Мазмұнға өту
nuri123

Нұрила Ермекбай

@nuri123

Сайтта 2016 ж. 31 наурызКазахстан, Алматы

Пайдаланушы әзірге өзі туралы ештеңе жазбаған.

рейтинг

100

жазбалар

30

пікірлер

0

тіркелуші

3

жазылымдар

4

Білім мазмұнын жаңарту не үшін қажет?

Қазіргі таңда қоғам талқысына көп түсіп жүрген Білім және Ғылым министрлігінің енгізіп отырған реформалары Қазақстанның қарапайым азаматшасы ретінде мені де бейжай қалдырмады. БАҚ-та, министрліктің сайтында жарияланған барлық ақпараттарды оқып, зерттеп көрген едім. Қызықсаңыз, оқып көріңіз!

Бүгінгі бала - ертеңгі маман, ертеңгі министр, ертеңгі президент! Ақпараттық технологиялар ғасырында бәсекеге қабілетті, ел экономикасына үлес қосып табысқа жетуі үшін, ол еңбек нарығында өзіндік орнын таба білуі тиіс. Қазіргі біздің мектептердегі білім беру жүйесі - барлық оқушыға бірдей бәсекеге қабілетті болатындай білім бере алмауда.

Ал, әлемдік тәжірибелерге сүйене отырып, заман талаптарына сәйкес, күнделікті тұрмыстық проблемалардан да басқа істерге араласуы үшін оқушыларға классикалық білім берумен қатар сыни, жасапмаздық, командалық жұмысқа бейімділік, көшбасшылық, қарым - қатынас жасауға икемділік, білімпаздық, қажырлық, әлеуметтік және мәдени мәселермен әрдайым айналысатын белсенділік сияқты бірнеше қасиеттерді сіңіре білу керек. Осының бәрі, классикалық білім беру мен орта білім беру мазмұнына арнайы зерттелген тәсілдемелер арқылы енгізіліп отыр.

Елімізде 5 жылдан астам уақыт бойы осындай оқу бағдарламалары шеңберінде бірнеше зерттеулер жасалған екен. Бұл зерттеулердің нәтижесінде 30 мектеп апробациядан сәтті өткен. Ал, ең қуаныштысы бұл мектептер қатарында қалалық, ауылдық, шағын жинақтық мектептер де бар.

Жаңа оқыту технологиясы - балалардың, ұстаздардың, ата - аналардың тарапынан жоғары бағаға ие болған. Ал, мұның нәтижесінде, мұғалімдер үшін оқыту барысының жеңілдегенін көруге болады.

Бағалаудың критериалды жүйесі мұғалімге - ақпарды сараптауына, синтездеуіне, оқушыны дұрыс бағалауына, оқушыға - өзінің қабілеттері мен жетістіктерін жете түсінуіне, ата - анаға - баласының қандай да бір проблемалары туралы ақпарат алуына, министрліктің оқу бағдарламаларының қаншалықты тиімді екендігін анықтауына мүмкіндік бермек.

Осылайша, білім беру мазмұнында оқыту және бағалау арасындағы өзара байланыс қамтамасыз етілетіндігіне көзім жетіп отыр! Бұл бастама көптен қолдау тапса, білім беру жүйесінде едеуәір оң өгерістер болары анық.

0
2
1983

Тимур Сержанұлы: «Міндетті түрде әрбір тілді білсін, жетік меңгерсін, дегенмен қазақ тілін ұмытпасын!»

Танымал журналист, Халықаралық ақпараттық технологиялар университетінің «PR және маркетинг» бөлімінің директоры, «KT Group» ЖШС бас директоры, доцент Тимур Сержанұлы жастар арасында «Үш тұғырлы тіл» саясатын қолдау мақсатымен  Инстаграм әлеуметтік желісі арқылы эстафета бастады.

- Сәлеметсіз бе, Тимур Сержанұлы! Эстафетаны бастаудағы мақсатыңыз қандай?

- Эстафета елге, соның ішінде жастарға «біліктілік пен білімдеріңізді жетілдіріңіздер, ары қарай өркендете беріңіздер» деген мақсатпен жасалынған дүние.  Жастар арасында мейлінше көп тіл білуді насихаттауымыз керек. Абайдың «Бір тіл білсең - бір адамсың, екі тіл білсең - екі адамсың» деген сөзі бар. Тіл білген адам өлмейді.

- Елбасының жолдауында көрсетілгендей «Мемлекеттік тілді дамытамыз, орыс тілін қолдаймыз, ағылшын тілін үйренеміз» деген мақсатпен елімізде үш тұғырлы тіл саясаты жүргізілуде. Осыған байланысты мектептерде кейбір пәндерді ағылшын тілінде өткізу туралы жаңа бастама пайда болды. Сіздің өзіңіздің осы өзгерістерге деген көзқарасыңыз қандай? Жалпы, керек дүние ме?

- Бұл кеше басталған жұмыс емес. Бұл бұрыннан бері жасалынып жатқан жұмыс. Өзіміздің бабамыз Абай орыс тілін білмесе Пушкинді қалай аударды? Сәкен Сейфуллин, Шоқан Уалиханов жарты Азияны аралап, Қашқарияға қалай кірді екен, қытай тілін білмесе... Қазақ айтады: «Өзге тілдің бәрін біл, өз тіліңді ұмытпа» деп.  Бар мәселе осында. Міндетті түрде әрбір тілді білсін, жетік меңгерсін, дегенмен қазақ тілін ұмытпасын!

- Мысалы, сіз бір жерге жұмысқа орналасуға келдіңіз. Мен сізден сұраймын қанша жалақы қажет екендігін. Сіз «жүз мың теңге» дейсіз. Мен сізге «жүз елу мың теңге жалақы берейін» десем, сіз «жоқ, жүз мың теңге» деп келіспейсіз. Ағылшын тілін меңгеруде дәл осылай. Министрлік бізге бонус беріп жатыр, оқысын, үйренсін, білсін деп. Ал біз қарсы шығып отырмыз.

-Қоғамдық пікірлерге және өзіңіздің «қазақ тілін ұмытпасын» деген сөзіңізге сүйенсек, сабақтың ағылшын тілінде жүргізілуi қазақ тілінің дамып, нығаюына кедергі келтірмейді ме?

- Мен кедергі келтірмейді деп ойлаймын.  Неге? Өйткені  адамға байланысты. Ой -  өрісіне, керек болса  рухына байланысты. Тілді білу тек мектептен емес, үйдегі ата анасының тәрбиесіне де қатысты екенін ұмытпаған жөн. Мәселен, сіз үйіңізде қазақша сөйлемей, орысша не ағылшынша сөйлесіңізші, қанша жерден мектепте қазақша оқытса да, ертең балаңыз да сіз сияқты қазақша сөйлемейтін болып шығады. Мен бір кісілерді білемін, полиглоттарды, төрт бес тіл білетін. Бірақ өзінің орыс тілін ұмытқан жоқ. Мен бір полиглоттарды білемін екі үш тілді білетін, бірақ қазақ тілін ұмытқан жоқ. Неліктен деп ойлайсыз? Олардың ішкі рухы мықты, өз тілдерін сүйеді. Сондықтан қайталап айтамын, қазақ тілін ұмыту адамның ішкі рухына, адамның өзіне, тәрбиесіне байланысты.

- Полиглоттарды білемін деп қалдыңыз, енді сіз өзіңіз неше тіл білесіз? Сол полиглоттар қатарына сізде кіресіз бе?

Енді менің неше тіл білгенім кімге керек екен (күліп)? Негізі мен өзім үш тілді білемін. Өзімнің анамның тілі қазақ тілін, орыс тілі және ағылшын тілдерін. Кәріс тілі мен француз тілдерінінен хабарым бар.

-Көптеген елімізге танымал азаматтар үштілділікке қарсылық танытып, ашық хаттар жолдауда. Осыған қатысты қандай пікір айта аласыз?

- Негізінен біздің мемлекетіміз демократиялық болған соң, қабылданып жатқан заңға, енгізіліп жатқан өзгерістерге қатысты әр адам өз ойын білдіруге құқылы. Егер мектептерде сабақ тек қазақ тілінде не болмаса тек орыс тілінде өтсін десе, мен ең бірінші болып ашық хат жазар едім. Бұл жерде барлығы ағылшынша сөйлеп кетсін деген әңгіме емес, әлем күн сайын жаңарып жатыр. Бұл ретте ағылшын тілінің маңызы өте зор. Бар мәселе жаңа бастаманы дұрыстап түсінуде болып отыр. Қазір ағылшын тілін білу адам таңқаларлықтай жаңалық болмай қалды ғой. Енді кейбір азаматтар бүгін қарсылық танытып жатқанымен, бұл жүйе ертең өз жемісін беретініне сенімдімін.

-Ал, әке ретінде өз балаңыздың үш тілде білім алуына қалай қарайсыз? Балаңыздың болашағына қандай әсерін тигізеді деп ойлайсыз?

Жалпы, кез келген ата ана баласына сапалы білім бергісі келеді.  Әке ретіндегі парызым жақсы білім беріп, өзім де балаларыма үлгі болу. Менің өзімнің ұлым төрт жаста. Ағылшын курстарына барады. Менің төрт жасар кезімдегідей емес, ағылшынша біраз нәрсені үйреніп қалды. Біздің кезімізде өкінішке орай мұндай мүмкіндіктер болған жоқ. Негізінен баланы кішкентайынан ағылшын тіліне үйретсең, бәсекеге қабілетті болып өседі. Ертең шет елдің бір адамының алдында өз позициясын еркін қорғай алады. Мектептерде барынша жағдай жасап жатыр, баланың тегін ағылшын тілін үйренуіне. Жастайынан оқыса, мектеп бітіргенде ағылшын тілін жақсы меңгеріп шығатыны анық.  Осы тегін дүниеден қашып отырмыз ғой. Құдай адамға көтере алмайтын жүк бермейді. Қазір оқытудың әр түрлі әдіс-тәсілдері бар. Әрі баланың әке шешесі қолдау көрсетіп, демеп отырса балаға ауыр болмайды, тез ақ үйреніп кетеді.

Тимур Сержанұлы уақыт бөліп сұхбаттасқаныңызға үлкен алғысымды білдіремін! Сіз сияқты көп тіл білетін, көп тіл білсе де кейбір жандар секілді қазақ тілін ұмытпай, емін еркін сөйлей алатын азаматтарымыз көбей берсін!

Нұрила Ермекбаева

 
3
0
1854

Жерді сата беріңдер, жеріміз көп қой...

Иә, көп адам "Жерді сата беріңдер, жеріміз көп қой..." деп жүргенін өз құлағыммен естідім. Құдайым ау, бұл не масқара! Бүгін жеріңді сатсаң, ертең қатыныңды, содан соң бала шағаңды да сатасың ғой...

Көпке топырақ шашудан аулақпын. Халыққа бәрібір сияқты, әсіресе, жастарға. Саясатта не болып жатыр, тіліміз не болып жатыр, еліміз не болып жатыр қызықтырмайды. ЖЕРІМІЗ САТЫЛЫП Я БОЛМАСА ЖАЛҒА БЕРІЛІП ЖАТСА ДА, ішкен жегеніне, кафеден кафе, түнгі клубтан түнгі клуб қыдырып, жеке бас амандығына риза болып жүре беретін болып кеткенбіз бе, қалай өзі... Жеке бастың мәселесі ешқашан бітпейді, бірақ, жерімізден айрылсақ, құлдық өмірдің көкесін көреміз. Кейбір ел сенген ағалар да бас көтере алмай тұр бұл мәселеге. Жерді жалға бердің не, саттың не? Екеуі бір дүние. Бүгін жалға алса, ертең төрімізде тайраңдамасына кім кепіл болады? #жерсатылмасын



@serik_abasshakh_officialpage
・・・
24.04.2016
"Бірдеңені істемес, айтпас бұрын (терең) ойланатын" Бекболат, жер мәселесіне қатысты пікір білдіру үшін жарты айға жуық "қабырғасымен кеңескен сияқты".
Бекеңнің КТК тілшісінен тығыла қашып, "күлкісіз, ұйқысыз жүріп пісірген" "толғақты" ойлары мынадай болып шықты:
1."Жер сатылмайды".
2."Жер 25 жылға жалға беріледі".
3."Ж е р д і ң и е с і б о л у к е р е к". Әрине, су жаңа депутаттың ескірген мәлімдемесі бізге "сенсация" болды десек, артық кетпейміз. Осындай "құнды мәліметі" үшін "елжандылығы айқын" (М.Тазабектің берген бағасы) азаматқа қалай риза болмайсың? Алғысымыз шексіз. Бірақ, өз өзімізге қоятын сұрақтар бар:

1.Егер жер сатылмасын анық білсе, Бекең бұл туралы бірден пікір айтуға неге жүрексінді? Заңда таңбаланып, "ағар арнасы" анықталған мәселеге қатысты ой білдіруге екі апталық "толғақ" не үшін қажет болды? "Шегірткеден қорықса, егін егіп" несі бар?

2.Егер жердің 25 жылға жалға берілетін анық білсе, Бекең оны айтуға ... (жалғасы 1-сұрақтағыдай)

3.Бекең "жер иесі болу керектігін" шегелеп айтыпты. Түсінікті, бірақ, түсініксіз. "Жерді жалға алушы" қалай "жер иесі" бола алады? Ал, егер оны "жер иесі" ретінде танысақ, ол неге "жалға алушы" болып саналады?

4.Кезінде қазақтың Бекболаты атанған дарынды өнерпаздың "Нұр Отанның" "партболатына" айналып, әбден шатасып кеткені өкінішті... """"""""""""""""""""""""""""""""""""""""""" Р.S. Намыс дегеніміз батылдықты талап ететін ұғым. Ал, имандылық - руxани тазалықты қажетсінеді.
(ПыСына көңіл бөлмеңіз, жәй, әшейін айтыла салған сөз ғой)

Ұлтарақтай болса да,

Ата-қоныс жер қымбат.

Ат төбеліндей болса да

Туып өскен ел қымбат!

Жер үшін қасық қаны қалғанша күрескен ата бабамыздың қарғысына қалмайық!

 
1
0
840

Қоғамдық орында әйелге қол көтерген еркекті көрдіңіз бе?

Адам баласы болғаннан кейін күнделікті өмірде түрлі жағдайларға тап болып жатамыз. Әсіресе, қоғамдық орындарда, қоғамдық көліктерде... Бүгін ер азаматтарымызға не болғанын түсіне алмадым. Әйел адамға көпшіліктің көзінше қол көтеру (ер адаммен төбелессе түсінуші едім)  деген не масқара? Осыншамалықты қоғамымыз тәртіпсіз бе?

Лық толы автобустың ішінде есік аузында қырық жастар шамасындағы ер адам мен елулерді еңсерген әйел адам тұрып қалыпты. Екеуі де ірілеу келген екен (қысылысқан соң, бір біріне қырғи қабақ болып тұр). Араларында не болғанын қайдам, әлгі ер адам әйелді түсіп бара жатып қатты итеріп жіберді. Оған ашуланған әйел еркекті өз иығымен итеріп қалғаны сол екен, жаңағы еркек сымағымыз әйел адамға жұдырығын ала жүгірмесі бар ма? Масқара, жағасына жармасып жұлқылап жатыр. Басқа жолаушылардың айқайынан соң  ғана әлгі еркек басылып, автобустан түсіп кетті. Жүрегім аузыма тығылды мұны көріп. Өзінен қайда үлкен әйел адамға қол жұмсап түрған ағаларымызды еркек деуге келеді ма екен? Әйел адам кінәлі болса да жұдырыққа жүгіруге болады ма екен? Нағыз еркек дегенің сабырлы, ақылды, өз өзін ұстай алатын болмаушы ма еді? «Жігітте де жігіт бар, азаматы бір бөлек» деп тегін айтылмаса керек. Үлгі көрсетуі тиіс үлкендер осылай жасаса, жастарымыз не істейді екен?

Осындай күнделікті «үйреншікті іске» айналып бара жатқан оқиғаларға, адамдардың бәрінің «жүйкесі тозғандығына» кім кінәлі? Билік пе, заман ба, ақшаның аздығы ма, жұмыстың жоқтығы ма әлде адамның мінезі ме?  Ой қосыңыз, пікір білдіңіңіз! Неліктен жүйкеміз жіптен де жіңішкеріп барады?

 
1
0
1445

3 жасар бала құрлы жоқпыз ау...

Әжесін полицейлерден қорғаған қытайлық батыл бала интернет қолданушыларының жүрегін жаулап алды деп жазады islam.kz.

Әйел көше бойында заңсыз саудамен айналысқан. Үш жасар бала темір құбырды ала жүгіріп, тәртіп сақшыларына қарсы шықты.

Көшедегі жабайы сауда-саттыққа қарсы күресумен айналысатын инспекторлар үш жасар баланың ашуға булығып, "Кетіңдер! Менің әжеме тиіспеңдер!" дегенін естіп, көңілдері босады.

Полицейлер баланы тыныштандырып, шеткері алып кетті. Бірақ бала олардың "құшағынан" сытылып шығып, әжесін "ренжіткендерге" жұдырық ала жүгірді.

1
0
742

Мейірімсіз өмір, мейіріміңді сағындым... (оқыңыздар)

М.Тазабековтың "Мейірімі жоқ адамнан маңырап жүрген мал жақсы, әдепсіз өскен баладан тәртіппен өскен тал жақсы" деген бір сөзі мені тұңғиық ойға батырып тастады. Расында да мейірімсіз, тасжүрек адамдар көбейіп барады. Қарапайым ғана мысал, күнделікті қоғамдық көліктерде жастар жағы қарияларға, балалы әйелдерге, аяғы ауыр келіншектерге орын беру дегенді ұмытып бара жатқаны.

Көпке топырақ шашудан аулақпын, дегенмен жастарымыздың санасы уланып бара жатқан сияқты. Өзіңнен үлкен, қарттық жеңген адамдарды тұрғызып қойып, қалайша отыра беруге болатындығын түсіне алмадым мен. Әлде өзіміз қатарлы жастарымызға дұрыс тәрбие берілмей жатыр ма? Жастар жағы ойланайықшы, бәріміздің атамыз бен әжеміз, әкеміз бен анамыздың бар екенін, ұлдар болашақ жарымыздың болатындығын, қыздар өзіміз де ана атанарымызды ойлайықта...

Адамдардың мейірімсізденіп бара жатқандығы соншалықты "құлап жатып - сүрінгенге күлетін" заманға жетіппіз ғой! Неліктен тас бауырланып барамыз? Осыдан бір күн бұрын ғана болған жеке өз басымнан өткен оқиғамды жазғаным дұрыс та емес шығар... Алайда,  мынау өмірдің, мынау даланың, мынау табиғаттың, мынау Жер Ананың, адамзат баласының мейірімге зәру екендігіне тағы да көзім жетті.  ...Өзім оқитын ЖОО-дан тапсырмаларымды өткізген соң, көңілденіп шықтым. Сыртқа шыққаннан кейін, үйге қайтатын автобусымның аялдамаға жақындап қалғанын көріп, аялдамаға қарай жүгіріп бара жатып, аяқ атсынан кәдімгі цементке құлап түстім. Өзімде сезбедім, не, қалай болғанын? Құлаған бойда есіме бірден "біреу мені видеоға түсіріп жатқан жоқ па екен?" деген ой келді (қазір адамдар көмектесудің орнына видеоға не болмаса суретке түсіріп интернетке салады ғой...). Қыз баласы болғасын нәзік боламыз ғой, қатты ауырсынып тұрсам да орнымнан өзім түрегелдім. Сонда деймін ау, аялдамада тұрған қаншама адам, университеттің жанындағы қаншама студенттердің бірі де үсті басымның шаң-шаң болып, орнымнан әзер тұрғанымды көрсе де көрмегенсігеніне ішім ашыды. Әрине, құлаған өзім кінәлімін. Асықпауым керек еді. Бірақ, адамзат баласында мейірім, ақ жүрек деген қасиеттер болуы керек емес пе? Мейлі, мен жаспын. Өзім тұра аламын, бірдеңе қылып. Ал, ертең, (Құдай сақтасын!) үлкен қарияларымыз құлап қалса да (қазір ардагерлерімізді тонап, өлтіріп кетіп жатқан заман болды) осылай ешкім көмектеспейтіндігі ме? Осы жағдайды үйге жеткенше көп ойландым...

Бес саусақ бәрдей емес, әрине! Алайда, бұл қоғамның айықпас дертіне айналып бара жатқандай көрінеді маған...

Ал, назарларыңызға көрмеген болсаңыздар Алаш ұлы тобының "Мейірім" атты бейнебаянын ұсынғым келеді.

 
4
0
2738

Қазақ әншілері 10 жылда қалай өзгерді?

Қазақ әншілерінің 10 жыл ішінде қалай өзгергендігі Youtube-та "Prpject Kazakh Eli" каналында жарияланған. Бүгінде біз идеал санайтын еліміздің бетке ұстар өнер адамдарының кешегі қарапайымдылығы мен бүгінгі сұлулығын бірге тамашалайық!

 
2
0
624

«Әр қазақ — менің жалғызым» дейтін ел ағалары не қарап отыр?

Сегіз жыл бойы жындыханаға мәжбүрлеп жабылған Маржан Тұрлыбаеваны республикалық сот медицина сарапшылары тексеріп, дені сау деген тоқтамға келді. Қорытынды бойынша қоғамға қауіпті емес деп табылғанның Маржанның бүгінгі тағдыры қандай? Белгілі журналист Жанат Бақытқа жазған Маржанның жан айқайын назарларыңызға ұсынамын.

.

- Сәлеметсіздер ме! Мен - Маржан Тұрлыбаева, әлі Түркістандағы индомда сот шешімін күтіп жатырмын. Жақында Алматыда бір ай тексеруден өтіп келдім. Ол жақта әйтеуір "әділдік" бар екен, дәрігерлер "сен сияқты сап-сау қыз не істеп жүр мұнда?" деп таң қалды. Түгелдей тексеріп, көз жеткізу үшін қитұрқы сұрақтар қойып, әдейі ашуландыруға тырысты, бірақ берілмедім. Құдай оңдап, "жақсы шешім" шығарды. "Мінезінде тұрақсыздық бар" деп жазған да болар, мінезімнің аздап қызбалау екенін білем, бірақ ол туабітті мінезім (сол қызба мінез үшін жындыxанаға жаба берсе, әлемде адам қалмас).

Алматыдан шыққасын, Түркістанға аяғым тартпаса да, амал жоқ келдім. Бірақ содан бері 2 айдай уақыт өтті. Бұл жақтағылар не істерлерін білмей әлі жүр, менің сау екенімді растайтын құжат берейін десе, көп адам жылы орнымыздан қоштасамыз деп қорқады, "жынды" дейін десе, саумын, әрі Алматының қорытындысы бар. Шулы істен судялар да ат-тондарын ала қашып, жиі ауысады. Осылайша, босайтын күнімді күтіп отырғанымда, бүгін Түркістан прокуратурасының мынадай ақпаратын оқып, егіліп тұрып жыладым. Жаралы жүрегімді ол жерде отырған пенделер одан әрі тырнады. Прокуратура білем, "отчет дейді", "очко дейді", соларды жинау үшін басы бар, аяғы жоқ мәлімдеме бере салады. Бірақ менің ішкі жан дүниемді ойлап отырған біреуі жоқ!

Адамдар, қатыгезсіңдер! "Маржан Тұрлыбаеваға қатысты қылмыстық іс жабылды!" деп жерден жеті қоян тапқандай жар салыпты! Сонда 8 жыл бойы тартқан азабым, көз жасым қайда қалды? Әрине, сендер үшін детдомның балалары - мусор ғой тастай салатын. Біздің көз жасымыз сендерге түк емес! Тек арттарыңды ғана ойлайсыңдар! Бірдеме болса "Құдайдың алдында жауап береді" дейсіңдер, мен айтар ем, маған істеген істері үшін, әр азапты күнім үшін ЖАУАП БЕРЕТІНДЕР ОСЫ ӨМІРДЕ ДЕ ЖАЗАСЫН АЛСЫН! Ана өмірде де жауап берсін...

Шалқып жүрсіңдер, адамдар. Мына жақта 8 жыл емес, 8 сағат отыра алмас едіңдер. Өңкей ақылы ауысқан адамдардың ортасында... Мені орындарыңа қойыңдаршы, туғаннан шешелерің тастап кетеді, ананың жылуын сезбей, жетімxанада жылап өстім. Сөйтіп жүргенде он жасымда бір әйел кеп "анаңмын" деп әкетіп, үйіне апарып көрсетпегенді көрсетеді, ақыры менен құтылу үшін жындыxанаға жауып тынды. Тірі әкемді "әкең жындыxанада өлген, сен де сөйтесің" деді. Әкем тірі болса, өлді деген справка жасатқан ба? Ол да сатыла ма? Масқара.

Менің қазіргі туалетке тасталып жатқан баладан еш айырмашылығым жоқ қой сонда?! Ол әйел мені шығармас үшін жыласа да, сықтаса да, бәрін істеп жүрген болар, оны жақсы білем. Ана жүрегі жылымаса да, ар алдында өз-өзінен ұялмай ма? Құдайдан қорықпай ма? Он тоғыз жылым осындай азаппен өтті. Алты-ақ сынып білімім бар, маған әлі аттестат алу керек, оқу керек, тұрмыс құру керек. Уақыт деген зулап өтіп жатыр. Ал Шымкенттегі "артын" ойлағандар бір-біріне сілтеп, істі жүргізуге, мені босатуға асығар емес!

Өтінем сіздерден, осы іс әділ шешімін табу үшін қоғам болып көмектесіңіздерші. Адвокат, судяларды, өзімді "Айтуға оңайға" шақырыңыздаршы. Бүгін ашу үстінде аудиожазба жіберіп отырмын Жанат әпкеге. Мені түсінесіздер деп ойлаймын.

3
0
1082

Головкин Роналдуды құттықтады

Қазақстандық орта салмақтағы әлем чемпионы Геннадий Головкин өз твиттерінде Криштиану Роналдуды мадридтік «Реалдың» УЕФА Чемпиондар лигасының жартылай финалына шығуымен құттықтады.


Бұл туралы Sports.kz-ке сілтеме жасап Қазақпарат хабарлайды.

«Жеңісіңмен құттықтаймын, Криштиану», - деп жазды әлеуметтік желіде қазақстандық.

Еске салсақ, мадридтіктер ширек финалдың жауапты ойынында (3:0) немістің «Вольфсбург» командасын жеңген болатын. Ал португалиялық хет-трек жасады.


3
0
607

Ораза кезінде пайдалы ас — талқан

«Талқан – көктеген және термоөңдеуден өт­кен бидай, қара бидай, сұлы және арпадан жа­салған өнім. Күш беретін құнарлы тағам әсі­ресе, балаларға, жүкті әйелдерге, қарттарға пайдалы. Поволжье, Орта Азия, Оңтүстік Сі­бір­­дің көшпелі халықтарының көне рецеп­тілері негізінде арнайы технологиямен әзір­ленген.


Талқан – сіңімді әрі дәмді. «Ыстық су құй да, жей бер. Сүтке пісір де балаға бер». Талқан қуырылған бидайдан, арпадан жүгеріден ұнтақтап дайындалады. Ерте кезде талқан дайындаудың екі тәсілі болған. Бірі – қол диірменге тарту, екіншісі – келіге түю. Екі тәсілмен дайындағанда талқанның майдаланбай қалып қоятын түйіршіктері болады, оны «талқанның сағы» дейді. Талқанның сағын бөліп алу үшін жайпақ табаққа салып екшейді. Сонда сағы талқанның бетіне бөлініп шығады да, ұнтағы астында қалады. Бетіндегі сақты алып тастай отырып, талқанның ұнтағын бөліп алады. Талқан аса дәмді әрі құнарлы тамақ. Оны майға, кілегейге, қаймаққа араластырып жеуге де, шайға салуға да болады. Талқан салған шай қою болады әрі тез суиды. Оны жентке қосады. Талқаннан әзірленетін тамақты «сарталқан» немесе «майталқан» деп атайды. Сарталқан дайындағанда талқанды қойдың құйрық майына немесе жылқының майына араластырып, баяу жанған отқа қойып қуырады. Талқанды құмшекер салып дастарқанға құрғақ күінде қоюға да болады. Оны кебегі көп тазартылмаған бидай ұнынан ( 2 не 3 сорт ұннан) әзірлеуге де болады. Ол үшін аздап май жағылған қазанға шақтап ұн салып ақырындап қуырыды. Қуырылып қызыл-күрең тартқан ыстық талқанға сары май және құмшекер қосады, сонда ол өте дәмді болады. Оны балалар да сүйсініп жейді. Талқаннан майға, кілегейге, сүтке араластырып жеуге болады. 1 кг талқанға - 200 г құм шекер, 200 г май қажет.

 
6
1
8211