Шығыс Қазақстан облысының әкімі Бердібек Сапарбаев Азиада ойындары мен Әлем Чемпионатының жүлдегерлерін, олардың бапкерлерін марапаттады. Жеңіскерлерге әкім грамоталар мен ақшалай сыйлық табыс етті. Салтанатты шара Өскемендегі жеңілатлетикалық кешенде өтті. Алғыс хаттар мен ақшалай сыйлықтарды 17-ші Азиада ойындарында ел намысын қорғап, жүлделі орындарға ие болған 8 спортшы алды. Марапатталған халықаралық спорт шеберлері: Расул Қалиев, Дастан Ықыбаев, Полина Михайлова, Дмитрий Грязнов, Зере Бектасқызы және Алина Белан болғанын айта кетейік. Сонымен қатар, спортшылардың бапкерлеріне де ақшалай сыйлықтар мен алғыс хаттар табыс етілді. Қазақстан Республикасының еңбек сіңірген спорт шебері, Олимпиада және Азия ойындарының жеңіскері Ольга Рыпаковаға «Shkoda Rapid» автокөлігінің кілті табыс еті…

Ақтауда Маңғыстау облысының дене шынықтыру және спорт басқармасының ұйымдастыруымен және «МаңғыстауМұнайГаз» АҚ, НКОК компаниясының демеушілігімен КСРО спорт шебері, «қазақ боксының атасы» атанған Шоқыр Бөлтекұлын еске алуға арналған VIII халықаралық турнир аяқталды, деп хабарлайды Маңғыстау облысының әкімдігінен. Дәстүрге айналған спорттық сайысқа шаршы алаңда шеберлігін сынасуға еліміздің әр түпкірінен және Өзбекстан, Қырғызстан, Әзербайжан, Түрікменстан, Ресей, Украина, Молдова елдерінен 110-ға жуық боксшы келді. Турнирдің ашылу салтанатында сөз сөйлеген облыс әкімі Алик Айдарбаев боксты серік еткен таланттарға сәттілік тіледі. «Бокс — ержүрек және қайратты ерлердің спорты. Бүгінде ҚР-ның спорт шебері, Қазақстан бокс мектебінің негізін қалаушы, Маңғыстау тумасы Шоқыр Бөлтекұлының ізбас…

2014 жылдың 4-16 қарашасы аралығында Алматыда өтетін ауыр атлетикадан Әлем чемпионатына қатысатын атлеттердің финалдық тізімі белгілі болды. Бұл туралы Қазақстанның ауыр атлетика федерациясының баспасөз қызметінен хабарлады. Сонымен, әйелдер арасында: 48 келі салмақ категориясында 22 жастағы Маргарита Елисеева; 53 келі салмақ категориясында 21 жастағы Зүлфия Чиншанло; 58 келі салмақ категориясында 21 жастағы Сәуле Сәдуақасова; 63 келі салмақ категориясында 21 жастағы Карина Горичева; 63 келі салмақ категориясында 29 жастағы Майя Манеза; 69 келі салмақ категориясында 21 жастағы Жазира Жаппарқұл; 69 келі салмақ категориясында 27 жастағы Гүлназ Наурызова; 75 келі салмақ категориясында 28 жастағы Светлана Подобедова; 75 келі салмақ категориясында 21 жастағы Анна Нұрмұхамбетова тұғырға шығатын…

Оңтүстік Кореяда басталған Параазиада ойындарында Қазақстан құрамасы сегіз медаль алып үлгерді. Әзірге құрамадағы алтын саны біреу болғанымен, спортшылар ел қоржынына тағы бірнеше жеңіс әкелуден үмітті. Айта кетейік, Параазиада ойындарына қазақстандық 84 спортшы қатысуда. Құрама команда үшін алғашқы жүлдені суда жүзушілер әкелді. Тірек-қимыл аппаратының мүмкіндігі шектеулі спортшылардың арасында 50 метр қашықтықты жүзіп өткен Дмитрий Ли үшінші болып келіп, қола жүлдені еншіледі. Ал Әнуар Ахметов көру мүмкіндігі шектеулі жүзушілер арасында екі мәрте екінші орын алды. 400 метрге жүзуде ол Қазақстан қоржынына алғашқы алтын медальді салды. Бұл жеңістер біздің спортшылардың басқа елдерден келген қатысушыларға лайықты бәсекелес екенін көрсетті. Дзюдодан өткен жарыста Әнуар Сәрсиев Тайпей спортш…

Қазақстанның «Айсұлу» әйелдер командасы Түркияның Анкара қаласында шайбалы хоккейден Еуропалық чемпиондар кубогының (EWCC) іріктеу турниріне қатысты. Бұл туралы ҚР СІМ баспасөз қызметінен хабарлады. Бұл турнир 2005 жылдан бері өткізіліп келеді. 2014 жылғы жарыс маусымының форматы 3 кезеңмен өткізіледі. Бірінші кезеңде еуропалық 16 команда 4 командадан 4 топқа (A, B, C, D) бөлінді. Қазақстан чемпионы — «Айсұлу» командасы Түркияның («Миллениум Анкара»), Словакияның (HK Poprad») және Румынияның («HSC Csikszereda») командаларымен қатар А тобында өнер көрсетті. Екінші кезеңге өз топтарының жеңімпаздары және екінші орынды иеленгендер шығады. Кубоктың финалы 2015 жылғы ақпанда ұйымдастырылады. Турнирдің іріктеу ойындары 2014 жылғы 17-19 қазан аралығында өткізілді. Іріктеу сынының жабылу салтанат…

Қызылорда облысы Қармақшы ауданында 17-19 қазан аралығында 1995-97 жылдары туылған жастар арасында дзюдодан ауданның құрметті азаматы Болатбек Сүлейменов атындағы дәстүрлі республикалық турнир өтті. Биыл он төртінші мәрте ұйымдастырылған турнирге Алматы қаласы, Алматы, Атырау, Маңғыстау, Батыс Қазақстан, Шығыс Қазақстан, Оңтүстік Қазақстан, Солтүстік Қазақстан, Қызылорда облыстарынан және Қырғызстан, Өзбекстан елдерінен 21 команда, 200-ге жуық спортшы қатысты. Бұл туралы облыстық дене шынықтыру және спорт басқармасының баспасөз қызметі хабарлады. Турнирдің мақсаты — Қармақшы ауданының құрметті азаматы Болатбек Сүлейменовті еске алу, салауатты өмір салтын насихаттау, жастар арасында дзюдо күресін кеңінен насихаттау, жас палуандардың шеберлігін шыңдау. Болатбек Сүлейменов 1938 жылы Қармақшы…

Өткен аптада теннистен Кремль кубогы үшін халықаралық жарыста шебер ойын өрнегін көрсеткен қазақстандық Михаил Кукушкин тағы бір ірі турнирге қатыспақ. Айта кетейік, М.Кукушкин Мәскеудегі додада финалға бергісіз жартылай финалда әлемнің үздік теннисшілерінің бірі, хорват Марин Чиличке қана есе жіберді. Михаилдың озық өнерін осы турнирдің жеңімпазы атанған М.Чиличтің өзі де жоғары бағалады. Енді қазақстандық теннисші Базельде 20-26 қазан аралығында өтетін халықаралық турнирде бағын сынап көрмек. Мұның Кремль кубогына қарағанда, бәсі де биік, жүлде қоры да (1,458 млн. астам АҚШ доллары) қомақты. Оның үстіне бірінші айналымдағы қарсыласы да аса мықты. Ол — әлемнің төртінші ракеткасы, швейцариялық Станислас Вавринка. Өз елінде ойнайтын С.Вавринка барын салатыны анық. Осы турнирде әлемнің екін…

Самбодан бес дүркін әлем чемпионы атанғым келеді. Қазір Жапонияның Нарита қаласында 20-24 қараша күндері өтетін әлем біріншілігіне қызу дайындалудамын. Бұл туралы ҚазАқпарат тілшісіне батысқазақстандық атақты балуан Ерболат Байбатыров мәлім етті. Айта кетейік, Ерболат соңғы рет әлем чемпионы атағын бұдан үш жыл бұрын сол қараша айында Вильнюс қаласында 57 келі салмақта жеңіп алған болатын. Содан бері алтын медаль уысына түсе қойған жоқ. Самбо олимпиадалық спорт түріне кірмейтіндіктен, дзюдода бағын сынап көрді, бірақ оның ережесіне үйренісіп кете алмады. Қазір Ерболат жиырма сегізде, нағыз дер шағы әрі тәжірибесі толысқан деуге болады. Ол Қазақстан балуандары арасында алғаш рет самбодан төрт мәрте әлем чемпионы атанса да, ешқашан өзін жоғары санап, бәлсініп көрген емес. Қашан да қарапайым…