Біздің қазақ баласына не қылғанда басқа жұрттарға теңелуі хақында бір кеңес

Алия 2013 M06 11
2442
8
4
0

Біз өзімізге ғибрат үшін осы орыс ішіндеге жүрген еврей (жәйід) деген жұртты алайық. Осы жұртта өзімді деген бір сажын жері жоқ, білімменен күн көріп жүр.

Біздің қазақ баласына не қылғанда басқа жұрттарға теңелуі хақында бір кеңес

Біздің қазақ халқы Россияда болған инородец болған жұрттардың да ғылым жағынан төмен халық болып та жер-судың арқасында күн көріп, ойнап-күлгенге мәз болып жүріп жатыр. Бұл күндерде бізден басқа халықтың бәрі де оянып, не нәрсе өзіне пайдалы жағын ұстап, залалы жағын қоя беріп жатыр. Біздің қазақ әлі өзінің қызығында жүр. Орыстардың бағызы білгіш кісілері айтады: осы қалыпта болса енді бір ғасырдан кейін яғни жүз жылдан соң, «Қазақпын» деген адам, «Қазақпын» деген жұрт болмаса керек дейді. Бұлар біздің жүз жылдан соң болмайтындығымызды ешқайсысы көріп білген жоқ, алайда болса, қазақтың жүрген жүрісіне, тұрған тұрысына шамалайды.

Қанеки, біздің қазақ жер-судан айырылып қалса не күн көрмекші? Соның үшін әркімге керекті, керексізді білуге тиіс екен, керекті, керексізді біле қоюға біздің жұртта құрал жоқ. Бізге әуелі сол құралға жармасу керек. Ол құрал ғылым-білім. Пайдаға жабыстырып, залалдан қашыруға себеп болған сол ғылымды келетұғын заманда өзімізге құрал қылуға бір жол бар, ол мол шамамыз келгеніміз балаларымыздың қолын жеткізіп, оқыту керек. Сол оқу, білім құралымен құралданғаннан соң, ешкім үйретпей-ақ қалай баратұғынын біледі.

Оқу-білім дегенмен мұсылманша оқи берумен іс бітпейді. Біреу мұсылманша оқып, «ахрауй» кісі болса, екінші біреу орысша оқып «дүнияуй» кісі болса, сонда іс бітеді. Болмаса, мен оқу оқимын дегеннің барлығы молда, мүдәріс бола беруі мүшкіл һәммәде хүкіметке хылап болып кетеді. Оқу хақында болған Расұлымыздың «хадисінде де», «Құранда да» дін ғылымынан басқаны оқымаңыз деген сөз жоқ. Ғылым, білім деген сөз қай жерге болса да жүреді. Біз өзімізге ғибрат үшін осы орыс ішіндеге жүрген еврей (жәйід) деген жұртты алайық. Осы жұртта өзімді деген бір сажын жері жоқ, білімменен күн көріп жүр. Солай болса да жері біздің қазақ халқынан басқара-ақ. Еврейдің балалары ойнап жүргенде үйінде отырып, өз тілін, жазуын, орыс тілін, жазуын біліп қояды. Сонан соң, гимназия тіпті университетке дейін оқиды. Еврейлерге орыс школдарында өз ақшасымен оқуға да орын аз. Біздің қазақ жанынан ақша салып оқу түгіл, қазақ хисабына оқытатұғын «Киргизская стипендияда» оқымайды. Осы күнде Омскіде учительск семинарияда, ветеренарный, медицинский, фельдшерский курстарда һәм Қостанайда реальный училищеде, Тройцкіде һәм Орынбордағы гимназияларда, Орынборда қазақ учительский школасында қазақ үшін ашылған степендиялармен оқыған қазақ балалары ғұмұм қазақ халқына салыстырғанда он мың жанға бір оқушы келмесе керек. Бұл хисап оқушыларымыздың жоқ хисабында екендігін білдіреді. Біздің жұрттың әр жерде орынды жұмыстан құры қалып жүргені де осы қараңғылық арқасында. Жүміләдан бері ең керекті болған мемлекеттік думаға сайлау правосынан құр қалуы да осы білімсіздіктің алып берген олжасы. Білімнен басқа бір адым жер аттау қиын. Бізге осы ғылымның керекшілігін өзімізге борыш деп біліп, ең соңғы нанымызды салу керек. Тағы да мұны айтпайық, бізге дүнияуй ғылым үйренетұғын кісіміздің соңынан милләтімізге пайдасы тиуіне көз салып, әуелі орысша оқитын кісінің болмаса өз тілінде болған Әбітай мектепте оқып, әр жерден хабардар болуы шарт.

Жұртта бір ұнамаған мінез бар. «Орысша оқыса бұзылады» дейді. Жамандыққа орысша шарт емес, оқымай-ақ бұзылған кісі оқып бұзылғаннан көбірек.

Ғалиалдин Мәмеков, "Айқап", 1911, №5

________________________________________________________________________

«Алаш» айдарында жарияланған ұқсас мақалалар:

Есенғали Қасаболатов: «Қазақ жастарына»

Ахмет Байтұрсынов: «Аз уақытта көп білу жолының басы»

Уалиолла Халели: «Тіл сақтаушылық»

Ғұмар Қараш: «Тіл — әдебиет»

Мағжан Жұмабаев: «Дала. Қала.»

Әлихан Бөкейхан: «Ұят-ай»!

«Айқап» журналында әйел теңсіздігі мәселесі

«Айқап»: «Қазаққа алалық қайдан келді»?

Мұстафа Шоқайдың Әбубәкір Диваев туралы мақаласы

Л.Толстойдан: «Жұмыртқадай бидай»

Әлихан Бөкейхан: Дін таласы

«Қазақ» газетінде Наурыз мейрамы туралы материалдар

«Қазақ» газетінде Наурыз мейрамы тақырыбында

«Қазақ» газеті: «Соғыс һәм қымыз мәселесі»

«Айқап»: Топырағымыз алтын

«Айқап»: Қазақ шежіресі

Міржақып Дулатов: «Жазу тәртібі»

Оцените пост

4

Комментарии

0
А от нас то чо требуется?
0
makalanyn aty da, zaty da tusiniksiz. alde kazak tilin abden umyttym ba bilmeymin. karapaiym sozdermen jazylsa eken :)
0
Анадан бір, мынадан бір тиіп қашып жазылған мақала!
0
Өте құнды мақала екен. Мен осы мақаланы оқи отырып, білімге деген құштарлығым қайтадан оянып кетті. Пайғамбарымыздың с.а.с. мынадай хадисі бар: "Білімнен жақсырақ құлшылық жоқ" .
0
Жүз жыл бұрын жазылған мақала ғой.
Керемет!
Показать комментарии