Мазмұнға өту

Жаңа

Мемлекеттік қызметшілер көпшілік жүгіруге қатысты

2016 жылдың 4 қыркүйек күні Қазақстан Республикасының Тәуелсіздігінің 25 жылдығы мен Орал қаласы күніне орай Батыс Қазақстан облысының дене шынықтыру және спорт басқармасының ұйымдастыруымен көпшілік жүгіру ұйымдастырылды. Шараға ҚР Мемлекеттік қызмет істері министрлігінің Батыс Қазақстан облысы бойынша департаментінің ұжымы қатынасты. Көпшілік жүгіруге барлығы 2500 астам адам қатысты.

 
0
0
237

Ұлттық экономика министрлігі қазақстандықтарға пәтер мәселесін шешуге қандай бағдарламалар көмек бере алатынын түсіндірді

Халықты қолжетімді тұрғын үймен қамтамасыз ету мемлекеттің басты міндеті болып табылады. ҚР Ұлттық экономика министрлігі пәтер мәселесін шешуге қандай бағдарламалар мен тетіктер көмек бере алатынын түсіндіреді.

1. Жергілікті атқарушы органдарда кезекте тұрғандар азаматтар үшін салынатын жалға берілетін тұрғын

Тұрғын үйді бөлуді кезек тәртібінде жергілікті атқарушы органдардың жанындағы тұрғын үй комиссиялары жүзеге асыралады. 2016 жылы 754 пәтер салу жоспарланды.

2. Тұрғын үй құрылыс жинақ жүйесі арқылы іске асыру үшін жергілікті атқарушы органдардың және «Бәйтерек девелопмент» АҚ-тың кредиттік тұрғын үйі

Кредиттік тұрғын үй ҚТҚЖБ салымшылары мен жергілікті атқарушы органдарда кезекте тұрғандардың арасында бөлінеді.  Республикалық бюджеттен қаржыландыру кезінде құрылыстың бір шаршы метрінің құны Астана және Алматы қалаларында 142,5 мың теңгені, қалған өңірлерде – 110 мың теңгені құрайды.

Жергілікті атқарушы органдар облигациялар шығару есебінен қаржыландыру кезінде бір шаршы метрдің құрылысының құны Астана және Алматы қалаларында 180 мың теңгені, өңірлерде - 140 мың теңгені құрайды.

3. ТҮҚЖ жүйесі арқылы іске асыру үшін «Бәйтерек девелопмент» АҚ кредиттік тұрғын үйі

Кредиттік тұрғын үй ҚТҮҚЖБ салымшылар арасында бөлінеді. «Бәйтерек девелопмент» АҚ арқылы құрылыстың бір шаршы метрінің құны Астана және Алматы қалаларында 200 мың теңгені, өңірлерде - 180 мың теңгені құрайды.

4. ҚТҮҚЖБ арқылы жас отбасылар үшін жалға берілетін тұрғын үй

Тұрғын үй ҚТҚЖБ салымшылары санынан, екі жылдан кем емес некеде тұрған және  жұбайлардың екеуінің жасы 29-ға толмаған жас отбасыларына бөлінеді. Құрылыс жергілікті атқарушы органдарымен жүргізіледі. Осы бағыт бойынша ағымдағы жылы шамамен 400 пәтер пайдалануға енгізілетін болады. Бір шаршы метрдің құны Астана және Алматы қалаларында 142,5 мың теңгені, басқа өңірлерде - 110 мың теңгені құрайды.

5. «Қазақстан Ипотекалық компаниясы» АҚ-тың жалға берілетін тұрғын үйі

Тұрғын үйдің 50% 35 жасқа толмаған жергілікті атқарушы органдарда кезекте тұрғандар үшін салынады, қалған 50%  басқа кезектегілер арасына бөлінеді. Бір шаршы метрдің құны Астана және Алматы қалаларында 200 мың теңгені, өңірлерде – 180 мың теңгені құрайды.

6. «Жылжымайтын мүлік қоры» АҚ-тың коммерциялық тұрғын үйі

Тұрғын үй шектеусіз халықтың кез келген санатына жүзеге асырылады. 2016 жылы осы бағыт бойынша Ұлттық қордан 97 млрд. теңге бөлінді. Шамамен 11 мың пәтер салу жоспарланып отыр. Бір шаршы метрдің сату құны Астана мен Алматы қалаларында  288 мың теңгені, өңірлерде - 240 мың теңгені құрайтын болады.

7. «Жылжымайтын мүлік қоры» АҚ арқылы жалға берілетін тұрғын үй

Тұрғын үй жергілікті атқарушы органдарда кезекте тұрғандарға кейін сатып алумен жалға немесе тікелей сатыпа алу жолымен ұсынылады.

8. «Бәйтерек Девелопмент» АҚ арқылы жалға берілетін тұрғын үй

Тұрғын үй заңнамасымен айқындалған кезектілік тәртібінде сатып алу немесе сатып алусыз жалға берілетін тұрғын үй жергілікті атқарушы органдардың кезекте тұрған азаматтарға беріледі.

Ақпарат көзі: strategy2050.kz

0
0
436

М.Бәшімов: Қазақстанның G20 саммитіне шақырылуы халықаралық қауіпсіздікті сақтаудағы мемлекеттің рөлін көрсетеді

Қазақстанның G20 саммитіне шақырылуы халықаралық қауіпсіздікті сақтаудағы мемлекеттің рөлін көрсетеді, деді Strategy2050.kz АА берген сұхбатында ҚР Сыртқы істер министрлігі қоғамдық кеңесінің мүшесі, Еуропалық құқық пен адам құқығының сарапшылық институтының директоры Марат Бәшімов.

«G20 қазіргі кезеңде өте өзекті болып саналады, әлемдік экономикалық дағдарыс  кезеңінде  жетекші елдер көшбасшыларының кездесуіне біз екінші мәрте шақырылып отырмыз, саммиттің өзіне шақырылу елдің халықаралық қауіпсіздікті сақтаудағы мемлекеттің рөлін көрсетеді», - деді сарапшы.

Оның айтуынша, саммитте әрбір ел өз алаңында шешуге болатын проблемаларды айқындайды.

«Бұл жиырмалық бар әлемдік саясатты анықтайды, бұл орайда G20 экономикалық қарым-қатынастың нығаюына жұмыс істейді», - деді ол.

Айта кетейік, Мемлекет басшысы Қытайдың Ханчжоу қаласында  G20 саммитіне қатысты, деп хабарлады.Жиналғандарға арнаған сөзінде Нұрсұлтан Назарбаев G20 саммитінің үмітке толы күрделі кезеңде өтіп отырғанын атап өтті.«Әлемдік экономиканың, сауда мен капитал қозғалысының өсу қарқыны баяулап келеді. Ол миллиондаған адамның әл-ауқатына әсер етеді. Дүниежүзілік сауда ұйымының рөлі төмендеуіне және әлемдік экономиканың фрагменттелуіне алып келетін трансқұрылықтық жаңа сауда-инвестиция бірлестіктері құрылуда. Бұл үдерістер жаһандық экономикадағы ықпал аймағы үшін күрестің жаңа кезеңінің басы болуы мүмкін», – деді Қазақстан Президенті.

Ақпарат көзі: strategy2050.kz

0
0
249

Қазақстанда 2016 жылы санвиация 1,4 мыңнан астам ұшырылым жасады

Ағымдағы жылғы 8 айда ҚР ДСӘДМ Республикалық санитарлық авиация бригадалары 1408 ұшырылым жасап, 1740 медициналық қызмет көрсетті. Оның ішінде 1365 науқас тасымалданып, 289-іне кеңес берілді және 86 ота жасалды.

Тасымалданған пациенттердің 70%-ы облыстық және қалалық медициналық ұйымдарға, 30%-ы Астана және Алматы қалаларындағы республикалық орталықтарға жатқызылды, деп хабарлады ҚР Денсаулық сақтау және әлеуметтік даму министрлігінің баспасөз қызметі.

Аталған мерзім ішінде шетелдік емханалар мен медициналық ұйымдардағы ҚР азаматтары-пациенттерін Астана және Алматы қалаларына емдеу шараларын жалғастыру үшін Пусан (Оңтүстік Корея), Цвейбрюкен (Германия), Анталия (Түркия), Измир (Түркия), Прага (Чехия), Бішкек (Қырғызстан), Мәскеу (Ресей) қалаларынан 7 ұшырылым жасалып, тасымалданды.

Санитарлық авиацияның мобильдік бригадалары балалар жасындағы патология, жарақаттанушылық, қайғылы оқиғалар және уланулар, акушерлік-гинекологиялық патологиялар, қан айналымы жүйесі аурулары, жаңа туған нәрестелердің патологиялары және өзге де аурулар бойынша медициналық көмек көрсетті.

Сонымен бірге, 2016 жылдың 8 айында санитарлық авиацияның мобильдік бригадалары әртүрлі жарақат алған 425 пациентке, оның ішінде жол-көлік апатынан зардап шеккен 180 адамға медициналық көмек көрсетті.

Республикалық санитарлық авиация орталығының жұмыс істеу мерзімінде аса білікті, мамандандырылған және жоғары мамандандырылған медициналық көмектің шұғыл әрі уақытылы көрсетілуі нәтижесінде, мамандарды еліміздің шалғайдағы аудандарына жеткізу, сырқат адамдарды сонымен бірге, ағзаларды әрі қарай трансплантациялау мақсатында тасымалдау арқылы мыңдаған адамның өмірі сақталды.

Ақпарат көзі: strategy2050.kz

0
0
335

Ұлт жоспары: Жамбыл облысында 5 ірі инвестжоба жүзеге асырылуда

Жамбыл облысында Ұлт жоспары «100 нақты қадам» 60-61 қадамдары сәтті жүзеге асырылуда, деп хабарлады облыс әкімдігі.

Облыста «100 нақты қадам» бағдарламасының 60 қадамын іске асыру және сүт кластерін дамыту сондай-ақ, кооперативтерге шағын шаруашылықтарды біріктіру мақсатында Жаңазеландиялық «Fonterra» және Даниялық «Arla» бағдарламары бойынша Меркі ауданында құрамына 42 шаруашылық біріккен «Меркі өнімдері» өндірістік кооперативі құрылды.

Алдағы уақытта Өндірістік кооператив төңірегінде 70-200 басқа дейін асыл тұқымды сауын сиыры бар сүт-тауарлы фермалары құрылатын болады, кооператив олардың төңірегіндегі сүт өндірушілерді, мал азығын дайындаушыларды ұйымдастыра отырып, дайын өнімді өткеру жұмыстарымен айналысатын болады.

Бұл мақсатта сүт бағытындағы 1000 бас асыл тұқымды МІҚ малын астып алуды қаржыландыратын шағын несие мекемесі  құрылды.

Қазіргі уақытта күніне қуаттылығы 50 тоннаға дейін сүтті қайта өңдеу зауытының құрылысына жер бөлініп, жобалық сметалық құжатын дайындау жұмыстары жүргізілуде - деп хабарлады спикер брифинг барысында.

Ал, 61-ші қадам (ет өндіріс мен өңдеуді дамыту) бойынша 5 ірі инвестициялық жоба іске асырылуда.  Мысалы,

Жамбыл ауданында «Халал» стандарты бойынша жылына 1757 тонна ет өнімдерін өндіру. Жоба «Оңтүстік Халал Тағамдары» ЖШС-мен «ADEAS Development» компаниясы БАЭ инвесторымен жүзеге асырылуда. Жобаның құны 3 млрд.теңге. Бұл жобаның толық іске қосылуы ағымдағы жылдың шілде айына жоспарлануда.

Меркі ауданында Малайзиялық инвестордың қатысуымен 3 мың бас мүйізді ірі қара малға арналған «Agrostanferms» ЖШС бордақылау кешенінің құрылысы. Жоба бойынша мерзімі 49 жылға 200 га жер телімі жалға берілді. Құрылыс жұмыстары 2016 жылдан басталуы жоспарлануда. Инвестициялық құны шамамен 10 млн. АҚШ. долл. Бүгінгі күнге 5500 ұсақ мал басына және 200 бас жылқыға арналған жалпы құны 100 млн.теңге құрайтын бордақылау кешендерін және Канада елінің технологиялық үлгісімен жасалған 18 дана малшы үйімен 18 дана арнайы қашарлар соғылып, іске қосылды.

«Агро фирма Турікпен» ЖШС 3,0 мың бас мүйізді ірі-қара малға арналған бордақылау кешені және 5 мың бас мүйізді ірі-қара мал шаруашылық репродуктор жобасының құрылысы жүзеге асырылуда. Жобаның құны 500 млн. теңге. Осы жобаны іске асыру мақсатында 3 мың бас қара малы және 1560 бас жылқы сатып алынды.

Ақпарат көзі: strategy2050.kz

0
0
402

Қазақстан мен Корея автожол құрылысы саласында ынтымақтасуға ниетті

Астанада «ҚазАвтоЖол» ҰК» АҚ басқармасының төрағасы Ермек Қизатов пен «Korea Expressway Corporation» компаниясының сыртқы жобалар бойынша бас директоры Джеонг Мин жол құрылысы және жаңа технологияларды игерудегі түсіністік пен ынтымақтастық меморандумына қол қойды, деп хабарлады «ҚазАвтоЖол» АҚ.

Меморандумға сәйкес тараптар жолдарды жөндеу  және жол құрылысы ғылыми-техникалық әзірлемелер мен технологияларды енгізу әрі оны пайдалану саласындағы ынтымақтастықты дамытатын болады.

Аталмыш технологияларды сақтау еңбек өнімділігі мен құрылыс, автожолдарды қамту саласында шығындарды азайтуға мүмкіндік береді.

Джеонг Минг айтып өткендей,   бүгінгі қол қойылған меморандум екі елдің арасындағы жол саласындағы ынтымақтастықты жаңа деңгейге көтеретіндігін және Қазақстандағы интеллектуалды көлік жүйесін дамыту мен енгізуге жаңа мүмкіндіктер туғызатындығын баса айтты.

«Біздің білуімізше, сіздер 2020 жылға дейін 7 мың шақырым жолға ақылы жүйе енгізуді жоспарлап отырсыздар. Бұған қоса, Қазақстанның Батыс пен Шығысты көлік жолы арқылы жалғастыруда негізгі буын екендігін де жақсы білеміз. Біз жол құрылысы саласындағы өз тәжірибемізбен бөлісуге дайынбыз», - деді Д.Мин.

«Бүгін біз өзара түсіністік пен ынтымақтастық меморандумын рәсімдеп отырмыз. Бұл шара «ҚазАвтоЖол» мен «Korea Expressway Corporation» компаниясының әріптестік құруындағы ұзақ мерзімді, тиімді және өзара ынтымақтастықты дамытуға өз септігін тигізеріне сенімдімін», - деді Е.Қизатов.

Ақпарат көзі: strategy2050.kz

0
0
482

Н.Назарбаев: Қазақстанның G-20 саммитіне қатысуы үлкен мәртебе

Нұрсұлтан Назарбаев Қытай Халық Республикасына сапарының қорытындысына арналған брифинг өткізді, деп хабарлады Ақорданың баспасөз қызметі.

Мемлекет басшысы отандық БАҚ өкілдеріне арналған брифинг барысында G-20 саммитіне өзінің екінші рет қатысып отырғанын және биыл ҚХР төрағасы Си Цзиньпиннің шақыруымен келгенін айтты.

«Жер шары тұрғандарының 70 пайызын және әлемдік экономиканың жартысын құрайтын мемлекеттердің басшылары бас қосатын осындай ірі іс-шараға қатысу – Қазақстан үшін зор мәртебе. Мұнда жаһандық экономика мен саясаттың салмақты мәселелері талқыланады, ірі өңірлік және әлемдік мәселелер, соның ішінде қауіпсіздікке қатысты мәселелер бойынша ортақ ұстанымдар әзірленеді. Бірінші сессияда сөз сөйлеген кезде мен осы барлық мәселелер жөніндегі Қазақстанның көзқарасын ұсындым. Саммиттегі пікірсайыс барысында ғаламның тынысын сезініп, әлемнің дамыған және дамушы елдерін алаңдатқан проблемаларын ұғынасың. Қазақстанға да осында көтерілген мәселелерді ескеріп, онымен алдын ала айналысуы керек», – деді Қазақстан Президенті.

Нұрсұлтан Назарбаев қазіргі күрделі кезеңде Қазақстанның индустрияландыру және инвестициялар тарту бағытында уақтылы күш-жігер жұмсағанын айтып, оның қайтарымды болатынына сенім білдірді.

«Қазір жұмыссыздықтың төменгі деңгейін сақтап, жаңа жұмыс орындарын ашуды ойластыру қажет, дағдарыспен күрестен экономикалық өсімге қадам басу керек. Біз 9 қыркүйекте өтетін Үкіметтің кеңейтілген отырысында осы туралы айтатын боламыз», – деді Мемлекет басшысы.

Қазақстан Президенті саммитпен қатар оның ҚХР-ға жұмыс сапары болып өткенін еске салды. Осыған байланысты Нұрсұлтан Назарбаев біздің еліміз көтерген екіжақты қарым-қатынастың барлық мәселесіне Қытай тарапы қызығушылық пен мүдделілік білдіріп отырғанын айтты.

«Біз бұған дейінгі уағдаластықтың барлық мәселесі бойынша, мәселен, Қазақстан аумағында бірлескен заманауи кәсіпорын салуға қатысты келісімге келдік. Бұл тізімге 51 нысан кіреді, бүгінде оның екеуі салынды, жалпы құны 2,5 млрд доллар болатын төрт нысанның құрылысы биыл аяқталады. Бес жылдың ішінде жалпы құны 26 млрд доллар болатын 5 кәсіпорын салу жоспарлануда. Бұдан бөлек, осы жұмысты қолдау үшін компаниялар арасында да, мемлекеттер арасында да бірлескен Қазақстан-Қытай қоры жұмыс істейді. Жібек жолын дамыту қорын да мысалға келтіруге болады», – деді Нұрсұлтан Назарбаев.

Мемлекет басшысы Қазақстан мен Қытай арасындағы көлік-коммуникация байланысы екіжақты күн тәртібіндегі басты мәселенің бірі болып қала беретінін айтты.

«Жыл сайын Қазақстан мен Қытай аумағынан өтетін жүк транзиті көлемінің артып келе жатқаны байқалуда. Ақтау портын пайдалану айтарлықтай жанданды, осыған дейін олай болмаған еді. Бұл жағдай Қорғас құрғақ портының, ұзындығы 300 шақырымға жететін Қорғас-Алматы теміржолының және Батыс Еуропа – Батыс Қытай торабының құрылысына байланысты болып отыр. Логистикалық орталықтар құрылды. Бұл көлік тораптары өсім нүктесі болып саналады. Сондай-ақ, біз энергетика және технология салаларындағы ынтымақтастық туралы уағдаластық», – деді Қазақстан Президенті.

Нұрсұлтан Назарбаев аса ірі кен орны – Қашағанның іске қосылуына байланысты Қазақстан мұнайын жеткізу мүмкіндігі артатынын атап өтті.

«Қазіргі уақытта біз ҚХР-ға 7 млн тоннаға жуық мұнай жеткіземіз, бұл көрсеткішті 20 млн тоннаға дейін арттыруға, сондай-ақ Қазақстаннан Қытайға газ жеткізу көлемін ұлғайтуға мүмкіндік бар. Осының бәрі елдеріміз арасындағы тауар айналымын жаңа деңгейге көтеред»і, – деді Мемлекет басшысы.

Бұдан бөлек, Қазақстан Президенті Қазақстан мен Қытайдың ауыл шаруашылығы саласындағы өзара іс-қимылына егжей-тегжейлі тоқталды.

« Алғаш рет Қытайға азық-түлік бидайын, басқа да дәнді-дақылдарды, асбұршақтар мен майлы дақылдар түрлерін, сондай-ақ ет пен құс жеткізу туралы келісімге келдік. Бұған дейін бізде мұндай болмаған еді. Осылайша, ауыл шаруашылығы тауарларын өндірушілеріміз үшін жол ашылып отыр. Меніңше, бұл – қуанышты жағдай. Сонымен бірге, Қытай тарапының тауар мен фитосанитарлық сапа жөнінде қатаң талаптары бар. Біздің шаруалар соған дайын болуға тиіс», – деді Нұрсұлтан Назарбаев.

Мемлекет басшысы қол жеткен уағдаластықтардың нақтылануына назар аударып, екі ел үкіметтерінің оны іске асыру үшін тиісті жұмыс жүргізу керек екенін атап өтті.

«Жақын арада Мемлекеттік Кеңестің төрағасы Ли Кэцян Қазақстанға сапармен келеді деп жоспарлануда. Келіссөздер барысында елдеріміз бірлесе шешетін мәселелерді қосымша талқылайтын боламыз», – деді Қазақстан Президенті.

Соңында Нұрсұлтан Назарбаев саммит аясында басқа да мемлекеттер мен делегациялар басшыларымен екіжақты жемісті кездесулер өтіп, оның барысында өзара мүдделілік қалыптасқан түрлі мәселелер жөнінде мазмұнды пікір алмасулар болғанын айтты.

Ақпарат көзі: strategy2050.kz

0
0
312

М. Құл-Мұхаммед: Батыс Қазақстанда агробизнесті дамытуға барлық жағдай жасалған

Мұхтар Құл-Мұхаммед жұмыс сапарымен Батыс Қазақстан облысына келді. «Нұр Отан» партиясы Төрағасының Бірінші орынбасары өңірде маңызды мемлекеттік бағдарламалардың іске асу барысымен танысты, деп хабарлады өңір әкімдігінің баспасөз қызметі.

Мемлекеттің қолдауымен ісі өрге басқан қос шаруа қожалығында және жиһаз фабрикасында болып, еңбек ұжымымен кездесті. Президенттік бағдарламамен бой көтерген баспана құрылысын тексеріп, Батыс аймағындағы белсенді партия мүшелелерінің алдына болашақта жасалуы тиіс жұмыстардың басым бағыттарын айқындап берді.

2016 жылы Батыс Қазақстан облысында агробизнесті дамытуға республикалық бюджеттен 7 миллиард теңге бөлінген. Мұхтар Абрарұлы мемлекеттің қомақты қаржы жұмсауының тиімділігін «Матевосян» және «Шканов» шаруа қожалығының мысалында бағалай алды.

«Нұр Отан» партиясы Төрағасының Бірінші орынбасары ҚХР-да өтіп жатқан G20 саммиті барысында Мемлекет басшысы әлемнің алпауыт елдерінің көшбасшыларымен кездесіп, Қазақстанға миллиардтаған инвестиция тарту бойынша келісімге қолжеткізгенін атап өтті. «Қытай елінің көшбасшысы қол қойған тек 4 келісім бойынша біздің елге қомақты қаржы тартылады. Осы қаржының барлығы елдің дамуына бағытталады. Бұдан бөлек, жыл сайын бизнесті қаржыландыруға бірқатар бағдарламалар аясында қомақты қаржы бөлінуде. Батыс Қазақстан өңірі агробизнесті дамытуға тамаша мүмкіндіктерге ие»,- деп атап өтті Мұхтар Құл-Мұхаммед.

«Бұл өңірдің жері құнарлы. Қараңыздар, тек бір қожалықтың егістік алқабында бірден - бидай, күнбағыс, көкөніс және тағы да басқа дәнді-дақылдар өсуде. Астық алқабының әр гектарынан 50 центнер бидай жиналады. Бұл абсолюттік рекорд. Аймақтың аумағы бойынша суы мол, арнасы кең Жайық өзені ағуда. Сондай-ақ, өңірде қолжетімді электр қуаты, арзан көгілдір отын бар. Мемлекет басшысының тапсырмасымен  егін және мал шаруашылығының барлық саласына қомақты субсидиялар бөлінуде. Іргесінде өнімді өткізетін үлкен нарық – ешқандай кедендік кедергілер жоқ Ресей елі тұр. Тек қана ерінбей, жеңді түре іске сыбана кірісу керек», - деді Мұхтар Құл-Мұхаммед шаруалармен өткен кездесу барысында.

Партия Төрағасының Бірінші орынбасары облыстың дамуына өлшеусіз үлес қосып отырған маңызды бағыттардың бірі «Бизнестің жол картасы 2020» бағдарламасының іске асу барысымен танысты. Аталмыш бағдарлама аясында өткен жылы Орал қаласында жиһаз фабрикасы іске қосылған. Жобаға миллиардттан астам қаржы жұмсалған. Қазіргі күні қарқынды жұмысқа кіріскен кәсіпорын 14 мың бірлік жиһаз өндірген.

Кәсіпорынның еңбек ұжымымен өткен кездесуде Мұхтар Құл-Мұхаммед аймақта бизнес-бастамаларды жандандыру қажеттігіне тоқталды.

«Елімізде 2010 жылдан бастап президенттік «Бизнестің жол картасы 2020» бағдарламасы табысты жүзеге асып келеді. Республика бойынша жалпы құны бір жарым триллион теңгені құрайтын 8,5 мыңнан астам жоба іске қосылған. 10 жыл бұрын Қазақстанның барлық бюджет көлемі осы соммаға пара-пар болатын. Осы фабрика «Бизнестің жол картасы 2020» бағдарламасының арқасында салынған. Елімізде бизнесті ашу және дамытуға арналған бірегей мүмкіндіктерді пайдалану қажет. Бизнес ашыңыздар, өздеріңіз және жерлестеріңіз үшін ақша табыңыздар», - деді «Нұр Отан» партиясы Төрағасының Бірінші орынбасары.

Батыс Қазақстан облысында «Нұрлы Жол» бағдарламасы аясында баспана құрылысы қарқын алған. Мұхтар Құл-Мұхаммед Арман шағын ауданында жақын арада пайдалануға берілуі тиіс 144 пәтерлі көпқабатты тұрғын үйдің құрылыс сапасын тексерді.

«Жаһандық экономикалық дағдарыстың басында қабылданған президенттік «Нұрлы Жол» бағдарламасы - әлемде теңдесі жоқ бағдарлама.  Соңғы екі жылда бағдарламаның жүзеге асуына 1,5 триллион теңге бөлінген. Қомақты қаржы жаңа зауыт, фабрика, автокөлік және теміржол жолдарының құрылысына және әлеуметтік инфрақұрылымды жаңғыртуға жұмсалған. Бұл тұрғын үйде президенттік бағдарлама аясында бой көтерген. Жергілікті партия ұйымының басты мақсаты – бөлінген қаржының уақытылы әрі сапалы игерілуін қадағалау», - деп баса айтты партия Төрағасының Бірінші орынбасары жұмыс сапарының қорытындысы бойынша.

Ақпарат көзі: strategy2050.kz

0
0
440

ОҚО-ның индустриалды аймақтасрында екі жыл ішінде 8 мың жұмыс орны ашылады

ОҚО-ның индустриалды аймақтасрында екі жыл ішінде 8 мың жұмыс орны ашылады.Бұл туралы Аймақтық коммуникациялар қызметінде өткен брифингте «Оңтүстік» индустриалды аймақ дерекциясының директоры Мұхтар Тұрабеков мәлім етті.

Оның айтуынша, 2016 жылдың алғашқы жарты жылдығында мұндағы жалпы өндіріс көлемі 10,1 млрд. теңге қаржыны құрап, ондағы кәсіпорындардың бюджетке келтірген пайдасының жалпы сомасы 740 млн. теңге болған. Ал индустриалды аймақ ашылған 6 жылдағы кәсіпорындардың мемлекет қазынасына қосқан үлесі 5,3 млрд. теңгені құрап отыр.

«Басқарушы компанияның 2016 жылдың бірінші жарты жылдығы бойынша электр қуаты, су сату және инженерлік қызмет атқылы 34,4 млн. теңге пайда тауып, оның өткен 2015 жылмен салыстырғанда 68 пайызға өсті», - деді М.Тұрабеков.

Баспасөз жиынында индустриалды аймақ басшысы облыстағы барлық индустриалды аймақтарда құны 186 млрд. теңгені құрайтын 160 инвестициялық жобаның 11976 жұмыс орнын ашуға мүмкіндік бергенін айтып, оның ішінде, 80 жоба облысымыздың аудандары мен қалаларында орналасқанын жеткізді.

Айта кетейік, бүгінгі таңда облысымызда 160 жобаның 52-уі жүзеге асқан болса («Оңтүстік» ИА-да 39 жоба және аудандарда 13 жоба), қалған 108 жоба алдағы екі жыл ішінде іске қосылмақ.

Осы жылдың соңына дейін 24 жобаны іске қосу жоспарланса («Оңтүстік» ИА-да 17 жоба, қалалар және аудандарда 7 жоба), 2017 жылы – 84 жобаны («Оңтүстік» ИА-да 24 жоба, қалалар және аудандарда 60 жоба) жүзеге асыру көзделуде.

Осылайша, екі жыл ішінде, ашылған 108 жоба шеңберінде облысымызда 8079 жаңа жұмыс орнын ашуға мүмкіндік беретін 151,8 млрд. теңге инвестиция экономика айналымына тартылады деп күтілуде.

Ақпарат көзі: strategy2050.kz

0
0
412