20-21 маусым күндері Қызылорда облысы, Сырдария ауданы, Нағи Ілиясов ауылында «Абзал және К» компаниясының жүлдесі үшін дзюдодан 1999-2000 және 2001-2002 жылдары туылған жасөспірім ұлдар мен қыздар арасында республикалық турнир өтті. Биыл бесінші мәрте ұйымдастырылған турнирге Атырау, Батыс Қазақстан, Жамбыл, Оңтүстік Қазақстан, Қызылорда облыстарынан және Өзбекстан, Қырғызстан елдерінен 27 команда, 285 спортшы 18 салмақ дәрежесінде жүлделерді сарапқа салды. Бұл туралы облыстық дене шынықтыру және спорт басқармасының баспасөз қызметі хабарлады. Жарыстың салтанатты ашылуында облыс әкімінің орынбасары Рауан Кенжеханұлы қатысушыларды құттықтап, сәттілік тіледі. ҚР дзюдо федерациясының вице-президенті Асхат Житкеев Қазақстанның Еңбек Ері Абзал Ералиевке дзюдо федерациясының алғыс хатын табыст…

Қызылорда қаласы «Мұз айдыны» спорт кешенінің күрес залында КСРО спорт шебері Дүйсен Смайловты еске алуға арналған еркін күрестен 1999-2000 жылдары туған жасөспірімдер арасында республикалық турнир өтті. Бұл туралы облыстық дене шынықтыру және спорт басқармасының баспасөз қызметі хабарлады. Осымен жетінші мәрте ұйымдастырылған турнирге Алматы, Ақтөбе, Атырау, Оңтүстік Қазақстан, Солтүстік Қазақстан, Жамбыл және Қызылорда облыстарынан 11 команда, 200-ге жуық спортшы бақ сынады. Жарыстың мақсаты — КСРО спорт шебері Дүйсен Смайловты еске алу, жасөспірімдер арасында еркін күресті дамыту, салауатты өмір салтын насихаттау, палуандардың спорттық шеберлігін арттыру, жасөспірімдерді достыққа, патриоттық сезімге, ұлттық мәдениетке тәрбиелеу. Екі күнге созылған жарыс қорытындысы бойынша ұлдар арасын…

АСТАНА. ҚазАқпарат —  WBA (Super), WBC (Interim) және IBO нұсқасы бойынша әлем чемпионы Геннадий Головкиннің промоутері Том Леффлер Халықаралық бокс федерациясына байланысқа шықты.

Ондағылар қазақстандық боксшы мен канадалық Давид Лемьенің алдағы уақытта жекпе-жекке шығуларына еш кедергі жоқтығын айтты, деп хабарлады Аllboxing.ru.

«Халықаралық бокс федерациясы Головкин мен Лемьеның кездесуін ұйымдастыруға ешқандай кедергі жоқтығын растады, — деп мәлімдеді Леффлер. — Мықтылар мықтылармен айқасуы тиіс. Golden Boy,  ендеше жекпе-жекті ұйымдастырайық».

АСТАНА. ҚазАқпарат — Қазақстан мен Испанияның ұлттық құрамалары 2016 жылы жолдастық кездесу өткізеді, деп хабарлайды Қазақстан футбол федерациясы ҚФФ бас менеджері Асқар Уранхаевқа сілтемемен.

Бұл туралы Vesti.kz жазады.

Уранхаевтың айтуынша, Қазақстан мен Испания құрамалары арасында жолдастық матч өткізу туралы келісім бар. Бас менеджер Қазақстан футболшылары бұрын-соңды бұндай деңгейде кездесу өткізіп көрмегенін айтады. Алайда ол бұл ойынның нақты қай күні болатынын айтпаған.

«Бұл келісімнің басты артықшылығы — біз осы ойын үшін бір тиын да төлемейміз. Алайда бұндай деңгейдегі кездесу үшін әдетте кемі 3 млн. еуро төлейді», — деді А.Уранхаев.

ҚФФ бас менеджерінің сұхбатын толығырақ мына сілтеме бойынша оқуға болады

АСТАНА. ҚазАқпарат — Елордада 2015 жылдың 28 маусымында Астананың 17 жылдығына орайластырылған веложарыс өтеді, деп хабарлады Астана қаласы әкімдігінің спорттық-бұқаралық шаралар дирекциясының баспасөз қызметі. Шара таңертеңгі сағат 10-00-де Салтанат сарайының алдындағы алаңнан басталып, «Астана-Арена» стадионының алдында мәреге жетеді. Бағыттың ұзындығы 4600 метр. Веложарысқа елімізді әлемге танытып жүрген велошабандоздар, белгілі спортшылар, эстрада жұлдыздары, мәдениет қайраткерлері, қоғамдық құрылымдардың өкілдері қатысады. Додаға Астана мерекесін атап өтуге атсалысқысы келген барлық азаматтар, қала тұрғындары, қонақтар қатыса алады. Велосипедтерді жалға алуға болады. Көрермендер мен жарысқа қатысушыларға арнап концерттік бағдарлама ұйымдастырылады. Бағыт бойында медициналық көмек көр…

АСТАНА. ҚазАқпарат — Қазақстан Журналистер одағы Астана қалалық филиалының ұйымдастыруымен республикалық Баспасөз күні қарсаңында елордалық майдангер, жазушы-журналист Әскен Нәбиевті еске алу құрметіне арналған журналистер арасында шағын футболдан бірінші республикалық жарыс басталады.

Жарыстың мақсаты — БАҚ өкілдері арасында салауатты өмір салтын насихаттай отырып, Ұлы Отан соғысына қатысқан қарт майдангер журналистің ерлік істеріне тағзым ету.

Ұйымдастырушылардың хабарлауынша, дүбірлі додаға 9 команда қатысады. Атап айтқанда, жасыл алаңда «Қазконтент» АҚ, «Хабар Астана», «Егемен Қазақстан», Қазақ радиосы, «ҚазАқпарат», «Қазақстан» арнасы, «Қазспорт», «Хабар Алматы», «Журналистер үйі» командалары бақ сынайды.

Шілденің 4 күні қазақ күресінен Ұлт Көшбасшысы — Қазақстан Республикасының Президенті Н.Ә.Назарбаевтың жүлдесі үшін «Қазақстан Барысы» турнирінің финалдық белдесулері өтеді. Жалпыұлттық жоба аясындағы осы дәстүрлі турнирдің билеттері сатылымға түсті. Бұл туралы «Қазақстан Барысы» қазақ күресін дамыту қорының баспасөз қызметі хабарлады. Төл күресімізден осымен бесінші рет ұйымдастырылатын ақтық сынға жыл сайын 8 миллионға жуық жанкүйер қызығушылық танытып отыр. Әрі бұл тың бастама Астана күніне орай ұйымдастырылатын түрлі мерекелік мәдени-спорттық шаралардың шиеленісті ұйытқысы болады. Турнирдің ережесіне сай әр облыстың, сондай-ақ Астана және Алматы қалаларының атынан екі балуан қатысады. Финалдық жарысқа дейін үш кезеңдік іріктеу сындары өтті (ауыл, аудан, облыс). Ақтық сынға шыққандарды…

АСТАНА. ҚазАқпарат —  WBA/IBO  нұсқасы бойынша орта салмақтағы әлем чемпионы Геннадий Головкин  Оскар  Де Ла Хойяға қарсы айқасқа шығуға әзір екендігін айтты, таяуда  ол  GGG-мен жекпе-жекке шыққысы келетінін бірнеше рет мәлімдеген болатын, деп хабарлады Sports.kz.

- Оскарды ерекше құрмет тұтамын. Ол мықты чемпион әрі бокстың жарқыраған жұлдызы. Егер ол менімен кездесуге бел буса, мен әзірмін. Тағы да кезекті big drama show тамашалайтын боласыздар, — деді Геннадий  ESPN-ге берген сұхбатында.

АСТАНА. ҚазАқпарат — Ресей бизнесмені Әлішер Усманов футболдан ұлттық құрама команда жаттықтырушысы Фабио Капеллоға төленбеген қарызды өтеу үшін Ресей футбол одағына қосымша қаржы бөлуге келісті, деп хабарлады «ВВС» агенттігі.

«Футболдан әлем чемпионатын ұйымдастыру үшін құрылған «Ресей-2018» ұйымдастыру комитетінің қамқорлық кеңесіне мүше Әлішер Усманов Ресей футбол одағына 300 млн рубль бөлуге келісті», делінген бизнесменнің баспасөз қызметі таратқан ақпараттта.
Усмановтың өкілдері бұл қаржы РФО италиялық маман алдындағы қарызын өтеуге толық жететінін айтты.

Орал қаласында мемлекеттік қызметкерлер арасында дәстүрлі спартакиада мәреге жетті. Оның ашылу рәсіміне қатысқан облыс әкімінің бірінші орынбасары Арман Өтеғұловтың атап өткеніндей, Елбасы тапсырмасына сәйкес бұқаралық спортты дамыту ұдайы назарда. Қазақстан «Мәңгілік елге» айналу үшін оның барша тұрғындары спортпен де достасып, дендері сау, мықты болуы қажет. Бұл істе ең алдымен мемлекеттік қызметкерлер үлгі көрсетуі тиіс. Облыстық дене шынықтыру және спорт басқармасынан түскен мәліметке қарағанда, бірнеше күнге созылған жарысқа 19 команда құрамында 950 адам қатысты. Олар волейбол, баскетбол, шағын футбол, үстел теннисі, гір тасын көтеру, армрестлинг, жеңіл атлетика, шахмат, жүзу, барлығы тоғыз спорт түрінен сынға түсті. Жалпыкомандалық есепте Қазталов ауданы жеңімпаз атанса, сырымдықтар…