miss-Lee

Таңертең жұмысқа келсем, телефон жасамай тұр екен. Түнде (1-ші қазан күні түнгі сағат 22:30-дар шамасында) Телекоммуникация ғимаратынан өрт шыққан екен. Мамандардың хабарлауынша, өрттің салдарынан Ақтаудағы 30, 31-ден басталатын 7000-нан астам телефон нөмірі істен шықты. Осылайша, тілсіз жау Ақтаудың кейбір шағынаудандарын телефонсыз қалдырды. - Тілсіз жау нөмірі 30, 31-ден басталатын автономды телекоммуникациялық қызметтің сымдарын зақымдап кетті. Қазір ол сымдарды ауыстыруға кірісіп кеттік. Әзірге, жүйенің қай уақытта қалпына келтірілетінін нақты айта алмаймын, – дейді «Қазақтелеком» АҚ МОФ бас директорының міндетін атқарушы Мұхтар Ақниязов. Төтенше жағдайлар департаменті оқиға орнына 5 өрт сөндіру және құтқару көлігін жөнелтіп, жеті байланысшыны аман алып қалды. Алдын-ала жасалған болж…

www.caspinfo.kz деген жақсы сайт бар екен. Қазақ тілді сайт. Өзіміздің ақтаулық тілшілер жүргізеді екен. Жаңалықтарының бәрі "сіп-сібежий". Көңіл қуантады. Осындай сайттар көбейе берсе деймін.

Қарап отырып, мына суреттерге көзім түсті. Маңғыстау облысындағы Құрық елдімекенінде түсірілген.

Басқа суреттерді мына жерден көре аласыз.

Бүгін қазақ боксының негізі қалаушы, маңғыстаулық Шоқыр Бөлтекұлын еске алуға арналған бокстан ересектер арасындағы дәстүрлі 7-нші халықаралық турнир өтеді. Турнирге Әзірбайжан,Қытай, Қырғызстан, Ресей, Өзбекстан, Моңғолия, Украина секілді шет-мемелекеттерден және Қазақстанның облыстық құрамалары қатысады.

Турнирдің ашылу салтанаты 26 қыркүйек 18:00 де.

Алдын-ала кездесулер27 қыркүйек 15:00

Ширек финал28 қыркүйек 15:00

Жартылай финал 29 қыркүйек 15:00

Финалдық кездесулер 30 қыркүйек 12:00

Өтетін орны: 1 ш.а. «Каспий» спорт кешені

Ақтау қаласының қысқы бенесінен суреттер. Атап айтқанда, қыстағы жол тазалау жұмыстары. Жолды тазалап жатқан "Қала жолдары" мекемесі.

Ақтаудағы «Дана» әмбабап дүкенінде Маңғыстау облыстық тұтынушылар құқығын қорғау қоғамы мен жеке кәсіпкерлер арасында меморандумға қол қойылды.

– Тұтынушылар өзі талап ететін, яки өзінен талап етілетін нәрсені білмегендіктен, түсінбеушілік туындайды. Біз осындай келеңсіздіктің алдын алып, мәжіліске заң жобасын ұсынып, мектеп кезінен бастап азаматтардың тұтынушылық сауаттылығын арттыруға ықпал жасаймыз. Тағы 16 әмбабап дүкен келісімге қол қоймақ,– деді облыстық монополияға қарсы инспекцияның бастығы Алтынбек Ақмырзаев.

Меморандумға алғашқылардың бірі болып 28 шағынаудандағы «Аман» әмбабап дүкені, 3 «а» және 11 шағынаудандағы «Дана» әмбабап дүкендері қол қойды.

Бүгінде Каспий теңізінің түбінде 68 ұңғыма бар. Су астында қалуы мүмкін бұл ұңғымалардың 48-і ғана табиғат пайдаланушы компаниялардың балансына алынса, 20-сы иесіз тұр. Мәселен, «Комсомольское» кенорынындағы 18 ұңғыманың бәрі де «Ком-Мунай» ЖШС иелігінде, олардың 8-і қайта қалпына келтіріліп, пайдаланылуда. - Бірақ «Арман» кенорынындағы 9 ұңғыманың 9-ы да кенорынмен аттас компанияның балансына алынбаған. Олардың екеуі су басып қалған аймақта, қалған жетеуі маусымдық су көтерілу аймағында орналасқан. Иесіз қалған ұңғымалардан мұнай төгілу қаупі бар. Олар өз кезінде консервацияланбаған, – дейді Маңғыстау Орхусс орталығының директоры Қажымұрат Хайрушев облыс әкімдігінде өткен экологиялық кеңес басқосуында. – Экологиялық кодекс өзгерді. Соған сәйкес, табиғат пайдаланушылармен жасалған келісім…

Бүгін Ақтауда «Батыс Қазақстанда жаңа өндірістер құру» деген тақырыппен өткен инвестициялық форум аяқталды. Мұндай ірі шараның Ақтауда өтуінің де өзіндік мәні бар. - Батыс Қазақстан – экономикалық әлеуеті аса зор, жаңа және қызықты нарық. Экономикалық әріптес болғысы келетін компаниялар үшін мүмкіндіктер бар, – дейді «ҚазМұнайГаз» ҰК АҚ басқарма төрағасының жергілікті мазмұнды дамыту жөніндегі кеңесшісі лорд Уэверли. Үш күнге созылған форумға ұзын саны 35 елден 500-ге жуық делегат қатысты. Бірқатар жобалардың тұсаукесері жасалды. Әсіресе, мұнайгаз өнеркәсібіне айрықша назар аударылды. Ауыл шаруашылығы, туризм, қалпына келтірілген энергия, су тазарту, машина жасау сияқты жобалар да назардан тыс қалмады. - Солтүстік Каспий және басқа да оффшорлық жобаларда қазақстандық үлесті көбейтуге тиіс…

Мына суретті қыста Астанада түсіріп едім. Астаналықтар үшін еш қызық емес шығар, күнде көріп жүр:))) Астанаға жиі барып жүрсем де, бұрын көрмеппін. Жаңа суреттерімді ақтарып отырып, арасынан тауып алдым. Назарларыңызға ұсынамын.

Ал мына суреттерді Ақтауда түсіргенмін. Ол да қыс мезгілі. Ақтауда қар сирек жауады. Бірақ биыл мол жауды ғой. Сондай әсем шақтардың бірі.

Сосын Каспийдің аққулары. Онсыз болмайды. Ақтаудың сәні емес пе? Неге қыс мезгілінің суретін ұсынып отырмын. Өзім де білмеймін. Сірә, қысты сағынған сияқтымын. Оған қоса, күн де суытып кетті. Тұман, бұлт. Сосын еріксіз есіме қыс мезгілі түсті.

"Тарақан" деген - «Каспий жылу, су арнасы» мекемесінің жаңа құрылғысы. Бұл коммуналдық қызметақысын төлемейтін, сот шешіміне бағынбайтын борышкерлерді "селт еткізу" үшін қолданылатын құрылғы. Мекеме басшысының айтуынша, мұндай әдіс Киевте қолданылады екен. Қондырғыны мекеме 15 мың АҚШ долларына Украинадан сатып алыпты. "Бірақ бекер шығындалмаппыз, қондырғы іске қосылған күні-ақ бірнеше жылдан бері қарызын төлемей келген пәтер иелері орнынан қозғалып, берешектерін бере бастады",- дейді. Ол қалай жұмыс жасайды? Қондырғы тек борышкер пәтердің ғана құбыр желісін сырттан жауып тастайды екен. Яғни, көршіге кесірін тигізбейді. Берешек пәтер жоғарғы қабатта орналасса шатырдан, ал төменгі қабат болса жертөледен кәріз құбыры арқылы арнайы «зонд» жіберіледі. Шағын бейнекамера орнатылған "тарақан" жа…

Ақтаудағы «ҚазАзот» зауыты 15 шілдеден бастап күрделі жөндеу жұмыстары жүргізіліп, үш айға уақытша жабылады. 1967 жылы ашылған зауытта әлі күнге дейін күрделі жөндеу жұмысы жүргізілмеген екен. Оған қоса, құрал жабдықтарының 89 пайызы тозған.

Зауыттан 2-ші рет өрт шыққаннан кейін облыс әкімі шұғыл түрде зауыт басшылығын жинап, өндіріс қаншалықты маңызды болғанымен, халықтың өмірі одан да маңызды екенін айтып, егер техникалық талап бұзылатын болса, зауыт Заңға сәйкес жабылатынын ескертті.

Апат 17 маусым күні таңғы сағат 07:00 шамасында болған. Осы кезде зауыттың үстінде сары түсті бұлт (түтін) тәрізді бірнәрсе тұрған еді. "ҚазАзот" ЖШС директоры К.Орақовтың айтуынша, оқиға мамандардың техникалық талаптарды өрескел бұзуынан болған.