Мазмұнға өту

Жаңа

Атқарылған іс аз емес!

Жамбыл облыстық пікірсайыс одағы «Еркін пікір» жастар қоғамдық бірлестігінің кезекті кеңейтілген Кеңес отырысы өтті. Бірлестік 2010 жылы облыстық пікірсайысшы жастардың бастамасымен құрылды. Осы уақыт аралығында көптеген жұмыстар атқарып, игі бастамалар көтеріп келеді. 2011-2012 жылдары Жамбыл облысы әкімдігі ішкі саясат басқармасының, 2013 жылы облыс әкімдігі жастар саясаты мәселелері басқармасы мен Тараз қаласы әкімдігі ішкі саясат бөлімінің әлеуметтік маңызы бар жобалар шеңберінде «Жастар арасында пікірсайыс ойындарын өткізу» тақырыбында қатысып,  жеңімпаз болып келеді.
Облыс жастарын шешендік өнерге баулу, олардың құқықтық сауаттылығын арттыру, азаматтық белсенділігін жетілдіру жолдарында көптеген жұмыстар атқаруда. «Ел болам десең бесігіңді түзе» демекші жастарды отансүйгіштікке баулу мақсатында 2013 жылдың І жартыжылдығында барлығы 20-ға жуық үлкенді-кішілі іс-шаралар ұйымдастырды. Оның ішінде облыстық, қалалық және аудандық пікірсайыс турнирлері, жастармен кездесулер, спартакиадалар, сенбіліктер, семинар-тренингтер мен «дөңгелек үстел» отырыстары және тағы басқа іс-шаралар өткізді.
Бірлестіктің кеңес отырысында кеңес мүшелері мен қонақтары 2013 жылдың І жартыжылдығында атқарылған жұмысына қанағаттанарлық деген баға бере отырып, кемшіл тұстарында айтып өтті. Атап өтер болсақ, оқу орындарындағы пікірсайысшылардың санының аздығы, республика көлемінде облыстық пікірсайысшылардың беделінің төмендігі мен кейбір оқу орнындарының пікірсайысқа қолдау білдірмеуі сынды кемшіліктер талқыланып, алдағы уақытта осы мәселелер бойынша жұмыстар жүргізілетін болады.
Сонымен қатар, алдағы уақытта бірлестік «Тараз қаласы әкімінің кубогы» үшін қалалық, «Еркін пікір» ЖҚБ кубогы» үшін облыстық пікірсайыс турнирлерін, 9 номинация бойынша «Еркін пікір» жастар сыйлығын, ғылыми-тәжірибелік конференция, ұлттық ойын түрлерінен спартакиада, жастар арасында бильярдтан ашық турнир және тағы басқа іс-шаралар өткізу жоспарланып отыр.
2013 жылдың І жартыжылдығын қорытындылаған Жамбыл облыстық пікірсайыс одағы «Еркін пікір» жастар қоғамдық бірлестігінің мүшелері өз жұмыстарына баға беріп, алда атқаратын істерін пысықтады.

Жамбыл облыстық пікірсайыс одағы «Еркін пікір» жастар қоғамдық бірлестігінің кезекті кеңейтілген Кеңес отырысы өтті. Бірлестік 2010 жылы облыстық пікірсайысшы жастардың бастамасымен құрылды. Осы уақыт аралығында көптеген жұмыстар атқарып, игі бастамалар көтеріп келеді. 2011-2012 жылдары Жамбыл облысы әкімдігі ішкі саясат басқармасының, 2013 жылы облыс әкімдігі жастар саясаты мәселелері басқармасы мен Тараз қаласы әкімдігі ішкі саясат бөлімінің әлеуметтік маңызы бар жобалар шеңберінде «Жастар арасында пікірсайыс ойындарын өткізу» тақырыбында қатысып,  жеңімпаз болып келеді.Облыс жастарын шешендік өнерге баулу, олардың құқықтық сауаттылығын арттыру, азаматтық белсенділігін жетілдіру жолдарында көптеген жұмыстар атқаруда. «Ел болам десең бесігіңді түзе» демекші жастарды отансүйгіштікке баулу мақсатында 2013 жылдың І жартыжылдығында барлығы 20-ға жуық үлкенді-кішілі іс-шаралар ұйымдастырды. Оның ішінде облыстық, қалалық және аудандық пікірсайыс турнирлері, жастармен кездесулер, спартакиадалар, сенбіліктер, семинар-тренингтер мен «дөңгелек үстел» отырыстары және тағы басқа іс-шаралар өткізді.Бірлестіктің кеңес отырысында кеңес мүшелері мен қонақтары 2013 жылдың І жартыжылдығында атқарылған жұмысына қанағаттанарлық деген баға бере отырып, кемшіл тұстарында айтып өтті. Атап өтер болсақ, оқу орындарындағы пікірсайысшылардың санының аздығы, республика көлемінде облыстық пікірсайысшылардың беделінің төмендігі мен кейбір оқу орнындарының пікірсайысқа қолдау білдірмеуі сынды кемшіліктер талқыланып, алдағы уақытта осы мәселелер бойынша жұмыстар жүргізілетін болады.Сонымен қатар, алдағы уақытта бірлестік «Тараз қаласы әкімінің кубогы» үшін қалалық, «Еркін пікір» ЖҚБ кубогы» үшін облыстық пікірсайыс турнирлерін, 9 номинация бойынша «Еркін пікір» жастар сыйлығын, ғылыми-тәжірибелік конференция, ұлттық ойын түрлерінен спартакиада, жастар арасында бильярдтан ашық турнир және тағы басқа іс-шаралар өткізу жоспарланып отыр.2013 жылдың І жартыжылдығын қорытындылаған Жамбыл облыстық пікірсайыс одағы «Еркін пікір» жастар қоғамдық бірлестігінің мүшелері өз жұмыстарына баға беріп, алда атқаратын істерін пысықтады.

1
0
536

Қаржы полициясы агенттігінің қызметкерлері Қытай Халық Республикасынан 2010 жылдан іздеуде жүрген азаматты экстрадициялады

Ағымдағы жылғы 7 шілдеде Қаржы полициясы агенттігі мен Қазақстан Республикасы Бас прокуратурасының қызметкерлері «Акмоласвязьстрой» АҚ-на тиесілі 239,5 млн.теңгені ұрлады деген айыппен 2010 жылғы наурызда халықаралық іздеуге жарияланған Д. Кеделбаевты Қытай Халық Республикасынан экстрадициялады.

Кеделбаев ағымдағы жылғы маусымда Бейжін қаласында ҚХР құқыққорғау органдарымен ұсталған болатын.

Ол «Акмоласвязьстрой» АҚ-на тиесілі 2 ғимаратты және автожуу орнын өз атына заңсыз рәсімдеп, кәсіпорынға 239,5 млн.теңге залал келтірді деп айыпталуда.

Бүгінгі күні ол Астана қаласының ІІД тергеу абақтысына тоғытылды.

0
0
281

«Періштелер қаласының арнайы жасағы». Шытырман оқиғалы фильм

«Қазақстан» Ұлттық телеарнасында - Сэмюэл Джексон, Колин Фаррелл, Мишель Родригестен  құралған «Періштелер қаласының арнайы жасағы» шытырман оқиғалы фильмі. 11 шілде сағат 00:05-те тамашалаңыздар.

0
0
378

«Жәдігерлер дүкені». Драма. 2-бөлім (АҚШ, 1995 ж.)

Бір-ақ сәтте барынан айырылып, күтпеген сәтсіздікке ұшырап, келеңсіз жайттар мен кедергілерге тап болған отбасы. Шытырма хикаялардың өзегіне айналған «Жәдігерлер дүкені» фильмін «Мәдениет» телеарнасынан сенбі және жексенбі күндері, сағат 14:20-да тамашалаңыздар.

0
0
463

«Оз елінің сиқыршысы». Отбасылық фильм (АҚШ, 1939 ж.)

Алыс сапарға аттанғыңыз келсе, теледидар алдына жайғасып отырыңыз. Біз сіздің кез-келген арман-тілегіңізді орындайтын қатігез әрі мейірімді перілер мекендейтін Оз қаласына апарамыз. «Мәдениет» телеарнасында «Оз елінің сиқыршысы» фильмі 12 шілде, сағат 21:40-та.

0
0
562

«Әлі есімде...»

«Досмұқасан» тобы барда Құрманай Омарованың есімі ешқашан ұмытылмайды. Үні - құлағымызда, жүзі -жүрегімізде қалады. «Мәдениет» телеарнасынан Құрманай Омарова орындаған әндер туралы «Әлі есімде...» хабарын көріңіздер.

0
0
564

Қазақ жастарының 5 мәселесі

«Баспанам»

Яғни пәтер мәселесі. Жастар үлкен өмірге енді ғана аяқ басқан, негізінен ата-ана табыстары есебінен күн көріп жүрген қоғамдағы жеке тап болып табылады. Дегенмен, ата-ана баласына, әсіресе үйленгеннен кейін жеке пәтер алып бере алмайтыны белгілі. Көп жағдайда ата-ана балаларының талаптарын қанағаттандыруға материалдық тұрғыдан қауқары жетпей қалады. Жастардың қалтасы тесік. Ал, несие алайын десе, тұрақты жұмысы, қомақты табысы болмағандықтан, оларға банктер несие бере қоймайды. Екінші мәселе, амалын тауып несие алған күннің өзінде жастардың аса жоғары үстемемен берілетін несиелерді төлеуді қалталары көтермейді.

Білім-арзан, білу-қымбат

Жоғары білімсіз, кәсіби даярлықсыз табысы жақсы жұмыс табу қиын. Сондықтан, жастардың дені, дәлірек айтқанда, ертеңін ойлағандар мектептен кейін жоғары оқу орындарын жағалайды. Бірақ, грантқа қолы жетпесе, қаржы тапшылығы тағы да қолбайлау болмақ. Өмір жолын енді ғана басталғалы отырған жас қомақты қайдан табады? Осы орайда емтиханнан немесе тестілеуден сүрінбей өткендер ғана оқуды одан әрі жалғастыруға лайық деген пікірдің де сыңаржақ көзқарас екенін мойындауға тура келеді. Болашақта жақсы маман, іскер ұйымдастырушы болып шығу үшін сынақтарды 4 пен 5-ке тапсырып көзге түсу тіптен де міндетті емес. Өйткені, қандай да болмасын тест сұрақтарының адамның бойындағы бүкіл қабілет-мүмкіндіктерін ашып бере алмайтынын екінің біріне белгілі жайт. Керек десеңіз, сынақтардан сүрінбей өтіп, оқуды ойдағыдай аяқтап шыққан кейбіреулердің кейін практикалық жұмысқа келгенде қабілетсіз болып шығып жатуы да бек мүмкін. Бұл жерде емтихан, тест сияқты сынақтардан өте алмаудың салдарынан жоғары білімге, дәлірек айтқанда, дипломға қолдары жетпей қалған жастардың арасында талай-талай іскерлер мен дарындардың болуы мүмкін-ау…

«Ойнақтап жүріп, от баспа»

Жастардың көңіл көтеретін, уақыт өткізетін орындар іздеуі табиғи жайт. Себебі, бос уақыттарын пайдалы өткізудің амалын таба алмай зеріккен жастардың теріс жолға түсіп кетуі оп-оңай. Нашарқорлық, маскүнемдік, ұрлық, төбелес сияқты қылмыстар да дәл осындай әлеуметтік себептерден, әсершіл, қызбамінез жастардың «екі қолдарын алдарына сыйғыза алмауларынан» туындап жатады…

«Өмір түгіл өзімді де білмеймін…»

Бұл жерде әңгіме табыс туралы болып отыр. Тіпті, дипломы болған күннің өзінде еңбек өтілі жоқ жас маманның жоғарғы жалақы алатын жұмысқа орналаса қоюы екіталай. Ал, жастар өмірдің барлық қызығын көре жүріп, емін-еркін өмір сүргілері келетіндігі аян. Оның бәрі оңайлықпен іске аса қоятын шаруалар емес. Әсіресе, әркім өз күнін өзі көруі тиіс деген нарықтық заманда бұл проблемалардың шешілуі мейілінше қиын түйінге айналып отыр

Арман алысқа жетелейді…

Ресейлік мамандардың пайымдауынша, бүгінгі жастардың бойында нақты өмірлік бағыт-бағдарлар жоқ. Өйткені, қазір мемлекеттік деңгейде қалыптастырылатын ортақ мақсаттар да жұртшылықты соған жұмылдыратын қуатты насихаттық машина әлі қалыптаспаған. Біздің әкелеріміз бен аналарымыз қоғам заңдылықтары туралы білімдері болды, олар қандай мақсаттарға қол жеткізудің мүмкін екенін және қайсыларының мүмкін емес екенін алдын-ала білді –деп есептейді ресейлік сарапшылар. Мұны бүкіл елді тек өзінің айналасына топтастыруды мақсат еткен коммунистік партия жүзеге асырды. Ал, қазір ондай мүмкіндіктер жоқ. Өйткені, қазір елде партиялар да, бірлестіктер де түрлі ағымдарда көп. Оның сыртында қазіргі жастар бүгінгі партиялардың бұрынғыдай «коммунизм орнату» үшін емес, билікке таласу үшін құрылатынын жақсы біледі.  Сондықтан, өмірден әлі өз орнын тауып үлгермеген жас буынды қаптап кеткен саяси партиялар онша қызықтыра қоймайды. Дүние жүзі бойынша жүргізілген көптеген зерттеулер жастардың саясатпен айналысуға онша құлықты емес екендерін анықтаған. Ол аздай, жастар бәрін бір қоңыраумен шеше салатын «крышасы барларды» көріп, өздерінің дәрменсіздіктері мен шарасыздықтарын сезінуге мәжбүр.

 
1
0
752

Имандылық

Имандылық – адамның қоғамдағы, күнделікті өмірдегі іс-әрекеттерін белгілі-бір қалыпқа түсіретін ішкі рухани реттеуіш қадір-қасиет, адам бойындағы адамгершілік, ізгілік, кісілік белгісі.

Дәстүрлі қазақ қоғамында адамның имандылығына – мінез-құлық жүйесіндегі ерекшеліктеріне көп көңіл бөлінген. Адамның жарық дүниеге келуі, өсуі, ержетуі, тіршілік етуі, қартаюы, ата мен баланың қарым-қатынасы, үлкендік пен кішілік, сыйластық, әдептілік пен арлылық, инабаттылық тәрізді маңызды мәселелер имандылықтың маңызды құрамдас бөлігі ретінде ешқашан да назардан тыс қалмаған. Жастардың үлкендерге құрмет көрсетуі, үлкендердің кішілерге ізет білдіруі өмір сүру салтына айналған. Қоғамда берік қалыптасқан осындай көргенділікпен өмір кешу дағдылары жинала келіп, барша адамгершілік қағидалардың, имандылықтың жазылмаған кодекстерінің қалыптасуына негіз болған. Бойына адамгершілік асыл қасиеттерді жинап өскен жасты “көргенді” деп, жүрегінен нұр, өңінен жылу кетпейтін, әрдайым жақсылық жолын ойлайтын, әр істе әділдік көрсететін адамдарды “иманды” деп атаған. Мұсылмандық дүниетаным бойынша, имандылық иманнан пайда болады. Ал иман – жүректегі нұр, нұрдың сыртқы болмысы, яғни имандылық – Алла тағалаға иман еткен адамға бітетін көркем мінез. Алла жіберген әрбір пайғамбарының міндеті – иман мен имандылыққа уағыздау деп саналған. [1]

Ең соңғы пайғамбар Мұхаммед (ғ.с.): “Мен ең ғажап көркем мінезді толықтыру үшін жіберілдім”, – деу арқылы әлемдегі тәлім-тәрбие мен имандылықтың қаншалықты маңызды екенін көрсеткен, имандылыққа өзі бірінші үлгі болған делінеді. Алла тағала адамды иман мен имандылық үшін жаратқан, сондықтан: “Алланың мінезінен үлгі-өнеге алыңдар” (Мұхаммед пайғамбар), – деп уағыздалады. Имандылықтың негізін мұсылмандар Құранда деп біледі. Құран Кәрімнен ең көп үлгі алған Мұхаммед пайғамбардың (ғ.с.) мінезі жайлы Хазіреті Айша: “Оның мінезі – Құран”, – деп жауап берген. Құранда: “Негізінен иман етіп ізгі іс жасағандар, намазды толық орындап, зекет бергендерге Раббыларыңның жанында сыйлық бар”, – делінген (Бақара, 2/277). Бұл аяттағы ізгі істер, діни ұғым бойынша имандылық болып табылады. Қазіргі зайырлы өркениетті қоғамда да имандылық – аса қастерлі, биік адамшылық қасиет ретінде ұғынылады. Имандылыққа қарама-қарсы жағымсыз сипат – имансыздық.

 
1
0
1153