Мазмұнға өту

Жаңа

«Электронды цифрлық қолтаңба – бүгінгі күнгі заман талабы»

«Электронды үкімет» порталы дегеніміз – Қазақстан азаматтарының және республика қонақтарының Қазақстан туралы, оның үкіметі, заңнамасы, ұлттық назар аударарлық орындары туралы ресми ақпарат ала алатын, сонымен қатар, онлайн режимде мемлекеттік органдар қызметіне ие болып және айыппұл төлеуге мүмкіндік  беретін бірыңғай ресурс.

Порталда экономикалық, білім, мәдениет, еңбек, денсаулық, спорт, туризм және адам өмірінің өзге де салалары бойынша бірнеше мәтіндік бөлімдерде 2000 аса ақпарат қызмет түрлері көрсетіледі.

«Электронды үкімет» арқылы халыққа көрсетілетін электрондық қызметтердің түрлері қарапайым тұрғындарға жеңіл әрі қол жетімді қылып жасақталған. Аталмыш порталға кіру үшін тек азаматта эелектронды цифрлық қолтаңба болса болғаны. ҚР «Электронды құжат және электрондық цифрлық қолтаңба туралы» 2003 жылғы 7 қаңтардағы №370-ІІ заңымен реттеледі.

Электрондық цифрлық қолтаңба дегеніміз - электрондық цифрлық қолтаңба құралдарымен жасалған және электроңдық құжаттың дұрыстығын, оның тиесілілігін және мазмұнының өзгермейтіндігін растайтын электрондық цифрлық нышандары.

Электрондық құжат - өзіндегі ақпарат электрондық-цифрлық нысанда табыс етілген және электрондық цифрлық колтаңба арқылы куәландырылған құжат болып табылады.

 
1
0
1621

«Заңды тұлғаларды мемлекеттік тіркеу (қайта тіркеу), олардың филиалдары мен өкілдіктерін есептік тіркеу (қайта тіркеу)»

«Заңды тұлғаларды мемлекеттік тіркеу (қайта тіркеу), олардың филиалдары мен өкілдіктерін есептік тіркеу (қайта тіркеу)» Қазақстан Республикасы Үкіметінің 2009 жылғы «15» желтоқсандағы №2121 қаулысымен бекітілген. 2012 жылғы «6» қыркүйегінде Қазақстан Республикасы Үкіметінің № 1160 қаулысымен өзгертулер мен толықтырулар енгізілді. Аталмыш қызмет түрі 1994 жылғы 27 желтоқсандағы Қазақстан Республикасы Азаматтық кодексінің 42-бабының, «Заңды тұлғаларды мемлекеттік тіркеу және филиалдар мен өкілдіктерді есептік тіркеу туралы» Қазақстан Республикасының 1995 жылғы 17 сәуірдегі Заңының 3-бабының, «Ақпараттандыру туралы»  Қазақстан Республикасы 2007 жылғы 11 қаңтардағы Заңының 29-баптарының негізінде жүзеге асырылады.

Мемлекеттік қызметті көрсету мерзімдері:

  • Ø шағын кәсіпкерлік субъектілері болып табылатын заңды тұлғаларды, сондай-ақ өз қызметін үлгілік жарғының негізінде жүзеге асыратын орта және ірі кәсіпкерлік субъектілері болып табылатын заңды тұлғаларды мемлекеттік тіркеу және олардың филиалдары мен өкілдіктерін есептік тіркеу өтініш берілген күннен кейінгі бір жұмыс күнінен кешіктірмей, ал мемлекеттік (есептік) қайта тіркеу - үш жұмыс күнінен кешіктірмей жүргізілуі (құжаттарды қабылдау және тапсыру күні мемлекеттік қызмет көрсету мерзіміне кірмейді) тиіс;
  • Ø өз қызметін үлгілік емес жарғының негізінде жүзеге асыратын, орта және ірі кәсіпкерлік субъектілері болып табылатын заңды тұлғаларды мемлекеттік тіркеу (қайта тіркеу) және олардың филиалдары мен өкілдіктерін есептік тіркеу (қайта тіркеу) қажетті құжаттары қоса тіркеліп, өтініш берілген күннен кейінгі жеті жұмыс күнінен кешіктірмей жүргізілуге (құжаттарды қабылдау және тапсыру күні мемлекеттік қызмет көрсету мерзіміне кірмейді, сонымен бірге, уәкілетті орган мемлекеттік қызмет көрсету нәтижесін мемлекеттік қызмет көрсету мерзімінің аяқталуына бір күн бұрын ұсынады) тиіс;
  • Ø жеке кәсіпкерлік субъектілеріне жатпайтын ұйымдарды, сондай-ақ саяси партияларды қоспағанда, коммерциялық емес ұйымдарды мемлекеттік тіркеу (қайта тіркеу) және олардың филиалдары мен өкілдіктерін есептік тіркеу (қайта тіркеу) өтініш берілген күннен кейінгі он жұмыс күнінен кешіктірмей жүргізілуге (құжаттарды қабылдау және тапсыру күні мемлекеттік қызмет көрсету мерзіміне кірмейді, сонымен бірге, уәкілетті орган мемлекеттік қызмет көрсету нәтижесін мемлекеттік қызмет көрсету мерзімінің аяқталуына бір күн бұрын ұсынады) тиіс;
  • Ø саяси партияларды мемлекеттік тіркеу (қайта тіркеу) және олардың филиалдары мен өкілдіктерін есептік тіркеу (қайта тіркеу) өтініш берілген күннен бастап бір айдан кешіктірілмей жүргізілуге (құжаттарды қабылдау және тапсыру күні мемлекеттік қызмет көрсету мерзіміне кірмейді, сонымен бірге, уәкілетті орган мемлекеттік қызмет көрсету нәтижесін мемлекеттік қызмет көрсету мерзімінің аяқталуына бір күн бұрын ұсынады) тиіс.

«Заңды тұлғаларды мемлекеттік тіркеу (қайта тіркеу), олардың филиалдары мен өкілдіктерін есептік тіркеу (қайта тіркеу)» мемлекеттік стандартына сәйкес тұтынушы төмендегідей құжаттарды ұсынады:

1) уәкiлеттi орган белгiлеген нысан бойынша өтiнiш;

2) жарғы;

3) құрылтай шарты, құрылтайшысы бiр адамнан көп болғанда (қорлар, заңды тұлғалар бiрлестiктерi, мекемелер);

4) заңды тұлғаның уәкiлеттi органының не құрылтайшының заңды тұлға құру туралы шешiмi;

5) тұрған жерiн растайтын құжат;

6) заңды тұлғаларды мемлекеттiк тiркеу және филиалдар мен өкiлдiктердi есептiк тiркеу үшiн бюджетке алым төленгенiн растайтын түбiртек немесе құжат.

 
1
0
688

Нақтырақ Қазақстан және Қытай Тараптары әскери инспекция өткізді

Шекара ауданындағы сенім шараларын нығайту және қарулы күштерді қысқарту туралы «Мәскеу» және «Шанхай» келісімдерінің ережелеріне сәйкес Қазақстан және Қытай Тараптары кезеңдерінде Келісімдерді қолдану аймағында бөлімдер мен бөлімшелердің өзара әскери инспекциясын өткізді.

 

 

Инспекциялардың мақсаты, шекараның екі жағынан да жүз шақырым аймақта орналасқан қару-жарақтар, әскери техника мен жеке құрам саны туралы жыл сайынғы әскери ақпаратты тексеру болып табылды.

 

Инспекциялық топтарға әскери бөлімдер туралы брифингтер өткізілді, инспекцияланатын бөлімдердің инфрақұрылымымен және жеке құрамның күнделікті қызметімен танысу мүмкіндігі берілді.

 

Шекара ауданындағы қауіпсіздікті нығайтудың, тыныштық пен тұрақтылықты сақтаудың аса маңызды құралы бола тұрып, жоғарыда көрсетілген Келісімдер өңірдегі бейбітшілік пен қауіпсіздікті ұстап тұруға қомақты үлес қосады.

 

Екі инспекциялар да өзара түсіністік және ынтымақтастық жағдайында өтті, Тараптар Қазақстан Республикасы мен Қытай Халық Республикасы өздерінің халықаралық міндеттемелерін орындағандықтарын растады.

 

ҚР ҚМ Баспасөз қызметі

0
0
313