Мазмұнға өту

Жаңа

2017 жылдан бастап «Самұрық-Қазына» АҚ-ның 6 ірі компаниясы жаңа корпоративтік бағытта жұмыс істейді

Ең консервативті болжам бойынша ұлттық компаниялар қызметін стандарттаудан түсетін пайда 2020 жылға дейін шамамен 300 млрд теңгені құрайды, деп хабарлады ұлттық компания.

«Самұрық-Қазына» АҚ ұлттық компаниялардағы корпоративтік үдерістерді ұйымдастырудың жаңа стандарттарын енгізіп жатыр, бұл олардың операциялық қызметінің тиімділігін арттырып, стратегиялық міндеттерін табысты іске асыруына мұрындық болады. Озық халықаралық тәжірибе негізінде жасалған стандарттар (референс үлгілері) бухгалтерлік және салықтық есеп, қазынашылық, адам ресурстарын басқару, ақпараттық технологияларды, мәліметтерді басқару, жедел жоспарлау және т.б. қызметтерді қамтиды.

А.Илькявичюс, «Самұрық-Қазына» АҚ трансформация және арнайы жобалар жөніндегі басқарушы директоры: «Кез келген компанияның сәтсіз қызметі оның күн сайынғы операциялық қызметін тиімсіз ұйымдастыруына, соның ішінде қызметтердің қосарлануына, керексіз міндеттермен айналысуға, штаттың ұлғаюына немесе қажетті саладағы мамандардың жоқтығына байланысты. Осының бәрі компанияларды көп жағдайда жасырын тосқауылдарға ұшыратып, табысты арттыруға бағытталған стратегиялық міндеттерді шешуіне мүмкіндік бермейді».

«Біз ұсынып отырған референстік үлгілер әмбебап және оны кез келген қазақстандық ірі компанияда қолдануға болады. Сонымен қатар, олар қызмет түрі тұрғысынан, жекелеген компаниялардың (тау-кен, пошта, энергетика және өзге де салалар) ерекшеліктерін ескермейді. Осы себепті әр компанияның міндеті – оларды өз қажеттіліктеріне қарай бейімдеу», - деп атап өттіА. Илькявичюс.

Бизнеске реинжиниринг жасау мен корпоративті қызметті стандарттау «Самұрық-Қазына» АҚ Трансформация бағдарламасы аясындағы маңызды бастама болып табылады және қазіргі уақытта «Қазақстан темір жолы» ҰК» АҚ, «Қазпошта» АҚ, «ҚазМұнайГаз» ҰК» АҚ, «Қазатомпром» ҰАК» АҚ, «Самрук-Энерго» АҚ және «KEGOC» АҚ компанияларын қамтиды.

Ақпарат көзі: strategy2050.kz

0
0
556

Сенат заң жобаларының қаралу сапасына ерекше мән береді – Қ.Тоқаев

Парламенттің жаңа сессиясындағы Сенат Бюросының алғашқы отырысы Палаталардың 1 қыркүйекте болған бірлескен отырысында Президент Нұрсұлтан Назарбаев белгілеген міндеттерге арналды.

Сенат Төрағасы Қасым-Жомарт Тоқаев Парламент қарауына институционалдық реформаларды одан әрі қамтамасыз етуге және кешенді әлеуметтік-экономикалық іс-шараларды іске асыруға бағытталған 50-ге жуық заң жобасы келіп түсетінін айтты. Бірнеше заң жобасы жоспардан тыс енгізілетін болады.

Олардың ішінде еліміздің қауіпсіздігін нығайтуға бағытталған, қысқа мерзімде қабылдауды қажет ететін заңдар да бар. «Біз, әрбір заң жобасын мұқият талқылап, қабылданатын заңдардың сапасына ерекше мән беріп, Үкіметпен тығыз жұмыс жасауымыз қажет. Бұл ретте, Елбасының нақты тапсырмасы бар», - деп атап өтті Төраға.

«Жаңа парламенттік маусымда біз қабылданған заңдар бойынша халыққа кеңінен түсіндіру жұмыстарына ден қоятын боламыз. Елбасы айтқандай, «заңды қабылдаудың қажеттілігі мен барлық логикасы қазақстандықтарға түсінікті болуы маңызды», - деді Қ.Тоқаев.

Осыған байланысты Сенат басшысы әріптестерін бұқаралық ақпарат құралдарымен байланысты одан әрі жетілдіруге, заңдардың ерекшеліктерін түсіндіруге, сондай-ақ өңірлерге сапар барысында қабылданған заңдарды халыққа түсінікті түрде насихаттауға айрықша мән беруге шақырды. Отырыс барысында Бюро мүшелері 15 қыркүйекте болатын Сенат отырысының күн тәртібін талқылады. Палата, атап айтқанда Алматы облысынан сайланған сенатор Нұрлан Қылышбаевты Сенаттың тұрақты комитетінің құрамына сайлау туралы мәселені қарайды. Одан басқа, Республикалық бюджеттің атқарылуын бақылау жөніндегі есеп комитетінің мүшелері қызметтеріне Сенат Төрағасы ұсынған Александр Горияинов пен Талғат Жақанның кандидатураларын талқылау Қаржы және бюджет комитетіне тапсырылды.

Сенат отырысының күн тәртібіне Қазақстан мен Ауғанстан арасындағы Азаматтық қорғаныс, төтенше жағдайлардың алдын алу және оларды жою саласындағы ынтымақтастық туралы үкіметаралық келісімді ратификациялау туралы заң жобасы да енгізілді. Әлеуметтік-мәдени даму және ғылым комитеті «1994 жылғы 15 сәуірдегі Ұлы Отан соғысының қатысушылары мен мүгедектеріне, басқа мемлекеттердің аумағындағы ұрыс қимылдарына қатысушыларға, қаза тапқан әскери қызметшілердің отбасыларына арналған жеңілдіктер мен кепілдіктерді өзара тану туралы келісімге өзгерістер мен толықтырулар енгізу туралы хаттаманы ратификациялау туралы» заң жобасына бас комитет болып белгіленді.

Ақпарат көзі: strategy2050.kz

0
0
402

Қазақстанда атыс тирінің жұмыс істеу тәртібі бұзылса айыппұл енгізіледі — ІІМ

Елiмiзде ойық ұзын оқпанды атыс қаруы мен iрi калибрлi патрондардың айналымына тыйым салу ұсынылып отыр. Бұл туралы бүгiн Мәжiлiсте «Қазақстан Республикасының кейбiр заңнамалық актiлерiне экстремизмге және терроризмге қарсы iс-қимыл мәселелерi бойынша өзгерiстер мен толықтырулар енгiзу туралы» заң жобасының таныстырылымында ҚР Iшкi iстер министрiнiң орынбасары Рашид Жақыпов мәлiм еттi.

«Қарудың кейбiр түрлерiнiң айналымын мемлекетттiк бақылау» заңына Қазақстан аумағында ойық ұзын оқпанды атыс қаруы мен iрi калибрлi патрондардың айналымына тыйым салу бойынша өзгерiстер енгiзу ұсынылып отыр. Бiздiң ойымызша, елiмiздiң аумағында осындай қаруды пайдалану тек қана аңшылардың пайдалануымен түсiндiрiлмеуi тиiс. Мұндай қарудың нысананы дәлдеп ату мүмкiндiгi снайперлiк атыста пайдаланылады. Сондықтан мемлекеттiк қайраткерлерге қатысты террористiк актiлерде осы қаруды пайдалану мүмкiндiгiнiң алдын алу үшiн республика аумағында бұл қаруға тыйым салынады», - дедi Р.Жақыпов.

Сондай-ақ, оның айтуынша, өзге адамға қаруды беруге тыйым салынбақ.

Сонымен қатар, Қазақстанда  атыс тирінің жұмыс істеу тәртібінің  бұзылғаны үшін   айыппұл енгізіледі.

Айта кетейiк, комитет отырысына парламенттiк емес саяси партиялар мен қоғамдық бiрлестiктер, үкiметтiк емес ұйымдар, дiни конфессиялардың өкiлдерi мен сарапшылар шақырылып отыр.

Заң жобасы 2016 жылы 10 маусымда өткен Қауiпсiздiк кеңесiнiң отырысында Мемлекет басшысы берген тапсырмаларды орындау мақсатында әзiрлендi.

Ақпарат көзі: strategy2050.kz

0
0
411

А.Мырзахметов Атырау облысындағы ауыл шаруашылығы мәселесіне байланысты отырыс өткізді

ҚР Премьер-Министрінің орынбасары - Ауыл шаруашылығы министрі Асқар Мырзахметов Атырау облысындағы ауыл шаруашылығы мәселелеріне орай бейнеконференция режимінде кеңес өткізді, деп хабарлады министрлік.

Біріншісі, Каспий теңізінде браконьерліктің кеңінен таралуы және осы маңдағы мемлекеттер арасындағы бақылаусыз балық аулау деректері. Яғни, бұл бекіре тұқымдас балық түрлерін азайтып, өңірде жұмыс істеп тұрған екі балық зауытының жұмысына кері әсер ете бастаған. Сондықтан да, олардың өндірістік қуатын 7-ден 12 миллион шабаққа дейін арттыру және құралдық кешеніне жаңғырту жүргізу үшін республикалық бюджеттен қаржы бөлу сұралды.

Екіншісі, балық түрлерін қорғау шараларының тиімділігін арттыру мақсатында Атырау облысының орман шаруашылығы және жануарлар дүниесі аумақтық инспекциясының материалдық-техникалық базасын заманауи арнайы құрылғылармен және теңіз су көліктерімен жабдықтауға қаражат қажеттілігі мәселесі.

Бұл орайда А. Мырзахметов тарапынан республикалық бюджеттен ағымдағы экономикалық ахуалға байланысты бұл мәселелерге арнайылап қаржы көзделмегені атап өтіліп, алайда, текке қарап отырмай, түйткілді облыстың әкімдігі деңгейінде шешу жолдарын қарастыру қажеттілігі баса айтылды. Атап айтқанда, ол үшін Атыраудың бюджеттік әлеуеті жеткілікті және сырттан қолдау іздемей-ақ жағдайды бақылауға алуға толықтай мүмкіндігі бар.

Өз кезегінде, Министрлік аталған тұрғыларды жергілікті бюджетке енгізу тетіктеріне қатысты нормативтік актілерді даярлап бермек. Оған қоса, қазіргі таңда бекіре балық өсіру зауыттарын реконструкциялау туралы бастаманы Дүниежүзілік банк пен Азия даму банкі қарауда. Бұл да болса, түйіннің қысқа мерзімде тарқатылатынын айғақтап тұр.

Осы бекіре балығына байланысты тағы бір түйінді мәселені айта кеткен жөн. Бұған дейін ғылыми зерттеу жұмыстары үшін бекіре балығын аулауға арнайы квоталар бөлінетін. Енді министрдің тапсырмасымен квота бөлу тоқтатылып, жалпы Қазақстан бойынша бекіре аулауға тиым салынды. Мұндай шешім сирек кездесетін балық санын көбейтуге сеп болмақшы.

Бұдан кейін көтерілген төрт мәселе де Министрлік тарапынан дереу шешімін тапты.

Айталық, Атыраудағы құс фабрикаларына берілетін инвестициялық субсидиялардың ережесіне өзгеріс енгізу мәселесі. Яғни, өндірісті субсидиялау кезінде бастапқы қуатты 5 мың тонна емес, оның жартысына жуық өлшеммен алудың ұзақ мерзімді мүдде талаптарына жауап беретіні сөз болды.

«Аталған мәселе ведомствалық жұмыс тобының аясында зерттеліп, зерделенген. Инвестициялық-субсидиялау бағдарламасы аясында өндірістік қуаты жоғары бройлерлік құс фабрикаларының құрылысына мемлекеттік қолдау қарастырылған. Осы уақытқа дейін талап әлгіндей 5 мыңдық шекте болып келген болса, ендігіде, құс еті өндірісін дамыту үшін 2 мың тоннаға дейін түсіргелі отырмыз», - деді министр.

Өткір тұрған осыған ұқсас тағы бір мәселе – ірі қара малды бордақылау орындарын құру және кеңейтуге қатысты ережеге байланысты. Онда мал басының 3 мыңнан жоғары болу керектігі атап көрсетілген. Өз кезегінде бұл норма көптеген орта шаруашылықтардың дамуына кедергі келтіріп отырған фактордың бірі. Себебі, көпшіліктің осы межеге шамасы жете бермейді, асса 500 мал басы деп көрсетілгені құба-құп.

Сала басшысы мұның да Министрлік жанындағы жұмыс тобымен қаралып жатқанын және жақын аралықта шаруаларға қолайлы шешімнің шығатынын жеткізді. Оның айтуынша, арнайы топ мемлекеттік қолдаудың тиімділігін анықтау мақсатында субсидиялау жүйесін жіті қарауда. Алдағы уақытта ондағы олқылықтардың барлығы дерлік жойылады.

Дегенмен, осы қатарда үшінші және төртінші мәселе ретінде аналық бас ешкі мен бөдене шаруашылығын несиелендіру мәселелері де қозғалды.

Бұған қатысты А. Мырзахметовтың жауабы қысқа болды. Бұл тек Атырау өңіріне ғана тән мәселе емес. Осыған қатысты барлық аймақтардың сұраныстары қабылданып біткесін, сараланып, салмақтала келе, келер жылдан бастап ешкі және бөдене шаруашылықтары тиісті қолдау таппақ.

Мұндай жағымды жаңалықтарды естіп, әрі күрделі мәселелері бірден қисынын тапқан атыраулық ауыл шаруашылығы мамандары дәл осындай жаңа форматтағы отырыстардың ауқымды саланың ілгерілеуіне себеп болатынын атап өтісті.

Селектор соңында, А.Мырзахметов осында айтылған ұсынымдардың тағы бір талқыға түсетінін атап өтті және де жекелеген деректерден бөлек, жүйелік сипаттағы мәселелер бойынша бірқатар тапсырмалар берді.

Ақпарат көзі: strategy2050.kz

0
0
389

ІІМ шетелдiктер мен азаматтығы жоқ адамдарды қабылдау кезiнде заңнаманы бұзатын заңды және жеке тұлғаларды жауапкершiлiкке тартуды күшейтеді

Шетелдiктер мен азаматтығы жоқ адамдарды қабылдау кезiнде заңнаманы бұзатын заңды және жеке тұлғаларды жауапкершiлiкке тарту күшейтiлмек. Бұл норма Қазақстанға келетiн шетел азаматтарын бақылауды күшейту мақсатында енгiзiлiп отыр. Бұл туралы бүгiн Мәжiлiсте «Қазақстан Республикасының кейбiр заңнамалық актiлерiне экстремизмге және терроризмге қарсы iс-қимыл мәселелерi бойынша өзгерiстер мен толықтырулар енгiзу туралы» заң жобасының таныстырылымында ҚР Iшкi iстер министрiнiң орынбасары Рашид Жақыпов мәлiм еттi.

«Шетелдiктер мен азаматтығы жоқ адамдарды қабылдау кезiнде заңнаманы бұзатын заңды және жеке тұлғаларды жауапкершiлiкке тарту күшейтiлуде. Бұл норма Қазақстанға келетiн шетел азаматтарын бақылауды күшейту мақсатында енгiзiлiп отыр. Бұл мемлекеттiң ұлттық мүдделерiн қорғауды, сондай-ақ шетелдiктердiң бiздiң заңнамаларды сыйлауын қамтамасыз етедi», - дедi Р.Жақыпов.

Бұдан бөлек, қылмыс жасап, жазасын өтеген шетелдiктердi ел аумағынан шығару тетiгi тәртiпке келтiрiлмек. Шетел азаматы түрмеден шыққан соң, бiрден елден шығарылып, оған қайта келуге тыйым салынады.

Сондай-ақ, көшi-қон мәселесiн реттеу үшiн өзiмiздiң азаматтарға қатысты да бiрқатар өзгерiстер қарастырылған.

«Пәтерде тiркелмей және жеке куәлiксiз тұратын адамдарға салынатын айыппұлдың мөлшерiн арттыру көзделiп отыр. Сондай-ақ, тiркелмей тұруға болатын мерзiмдi бiр айға дейiн қысқарту көзделген. Заң бойынша кез келген азамат белгiлi бiр жерде 10 күн iшiнде тiркелуi тиiс.Сондай-ақ, меншiгiндегi үйiнде немесе ғимаратында азаматтар тiркеусiз тұрып жатқан адамдардың әкiмшiлiк жауапкершiлiгi енгiзiлiп отыр. Бұл «созылмалы» пәтерлер мәселесiн шешуге мүмкiндiк бередi. Қазiргi күнi бiр пәтерде 100-ден астам азамат тiркелген жағдайлар бар», - дедi вице-министр.

Айта кетейiк, комитет отырысына парламенттiк емес саяси партиялар мен қоғамдық бiрлестiктер, үкiметтiк емес ұйымдар, дiни конфессиялардың өкiлдерi мен сарапшылар шақырылып отыр.

Заң жобасы 2016 жылы 10 маусымда өткен Қауiпсiздiк кеңесiнiң отырысында Мемлекет басшысы берген тапсырмаларды орындау мақсатында әзiрлендi.

Ақпарат көзі: strategy2050.kz

0
0
372

Н.Назарбаев Иорданияға қазан айында барады

Иордания қазақстандық астықты жеткізу мен фармацевтика фабрикасын ашу және мұнай өңдеу компаниясын Хашимит королдігіне шақыруға мүдделі.

Аталған келiсiм ауыл шаруашылығы, фармацевтика, бизнес, қауiпсiздiк, стандарттау мен метрология, бiлiм-ғылым, денсаулық сақтау, мәдениет, қайта қалпына келетiн энергия, мұнай-газ саласындағы уағдаластықты қамтыған. Атап айтсақ, денсаулық сақтау бойынша фармацевтiк өнiмдер мен олардың тiркелiмi бойынша ақпарат алмасуға келiсiм жасалды. Бұл ретте, Қазақстан тарапы иордандық студенттерге медицина саласы бойынша бакалавриатта оқуға арнайы гранттар бөлу мәселесiн қарастыратын болады.

Елбасы Нұрсұлтан Назарбаев 2016 жылдың қазанында Иордания королдігіне ресми сапармен барады деп күтілуде. Сондай-ақ, ынтымақтастықты дамыту мақсатында бүгiн елордада қос елдiң өкiлдерi қатысатын бизнес-форум өтедi.

Атап өтсек, қос елдiң үкiметаралық комиссиясы Елбасы Нұрсұлтан Назарбаевтың Иордан Хашимит Корольдiгiне 2006 жылы жасаған ресми сапары барысында Иордан Королi Абдалла II бен Әл-Хусейнмен бiрлесiп, екi жақты келiсiм негiзiнде құрылған болатын және өзара дипломатиялық-iскер байланыстарды арттыру үшiн Iскерлiк кеңес жұмыс жасай бастады. Сол уақыттан берi екi мемлекеттiң арасындағв саяси, сауда-экономикалық және мәдени-гуманитарлық қарым-қатынастардың деңгейi жоғарылап, Мемлекет басшыларының бiрнеше кездесуi өттi.

Қазiргi таңда Иордания Қазақстанның Таяу Шығыс аймағындағы ең жақын әрi сенiмдi одақтастарының бiрi. Ауыл шаруашылығы, фармацевтика, энергетика, әскери-техникалық ынтымақтастық және туризм салалары елдер арасындағы әрекеттестiктiң негiзгi бағыттары болып белгiленген. Қазақстан мен Иордания арасындағы екiжақты сауда айналымы 2015 жылдың қорытындысы бойынша 806,5 мың АҚШ долларын құрады. Оның iшiнде қазақстандық экспорт 14,8 мың АҚШ долларын құрап, импорт 791,7 мың АҚШ доллары көлемiне жеттi.

Ақпарат көзі: strategy2050.kz

0
0
258

ІІМ Қаруды сақтау және пайдалану ережесiн бұзғаны үшін айыппұл құнын өсіреді

Соңғы үш жылда республикада азаматтық қару-жарақты алу, сақтау, пайдалану, тасымалдау, тiркеу және қайта тiркеу ережелерiн бұзған 45 800 адам анықталып, жауапкершiлiкке тартылды. Осылайша, заңды түрде қару алған азаматтардың әрбiр бесiншiсi жүйелi түрде ереже бұзады. Бұл туралы бүгiн Мәжiлiсте «Қазақстан Республикасының кейбiр заңнамалық актiлерiне экстремизмге және терроризмге қарсы iс-қимыл мәселелерi бойынша өзгерiстер мен толықтырулар енгiзу туралы» заң жобасының таныстырылымында ҚР Iшкi iстер министрiнiң орынбасары Рашид Жақыпов жеткiздi.

«Заң жобасында тегiс ұңғылы азаматтық қару-жарақ айналымы мен оны пайдалану ережелерiн бұзуға қатысты жауапкершiлiктi қатаңдатуға бағытталған өзгерiстер қарастырылған. Әкiмшiлiк құқық бұзушылықтар туралы кодексте азаматтық қызметтiк қару мен оның оқ-дәрiсiн сатып алу, сақтау, пайдалану және тасымалдау ережелерiн бұзуға қатысты қарастырылған жауапкершiлiк күшейтiледi», - дейдi вице-министр.

Оның айтуынша, қолданыстағы редакцияда айыппұл санкцияларының мөлшерi бар болғаны 5 айлық есептiк көрсеткiштi құрайды. Заң жобасында айыппұл мөлшерiн арттыру қарастырылып отыр.

«Айналымнан шығатын кез келген қару экстремистiк және террористiк топтар мен қылмыскерлердiң қолына түсуі мүмкiн. Соңғы үш жылда республикада азаматтық қару-жарақты алу, сақтау, пайдалану, тасымалдау, тiркеу және қайта тiркеу ережелерiн бұзған 45 800 адам анықталып, жауапкершiлiкке тартылды. Яғни, бұл қару ұстауға ресми рұқсаты бар 210 мың адамның iшiндегiлер. Демек, қару берiлген заңға бағынатын азаматтардың әрбiр бесiншiсi жүйелi түрде ереже бұзады. Қаруды пайдалану арқылы жасалған 1196 қылмыс тiркелдi. Осы кезеңде қару-жарақты дұрыс сақтамау және ережелердi бұзу салдарынан 1350 қару ұрланған. Бiздiң ойымызша, айыппұл мөлшерiн арттыру азаматтық және қызметтiк қару иелерiнiң құқықтық жауапкершiлiгiн арттырады, - дейдi Р. Жақыпов.

Айта кетейiк, комитет отырысына парламенттiк емес саяси партиялар мен қоғамдық бiрлестiктер, үкiметтiк емес ұйымдар, дiни конфессиялардың өкiлдерi мен сарапшылар шақырылып отыр.

Заң жобасы 2016 жылы 10 маусымда өткен Қауiпсiздiк кеңесiнiң отырысында Мемлекет басшысы берген тапсырмаларды орындау мақсатында әзiрлендi.

Ақпарат көзі: strategy2050.kz

0
0
864

Қазақстан Иорданиямен ауыл шаруашылығы саласындағы өз тәжірибесімен бөліседі

Иордания ауыл шаруашылығы саласында Қазақстанның тәжірибесін қабылдайтын болады, деп ҚР Премьер-Министрдің орынбасары, ҚР ауыл шаруашылық министрі Асқар Мырзахметов сауда-экономикалық және мәдени-гуманитарлық ынтымақтастық жөніндегі Қазақстан-Иордания үкіметаралық комиссиясының төртінші сессиясында мәлім етті.

«Бүгінгі күні Иордания Таяу Шығыстағы біздің еліміздің ең жақын және сенімді одақтастарының бірі болып табылады . Сонымен қатар, екі ел арасындағы сауда-экономикалық ынтымақтастықтың өзекті бағыттары ретінде фармацевтика, энергетика, ауыл шаруашылығы, әскери-техникалық ынтымақтастық және туризм анықталды»,-деді А. Мырзахметов.

Вице-премьердің айтуы бойынша, делегациялардың кездесі барысында сауда-экономикалық және инвестициялық мәселелер қарастырылды, сондай-ақ, ауыл шаруашылық саласы, стандарттау және метрология, білім және ғылым, денсаулық сақтау, мәдениет, мұнай-газ және энергетика, қауіпсіздік және шарттық - құқықтық база мәселелрі қарастырылды. Әрқайсысы бойынша нақты уағдаластыққа қол жеткізілді.

«Ауыл шаруашылық саласында Азық-түлік қауіпсіздігі бойынша Иорданияның тез арада Ислам Ұйымының мүше-мемлекетінің қатарына қосылу мәселесі талқыланды»,-деп толықтырды сөзін вице-премьер.

Сонымен қатар, тараптар ауыл шаруашылығы өнімдерінің сауда көлемін арттыру қажеттілігіне келісті,соның ішінде жарма және ет өнімдерін жеткізу бойынша да.

«Иордания ауыл шаруашылығы саласында Қазақстанның тәжірибесін қабылдайтын болады. Сонымен қатар, біз астықты, қойдың етін экспорттайтын боламыз. Біз осындай түрге мүдделіміз»,-деді А.Мырзахметов.

Айта кетейік, елдер арасында сауда көлемі 2015 жылы 806,5 мың АҚШ долларын құрады. Онымен қатар, қазақстандық экспорт 14,8 мың АҚШ долларын құрады, ал импорт 791,7 мың  көлемінде болды.

Ақпарат көзі: strategy2050.kz

0
0
370

Аудан әкімі сыбайлас жемқорлыққа қарсы марафонның басталғаны туралы хабарлады

А.ж. 7 қыркүйекте Егіндікөл ауданында  ҚР Мемлекеттік қызмет істері министрлігінің Ақмола облысы бойынша департаменті  бастамашылық еткен  «Адал жол – Честный путь» сыбайлас жемқорлыққа қарсы марафоны бастау алғаны туралы брифинг өтті.

Іс-шараға қатысушылардың алдында құттықтау сөзімен аудан әкімі                   Н. Төлепов сөйледі, ол жиналғандарға аудан әкімі аппаратының  ҚР 2015-2025 жылдарға арналған сыбайлас жемқорлыққа қарсы стратегиясын жүзеге асыру бойынша қолданып отырған шаралар туралы баяндады.

Сонымен қатар, брифингке қатысушылар Сыбайлас жемқолыққа қарсы марафон аясында 7-20 қыркүйек аралығында Егіндікөл ауданында өтетін іс-шаралар туралы таныстырылды.

Іс-шараға 21 адам қатысты.

     

Департамент госслужбы

0
0
442

«Әділдік – құқықтық қорғаудың басты өлшемі» тақырыбындағы дөңгелек үстел отырысы туралы баспасөз ақпараты (Астана қ., 2016 жылғы 8 қыркүйек)

Бүгін Жоғарғы Сотта «Әділдік – құқықтық қорғаудың басты өлшемі» жобасы таныстырылған дөңгелек үстел өтті. Жобаны Бас прокуратура мен Жоғарғы Сот Еуропалық Одақтың қолдауымен әзірледі.

http://prokuror.gov.kz/kaz/baspasoz/akparaty/dildik-kukyktyk-korgaudyn-basty-olshemi-takyrybyndagy-dongelek-ustel-otyrysy

0
0
420