Алматыда қазақ күресімен айналысатындар саны жыл сайын еселеп артуда
Алматы қаласында «Қазақстан барысы» республикалық турнирінің іріктеу сайыстарына қатысатындар саны жылына екі еседен артуда. Бұл туралы бүгін Алматыда қазақ күресінен өтіп жатқан турнирде Алматы қаласы бойынша қазақ күресінің аға бапкері Ермек Насиев мәлімдеді. Оның айтуынша, қазақ күресі алматылықтар арасында танымал спорт түріне айналуда. «Қазақстан барысы» өткен алғашқы жылы іріктеу жарысында бүкіл Алматы қаласы бойынша бары-жоғы 32 палуан өзара бақ сынасқан еді. Екінші жылы осындай іріктеу сайыстарына әр ауданның өзінен 12-16 палуаннан шықты. Ал биылғы жылға келетін болса, әрбір аудандық іріктеу сайыстарына 25-30 палуаннан қатысты. Қызығушылық өте жоғары», — деді Ермек Насиев. Жалпы еліміз бойынша қазақ күресімен бүгінгі таңда 35 мыңнан астам адам айналысады екен. Айта кетейік, бүгінг…

