Мазмұнға өту

Жаңа

Унитаз қақпағын көтеріп қою — дискриминация ма?!

Жұмыстағы немесе пәтердегі дәретханаларда, әсіресе ортақ әжетханаларда унитаз қақпағын ерлердің қайта-қайта көтеріп қою әдеттері олардың әйел қауымына қатысты көзқарасының көрсеткіші ме және бұл дискриминацияға жатады ма?! Ортақ тойлеттен шыққан ер адамнан кейін әйел адам кіріп, унитаз қақпағына қарап, оның әйел қауымын қай деңгейге қоятынын білетіндей. Ал егер ол еркек сол әйелдің танысы, досы немесе әріптесі болса ше, жалпы қарым-қатынастағы аздаған түсініспеушілікке осы да себеп болып жатса, таң қалудың қажеті жоқ сияқты. Бірақ бұл туралы ашық айтыла бермейді.

Жалпы солтүстік еуропа елдерінде ерлер мен әйелдер құқығы тең екені баршамызға белгілі. Осы аптада Швеция елінің парламенті ерлерді кіші дәреттерін отырып алуға міндеттейтін заңжобаны қарайды. Оны ұсынушы депутат Вигго Хансеннің санауынша, бұл гигиена деңгейін көтеріп, ерлер мен әйелдер теңдігін нығайтып, простата алдын алады.

Заңжоба авторларының ойынша, егер ерлер кіші дәреттерін отырып алып үйренсе, отбасыда ыдыс-аяқ сылдырлау жағдайлары азаяды екен.

Осы заң жобаға қарсы пікірлерін білдірушілер, әжетханаларға бақылау орнату мүмкін емес деуде.

Францияның Terrafemina басылымы Швеция заңжобасын қолдап отыр. Олар тіпті осыны біржыныстылар некесін заңдастыруды бастаған президент Франсуа Олландтың қарауына ұсынуды жөн көреді. Швеция сөздігінде "hen" деген неологизм де пайда болды. Жыныссыз есімдік ұлдар мен қыздарға ортақ, қазақ тіліндегі «ол» дейік пе..)

Келесі заңжоба туалеттерге белгіленетін «е» мен «ә» әріптерінің болмауын қарастырады, өйткені бұл я еркек емес, я әйел еместердің құқығын шектеуі мүмкін деседі.

Ал Германия астанасы Берлинде «унисекс» туалеттері пайда болады. Бұл өздерін еркек ретінде немесе әйел ретінде жоғалтқандар үшін керек дейді. Унисекс туалеттері Финляндия елдерінде де бар болып шықты.

Сонымен Швецияға оралайық. Швеция қоғамы депутаттардың бастамасына мән бермеген. Аталмыш заңжобаны қолдамайтындарға жастарын ұзартудан, яғни күлуден басқа амалдары қалмаған. Өйткені әжетхана ережесінің сақталуы бақылауға алынса, адамның басқа құқығы бұзылады дегендей. Саяси талдаушылар, заңның қабылдануы екіталай, өйткені оны тек бес-ақ депутат қолдап отыр деп тұжырымдауда. Ал қалған ер депутаттар кіші дәреттерін бұрынғыша ала бергілері келетін секілді.

Меніңше, табиғатпен бөлінгенді тең етуге күш салу – жасты ұзартады.)))

ПиСи: миссиписи тібілісиси..

ПиСиПиСи: «Ресей газеті»нен алынып аударылды.

-5
2
1235

«Формула-1» жарысында Қазақстан Williams командасын қаржыландырады

 

10 мамырда «Аstana» жазуы Williams командасының темір тұлтарларына ілінбек, себебі дәл осы күні Испания гран-приі үшін «Формула-1» кезеңдерінің бірі өтеді, деп жазады forbes.kz.

2010 жылы Williams «Формулы-1» фавориттерінің қатарында жоқ венесуэлалық шабандоз Пастор Мальдонадомен келісімшарт жасасқан. Алайда бір жыл бұрын Мальдонадо Испанияның Гран-приін қанжығалап, оған өзінің туған елінен бөлінген демеушілік қаржылай көмек 29 млн фунт стерлингті құрады.

Ендігі кезекте Williams Шығыс пен туристердің назарын аударту үшін әбігерге түскен елге де келіп жетті, деп жазады The Times.

«Бұл жолы аталған командамен демеушілік келісімшартты ЮНЕСКО-ның атамұра тізіміне енген Астана мен Қазақстанның тарихи әрі мәдени ескерткіштеріне туристердің назарын аударту мақсатында TAK Group қазақстандық инвестициялық компаниясы жасасып отыр. Астана Орталық Азиядағы ірі бизнес-орталықтардың бірі болып табылады және қазір ол EXPO 2017-ге дайындалу үстінде», деп жазады британ басылымы.

TAK Group іргесінде жұмыс істейтін шабандоз Артур Ардавичус: «Formula 1 жарыстары – әлемдегі ең танымал спорт түрі және оның жаһандық беделі Астана үшін өте жақсы жарнама жасайтыны анық. Ал Williams атамыл спорт түрі бойынша аса құрметті командалардың бірі болып табылады, сол себепті осы командамен серіктесу біз үшін үлкен қуаныш. Біз Астана мен жалпы Қазақстанда спорт пен туризмді насихаттауда аталған командамен осы жылдағы бірлескен жұмысымызды бастауға асықпыз», — деген пікірін ортаға салды.

Келісімшарт мөлшері құпия күйінде сақталуда.

 
0
0
496

Астанада С.Нұрмағамбетовтың жүлдесі үшін бокстан турнир өтеді

 

9-13 мамыр аралығында Астанада тұңғыш рет Кеңес Одағының батыры, Халық Қаһарманы армия генералы С.Нұрамағамбетовтың жүлдесі үшін бокстан халықаралық турнир өтеді, деп хабарлады армияның орталық спорт клубы.

«Бұл турнир тек Қазақстанда емес, басқа да елдерде танымал. Жыл сайын турнирге жақын және алыс шетелдің 150 үздік спортшысы қатысады. Осы жолы да Қазақстан облыстарымен қатар Бирма, Ирак, Моңғолия, Сирия, Өзбекстан, Түркіменстан, Тәжікстан, Ресей, Украинадан боксшылар келеді. Сондай-ақ, турнирге еліміздің ұлттық құрамасының мүшелері қатысады», — делінген ақпаратта.

Айта кетейік, осы байрақты бәсекеге қатысқан еліміздің талай саңлақтары, атап айтқанда Серік Сәпиев, Геннадий Головкин, Бақтияр Артаев, Мұхтар Ділдәбеков, Еркебұлан Шыналиевтер Олимпиада және әлем чемпионаттарында топ жарған болатын.

Турнирге армия генералы Сағадат Нұрмағамбетовтың қатысуы күтілуде.

 
0
0
396

«Жұлдызды сәт».

«Қазақстан» Ұлттық арнасында таланттылар арасындағы нағыз айқас енді басталады! Топ жарған 40 өнерпаз, жартылай финалдағы алғашқы ондық өнерін тамашалап, сайысты кімдер жалғастыратынын енді Сіздер анықтаңыздар! Ұлттық арнада әр сенбіде сағат 21.05-те «Жұлдызды сәт» мегажобасында лайықты өнерпазға дауыс беріңіз!

0
0
291

«Әлі есімде...»

Бағдарламада қазақтың көрнекті композиторы, қоғам қайраткері, КСРО халық артисі, КСРО Мемлекеттік сыйлығының лауреаты Мұқан Төлебаевтың шығармашылығы туралы сөз болады.

0
0
383