Мазмұнға өту

Жаңа

«Әке серті». Телехикая («Қазақстан» ҰТА, 2013 ж.)

«Қазақстан» Ұлттық арнасынан дүйсенбі және бейсенбі күндерінің аралығында әке мен бала арасындағы байланыстың сан тармақты қыр-сыры көрініс тапқан «Әке серті» телехикаясын тамашалаңыздар!

0
0
455

«Көк тарландары». Телехикая («Қазақстан» ҰТА, 2012 ж.).

Дүйсенбі-бейсенбі аралығында Ұлттық арнадан ұранды елдің қайсар ұрпағы туралы «Қазақстан» Ұлттық арнасының төл туындысы - «Көк тарландары» телехикаясының толық нұсқасын тамашалаңыздар!

0
0
249

Қанаттың кезекті жеңісі

 
|  | Edit

Қанаттың кезекті жеңісі

Edit This Post

 

Доминикан Республикасының астанасы Санто-Домингода өткен жекпе-жек сегіз раундқа созылуы керек екен. Бірақ бірінші раундта-ақ аяқталып, Қанат үстемдік танытқан.

   

Кәсіпқой бокс рингінің «шаңын» шығарып жүрген Қанат Ислам дем алар емес. Жақында он үшінші жекпе-жегін өткізіп, тағы да жеңіске жетіпті…

Бүгін отандық электронды басылымдар «Қанат Ислам он үшінші жекпе-жегінөткізіп, басым түсті» деген жағымды ақпарат таратты. Осының анық-қанығын білуге тырысып едік, өзімен тілдесудің немесе тікелей байланысудың сәті түспеді.

Десек те, Қанат Исламның әлеуметтік желідегі жеке парақшасынан біз де осындай ақпаратты оқыдық. Әрі Қанаттың бұл жеңісі boxrec.com сайтында да тіркеліпті.

Сәуірдің аяғында ғана эквадорлық Эдуардо Флоресті жеңген Қанат осыдан бірер күн бұрын Доминикан боксшысы Хосе Антонио Родригесті жеңіпті. Доминикан Республикасының астанасы Санто-Домингода өткен жекпе-жек сегіз раундқа созылуы керек екен.

Бірақ бірінші раундта-ақ аяқталып, Қанат үстемдік танытқан. Қарсыласыныңбапкерлері жекпе-жекті әрі қарай жалғастырудан бас тартып, жеңілгендерін мойындапты.

Бір қызығы, Қанат дәл осы боксшымен 2012 жылдың желтоқсан айында кездескен. Онда алты раундқа жоспарланған жекпе-жек үшінші раундта тоқтатылып, Қанат айқын басымдықпен жеңіске жеткен болатын. Есе қайтармақболған Родригес бұл жолы бір раунд та төтеп бере алмаған…

Айтпақшы, осыдан бірер күн бұрынғы Санто-Домингода өткен бокс кешіндеҚанатпен бірге Жанқош Тұраров та шаршы алаңға шығып, жергілікті боксшы Алехандро Лебронмен кездесіпті.

Алты раундқа созылуы тиіс бұл жекпе-жек те бірінші раунда аяқталып, төрешілер шешімімен жеңіс Тұраровқа берілген.

Сөйтіп қазақтың екі ұлы Доминикан елінің боксшыларын бірінші раундта-ақберілуге мәжбүр еткен. Әзірше екеуінің де кәсіпқой бокстағы көрсетіштері адамқызығарлықтай:

Қанат Ислам – 13 жекпе-жек, 13 жеңіс, оның 11-ін мерзімінен бұрын аяқтаған.

Жанқош Тұраров – 8 жекпе-жек, 8 жеңіс, оның 3-ін мерзімінен бұрын аяқтаған.

 
0
0
421

«Арландар» жайлы бір үзік сыр.

Осы бір бокс кешінің аяқталғанына бір апта болса да, өткен кешті електен өткізіп, сараптап қалам тербеп отырм.

   

Бала кезден спортты сүйіп өскен соң, мүмкіндік болса жарыстарды қалт жібермеуге тырысамын. Оның үстіне қазіргі кезде спорт журналистикасында жүргендіктен тіпті жиі баруға тура келеді. Көбіне футбол қарағанды ұнатушы едім. Осы жолы нағыз бокс кешін тамашалауға тура келді.«Астана арландарының» бәсекелерін көбіне теледидардардан тамашалағаным болмаса, барған емес едім. Осы жолы финал болғандықтан ерекше құлшыныспен бардым. Қарсыластардың қарымы қандай екенін өте жақсы білеміз, қазақтың жуан жұдырықты жігіттері де осыларға есе жіберіп қарап отырмайтынын тағы білеміз. Бір сөзбен айтқанда, мен күткен финал (барлық алаш жұрты күткен) десем де болды.

«Сарыарқа» республикалық велотрегіне жиналған жұрттың көңіл күйі өте жоғары болды. Финалдың аты – финал. Осындай бәсекелердің мәдени шараларынан қалмайтын, «Міне біздің жігіттер» деп Ерболат Құдайбергенов жүр. Осы Ерекеннің келетінін алдын-ала ішім сезген еді. Бізде бір-екі әншіні айналдырып шақыра беру «модаға» айналып барады ғой.

Не керек, жұрт күткен финалда басталды. Алдымен Халықаралық бокс қауымдастығының президенті Чинг-Куо Ву, өзіміздің Серік Қонақбаев, Бақтияр Артаев сияқты шенді-шекпенділер сөз сөйлеп,сосын алғашқы жекпе-жектерге рұқсат берілді.

Мейірболат Тойытов пен Виктор Гоголев арасындағы жекпе-жекте айқын басымдылықпен біздің жігіт жеңіске жетті. Қарсыластың қабағын жарып, айызымызды қандырды.

Екінші жекпе-жек басталады дегеннен тыпыршып отыра алмадым. Осы күнге дейін Василий Ломаченконың техникалық шеберлігіне тәнті болып, жанкүйер болып жүруші едім. Біздің елде дәл осы боксшы сияқты алты жыл жеңілістің не екенін білмеген боксшы жоқ шығар. Қарайсың,қызығасың. Біздікілер болса, бір-екі жүлдеден соң, жұлдыз ауруы басталады. Сосын үнемі өз бабын сақтап, тұрақты түрде жоғары нәтиже көрсете алмай жатады. Ал Вася да оның бірде-біреуі жоқ. Осы жетістікке қатал режиммен, еңбекқорлығының арқасында жетті. Жаттығу кезінде босаңсуды білмейтін боксшы. Әкесінің айтқандары қашанда заң.Дайындық кезінде балам ғой деп, аяушылық сезімі мүлдем болмайды. Қиын тапсырмалармен, күрделі жаттығуларды істетеді. Міне, еңбекқорлық, міне нәтиже. Бірақ, осы Васяны бір орнына қойса Самат қояр деген үміттеніп отыр едім. Футболға барғанда еліміздің мүмкіндігі төмен болса да, Қазақстан ұлттық құрамасынан үмітімді үзген емеспін.Тіпті, Германияға қарсы ойында да Қазақстан жеңіске жетіп қалар деп баратынмын. Бұл жолы да дәл солай Саматтың мүмкіндігіне сендім. Бірақ, мықтының аты мықты. Мойындау керек Ломаченко көп күш жұсамай-ақ жеңіске жетті. Васяның деңгейі экстра-класс десе болады. ал бүгінгі күні біздің ұлттық құрамада мұндай боксшы жоқ. Серік кеткен соң, өкінішке қарай ешкім қалмады.

Одан кейін жекпе-жектерде біздің боксшылар нағыз жекпе-жектің көкесін көрсетіп жеңіске жетті. Алдымен  73 келіде Сергей Деревянченко отандасы Евгений Барабановты оп-оңай ұтты. Бірақ, Барабановтың болашағы бар жас бокшы екені көрініп тұр.Тек азулы қарсыласына тәжірибесі жетіспегені болмаса.

Хорватиялық Хрвое Сеп керемет бокс көрсетіп, жанкүйерлерді желіпіндіріп тастады. Қарсыласы Сергей Лапин нокауд алмай тыныш кетті демесек, басқа істеген түгі де жоқ.

Ал аса ауыр салмақтағы  «арланымыз» Михай Нисторға риза болдым. Бірақ, тәжірибелі, атағы дардай Усикты айқын жеңбесең, төрешілердің жеңісті жұлып беруі екіталай. Сондықтан бұл жекпе-жек қонақтардың пайдасына шешілді.Қырғын деген Клементо Руссоның өзін орнына қойған Нистор осы жолы Усикты ұтқанда атағы алысқа кететін еді. Амал нешік, олай болмады.

Украиндардың физикалық дайындығы керемет. Көрген адамның көзін сүйсіндіреді. Бес раунд бойы шаршаудың не екенін білмейді. Үйренеріміз көп екен.

Тағы бір байқағаным, рингке қазақ шықса қаным қызып нағыз жанкүйер боласын. Ал легионер шықса жеңсе, қуанасын. Жеңілсе, мұрнынды шүйіріп жынын келеді.

Бірінші күнгі жекпе-жекпегіміз осылай аяқталды.

 
0
0
648

Футзалдан Қазақстан құрамасы әлемдік рейтингіде үш орынға көтерілді

Фото дереккөзі: kznportal.ru

 

Футзалдан құрама командалардың кезекті рейтингісі жарияланды, деп хабарлайды Sports.kz.

Қазақстан құрамасы үш орынға көтеріліп, 32-ші орынға тұрақтады. Еуропалық рейтингіде 17-ші орынға жайғасты.

Сонымен, алғашқы әлемдік бестікке мына елдер кіреді:

1. Бразилия

2. Испания

3. Италия

4. Ресей

5. Португалия

ТМД және Балтық елдері:

8. Украина

13. Әзірбайжан

22. Өзбекстан

29. Беларусь

32. Қазақстан

37. Қырғызстан

51. Грузия

53. Латвия

64. Тәжікстан

68. Литва

69. Молдова

73. Түркіменстан

77. Армения

106. Эстония.

 
0
0
432

Тоғызқұмалақтан Қазақстан Республикасының ІІІ – Жастар ойынының есебі

Ақтөбе қаласы                                                                   11-17 мамыр  2013 жыл

 

Жарыс  2013 жылдың  11-17 мамыр күндері Ақтөбе қаласында өтті.

Оған барлығы 15 команда қатысты, қатыспай қалған Солтүстік Қазақстан облысының командасы. Жарыс Ақтөбе политехникалық колледжі ғимаратында өтті. Ашылу салтанатына Ақтөбе облысының туризм, дене шынықтыру және спорт басқармасының бастығы Құлмағамбетов Асылбек Қалдыбайұлы және облыстық «Қазақстан-Ақтөбе» мен «Рика» телеарналары қатысты.

Командалар саны – 15

Спортшылар саны – 92

Ұл – 46

Қыз – 46

Спорт шебері – 3

Спорт шеберіне үміткер – 56

І дәреже – 22

ІІ дәреже – 9

Мандат комиссиясының ешқандай қарсылығы болған жоқ.

Командалық есеп бойынша командалар төмендегі орындарға ие болды:

I – Қызылорда облысы

II – Астана қаласы

III – Қостанай облысы

IV – Алматы қаласы

V – Батыс Қазақстан облысы

VI – Оңтүстік Қазақстан облысы

VII – Алматы облысы

VIII – Ақтөбе облысы

IX – Павлодар облысы

X – Қарағанды облысы

XI – Шығыс Қазақстан облысы

XII – Атырау облысы

XIII – Жамбыл облысы

XIV – Ақмола облысы

XV – Маңғыстау облысы

 

Жекелей есеп бойынша

I – тақта бойынша

I – Есетов Арсен (Ақтөбе облысы)

II – Қайыржанов Әсет (Батыс Қазақстан облысы)

III – Айшықхан Рамазан (Қызылорда облысы)

II – тақта бойынша

I – Бостандықов Бексұлтан (Қызылорда облысы)

II –  Балқыбек Ерасыл (Астана қаласы)

III – Оразмұханбет Алпамыс (Батыс Қазақстан облысы)

III – тақта бойынша

I – Байжанов Бахтияр (Павлодар облысы)

II –  Риза Нұрберген (Астана қаласы)

III – Кемали Фархат (Қызылорда облысы)

IV – тақта бойынша

I – Көптілеу Гүлсезім (Ақтөбе облысы)

II – Ермекбай Самал (Қызылорда облысы)

III – Спанова Гүлнұр (Қостанай облысы)

V – тақта бойынша

I – Мұхамбетқалиева Айым (Қостанай облысы)

II – Рахматуллаева Аружан (Алматы қаласы)

III – Нұрғали Ақгүл (Батыс Қазақстан облысы)

VI – тақта бойынша

I – Жігітекова Сымбат (Алматы қаласы)

II –  Елубаева Гүлмира (Алматы облысы)

III – Егорова Татьяна (Қостанай облысы)

 
0
0
796

Астана «Олимпиада күнін» атап өтуге дайындалуда

 

18-19 мамырда дәстүр бойынша Қазақстанның барлық спорт қоғамдастығы Олимпиада күнін атап өтеді. Бұл күндері астаналықтар керемет қызықты іс-шараларды тамашалайды. Бұл туралы astana.kz сайты ҚР Ұлттық олимпиада комитетіне сілтеме жасап хабарлады.

Комитеттің мәліметі бойынша, «Олимпиада күнінің» елордада салтанатты ашылуы 18 мамырда 10:30-да «Астана-Бәйтерек» монументі жанында өтеді. Мереке бағдарламасында – түрлі ара қашықтықтарға жүгіру, балалардың тас жолдың үстіне сурет салуы, қысқы Олимпиадалық ойындар бойынша викторина сұрақтары, басқа да жарыстар қарастырылған. Астанадағы олимпиадалық жарысқа 5 мыңнан астам адам қатысады деп жоспарлануда.

Олимпиада күніне қатысып, өзінің бағын сынап көруге жасына қарамастан, кез келген тілек білдіруші адамның мүмкіндігі бар.

«Олимпиада күнінің жеңімпаздары мен жүлдегерлері Қазақстанның Ұлттық олимпиада комитетінің ескерткіш сыйлықтарымен және Дүниежүзілік Олимпиада күні белгісі салынған майкалармен марапатталады. Сонымен қатар, әрбір қатысушы Халықаралық олимпиада комитетінің президенті Жакк Роггенің қолы қойылған сертификат алады. Мүмкіндігі шектеулі жандарға да арнайы сыйлықтар тағайындалған», — деп хабарлайды ұйымдастырушылар.

Олимпиада күнін өткізудің тарихы тереңде жатыр. Әлем бойынша спорттық бастаулар Пьер де Кубертен мен оның серіктері олимпиадалық ойындар ұйымдастырып, Халықаралық Олимпиада Комитетін (ХОК) құрған 1894 жылдың 23 маусымынан бастау алады.

Бірінші Олимпиада күні ресми 1948 жылдың 23 маусымында өткізілді. Қазақстанда қалыптасқан дәстүр бойынша Олимпиада күні басқа мемлекеттерден гөрі ерте өткізіледі. Биылғы жылы ол 18-19 мамырға белгіленіп отыр.

2013 жылғы Олимпиада күніне қатысушыларға арнаған өзінің жолдауында Халықаралық Олимпиада Комитетінің Президенті Жак Рогге: «бұл күн жасына, жынысына, атлетикалық қабілетіне қарамастан спортпен кез келген адамның айналысуы керек екендігін еске салатын күн. Спорт барлық адамдарға денсаулық, шаттық өмір әкелетіндігін ұмытпайық», — деді.

 
0
0
390

G-Global платформасында «Индустриялық революция – „жасыл“ экономикаға көшу» атты онлайн-бейнеконференциясы өтті.

Онлайн-конференцияға ҚР Қоршаған ортаны қорғау министрлігінің, БҰҰ даму бағдарламасының және Қазақ экономика, қаржы және халықаралық сауда университетінің өкілдері қатысты.

http://www.youtube.com/watch?v=oOccyPlEwv0

0
0
459