Қазақстан Телеарнасы

«Нұр Отан» партиясының Парламенттегі фракциясы бюджетке Үкімет ұсынған өзгерістер мен толықтыруларды мақұлдады. Қазынадан қосымша бөлінетін қаржы Президенттің биылғы Жолдауында қойылған міндеттерді іске асыруға бағытталған. Елдің ең басты қаржылық құжаты бүгін партиялық алаң фракцияның кеңейтілген отырысында талқыланып, онда әлеуметтік-экономикалық салаларға байланысты көптеген мәселер қаралды. Нақтырақ айтсақ білім беру, денсаулық сақтау, индустриалдық бағдарламамен қоса тілдің де тағдыры сөз болды. Былтыр біздің елдің экономикалық дамуы 7,5 пайызды бағындырып, жан басына шаққандағы жалпы ішкі өнімнің көлемі 11 мың доллардан асқан. Бірақ биылдан бастап алдағы бірнеше жыл қазақ елі үшін ғана емес, барлық халықаралық қауымдастық үшін оңай болайын деп тұрған жоқ. Өйткені, дағдарыстың тағы б…

Жаңаөзен қаласының 2009-2012 жылға дейінгі әлеуметтік-экономикалық даму жоспары аясында былтыр 2 млрд. теңге игеріліп, қала ішілік жылу құбырлары жөнделген. Өткен жылы жөнделгені бар, жаңадан салынғаны бар, төрт мектеп, бірнеше балабақша пайдалануға берілді. Тубекулезге қарсы 100 орындық аурухана іске қосылды. Алайда жергілікті халықты жұмыспен қамту мәселесі өзекті болып тұр. Жаңаөзен қаласы әкімінің тұрғындарға есеп беру жиынында дәл осы тақырып әңгіме арқауына айналды. Ресми тіркеуде тұрған жұмыссыз саны 2 мыңнан асқанымен, қала әкімінің мәлімдеуінше, шаҺарда 10 мыңнан астам тұрғын тұрақты жұмыс орнына зәру. Осы орайда Үкімет Жаңаөзен қаласын дамытудың 2020 жылға дейінгі кешенді жоспарды бекітті. Кендірлі курорттық аймағы кеңейтілген кезде мыңдаған жаңаөзендікке жұмыс табылады. Халықар…

Осы айда еліміздің әр түкпірінде пайғамбарымыз Мұхамедтің, оған Алланың сәлемі болсын, туған күні, яғни мәуліт мерекесі аталып өтіп жатыр. Бүгін күллі жамағат асыға күтетін шарапаты мол мейрамға орай Алматыда салтанатты шара өтті. Балуан Шолақ сарайына жиналған жұрт Алла елшісінің атына салауат айтты. Мәуліт араб тілінен аударғанда «туылған, дүниеге келген» деген мағынаны білдіреді. Мәуліт тек Пайғамбарымыз Мұхамедке (с.ғ.с) тән ұғым. Бұл мерекеде күллі жамағат Пайғамбарымыздың (с.ғ.с) өмір жолына кеңінен тоқталып, ғибрат істеріне мадақ айтады. Әбсаттар қажы Дербісәлі, Қазақстан мұсылмандары діни басқармасының төрағасы, бас мүфти:Біздің елімізде 26 ұлттан тұратын мұсылмандар тұрады екен. Бүгін солардың барлығы қатысып отыр, солардың бәрі келіп отыр. Біз өзіміздің бірлігімізді Отан - біреу…

Наурыз айының басында еліміздің көптеген аймақтарында күн жылып артынша күрт суытады деген болжам бар. Осының салдарынан Оңтүстік, Батыс Қазақстан және Атырау облыстарында су тасқыны болуы мүмкін. Үкімет үйінде өткен селекторлық кеңесте бүгін Төтенше жағдайлар министрі Владимир Божко осылай деп мәлімдеді. Министрдің айтуынша, еріген қардан еліміздегі Іле, Сырдария, Арыс, Жайық, Шаған, Қаратал мен Тобыл сияқты өзендердің су деңгейі көтерілуі ықтимал. Министр осы жиында оңтүстік өңірдегі жер үйлердің құрылысын сынға алды. Іргетасы төмен, саман кірпіштен салынған үйлердің қабырғасы суда езіліп, қирап жатыр. Тілсіз жау жер үйлерден бөлек, ауылдардағы мекемелерге де қауіп төндіріп тұр. Әлем ғалымдары «жұмыр жерді жаһандық жылынудан қалай құтқарамыз» деп әбігерге түсіп жатқанда, қазақ даласын қ…

Ұлттық арна сайтына Қызылорда облысы, Шиелі ауданының жасөспірімдері атынан хат келіп түсті. Электронды хатты № 219-ншы Ыбырай Алтынсарин атындағы мектептің 10-ншы сынып оқушылары жолдаған. Олар сыныптастары Жасұлан Шәмшінің өз-өзіне қол жұмсауға әрекет еткенін және бұған жоғары сынып оқушылары тарапынан көрсетілетін қысым себеп болғанын айтқан. Мектепте үлгілі тәртібімен танылған жасөспірімді осы қадамға не итермеледі? Шиелілік оқушы Жасұлан бір аптадан астам уақыт сабаққа бармай отыр. Анасының айтуынша, жан түршігерлік жәйттен аман қалған бала бұл. Әлі кәмелетке толмаған жасөспірім түннің бір уағында асылып өлмек болған. Күйзелістің себебін өз аузынан естідік. Жасұлан Шәмші:11-нші кластың балалары ақша алады, ұрады. Жұмысқа әкетеді. Үйіндегі жұмыстарын, әр нәрсе істетеді: отын шаптырады…

Америка Құрама Штаттарында ақпан айы жылда суық болатын. Ал биылғы температура былтырғыдан өзгерек. Вашингтон аймағында сынап бағанасы қазір +20 градустан төмендемей тұр. Сондықтан, жергілікті тұрғындар далада көктемде киетін киіммен жүр. Мұндай құбылысты елдің шығыс жағалауындағы көптеген қалаларда байқауға болады. Шие ағаштары гүлдеп, ел жазғытұрым уақытқа ерте жеткеніне өте қуанышты.

Желтоқсан айында Жаңаөзенде болған жайсыз оқиға елдің есінен әлі кете қоймаған болар. Әлемдік ақпарат құралдары әлі талқылап жатыр бұл жайды. Бірақ олардың көздегені қарапайым халықтың жай-күйі емес. Бөтен көзқарас, өзгеше пиғыл бар кей басылымдарда. Еліміздің Бас прокуратурасы таратқан мәліметтерге сүйенсек, тәртіпсіздік салдарынан 12 адам қаза тапты. Бұл ресми дерек. Әйтсе де, Жаңаөзен жанжалындағы зардап шеккендер саны көрші елдердің ақпарат құралдарында барынша бұрмаланған. Әсіресе, бұл қызығушылық көрші Ресей тарапынан байқалуда. Мәселен, «Новая газета» басылымы. Прокуратура өкілінің айтуынша, ақпарат құралы Жаңаөзенде қаза тапқандарды 73 адам деп көрсеткен. Ал «Голос республики» газетінің таратқан мәліметі тым сорақы. Олар зардап шеккендерді 300-ге жуықтайды деп келтіреді. Нұрдәулет…

Бүгін Ақордада Елбасы Нұрсұлтан Назарбаев Қырғыз Республикасының Премьер-министрі Өмірбек Бабановты қабылдады. Кездесу барысында Президент қазақ пен қырғыз мемлекеттері тіл мен мәдениеті ұқсас елдер. Сондықтан Қазақстан бауырлас елге барынша қолдау көрсетуге дайын екенін атап өтті. Өмірбек Бабанов, Қырғыз Республикасының Премьер-министрі: Біз бірқатар уағдаластыққа қол жеткіздік. Атап айтқанда, наурыз айында Қырғызстанда қазақстандық инвестициялық қорды тіркейміз. Қазақстандық тарап «Алматы ­– Кемин» электр желісінің құрылысы туралы мәселені қарастырады. Көктемде қырғыз тарабы «Датқа - Кемин» электр желісінің құрылысын бастайды. Біз қазақстандық тараптың жаңа СЭС құрылысының жобасына қатысуын құптаймыз. Біз Нұрсұлтан Әбішұлының еуразиялық ықпалдастық, бірыңғай экономикалық кеңістік жөнінд…

Еліміздегі ең төменгі зейнетақы көлемін қайта есептеп, оның мөлшерін көтеру керек. Бұл туралы бүгін Мәжілістің жалпы отырысында Үкімет басшысына депутаттық сауал жолдаған Нұртай Сәбильянов мәлімдеді. Қазір Астанада ең төменгі зейнетақы алатындардың қатары жарты миллионға жуық. Олардың дені тоқсаныншы жылдардағы тоқырау тұсында зейнетке шыққан азаматтар. Әрі, өтпелі кезеңде еңбекақының көлемі өте аз, керісінше, инфляция шарықтап кеткендіктен сол кезде құрметті демалысқа шыққандардың зейнетақысы дұрыс есептелмеген. Қазір елімізде ең төменгі зейнетақы мөлшері - 17 491 теңге. Оған базалық зейнетақы қосылғанда барлығы 26 221 теңге болады. Әлбетте, депутаттың айтуынша, қазіргі таңда бұл қаржымен күнелту зейнеткер үшін тым ауыр болып отыр. Нұртай Сәбильянов, ҚР Парламенті Мәжілісінің депутаты, «…

Қардың күрт еруі мен тәулік бойына толассыз жауған жауыннан Оңтүстік Қазақстан облысы Ордабасы ауданындағы 221 үйдің ауласы топан судың астында қалды. Тасқыннан 13 отбасының баспанасы мен қора-жайы қираған. Бұл алдын ала анықталғаны. Шығын мөлшерін әзірге нақты айту мүмкін емес. Аймақта қазір Астана, Алматы және Жамбыл мен Қызылордадан жеткен жасақтар құтқару жұмыстарын жүргізіп жатыр. Қырсық бір айналдырғанды шыр айналдырады. Темірлан ауылында тұратын Қапланбековтердің баспанасы осыдан төрт жыл бұрын да тасқыннан құлап қалған еді. Отағасы қираған үйді өз күшімен қайта түзетіп болдым ба дегенде, тағы да төтеннен келген топан судан шатыры опырылып ортаға түсті. Әбүйір болғанда, 4 баласы мен әйелін қауіпсіз жерге ертерек апарып үлгерді. Өзге дүние-мүлік сол күйі үйіндінің астында қалды. Алт…