Мазмұнға өту
Қылмыс пен жаза
127 жазбалар3 тіркелуші

Бишімбаев сотында Байжанов оның жедел жәрдем шақыртқызбай қойғанын айтты

Қуандық Бишімбаевқа қатысты бүгінгі сот отырысында екінші айыпталушы, экс-министрдің немере інісі, қанды оқиға болған «Гастроорталықтың» директоры Бақытжан Байжановтың сөзі тыңдалып, одан жауап алынды.

undefined 

Қазақстанның ең жас экс-министрі Қуандық Бишімбаевтың бүгінгі туған күні оның есінен кетпестей болғандай.

Немере інісі сотта Бишімбаевтың жедел жәрдем шақыруға тыйым салғанын мәлімдеді.

Бишімбаевтың жедел жәрдем шақыру керек деп өзі айтқаны және Салтанат Нүкеноваға өлім тілемегені туралы сөздері бүгін жайына қалды.

Бақытжан Байжановтың мына мәлімдемесі көп нәрсені өзгертейін деп тұр.

Оның осы айтқандары Бишімбаевтың өкілдерін ашуландырғаны сонша, олардың бірі – экс-министрдің әлде адвокаты, әлде анасы Байжановқа «ұятсыз» деп салды.   

 

https://t.me/patriot_patriot

0
0
363

Қайрат Сатыбалдыұлынан тағы 50 млрд теңге қайтарылмақ

Қайрат Сатыбалдыұлының ісі бойынша мемлекетке тағы 50 млрд теңге қайтару жоспарланып отыр.
undefined
Ағымдағы жылы 11 сәуірде Қ. Сатыбалдыұлына қатысты қылмыстық істі қарау шеңберінде сот (ҚР ҚК 218-бабы 3-бөлігінің 3-тармағы) прокурордың өтініші бойынша заңсыз сатып алынған активтерді қайтару жөніндегі рәсімдерді орындау қажеттілігіне байланысты процестік келісім жасасу үшін қосымша мерзім беру туралы шешім қабылдады.
Атап айтқанда, сотталушының жалпы сомасы 50 млрд теңгеден асатын қосымша мүліктік активтерін мемлекет пайдасына қайтару туралы мәселе қаралуда.
Бұған дейін хабарланғандай, тергеу барысында Қ. Сатыбалдыұлы өз кінәсін толық мойындап, қылмыстық жолмен алынған мүлікті ашуға ықпал еткен. Сотқа дейінгі тергеп-тексеру кезеңінде Сыбайлас жемқорлыққа қарсы қызмет сотталушының және онымен байланысты тұлғалардың жалпы сомасы 732 млрд теңгеден астам мүліктік активтері мен ақшалай қаражатын мемлекет пайдасына (әкімшілік ғимараттар, эксклюзивті зергерлік бұйымдар, люкс үйлер, пәтерлер мен автокөліктер, компаниялардағы акциялар мен қатысу үлестері, теміржол жолдары мен ақшалай қаражат, шетелдік мүліктерімен қоса) қайтаруды қамтамасыз етті.
Айта кетейік, осы тұлғаға қатысты салық төлеуден және бюджетке төленетін басқа да міндетті төлемдерден жалтару фактісі бойынша тергеу жалғасуда.


https://t.me/antikornews

0
0
396

Атырау облысында жарты тоннаға жуық бекіре тәркіленді

undefined

Өңір полициясы балықтың заңсыз айналымымен байланысты алты құқық бұзушылықты анықтады. Төрт дерек бойынша сотқа дейінгі тергеп-тексеру амалдары жүргізілуде.

Жеті су қайығы, сегіз автокөлік, сонымен қатар 435 кг бекіре және 2 кг 500 гр. бекіре балығының уылдырығы тәркіленіп, "Жайық-Атырау бекіре өсіру зауытына" тапсырылды.

0
0
296

Қылмыстық топтың басшысы Әзербайжаннан әкелінді

Қазақстанға Әзербайжаннан қылмыстық топтың басшысы экстрадицияланды.
undefined
Бас прокуратура мен Қаржылық мониторинг агенттігінің қызметкерлері Қазақстанның Сыртқы істер министрлігінің көмегімен ұйымдасқан қылмыстық топты құрғаны және оның қызметіне басшылық еткені үшін қылмыстық жауапкершілікке тарту мақсатында Әзербайжаннан Қазақстан азаматы экстрадицияланды.
2016-2018 жылдары аралығында күдікті Қазақстанға халық тұтынатын тауарларды контрабандалық жолмен әкелумен айналысқан, сондай-ақ кедендік төлемдер мен салықтарды төлеуден жалтарған қылмыстық топты тікелей басқарды. Осы әрекеттің салдарынан мемлекетке 4 миллиард теңгеден астам шығын келтірілген.
Қылмыс жасағаннан кейін ол тергеуден жасырынып, халықаралық іздеуге жарияланды.
Кейін күдікті Әзербайжан аумағында ұсталды.
Әзербайжан Республикасының Бас прокуратурасы Қазақстан Республикасы Бас прокуратурасының оны ұстап беру туралы сұрау салуын қанағаттандырды.
Қазіргі уақытта ол Ақтау қаласының тергеу қапасына қамалған.
Аталған қылмысты жасағаны үшін мүлкі тәркіленіп, жеті жылдан он екі жылға дейінгі мерзімге бас бостандығынан айыру жазасы қарастырылған.
Айта кетейік, 2019 жылдың желтоқсанында Маңғыстау облысының соты осы ұйымдасқан қылмыстық топтың қызметіне қатысы бар 12 адамды түрлі жазаға соттады.
📱https://t.me/GenPr

0
0
396

Бишімбаев ісі: бүгін түске дейін не айтылды?

Әйелін ұрып өлтірді деп айыпталған экс-министр Қуандық Бишімбаевқа қатысты бүгінгі сот отырысына Салтанат Нүкенованың астрология жөніндегі көмекшісі болған Анар Тасова куәгер ретінде шақырылды.

undefinedСурет: SATZHANGRAM  

Тасова Нүкенованың өз жұмысын жақсы көргенін, клиенттері үнемі риза болғанын айтты. Бірақ Салтанат тұрмыс құрғаннан кейін біртүрлі әрекеттер жасай бастапты.

«Ол күйеуге шыққан соң бірден аккануттарының кұпиясөздерін ауыстырып жіберді. Бұған мен қатты таңғалдым», – деді куәгер.

Анар Салтанаттың мойнынан қылқындыру мен жіптің іздерін көргенін де айтты.   

«Біздің бірге түскен суретіміз бар. Сол суретте де көгергендері көрініп тұр. Ол қырынан отырды. Өйткені маған көрсеткісі келмеді. Көгерген жерлер қолында да болды», – деді Тасова.

Айыпталушы болса, осыған қатысты ойына бірдеңе түскенін жеткізді.  

«Соңғы кездері қылқындыру, жіп салу туралы айтылып жатыр. Кеше сарапшы да айтты. Соны құрметті судья мен алқа билерге түсіндіріп қойсам деймін. Егер сағат жетідегі видеоны анықтап қарасаңыздар, Салтанатты ұрып жатқан кезімде оның мойнынан оң қолыммен ұстағаным көрініп тұр. Із содан қалған болуы керек. Қылқындырды деген бәлелі сөз сол жағдайдан шығып тұр», – деді Қуандық Бишімбаев.  

0
0
269

Шымкентте сусынға ерітілген ірі көлемдегі есірткі қоймадан табылды

Ұлттық қауіпсіздік комитеті прокуратура органдарының үйлестіруімен метамфетаминнің ірі партиясының контрабандалық арнасын жойды.
undefined
Шымкент қаласында жүргізілген операция нәтижесінде есірткі алуы барысында осы арнаны ұйымдастырды деген күдікке ілінген шетелдік ұсталды.
Ауыр жүк көлігін тексеру барысында «Cola» сусынында еріген 90 литрден астам есірткі табылып, тәркіленді. Сараптамамен сұйықтықтың құрамындағы тыйым салынған заттардың концентрациясы 80% - дан асатыны анықталды.
Қылмыстық Кодекстің 297-бабының 3-бөлігі бойынша сотқа дейінгі тергеп-тексеру жүргізіледі.
ҚР Қылмыстық-процестік кодекстің 201-бабы 1-бөлігіне сәйкес өзге ақпарат жария етілмейді.

ҚР ҰҚК баспасөз қызметі

0
0
338