Мазмұнға өту

Жаңа

Компания «DAS ERSTE HAUS» поздравляет всех с праздником — Құрбан айт !

Компания "DAS ERSTE HAUS" сердечно поздравляет всех со священным праздником - Құрбан айт ! Пусть Всевышний наградит Вас безграничной милостью и благодатью. Желаем счастья и благоденствия, мира и добра!


4
0
332

«Аттан, Қазақстан» қозғалысының жетекшісі Амантай қажы Асылбекке

 

Дүрліктіріп қаланы,

Дүрліктіріп даланы.

Аттандаған қажы үні

Құлағыңды жарады.

Қазақстан былай қап

Қажымыз, а, Құдайлап,

Америкаға айбынын

Танытқаны шын айғақ.

Сынаққа құмар пенделер,

Қажыдан үркіп сенделер...

Төсектерін ұлғайтты,

Тоқал құмар өңгелер.

Сан теректің басында,

Ізі қалды расында

Бірде ұқсап құйынға,

Бірде ұқсап жасынға.

Хақ мұсылман Алланың

Көрген басқа салғанын.

Қажы болсам дегенді

Қажыға алып барғанын.

Біледі жұрт  біледі,

Дархан неткен жүрегі.

Десе бірі, кейбірі

Ішегі қатып күледі.

 

Не десе жұрт о, десін,

Елемесін Елесін.

Амантай қажы дер едім,

Мен білетін Ұлы есім.

Сол қажымыз тағы да,

Президенттің тағына.

Өтініш алып беттеді,

Сүйенген тіл мен жағына.

Тілші үні жарып ауаны,

Сол сәтте – ақ хабар тарады.

Дауаламай тауаны,

Сынаққа түспей қажының,

Жалтырады табаны...

Не десеңдер о, деңдер,

Амантай қажы жарады.

Тамсандырар ұрпақты,

Артында аңыз қалады.

Жарады қажы жарады.

 

Сүлеймен Баязитов

 
0
0
4358

Қорғаныс министрі ҚР Карулы Күштері ардагерлерінің жетістіктерін атап өтті

ҚР Қорғаныс министрлігінде ұйым қызметінің 5 жылдығына орайластырылған ҚР Қорғаныс министрі Иманғали Тасмағамбетовтің қатысуымен «Қарулы Күштердің ардагерлері» атты республикалық қоғамдық бірлестігінің конференциясы өтті.

«Бірқатар бағыттар бойынша Қарулы Күштер мен Ұйымның бірлескен жұмысы – бұл сәтті серіктестіктің жарқын үлгісі. Қарулы Күштердің ардагерлері заңнамалық бастамаларыңызға қолдау көрсете отырып, еліміздің Парламентінде ұсынылған. Қорғаныс министрлігі өз тарапынан запасқа босатылатын әскери қызметшілердің әлеуметтік тұрғыдағы бейімделуіне белсенді ықпал етеді. Оған қорғаныс-өнеркәсібі кешенінің кәсіпорындарында пайда келтіріп жүрген көптеген ардагерлер, оның ішінде, бүгінгі конференцияға қатысып отырғандары -  соның куәсі. Запастағы генералдар мен полковниктерден құралған тікелей сарапшылар тобы қатысатын әскерлерді кенеттен тексеруді жүргізу барысында ардагерлердің мол тәжірибесі, кәсіпқойлығы мен жоғары біліктілігі сұранысқа ие», - деді қорғаныс ведомствосының басшысы  Иманғали Тасмағамбетов.

ҚР Қорғаныс министрі ардагерлерге ведомство қызметінің негізгі бағыттары, яғни, жауынгерлік, жедел және жұмылдыру аясындағы сапалық өзгерістер, әртүрлі ауқымда өткізілетін оқу-жаттығулар санының ұлғаюы, мемлекеттік қорғаныс тапсырысын  қалыптастырудың жаңа тетігін енгізу есебінен қайта жарақтандырылуы мен отандық ҚӨК даму, әскери инфрақұрылымның салынуы, полигондарды дамыту бағдарламасы, әскери білім беру жүйесін жетілдіру, сондай-ақ, Қарулы Күштер бөлімшелерінің Армия халықаралық ойындарына қатысуы туралы әңгімелеп берді, деп ведомствода хабарлайды.

Одан басқа, Қорғаныс министрі Қарулы Күштер мен жалпы елімізде болатын атаулы оқиғалар туралы атап өтті. «Үш айдан кейін барша ел Тәуелсіздігіміздің 25 жылдығын атап өтеді.

Командирлермен бірлесе отырып, ардагерлеріміздің әскери бөлімдерге баруын ұйымдастыру пайдалы болады деп ойлаймын. Өйткені, олардың біршамасы егемендік алғанымыздың алғашқы жылдарында қызмет етті және сол кезде не болғанын және бүгінде Елбасы – ҚР ҚК Жоғарғы Бас Қолбасшысы Нұрсұлтан Әбішлұы Назарбаевтың жетекшілік етуімен армиямыз қандай деңгейге шыққанын айтып бере алады. Сондай-ақ, бұл сабақтастық көзқарас тұрғысынан  маңызды. Себебі, әскерлерде Сіздерді біледі және ұмытпайды. Сіздердің басшылық етулеріңізбен көптеген қазіргі командирлер мен бастықтар қызмет атқарды. Ардагерлер қозғалысы келесі жылдың мамырында атап өтілетін Қазақстан Қарулы Күштерінің 25 жылдығын мерекелеуді дайындауға тартылуы тиіс», - деп Қорғаныс министрі атап өтті.

Ұйымдардың филиалдарына орындарда қорғаныс істері жөніндегі департаменттер және әскери-техникалық мектептермен, әсіресе, жастарға әскери-патриоттық тәрбие беру, салауатты өмір салтын ұстануға, әскери және азаматтық  борыштың жоғары сезіміне және т,б, баулу тұрғысында  мақсатқа бағытталған жұмыс жүргізу қажет. Одан қалса, бірлестіктің жұмысы армияның беделін арттыруға, даңқты әскери және жауынгерлік дәстүрлердің сақталуы мен көбеюіне, әскери қызметтің беделін көтеруге ықпал етуі тиіс.

Ақпарат көзі: strategy2050.kz

0
0
478

Қазақстанда роботты техника бойынша Халықаралық Олимпиадаға іріктеу басталды

Назарбаев Зияткерлік мектебі базасында роботты техника бойынша аймақтық кезең өтуде. Жеңімпаздар роботты техника бойынша Қазақстан құрамасының орнына бақ сынасады және олар біздің елімізді Үндістандағы World Robot Olympiad таныстыратын болады.

World Robot Olympiad (WRO)-бұл мектеп оқушылар мен студенттер үшін роботты техника бойынша халықаралық олимпиада. WRO 50-ден астам елде өтеді, сонымен қатар, 20 000-нан астам команда жыл сайын осы олиммпиадаға қатысады.

Жыл сайын қорытынды әр түрлі елдерде өтеді: 2013 жыл-Индонезия, Джакарта, 2014 жыл-Ресей, Сочи, 2015 жыл-Катар, Доха. Биыл WRO-ның қорытынды кезеңі қараша айында Үндістанның Нью Дели қаласында өтеді. Астанада іріктеу Назарбаев Зияткерлік мектебі Халықаралық Бакалавриатында өтеді.

«Бес командадан құралған 40 адам қатысады, оған жаттықтырушылары да кіреді: Назарбаев Зияткерлік мектебі Халықаралық Бакалавриаттың командасы, физика-математика бағытындағы Назарбаев Зияткерлік мектебі, «Роботек» клубы, «Шаг» академиясы, оқушылар сарайы. Олимпиада келесі категория бойынша өтеді: негізгі, кіші, шығармашылық санаты және футбол роботтар. Биыл олимпиаданың тақырыбы: қоқыстармен күрес. Бұл аймақтық кезең, бір айдан кейін роботты техниканың республикалық кезеңі болады. Жеңімпаздар Индияда құрама команданың ішінде Қазақстанды таныстыратын болады»,-деді : Назарбаев Зияткерлік мектебі Халықаралық Бакалавриаттың баспасөз хатшысы Жазира Асанова.

Мектеп оқушылар өз жұмыстарын таныстырды: қол түріндегі робот, олар адам үшін қоқыстарды тастайды және bletooth арқылы желіні ұстайды.

«Техникалық тапсырмаларды WRO комитеті тұжырымдайды және оның негізінде балалар робот жасайды. Бұл олимпиадада жеңімпаз атану үшін, оқушылар қиын техникалық шешімдерге жүгінуі тиіс және  қолданыстағы жобалауды қарастыру,өздерінің идеяларын ойластыру жұмыстары тұр.Қазақстанда жақында білім беру және спорттық роботты техника Федерациясы пайда болды және олар еліміздің 16 аймағында жарыс ұйымдастырды. Қазан айында астанада финал болады»,-деді «Роботек» роботты техника клубының директоры Михаил Малород.

Шілде айында Назарбаев зияткерлік мектебі базасында 16 қалада роботты техника бойынша курстар өтілді және ол жерде 3000-нан астам инфрпматика мұғалімдері болды.

Ақпарат көзі: strategy2050.kz

0
0
636

Берлинде ұлтаралық келісімнің қазақстандық үлгісі таныстырылды

Берлинде ҚР Сыртқы істер министрінің орынбасары Роман Василенконың, ГФР Ішкі істер министрлігінің Парламенттік статс-хатшысы Хартмут Кошиктің, Бундестаг депутаттары – Ішкі істер жөніндегі комитет мүшелері, ГФР СІМ мен ІІМ қызметкерлері, Конрад Аденауэр атындағы Қоры, тілшілері, сондай-ақ Германияның қоғамдық-саяси топтарының бірқатар өкілдерінің қатысуымен «Ұлтаралық келісімнің қазақстандық үлгі тәжірибесі» тақырыбына семинар өтті.

Іс-шара барысында Р. Василенко кездесудің қатысушыларын 1995 жылы ҚР Президенті Нұрсұлтан Назарбаевтың бастамасымен құрылған, мемлекеттің табысты экономикалық дамуы мен саяси тұрақтылығының берік негіздерінің бірі болған бірегей институт – Қазақстан халқы ассамблеясының қалыптасу тарихымен таныстырды. Қазақстандық дипломат қазіргі кезде бірнеше шет елдері аталған аядағы қазақстандық тәжірибені белсенді зерттеп жатқанын және қазақстандық тәжірибе атқарымдары біздің мемлекетпен 2017-2018 жылдары БҰҰ Қауіпсіздік Кеңесіндегі жұмыс барысында пайдаланылуы мүмкін екенін баса айтты, деп ҚР СІМ хабарлайды.

Өз кезегінде, Х. Кошик Қазақстан көп жағынан толерантты ұлтаралық саясатының арқасында Орталық Азияда «тұрақтылықтың зәкірі» болғанын атап өтті.

Неміс саясаткерінің сөзінен, Қазақстан мемлекет пен онда тұрып жатқан этностар арасындағы өзара қарым-қатынастарды табысты құру бойынша әлемнің көптеген елдері үшін жақсы мысал бола алады.

Жалпы алғанда,  семинарға қатысушылардың ортақ пікірінше, ҚХА құру Қазақстанға Тәуелсіздіктің таңында белгісіздіктің күрделі уақытын сәтті өтуіне мүмкіндік берді, бұл экономикалық реформаларды сәтті өткізумен бірге халықтың әл-ауқатының өсуіне және халықаралық аренада беделін ақтауға мүмкіндік берді.

Осы күні Р. Василенко Бундестаг депутаты – Орталық Азия-ГФР парламенттік тобының төрағасы Манфред Грундпен, Бундестаг депутаты – Еуропа Кеңесінің Парламент ассамблеясындағы неміс делегациясының басшысы Аксель Фишермен, ГФР СІМ Бас хатшысы Мигель Бергермен және Германия экономикасы Шығыс еуропалық ассоциациясының атқарушы директоры Уте Кохловски-Каджаймен екі жақты кездесулер өткізді. Келіссөздер күн тәртібінде ҚР мен ГФР арасындағы парламентаралық және сауда-экономикалық ынтымақтастықты нығайту мәселелері тұрды.

Берлинде болу барысында Р. Василенко сондай-ақ «Business & Diplomacy» неміс мамандандырылған журналына Астанада алдағы уақытта өтетін Әлем саммиті мәнмәтінде Қазақстанның антиядролық бастамаларын, қазақстандық-германдық екіжақты ынтымақтастықтың басымдылықтары, сонымен қатар Қазақстан Республикасында тұрып жатқан этностық немістердің мәселелері жөніндегі қазақстандық-германдық үкіметаралық комиссиясының  14-ші отырысы қарсаңында өткен жұмыс қорытындылары белгіленген сұхбат берді.

Ақпарат көзі: strategy2050.kz

0
0
527

Қазақстанның 300 мыңнан астам ата-аналары бір конференцияның қатысушылары болды

Қазақстанның барлық жалпы білім беретін мектептерінде бір мезгілде бірінші сынып оқушыларының ата-аналарына психологиялық-педагогикалық көмек бойынша республикалық ата-аналар конференциясы өтуде. Қазақстаның 357 мың ата-анасы осындай көлемді конференцияның қатысушылары болды.

«21 ғасырдың Қазақстандық ата-аналары» конференциясының басты қатысушылары балалары бірінші сыныпқа барған ата-аналар болды. Барлық Қазақстан бойынша 357 мың адам, олардың 20 мыңы – астаналық бірінші сынып оқушыларының ата-аналары.

«Іс-шара жыл сайын республиканың және Астананың барлық мектептерінде 2013 жылдан бастап өтеді. Конференция бірінші сыныпқа барған балалардың ата-аналарына психологиялық тұрғыда көмек көрсету үшін арналған. Оларды еліміздің әрбір мектебінде жинайды және бірыңғай сценари бойынша конференция өткізеді. Тәжірибелі психолоктар бейне материалдар мен түрлі материалдарды ата-аналар үшін таңдайды»,-деді №59 мектеп-лицей ғылыми-әдістемелік жұмыстар жөніндегі директордың орынбасары Алла Сертынбаева.

Отбасылық білім беру институтының Бас директоры Софя Евдокимованың айтуы бойынша, бірінші сынып оқушыларының ата-аналары мен үстаздар арасында кекілжін пайда болып қалуы мүмкін. Ал, аталмыш іс-шара ата-аналарды балаларды тәрбиелеуге бағыттайды.

«Бұл ата-аналар қауымдастығымен жаңа инновациялық жобасы болып табылады. Бала үйде болған кездері, оларға ата-аналары беделді болды. Ал, мектепке келген кездері беделдік ұстазға түседі. Осы кезде проблема туындайды – ата-аналардың қызғанышы. Отбасы ұстазды қабылдай білуі тиіс»,-деді С. Евдокимова.

Отбасылық білім беру институты конференция сценарийін әзірледі.

Суретке түсірген Шыңғыс Қаппаров

Ақпарат көзі: strategy2050.kz

0
0
455

20 млрд-тан астам қаржы республикалық бюджетке Жамбыл облысынан түсті

2016 жылдың 8 ай қорытындысы бойынша, мемлекеттік бюджеттің салықтар мен кеден төлемдері бойынша орындалуы 122,0 пайызды құрады, деп хабарлады облыс әкімдігі.

Болжам  – 38413,8 млн. теңге болса, нақты түсім 46862,2 млн. теңге, немесе 8448,4 млн.теңгеге артық түсті. Өткен  жылмен салыстырғанда түсім 5014,4 млн.теңгеге артқан, өсу қарқыны  - 112,0 пайыз - деп хабарлады спикер.

Республикалық бюджеттің болжамының  орындалуы 122,8 пайызды құрады немесе болжам  – 17017,6 млн. теңге болса, түсім 20891,9 млн. теңге, түсім 3874,3 млн.теңгеге артқан. Өткен  жылмен салыстырғанда түсім 6694,0 млн.теңгеге артқан, өсу қарқыны  - 147,1 пайыз. Оның ішінде:

Салық төлемдері бойынша болжамның орындалуы 115,6 пайызды құрады немесе түсім 1675,8 млн. теңгеге артты, яғни болжам 10740,0 млн. теңге болса, нақты түсім 12415,8 млн. теңге. Өткен  жылмен салыстырғанда түсім 3288,7 млн.теңгеге артқан, өсу қарқыны  - 136,0 пайыз.

Кеден төлемдері бойынша болжамның орындалуы 135,0 пайызды құрады немесе түсім 2198,6 млн. теңгеге артық, яғни болжам 6277,6 млн. теңге болса, нақты түсім 8476,2 млн. теңге. Өткен  жылмен салыстырғанда түсім 3405,3 млн.теңгеге артқан, өсу қарқыны  - 167,2 пайыз.

Жергілікті бюджеттің түсімі болжам бойынша 21396,2 млн. теңге, нақты түскені 25970,2 млн. теңге, яғни 4574,0 млн. теңгеге артқан немесе 121,4 пайызды құрады.

Облыстық бюджет бойынша орындалуы 129,8 пайызды құрады, болжам 10250,6  млн. теңге болса,  нақты түсім 13303,7 мың теңге немесе 3053,1 мың теңге артық,  өткен жылдың салыстырмалы кезеңімен салыстырғанда 1343,1 млн. теңгеге артық, өсу қарқыны 111,2 пайызды құрады.

Аудандық бюджет бойынша орындалуы 113,6 пайызды құрады, болжам 11145,6 млн. теңге болса,  нақты түсім 12666,5 мың теңге немесе 1520,9 мың теңге артық түскен.

Ақпарат көзі: strategy2050.kz

0
0
295

ҚР ДСӘДМ: Қазақстанда мақсат қойылған — өмір сүру ұзақтығын 80 жасқа дейін ұзарту

Қазақстандықтардың өмір сүру ұзақтығы 70,4 жасқа жетті, алдағы жылдары өте күрделі мақсат қойылды – орташа есеппен алғанда өмір сүру ұзақтығын 80 жасқа дейін .

ҚР ДСӘДМ мәліметі бойынша, Қазақстанда аналардың өлімі төмендегенін көрсетеді. Сәбидердің өлімі 2015 жылы  1000 тірі туғандарға шаққанда 10,0-ді құрады; өмір сүру ұзақтығы 70,4 жасқа жетті,  алдағы жылдары өте күрделі мақсат қойылды – орташа есеппен алғанда өмір сүру ұзақтығын 80 жасқа дейін .

Жыл сайын Қазақстанда 1 мыңнан астам сәби дүниеге келеді. Соңғы 10 жылда сәбидің дүниеге келуі 25 пайызға ұлғайды.

Айта кететін жайт, халықаралық деңгейде Қазақстан  толықтай тегін түрде балаларды вакцинамен қамтамасыз ететін мемлекеттік статусқа ие, соңғы 20 жылда қызылшамен ауру 291 есеге кеміді, «В» сары ауруымен ауру-135 есеге, дифтериямен-100есе, қызылшамен-25 есе, көкжөтел-20 есеге кеміді. Біздің еліміз 2002 жылдан бастап ДДҰ-мен сертификатталған.

2012 жылдан бастап есту қабілеті нашар балаларды арнайы қызметпен қамтамасыз етуде «Жол картасы» іске асырылуда.

Ұлттық отбасы күнін өткізуге орай, еліміздің барлық аймақтарындағы перзентханаларда және балалар ауруханаларының неонатология палаталарында жас отбасыларды салтанатты түрде құттықтау жоспарланған.

Сонымен қатар, келесі тақырыпта Салауатты мектептер жұмыстары ұйымдастырылады: Отбасын жоспарлау, жас аналар мектебі, босану мектеп дайындау. Жастар денсаулық орталықтары, еркектер денсаулығының орталықтары жұмыс істейтін болады.

Ақпарат көзі: strategy2050.kz

0
0
392

Тәуелсіздіктің 25 жылы ішінде Қазақстан беделді мемлекетке айналды – шетелдік сарапшылар

Тәуелсіздіктің 25 жылы ішінде Қазақстан жетістікке қол жеткізді, тұрақты және жоспарлы саясаты салыстыра тексерілген беделді мемлекетке, сондай-ақ сыртқы саясат басымдылықтары нақты орнатылған мемлекетке айналды. Бұл туралы Strategy2050.kz. АА материалында халықаралық сарапшылар айтты.

Қазақстан Республикасындағы Польша Республикасының Төтенше және өкілетті елшісі Мачей Ланг:

-Биыл Қазақстан Тәуелсіздігінің 25 жылдығын атап өтеміз және ол айтарлықтай күн болып табылады. Қазақстан 25 жаста. Мен ол құрылған күннен бастап бақыладым. Алғаш рет Қазақстанға 1996 жылы келдім. Осы жалдан бастап олар көптеген жетістіктерге қол жеткізді.

Шанхай ынтымақтастық ұйымының Бас хатшысы Рашид Әлімов:

-Тәуелсіздіктің 25 жылы ішінде Қазақстан жетістікке қол жеткізді, тұрақты және жоспарлы саясаты салыстыра тексерілген беделді мемлекетке, сондай-ақ сыртқы саясат басымдылықтары нақты орнатылған мемлекетке айналды.

Қазақстан Республикасындағы Армения Республикасының өкілетті және төтенше елшісі Ара Саакян:

-Көптеген елдер Қазақстанды тануда және оларды әлемдік саясатта негізгі ойыншы ретінде қабылдайды. Оған мысал ретінде, Қазақстанның БҰҰ тұрақты емес мүшесі болып сайлануы.

Қазақстан Республикасындағы Ресей Федерациясының Төтенше және өкілетті елшісі Михаил Бочарников:

-Қазір Қазақстанда маңызды оқиғалар өтуде. Мен елші ретінде Қазақстанның БҰҰ тұрақты емес мүшесіне сайлануында, Қазақстанның кандидатурасы айтарлықтай артықшылық көрсететіндігін атап өткім келеді.

Будапештегі Корвинус Университет халықаралық қатынастар мектебінің докторы  Михай Аладар Добрович (Венгрия):

-Тәуелсіздіктің 25 жылдығында Қазақстан үлкен жетістіктерге қол жеткізді. Өйткені Тәуелсіздік тек сөзбен ғана емес, ол нақты іспен көрсетілді. Қазақстан халықаралық қауымдастықта құрметті және маңызды мүшесі болады.

Азия зерттеулер институтының директоры, Варшава қ. Шығыс Еуропа зерттеулер институтының аға үйлестірушісі Владыслав Соколовски (Польша):

-Қазақстан 25 жыл ішінде көптеген нәрсеге қол жеткізді, біріншіден, бұл экономикалық даму. Екіншіден – бұл тұрақтылық. Айта кететін жайт, Қазақстан – дипломатиялық ел.

Ақпарат көзі: strategy2050.kz

0
0
380

Батыс Қазақстанда 180 отбасы қоныс тойын тойлады

Зашаған кентінде Қала күні мерекесіне орай Қазақстан Республикасының Тəуелсіздігінің 25 жылдық торқалы тойының аясында əрқайсысы 90 пəтерлік бес қабатты қос үй – барлығы 180 пəтер пайдалануға берілді, деп хабарлады облыс әкімдігі.

“Нұрлы жол” инфрақұрылымды дамыту жəне “Өңірлерді дамыту-2020” мемлекеттік бағдарламалары бойынша “СВ плюс” ЖШС (С.Өтебалиев) салған екі бөлмелі 90 пəтерге “Жас отау” бағдарламасы бойынша жас отбасылар қоныстанса, “Алтим” (Г.Стародубцев) ЖШС құрылысын жүргізген 30 бір бөлмелі, 30 екі бөлмелі, 30 үш бөлмелі сыңғырлаған жаңа 90 пəтерге тұрғын үй кезегінде тұрған отбасылар мен “Тұрғын үй құрылыс жинақ банкінің” салымшылары қол жеткізді.

Жаңа қоныс иелерінің қуанышын бөлісіп, құтты болсын айта келген облыс басшысы Алтай Көлгінов жиналғандарды Қала күні мерекесімен жəне ел Тəуелсіздігінің 25 жылдық тойымен құттықтап, пəтер кілттерін салтанатты түрде табыс етті.

Айта кетейік, 2010-2015 жылдар аралығында Орал қаласында мемлекеттік бағдарлама шеңберінде жалпы ауданы 155,41 мың шаршы метр болатын 26 тұрғын үй салынды. Соның ішінде 8 үй кезектегі адамдар үшін және 18 үй «ТұрғынүйҚұрылысЖинақБанкісі» АҚ салымшылары үшін. Барлығы 2732 пәтер.

2016 жылы мемлекеттік бағдарламаның барлық бағыттары бойынша қала бойынша 2066 пәтерді құрайтын 20 үйдің құрылысы жүргізілуде, соның ішінде 7 тұрғын үй 2017 жылы аяқтау жоспарланған

2016 жылы жалпы сомасы 10 млрд теңгеге жалпы ауданы- 81.77 мың шаршы метрді құрайтын 13 тұрғын үй тапсыру және қоныстандыру жоспарланған, бұл рекордты көрсеткіш, соның ішінде «Нұрлы жол» бағдарламасы шеңберінде 9 тұрғын үй тапсырылады. Соның арқасында кезекте тұрған 986 азамат пәтермен қамтамасыз етіледі.

Жалпы 2016 жылы 1427 пәтер тапсыру жоспарланған. Бұл өз кезегінде Орал қаласының 5 мың тұрғынын баспанамен қамтамасыз етуге мүмкіндік береді. Соның ішінде Тұрғын үй жинақ банкінің салымшылары үшін – 3 үй, 306 пәтер; жас отбасылар үшін – 2 үй, 180 пәтер; кезектегі адамдар үшін – 1 үй, 180 пәтер; «НУХ «Байтерек» АҚ бағдарламасы аясында (кезектегі адамдар үшін) – 6 үй, 617 пәтер; мемлекеттік – жекеменшік серіктестігі бағдарламасы аясында (апатты үйлер) – 1 үй, 90 пәтер қарастырылған.

Ақпарат көзі: strategy2050.kz

0
0
415