзекті мәселелері;  жасөспірім ұйымы қызметкерлерінің біліктілігін арттыруда интерактивті нысан мен әдісті енгізу (Дельфи әдісі, күнделік әдісі, 6-6 әдісі, жобалар әдісі және т.б.); жасөсіпірім қозғалысын ұйымдастыруына және дамытуына бағытталған талант-менеджмент, білім жүйесін модернизациялау саласында жасөсіпірім ұйымы қызметкерлерінің білім беру үрдісін жетілдіру жолдары; балалар және жасөспірімдердің қосымша біліміне психолого-педагогикалық сүйемелдеу.

Тренерлер: Дмитриенко Елена Александровна  –  ҚР ҚҰ  «Жұлдыз» балалар қоғамдық ұйымының одағы» президенті, Кемайкина Татьяна Нигматовна – ҚҚ  «Сфера» әлеуметтік-психологиялық өлшеу зертханасының» президенті

Сонымен қатар, семинар барысында Елбасының 2015 жылғы 30 қарашасындағы Жолдауы бойынша ақпараттық-түсіндірме дәрісін «Ел баласы» республикалық  қоғамдық-саяси журналының редакторы Бекарыстан Аманжолов  оқыды.

Семинар соңында  қатысушыларға сертификаттар табысталды.

Өңірлік екі күндік семинардың ұйымдастырушысы болып, Қазақстан Республикасы Білім және ғылым министрлігінің мемлекеттік әлеуметтік тапсырысы бойынша «Әлем»  волонтерлық  орталығы ЗТБ шықты.

 
0
0
693

Алматы және Кипр туристік сервис саласында тәжірибе алмасуда

Кипрдің туристік сервистен жиған тәжірибесі мол және бізге барынша қызық, - деді Алматы әкімі Бауыржан Байбек Кипр Республикасының Ресей Федерациясы мен Қазақстандағы Елшісі Георгиос Касулидиспен кездесу барысында.

Қала әкімдігінде хабарланғандай, тараптар сауда-экономикалық, мәдени- гуманитарлық байланыстарды одан әрі нығайту және туризм саласында тәжірибе алмасу мәселелерін сөз етті.

«Алматыда 150-ге жуық сәулет, тарих, мәдени ескерткіштер бар. Қазақстанның ЮНЕСКО-ның Бүкіләлемдік мәдени мұрағатына енген сегіз нысанның төртеуі, соның ішінде Талхиз қаласы мен Тамғалы таңбасы бар қырлы тастар оңтүстік астана аймағында. Қазақстан 2017 жылдың 1 қаңтарынан бастап 56 мемлекеттің азаматтары үшін визасыз режим кестесін одан әрі кеңейтеді. Бұдан өзге Алматыда Бүкіләлемдік қысқы Универсиада өтеді. Кипрдің туристік сервистен жиған тәжірибесі мол және бізге барынша қызық», - деді Б.Байбек.

Мегаполис басшысы екі жақты сауда-экономикалық байланыстың жоғары әлеуетін да атап өтті. Мысалы, 2016 жылғы қарашада қалада 44 біріккен және 147 кипрлік кәсіпорын тіркелген.

«Алматы ел экономикасының бес бөлігін құрайды, бұл бизнес пен шикізатсыз жеке капитал қаласы. Мұнда халықаралық ұйымдар мен трансұлттық компаниялардың 60 кеңсесі, банк офистерінің 90%-дан астамы орналасқан. Инвесторларға қолдау көрсетудің кешенді шаралары жүзеге асуда», - деді қала басшысы.

Кипр Елшісі өз кезегінде табиғи ресурстар мен білім беру және басқа да салалар бойынша байланысты одан әрі нығайтуға ынталы екендерін айтты. Г.Касулидис тікелей әуе қатынасын ашудың уақыты келгенін де сөз етті, бұл екіжақты туристер легіне оң ықпал ететінін жеткізді. Ол өзінің сөзінде Алматының сұлу қала әрі табиғатының тым көркем екенін тамсана айтты. Ал бұл туристерге барынша тартымды.

Ақпарат көзі: strategy2050.kz

0
0
414