miss-Lee

Кеше теңіз жағасына барып едім, біраз өзгерістер болып қалыпты. Жағалау көркейтіліп жатыр. Теңіз жағасына заңсыз салынған құрылыстарды бұзу - облыс әкімінің "теңіз жағасы сатылмауы тиіс, Каспийдің жағасында қарапайым халық қыдыратындай жағдай болуы керек" деген тапсырмасынан кейін басталды. Шыны керек, жағалау жекеменшік құрылыстардан көрінбей қалған еді. Қазір Каспийдің жағасында тұрғындардың алаңсыз серуендеп, суға шомылуы үшін барынша жағдай жасалуда. Кейбір кәсіпкерлердің кафелерін қоршап қойған адам өте алмас қоршаулары алынып тасталды. Енді жағалау тазаланып, тегістеліп, жұрттың жүруіне ыңғайлы болуы үшін ұзындығы 800 метр жерге "брусчаткалар" төселіп, жаяу жүргіншіге арналған жолдар салынып жатыр. Жоғарыдағы сурет сол «Астана» сауда орталығы мен «Кораблик» кафесінің аумағындағы жұм…

Кеше Жаңаөзен қаласындағы жаппай тәртіпсіздік оқиғасы бойынша қозғалған қылмыстық істің екінші сот отырысы өтті. Сотта мемлекеттік айыптаушылар айыпталушыларға тағылған айыптың мазмұнын баяндады. Сонымен қатар, келтірілген материалдық шығынның көлемі айтылды. Сосын 14 жәбірленуші сұралды. Олар - өртенген көліктер мен тоналған дүкендердің иелері. Атап кетерлігі, кейбір жәбірленуші келтірілген шығын үшін материалдық өтемақы талап етуден бас тартып отыр. Ал, бүгінгі үшінші (яғни 29 наурыз) сот отырысына қатысушылардың азайғаны байқалды. Өйткені, Маңғыстау облыстық сотының баспасөз қызметі таратқан ақпаратқа сүйенсек, 170 орындық сот залы 80%-ға, ал, монитормен жабдықталған 150 орындық арнайы бөлме 60%-ға ғана толған. Сондықтан сот отырысы залындағы бос орындарға журналистердің бір бөлігінің…

Сағат 10:00-де басталуы тиіс сот отырысы (Жаңаөзендегі жаппай тәртіпсіздікке байланысты) кейінге қалдырылды.

Сот отырысы Ақтаудағы "Арман" жастар орталығында ашық түрде өткізу жоспарланған.  Бірақ келгендер залға сыймай қалды. Залға кіргендердің ішінде журналистер, қорғаушылар, жәбірленушілер мен айыпталуышылардың туғандары бар. "Арман" ЖО сыртында да екі жүзге жуық адам ішке кіре алмай, күтіп тұрды.

Бірақ судья А.Нағашыбаев "айыпталушылардың бірі Н.Мұқашевтің келмей қалуына байланысты сот отырысының сағат 15:00-ге қалдырылғанын" мәлімдеді.

Р.S. Сот отырысы қазақ тілінде өтпек.

Қазір Ақтау қаласы әкімдігінде қоғамдық көліктің жолақысын көтеру жобасы қаралып жатыр. Соған сәйкес, автобустың бағасы 25 теңгеден 35 теңгеге өсуі мүмкін. Жергілікті баспасөз құралдарында алдын-ала хабарландыру жарияланып, тұрғындардың бұл өзгеріске келісімі немесе қарсылығы, ұсыныс-пікірі жиналып жатыр екен. Қала тұрғыны ретінде өзімнің пікірімді айтып, берілген телефондарға қоңырау шалдым. Қала әкімдігінің кәсіпкерлік бөлімінің бастығы Азамат Ержанов тарифтің 2006 жылдан бері көтерілмегенін айтты. Ол тарифті көтеру төмендегі шығындарды есептеу арқылы белгіленген дейді: 1. Осы алты жыл ішінде көліктің жанармайы 200 пайызға қымбаттаған. Қазір жанармайға 53 млн теңге жұмсалады екен. 2. Майлау (смазочный) материалдарының да бағасы өскен. Бір автобусқа 0,7 литр майлау материалы жұмсалады. 3…

Бүгін Ақтауда Жаңаөзендегі оқиға бойынша қозғалған қылмыстық істің алғашқы сот отырысы өтеді. Бұл қылмыстық іс бойынша 37 адамға айып тағылып отыр. Сот отырысына 100-ге жуық жәбірленуші қатыспақ. Олар - өртенген көліктердің иелері мен жаңаөзендік кәсіпкерлер, яғни өртке оранған дүкендер мен офистердің иелері.

Сонымен қатар, іс бойынша 45 куәгер, 6 мемлекеттік айыптаушы мен 12 қорғаушының қатысуы көзделген.

Соттың отырысын БАҚ өкілдері, жәбірленушілер мен айыпталушылардың туған-туыстары мен құқықтық ұйымдардың өкілдері бақылайтын болады.

Маңғыстауға Елбасы Жолдауын насихаттау мақсатында ҚР Мұнай және Газ министрі Сауат Мыңбаев келді. Ол Қаражанбас кен орынында болып, ондағы жұмысшылармен кездесті.
Жұмыссыздықтың алдын алу үшін жасалған шаралар жайында былай деді.
«Ереуіл кезінде жұмыстан босап қалған адамдарға арналған 2070 жұмыс орыны құрылған болатын. Бүгінгі таңда «Өзенмұнайгаз» бен «Қаражанбасмұнай» кен орындарындағы мұнайшыларды еңбекпен қамту жолға қойылуда. Олардың мыңға жуығы жұмысқа алынды. Алайда керекті техникалық құрал жабдықтар алынып, ауысымға арналған орындар шілде айына дейін салынып бітуі тиіс. Мұнан кейін мұнайшылар өз жұмысына кіріседі»,– деді ол.

Ертең елдің батыс аймақтарында, әсіресе, Маңғыстау өңірінде Амал мерекесін атап өтеді. Ел арасында "көріс күні" деп аталатын бұл күні барша тұрғындар таң сәріден бір-бірінің үйінің аралап, құшақтасып, қол алысып көрісіп, төс түйістіріп амандасады. Бұл күні бір-біріне өкпелегендер татуласады, егер өкпесін қия алмағандар болса, «Самарқанның көк тасы еріген күні өкпеңді қия алмадың, көк тастан да қатты ма едің?!» деп жатады. Ал, Амал мерекесін, жыл басын Қазақстанның батыс аймақтары неге наурыздың 14-інен бастайды? Жалпы, адамзат баласының жыл деп жүргені – жердің күнді айналуы (365 күн 5 сағат 48 минут), ай дегені – айдың жерді айналуы (29 тәулік 12 сағат 44 минут) және тәулік дегеніміз – жердің өз осінен айналуы (23 сағат 56 минут 4 секунд). Яғни, бір жылда нақты 365 күн болмайды. Б.з.д. 4…

Блогшы қауым мен блогшыларды жіті оқып отыратын оқырмандарға сәлем! Ел ішіндегі жаңалықтар мен көз алдымызда болып жатқан оқиғалар туралы жазып тұруға тырысамын.

Достық қолын ұсынып жатқандармен қуана-қуана достасуға дайынмын.