Kazsport agent

Орта салмақтағы әлемнің үздік боксшыларының бірі, 2004 жылғы Олимпиада ойындарының чемпионы, америкалық Андре Уорд қазақстандық боксшы Геннадий Головкиннің осал тұстарын жақсы білетіндігін мәлімдеді. Бұл жөніндегі MMAboxing.ru порталы хабарлады. «Мен үшін кіммен болса да шаршы алаңға шығу қиындық туғызбайды. Бұл жағынан мен ешкімнен қашқан емеспін. Мен Головкинді сыйлаймын, алайда оның әлсіз тұстарын да жақсы білемін. GGG тамаша боксшы, бірақ оның қаншалықты мықты екенін де білемін. Головкин Олимпиада ойындарының күміс жүлдегері. Ал оның кәсіби рингтегі жетістігіне келер болсам, ол осы күнге дейін бірде-бір мықты, ел таныған боксшымен шығып көрген жоқ. Қазір сіз оның командасынан «Супер орта салмаққа ауысып, кездесу өткізгіңіз келе ме?» деп сұрап көріңіз. Меніңше олардың бұл ұсынысқа «иә»…

Белгілі теннисші Мария Шарапова Сочидегі Олимпиада ойындары — 2014 кезінде телетүсініктемеші  болып, американдық NBC телеарнасы үшін репортаждар дайындамақ, деп хабарлады Утро.ру

.»Мария бүгінде әлемдегі танымал жұлдыздардың біріне айналды. Ол алты жасына дейін Сочиде өсіп-өнген, онда туыстары мен достары тұрады, сондықтан да одан көрермендер оқиғаға бірегей көзқарасын күтеді», — деп «ресейлік «Жаңалықтар» агенттігі NBC атқарушы продюсері Джим Беллдің сөзін келтірген.

Мария  Шарапова Forbes нұсқасы бойынша ең бай спортшылар рейтингісіне кіреді. 2012-2013 жылдардағы маусымда Шарапованың кірісі 29 миллион долларға жеткен. Ол кортта небәрі 6 млн. доллар тапқан, қалған 23 млн. доллар жарнамалық келісім-шарттардан түскен.

Гиннес Кітабының сарапшылары жаңа әлемдік рекордты тіркеуге алды. Harlem Globetrotters ойыншысы Кори Лоу 33,45 метрлік қашықтықтан себетке допты дәл түсіріп, оның қашықтығы бойынша әлемдік рекорд орнатты, деп хабарлады The Mirror.

33,45 метрлік аралықтан себетке доп лақтырған Кори Лоу осыған дейін 2011 жылы Пеппердайн университет командасының бұрынғы ойыншысы Элан Буллер орнатқан рекордты (31,9 метр) жаңартты.

FILA қыркүйекте ересектер арасында Будапештте өткен грек-рим күресінен әлем чемпионатының қорытындысын жариялады. Оның нәтижесі бойынша, қазақстандық спортшы Нұрмахан Тінәлиев үздіктердің қатарында, деп хабарлады Sports.kz.

Әлемдік біріншіліктің 120 келіге дейінгі салмақ дәрежесіндегі күміс жүлдегері Нұрмахан аталған салмақ бойынша жеңімпаз Әмір Алиабкар мен 74 келі салмақта бірінші орын алған оңтүстіккореялық Ким Хьюн Вудың қатарында қорғаныс машығы бойынша тізімде көш бастады. Сонымен бірге біздің жерлесіміз нәтижелілік бойынша бесінші орында.

Астана қаласының «Барыс» хоккей клубы сырт алаңда «Слован» (Словакия, Братислава) командасын ойсырата ұтты. Қорытынды есеп — 2:6. Бұл ойында есеп алтыншы минутта ашылды. «Барыстың» хоккейшісі Роман Старченко қарсыластар қақпашысын қапы қалдырып, өз командасын алға шығарды. Бір минуттың ішінде таразы басы теңесті. Алайда бірінші кезеңнің аяқталуына санаулы секундтар қалғанда, Найджел Доус есепті еселеді. 1:2. Екінші кезеңде есеп тағы да теңесті. Бірақ «Барыс» үшінші шайбасын соғып, қайтадан алға шықты. Үшінші кезеңде қарсыластар Виталий Еремеевтің тасқамал қорғанысын еш бұза алмады. Ал «Барыстың» хоккейшілері «Слованның» қақпасына қатарынан үш шайба соқты. Қорытынды есеп — 2:6. Айта кетейік, бұған дейінгі екі ойында «Барыс» ұтылған болатын. Ал осы жолы толық үш ұпайға қол жеткізіп, Құрлықт…

Муониода (Финляндия) шаңғымен сырғанаудан халықаралық жарыста қазақстандық Алексей Полторанин екі қашықтықта жеңіске жетті, деп хабарлады alaman.kz.

Ерлер арасында классикалық стильдегі 10 шақырымдық жарыста қазақстандық спортшы бірінші орын алды, екінші орында — чех Лукаш Бауэр, үшінші орында — германиялық шаңғышы Ханнес Дотцлер.

Ерлер арасындағы спринтте классикалық стильде Алексей Полторанин жеңсе, екінші орыннан Финляндия спортшысы Ари Лууса көрінді, ал үшінші болып ресейлік Анатолий Волков келді.

Біржан Жақыпов, Мерей Ақшалов, Данияр Елеусінов және Жәнібек Әлімханұлы Қазақстандағы үздік боксшы атағына үміткер, деп хабарлайды Vesti.kz.

Үздік боксшыны анықтауға дауыс беруді Спорттық жекпе-жек және күш қолданылатын спорт түрлері конфедерациясы өткізуде. Осы жерде үздік боксшыға дауыс беруге болады.

Айтып өтейік, төрт босшы да Алматыда өткен ӘЧ-да әлем чемпионы атанған болатын. Осы жеңістерінің арқасында бокс бойынша Қазақстан құрамасы 2013 жылғы әлем чемпионатында жалпыкомандалық есеп бойынша бірінші орынды иеленді.

15-ші қарашада бүкіләлемдік бокс сериясының төртінші маусымы басталады. Алматыда «Астана арландары» «Баку оттарын» қабылдайды. Ал 22-ші қарашада Мәскеуде біздің жігіттер Ресей құрамасымен кездеседі, деп хабарлады alaman.kz.

49 келі: Анвар Мұзапаров — Хамза Наметов

56 келі: Бағдат Әлімбеков — Магомед Гурбанов

64 келі: Асхат Уалиханов — Осман Алиев

75 келі: Сергей Деревянченко (Украина) — Микалай Весялу (Белоруссия)

91 келі: Василий Левит — Абдулкадыр Абдулаев
52 келі: Миша Алоян — Олжас Сәттібаев

60 келі: Адлан Абдурашидов — Самат Башенов

69 келі: Александр Иванов — Мейірім Нұрсұлтанов

81 келі: Дмитрий Бивол — Данабек Сужанов

+ 91 келі: Сергей Кузьмин — Филип Хргович (Хорватия).

Алматыда волейболдан Жоғары лиганың «Б» дивизионындағы ерлер командалары арасында Қазақстан чемпионатының 1-турында алғашқы 3 кездесудің қорытындысы бойынша 2 команда ғана жеңіліссіз келе жатыр. Қазір турнир кестесінде 9 ұпаймен «ТНК Қазхром-2» (Хромтау) көш бастап келе жатыр. Одан 1 ұпайы кем «Атырау-2» волейболшылары екінші орында тұр. Ал Қызылорданың «Қорқыт Ата ҚМУ» (4 ұпай), «Қостанай (3 ұпай), «Тараз-ТармУ», (2 ұпай) «Астана -Ұлан» (1 ұпай) командалары 3-6 орындарды өзара бөлісуде. Кеше бір күндік үзіліс алған командалар бүгін жарысты қайта жалғастырады. Онда астаналықтар қостанайлықтармен, тараздықтар қызылордалықтармен, хромтаулықтар атыраулықтармен күш сынасады. Ал ертең атыраулықтар астаналық, қызылордалықтар хромтаулық, қостанайлықтар тараздық волейболшылармен бірінші 3 турдың…

12 жастағы алматылық талантты футболшы Алдиар Әлім вальядолидтік «Реалдың» академиясына қабылданды. Бұл туралы sports.kz сайты хабарлап отыр. Екі апта бұрын Испанияға жол тарқан жас талант «Реал Вальядолид»жастар академиясымен келісім-шартқа отырыпты. Алматыдағы Республикалық спорт колледжінде жас жеткіншектерді жаттықтыратынВасилий Маруняктан тәлім алған Алдиардың ойыны испандықтарға ұнаған. Қазақстандық жас футболшының Вальядолид академиясына түсуіне ресейлік агент Павел Астафьевтің көмегі тиіпті. Ол Алдиардың ойыны жазылған дискіні аталған академияға жолдаған екен. Алдиардың әкесі Мараттың айтуынша, бапкерлер жерлесіміздің ойынына риза көрінеді. Естеріңізге сала кететін болсақ, осыдан бірнеше жыл бұрынвальядолидтік «Реал» халықаралық футбол мектебін құру үшін қор құрған. Қазіргі таңда…