Жаңа

Әлеуметтік желіде барда шатақ шығарып отырған адамның видеосы тарады.

«Бұл адам барда шатақ шығарған. Алкогольді тағы құюын талап етіп, қоғамдық орында адамдардың намысына тиіп отыр.

Бұл видео қоғамдық тәртіп бұзушы туралы жәй қатардағы эпизод болар еді. Бірақ әлгі адам 27 наурызда соты болатын бұрынғы министрге ұқсайды.

Видео шамамен 2022 жылдың ақпанында түсірілген. Жазылушыларым жіберді», – деп жазылған @sirimitkulovbot арнасында.

Павлодардың өрт сөндірушілері өрттен 6 адамды эвакуациялап, құтқарды. Сағат 14-15-те Павлодарда 1-қабаттағы пәтерде өрт шыққаны туралы хабарлама келіп түсті. Жедел құтқару жасағы 1-ші қабаттағы терезенің металл торларын бұзып, сол жерден 2 ересек адамды құтқарды, 3 адам, оның ішінде 2 бала эвакуацияланды. 8 адам өз бетінше эвакуацияланды. Орнатылған автосаты бойынша 5-қабаттан 1 қыз құтқарылды. Өрт 14-39-да сөндірілді, қайтыс болғандар мен зардап шеккендер жоқ. Жеке құрамның 25 адамы және 9 техникасы, сондай-ақ ЖҚЖ және АМО қызметкерлері жұмыс істеді. t.me/qr_tjm

Шымкентте бұрынғы әйелін кепілге алып, арнайы жасақтан қашқан еркек ұсталды. Ол келіншекті Түркістан облысында пышақпен қорқытып, кепілге алған. Бұл туралы КТК телеарнасы хабарлады.

Қызылорда облысының 34 жастағы тұрғыны үш жыл бұрын ажырасып кеткен әйелін Сайрам ауданынан алып кеткен. Оны тәртіп сақшылары мен арнайы жасақ Шымкентте қуып жетті. Осылайша, олар әлгі азаматты шамамен 30 шақырымға дейін қуып барыпты.

Тіпті күдіктіні ұстау үшін жарықпен дыбыс шығарғыш граната қолдануға тура келді. Ал қашқын 31 жастағы келіншегін тамағынан жаралап үлгерген.

Жақын күндері Алматыда Қазақ бақсыларының бірінші құрылтайы өткізілмек екен. Осыған байланысты "бұл ертең мұсылмандардың наразылығын тудырып жүрмей ме?" деген сұрақ туындап отыр.

"24 наурыз күні Алматыда таңнан кешке дейін Қазақ бақсыларының тұңғыш құрылтайы өтеді!

Бағдарламада:

- тәңіршілік рәсімдер;

- шетел және қазақтың бақсылары мен ғалымдарымен сұхбат;

- ұжымдық аластау мен бата беру.

Құрылтай есігі тек бақсыларға ғана емес, Қазақ Бақсылығы мен киелі Қасиетіне қызығушылығы бар әр азамат үшін ашық", - деп жазылған Фейсбуктегі "ТӘҢІРШІЛДІК (ҚАЗАҚШЫЛЫҚ) -ҚАЗАҚТАРДЫН ҰЛТТЫҚ: ИДЕОЛОГИЯСЫ МЕН ДІНІ" тобында.

Мұндай да болады екен, ә? Жалпы, мұны өткізуге биліктен кімдер рұқсат берді екен?

Бірқатар бұқаралық ақпарат құралдарында еліміздің бұрынғы Сыртқы істер министрі Ерлан Тұрғымбаевқа қылмыстық іс қозғалғаны туралы жазылған еді. Осыған байланысты Бас прокуратура түсініктеме берді. Фото: egemen.kz-"Бас прокуратура Ішкі істер экс-министрі Е. Тұрғымбаевты және полиция органдарының басқа да басшыларын қылмыстық қудалау туралы түрлі телеграм-арналарда таратылған ақпаратқа қатысты келесіні хабарлайды. 2022 жылдың басынан бастап Бас прокуратура қаңтар оқиғалары кезеңінде құқықтық тәртіп пен қауіпсіздікті қамтамасыз етпеуге, сондай-ақ азаматтарға азаптауды қолдануға байланысты күш органдарының қызметкерлеріне қатысты тергеп-тексерулерді жалғастыруда. Оларды жасағаны үшін соттармен облыстық полиция және ұлттық қауіпсіздік органдарының бірқатар басшылары мен қызметкерлері сотталды.…

Шебер Азамат Бейсенәліұлы 1500-ге жуық музыкалық аспапты жинап, сақтап отыр.

Азамат Бейсенәліұлы – ұлттық аспаптың сан түрінде ойнайтын әмбебап музыкант. «Ұлыстың Ұлы күні» Наурыз-марафонында қонақтарға ұлттық аспаптардың атауын жасырып, жеңімпаздарға кәдесый тарту етті.

Фото: Sputnik

Наурыз мейрамын тойлау кезінде еліміздің тәртіп сақшылары қызмет өткерудің күшейтілген нұсқасына көшті. Республика бойынша 22 мыңнан астам полиция қызметкері мен Ұлттық ұланның әскери қызметшісі қызметке кірісті. Сонымен қатар жедел басқару орталықтарының бейнебақылау жүйесі арқылы мерекелік іс-шаралар өткізілетін орындарда бақылау күшейтілді. Жалпы ІІМ қоғамдық тәртіп пен жол қауіпсіздігін қамтамасыз ету шараларын күшейтуде.

https://t.me/POLICE_of_KZ

Бүгін Мәжілісте адам саудасына қатысты заң жобасы талқыланып жатыр.Заң жобасына жезөкшелік түсінігі, яғни, сексуалдық сипаттағы ақылы қызметтерді көрсету, оның ішінде жыныстық қатынас немесе сексуалдық сипаттағы өзге де іс-әрекеттер арқылы басқа адамның жыныстық қажеттіліктерін қанағаттандыру мақсатымен телекоммуникация және Интернет желісі арқылы көрсету енгізілген. «Жезөкшелік» анықтамасының ұсынылып отырған редакциясы жезөкшеліктің мұндай түрлерін, оның ішінде кәмелетке толмағандарды оған заңсыз тартумен айналысатындарды және болашақта ұйымдастырушыларды ҚР ҚК 134, 308, 309-баптары және ҚР ҚК мен 450 ӘҚБтК бойынша жауапкершілікке тартуға мүмкіндік береді.Ішкі істер министрі Ерлан Сәденовтің айтуынша, заң жобасында 2 ілеспе құжат бар. Оның біріншісі - «Бірқатар заңнамалық актілерге өзге…

Көкшетау қаласының прокуратурасы мүгедек адамдардың құқықтарын қорғады.

Фото: arasha.kz

Прокурорлар мүгедек адамдарды техникалық көмекші құралдармен және түрлі қызметтермен қамтамасыз ету кезінде заңдылықтың жай-күйіне талдау жүргізді.

Талдау арқылы қайтыс болған адамдарға 2 млн теңгеге 2000-нан астам гигиеналық құралдар, мүгедек арбалары  және басқа да жеке құралдар берілгені анықталды (балалары қабылдаған).

Прокурорлық қадағалау актісі бойынша арнайы қаражат мемлекет меншігіне қайтарылып, кейіннен мұқтаж мүгедектерге бөлінді.

Ақмола облысының прокуратурасы

Алматыдағы әл-Фараби даңғылында бірнеше көлік соқтығысып қалды. Бұл туралы қалалық Полиция департаментінің баспасөз қызметі хабарлады.

Мәлімет бойынша, жол апаты кеше кешкі сағат 21.00-де Бостандық ауданында болған.

"4 көлік соқтығысты. Алдын ала мәлімет бойынша Toyota Camry көлігінің 17 жастағы жүргізушісінің кінәсінен жол апаты болды. Зардап шеккендер жоқ. Аталған дерек Бостандық ауданының полиция басқармасында тіркеліп, өндіріске қабылданды. Сондай-ақ тиісті сараптамалар тағайындалды", - деді ПД баспасөз қызметіндегілер.

Оқиғаның видеосы әлеуметтік желіде тарады.